📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 42:
#توبة
حليمة: قتلك مانسحق حتى حاجة من يدك...
توبة: يأمي يالغالية علاه هك... شكون راح يقوم بيك من غيري...
حليمة: انا قتلك مانحب حتى حاجة منك ...
توبة: هذا كل تحبيني نقبل؟
حليمة: ايه نحبك تقبلي... ماعدتش نتحمل نشوف دموعك... يكفي الي فات عليك...
توبة: وعد ماعدتش نبكي انت كولي حتى شوي وانا خلاص نرجع كما تحبي... ناخد حقي وقت يكون عندي حق...
حليمة: محسوب مانعرفكش...
توبة: باهي امي كما تحبي...
حليمة: مافهمتش؟
توبة: اعملي الي تشوفيه يخرج عليا...
حليمة: يعني قابلة؟
•حركتلها راسها...
حليمة: يعني نزغرط...
توبة: لا مش وقتها...
حليمة: سامحيني عوام وانا نستى في فرحك....(حملتها بزغاريت على قد جهدها الضعيف )
توبة: يدوم فرحك امي... فرحتك عندي بدنيا الكل...
حليمة: ارواحي لهنا (فتحتلها يديها خلاتها تحضنها ) طول عمرك مرضية... يارب يفرحك ونشوفك بولادك وفرحانة وزاهية...
توبة: امين يارب...(بعدت عليها تحكي ) بصح بشرط
حليمة: اشرطي ابنتي اشرطي...
توبة: اول حاجة نسكن قريبة منك... وثاني حاجة مانحبش عرس...
حليمة: علاه ابنتيماتعمليش عرس هاربة ولا عاملة عملة...
توبة: هذا شرطي امي قبل مليح ماقبلش ربي يسهل عليه في بلاصة خلاف...
حليمة: ربي يهديك بنتي فرحة مرة في العمر... راح تندمي عليه...
وقفت وقربت لطاقة تطل عليها...
توبة: مانحبش ومش راح نندم...
اسحاق: على وش اختي تندم وانا حي...
حليمة: يااااا وليدي فرحتي اليوم مانمدهاش لحد...
توبة: امييييي...
اسحاق: فرحوني معاكم...
حليمة: توبة قبلت تزوج...
بقى ساكت مادار حتى ردت فعل من غير كلمة مبروك...ومن بعد هبط راسو وعينيه دمعو...
اسحاق: يعني راح تخلينا الغالية وتروح لدار راجلها...
حطت يديها على يديه...
حليمة: ماتحبش تتهنى على اختك...
اسحاق: راهي مومو عينيا الي نشوف بيه... كيفاه ندور في دار هذي من غير ماتدور هي فيها...
توبة: قتلك امي كلكم تحتاجوني لهنا... خليني معاك
اسحاق: لا يالغالية ماحكيتش هك باه انت تبقي معانا... راهو هناك من هنانا... نحب نشوف اختي عروسة وفاتحة دار... وزيد ابراهيم راجل وسيد رجال... متاكد راح يهنيك ويحطك في عينيه...
خرجت تجري من بيت امها ودخلت لبيتها... بكات حتى نشفت عينيها... تمدت على فراشها تشوف مع سقف... هزت تلفونها وحطت رقمها...
توبة: رحمة اختي
رحمة: توبتي شبيه صوتك..
توبة: راح نزوج...
رحمة: كيفاااه؟
توبة: ايه نحتاجك معايا اختي نحب نحس بالأمان معاك...
رحمة: وش صرا ومن وقتاه خرجت زواجة هذي علاه انا اخر من يعلم...
توبة: كنت رافضة...
رحمة: وكيفاه قبلتي؟
توبة: أمي هي الي حتمت عليا...
رحمة: اييييه فرحتلك يروحي تستاهلي والله لازم تخرجي من قوقعة هذيك...
توبة: تقدري تجي؟
رحمة: اكيييييييد يلعن بو لقرايا قدام فرح اختي...
توبة: نحبك امهبولتي...
رحمة: وانا نعشق فيك ... بصح شكون راح يسرقلي نصي ثاني...
توبة: إبرهيم...
رحمة: براهيم خو حنان؟
توبة: ايه
رحمة: سبحان الله المكتوب دار دار ورجع عندك...
#يتبع
