🌙رمضان_يجمعنا 🌙
🍁🌾حبہــــــر _العہــــــــون🌾🍁
🤍نہـــــــــوا يہــــــــــآ🤍
❌⛔ ممنوع النقل ⛔❌
بقلمي: zaineb_mer
#حبہــــــر_العہــــــــون
الحہلقہة 12:
#عند_حنان...
قاعدة تقسم في تفاح وتحطلو في فمو وهو يمضغ بهذوك سنين صغار... حال فمو على صور متحركة... يهز في يديه يحب يحكمهم... قربت شفافها بساتو على خدو تقرص فيه...
حنان: اوو على ولدي زين...
ادهم: لا مث اثمي ذين...
حنان: هههههه يايما على هذيك لهدرة لحلوة ارواح لهنا ارواح... نمشمشو هذاك اللسان الي يحكي...
سعاد: ههههه اهرب اهرب ارواح عند ميما اليوم تاكلك
هبط يجري دخل في حضن جداتو يضحك متخبي من حنان يطل عليها من تحت لتحت...
حنان: ههههه يا وحيد هارب من ماما زعمة مانحكمكش...
سعاد: ولدي هذا قال تحكمو قال... هبطت حطت شفافها على رقبتو تبوس وتهارش فيه... وهو عامل حالة بضحك...
حنان: ههههه تستاهل هربت مني هاك طحت في الي تمرمدك...
ادهم: هااا هااا خلاث غلبث خلاث....
سعاد: وش بنين ولدي هذا...(باستو على راسو وقرباتو ليها محضناتو تشوف مع حنان..) من جاء ادهم دارت رجعت فيها روح...
تنهدت شافت مع امها: ايه...
سعاد: بنتي لعزيزة انسايها لحكاية... شوفي لولدك وفرحتو خليك من الي فات والي صرا...
حنان: بصح ناس ماترحمش خالتي ...
سعاد: الي يحكي خلي يحكي ياك مش انت الي عملتي عملتو كل واحد يتحاسب على الي عملو... وربك مع المليح يدبر...
حنان:سبحانو كريم...
سعاد: وين راهم خاوتك واحد لا جاء على لعشاء...
حنان: علمي علمك خالتي ... لكان على انفال في بيتها هازة هذاك تلفون...
سعاد: نهار من نهارات تعمى هذيك طفلة مانعرف لمن جات متمردة كما هك...
حنان: راهي كيفها كيف اليفي جيلها ماتقلقيش روحك برك..
سعاد: نشوف اخرتها وين راح توصل...
حنان: بربي اصلها يجبدها مش راح تغلط...
اسعاد: إن شاءلله... ايه مش راح تحكيلي ابراهيم شبيه اليوم...
حنان وقفت هزت ولدها الي رقد في حجرها...
حنان: بإسم الله نحطو في بلاصتو ونرجع...
سعاد: سايسيه وليدك بالعقل عليه...
عدات حطاتو في بلاصتو حطت عليه لغطى وهبط مسحت على شعرو وبستو... شعلت فيوز وخرجت بعدما خلات الباب مشقوق باه تسمعو الا ناض ورجعت حدى امها...
حنان: عاد يتعبني بزاااف كبر...
سعاد.: درك يكبر ويرجع يفهم اكثر تتهناي من جري وراه...
حنان: إن شاءلله... هو درك ماقفلش 3 سنين ويسقسي على باباه...
سعاد: تهنى منو الله لا تربحو إن شاءلله...
حنان: ماتدعيش ماما خليه لمولاه هو يتولاه....
سعاد: ايه وابرا...(دخل براهيم نفض روحو على لفوتاي ) ياعمرك طويل سبحان الله...
ابراهيم: خير إن شاءلله...
سعاد: كنت راح نسقي عليك هذا ما كان... تعشيتي؟
إبراهيم: لا مش قادر تعبان نحب نعمل دوش ونرقد...
حنان: خير خويا حاجة توجع فيك؟
إبراهيم (يتمتم): قلبي...
سعاد: قلتي حاجة ماسمعتكش؟
إبراهيم: لا تعب من طريق برك... ايه إسحاق يسلم عليكم...
حنان: اسحاق!!!
سعاد: وين تلاقتيه؟
إبراهيم: انا رحتلو كانت عندي هدرة معاه...
سعاد: إن شاءلله خير...
إبراهيم: يارب تكون خير...
حنان: عملتها؟
حركلها راسو متبسم... عدل قعدتو يسقسي...
إبراهيم: بابا وين؟ نحب نخبرو بحاجة...
سعاد: صلى العشاء وتكى في بلاصتو يتفرج في tv...
ابراهيم: مالا نخبركم انتم وغدوة نخبرو هو...
حنان: هيا انطق غلبتني...
حك لحيتو وركز شوفتو مع سعاد...
إبراهيم: رحت خطبت اخت اسحاق...
سعاد: يانهار المبروك يافرحتي بولدي... ارواح لهنا ارواح... واخيرا راح نتهنى عليك ونفرح بولادك...
إبراهيم: ههههه ماحطيتكش راح تفرحي هذا الكل...
حنان: مبروك خويا طفلة عسل وراح تهنيك...
سعاد: يااا على نهار المبروك انت بنات كمال الكل مشاء الله دين واخلاق ماعندي مانقول فيهم...
إبراهيم: هيا الحمد لله الي رضيتي على خياري.... قلت اكيد تقوليلي مانحبش من دوار...
حنان: علاه من دوار ماتزوجش... انت طفلة شطارتها تغرقنا الكل كلامها ولسانها لحلو
إبراهيم: إن شاءلله تكون من قسمي يارب... خوها قال نشاور نتع دار ويرجعلي لخبر...
سعاد: علاه بنت حليمة تلقى كما ولدي قراية ورباية ومستوى وتقول لا...
إبراهيم: ايه إن شاءلله ماتقولش لا...
حنان: إن شاءلله...
سعاد: ااااه ياوليدي وش فرحني لخبر هذا... والله وتكتبلك رحمة نعمل عرس سبع ايام وسبع اليالي...
شاف مع اختو من بعد شاف معاها... شيء الي خلاهم ينطقو لزوج فرد وقت....
إبراهيم وحنان: رحمة؟
#يتبع...
