🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 86:
#المطعم
حاطة هم قلبها في خلطة جنواز... نفحتلها على ميني تارت صغيرة... واقفة تطل عليها...
بية: مزالها سخطة لا طابت تشهيتها راهو...
مليكة: اصبري شوي دايما نارك شاعلة...
بية: نحب ناكل منها قبل لا نخرج... وعدت ميرو نعملو دورة خفيفة نتفرهد شوي ... تخنقت راهو وانا بين اربع حيوط...
خرجت جناوز من فرن وحطتها على بوطاجي لتم...
مليك: كلنا تغمينا لهنا... اخرجي حبيبتي على الاقل وحدة فينا تزهى شوي...
قربت نحاتلها من يديها وحكمتهم..
بية: اش قولك نخرجو كلنا مع بعضنا... مني نتونس بيك ومنها تتفرهد انت ثاني ... زيد اليوم عطلة مطعم مسكر اش تعمل هوني وحدك...
رجعت جبدت سيرو الي تحطو فوق قاطو...
مليكة: نلقى راحتي وقت نتفنن ونخرج تحفة كما الي راح نخرجها درك... وش يهمك فيا انت اخرجي وخليك مني... عندك مروان راه يقوم بالواجب واكثر...
بية: مروان وحدو مايكفيش ملوكتي نحب عليك انت معايا...
مليكة: قلو يجيب صاحبو الي هابلة عليه دوك تزهالك...
بية: مايقدرش يجي...
مليكة: امم علاه شبيه...
بية: توفت امو...
شافت معاها بحسرة ونطقت...
مليكة: ربي يرحمها صعيب فقدان الام...
بية: نعرف قطعة منك راهو سي نرمال تقلقك لحكاية وبرشا زادة ... اما انا نشوف فيك مش مهتمة لامك حتى طرف... تمتع بيها مادامك بحداها وقريبة منك...
مليكة: شكون قريبة مني امي ماتت نهار مات بابا...
بية: باهي حبي نحي من يدك... وزيد نحي المريول زادة... اهاا هك احسن... الحلو نكملوه وقت نرجعو... وحكاية طا مريم ماعدناش نجبدوها باهيشي هكا...
تبسمت على هبالها هزت ساكها وخرجت معاها بعدما قفلو المطعم... خرجو تمشاو على الكرنيش نسمة دافية تلعب بشعراتهم لزوج...
بية: مروان يطلب خلي نقلو ونا بلاصة...
مروان: علاه عاملاتو تلفون كي ماتهزش... وينك؟
بية: مشمشتني راك تنفس ساعة عاد احكي...
مروان: اخخخ وكون جيتي قدامي لسانك نقصو...
بية: تفرح بيه بنين برشا...
مروان: اني شفتك يا هم بصح شكون الي معاك؟
بية: ايجا توا تشوف...
وقف مقابلها سلم عليهم لزوج وحكم في يدين بية... يوشوش في وذنها...
مروان: توحشتك...
مليكة: انا نمشي قبلك راح نقعد على هذاك الكرسي...
بية: باهي الي يساعدك وخيتي...
مليكة: رد بالك على اختي تغلط فيها نعاودلك العملة نتع المرة الي
مرة الي فاتت
هز يديه يضحك: لاااا حرمت ناكل من عندكم خلاص...
مليكة: هههه غلطة صرات مرة ماتتعاودش إن شاءالله... هيا نخليكم...
مروان وبية: بسلامة...
بية: مالا ماعدتش تاكل من عندنا؟
مروان: وانا يجي مانكلش من عند لعسل هذا...
بية: باهي برشا حسبت مزال ماخو في خاطرك...
مروان:: لا ساعة فرحان وشايخ مع احلى نوراة ياسمين جابهالي ربي من تونس...
بية: راح تصعب عليا مرواح لبلادي ..
مروان: مستحيل نخلي زينة هذي تروح... ارواحي نقعد نحب نسقسيك
بية: اممم باهي
(صونا تلفونو )...
#يتبع
