#الحہلقہة_126:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
وقفت متكي على طموبيل... طلعت راسي لدارها... بعد الي صرالي اليوم حبيت نشوفها توحشت تفاصيلها... دلالها حبها وتملكها هذا كل وين راح... هزيت تلفوني جبدت صورها نشوف معاها... تفكرت كل صورة وين عملنها والمناسبة الي عملناها فيها... كل وعد وعدتهولي قبل لا نزوجو... كل كلمة حلوة قالتها... وكل دمعة غيرة هبطت من عينيها... تنهدت وقت تفكرت هدرت ابراهيم...
🔙🔙🔙🔙🔙
ابراهيم: علاه ماتعطيش لروحك فرصة مع غيرها...
اكرم: نحبها ماقدرتش نتخيل مراة اخرى تدور في داري بخلافها...
ابراهيم: اما هك راك قاعد تضيع في حياتك... وزيد طفلة صغيرة جاتك واعترفتلك انها تحبك... ماحسيت حتى حاجة معاها؟...
اكرم؛: نكذب عليك كان ڨتلك ماحسيتش... اما مش فاهم روحي وزيدها صغيرة كما قلت....
ابراهيم: مكانش اما مرتك مش راح ترجعلك شوف قداه عام حاولت معاها... وانت قلتها بعضمةلسانك انها تبخر بريحتك ومستحيل تسامحك...
اكرم: والله مافهمت اما رحمة وجرأتها خوفوني منها... تعرف وش نحب انا في نساء...
ابراهيم: علاه تحكم على لكتاب من عنوانو... حاول اكرم خويا مدام لقيت الي تحبك... وزيد مش عيب لمراة هي الي تبادر في العلاقة وتقلك نحبك...
اكرم: والله مانعرف مزال مش فاهم روحي...
ابراهيم: انا نخليك نطلع للمكت نطل عليه وانت خمم في هدرتي...
🔚🔚🔚🔚🔚🔚
فقت على تلفون الي يصوني... تحيرت وقت لقيتو ابراهيم... هزيت عليه وزاد حيرني وقت قالي ارواح لعند يما... طلعت راسي مرة اخرى لدارهم وعدلت وقفتي...ركبت وقلعت من لتم... طول لدار طلعت لعندهم... دخلت لصالة لقيت امي وابراهيم قاعدين... حطيت لمفتاح فوق طاولة وقعدت هزيت كاس ماء شربتو...
اكرم: خير وش كاين؟
ابراهيم: خالتي معليه تخبري توبة ورحمة بالي جاء اكرم يعملو حسابهم...
اكرم: مرتك لهنا؟
ابراهيم: خالتي سامحيني رايح نتعبك معايا...
كريمة:مكان حتى تعب ولدي...
شفت مع يما الي حركتلي راسها باه نلحقها...
اكرم: دقيقة نغسل ونجيك ...
ابراهيم: اقعد نحكو صح ومن بعد اغسل...
اكرم: مش هارب دوك نجي...
خرجت يما وشف معاه...
اكرم: شبيك وش كاين علاه جيت اليوم عند كريمة...
ابراهيم: رحمة اخت توبة توام...
اكرم: كيفاه؟
ابراهيم: كما سمعت نحب نسقسيك حاجة ونتمنى تجاوبني...
اكرم: ماعملت لطفلة حتى شيء...
عقدت حواجبي مش فاهم على وش يحكي
اكرم: مافهمتش؟
ابراهيم: ماتستغبانيش اكرم... مش رحمة نفسها الي جاتك للبيرو والي قتلي نحب نلعب كما هي حابة تلعب... مش نفسها الي كنت تحكيلي عليها من ساعلت قليلة؟
اكرم: ايه هي
ابراهيم: ايه ماعملتلها حتى حاجة ؟
اكرم: علاه ماتعرفنيش حتى تحكي هك... نهار قربت لوحدة في لحرام؟
ابراهيم: سقسيتك نحب نتهنى عليها حالتها تقول حاجة كبيرة صراتلها...
اكرم: رايح نعمل روحي ماسمعتش شيء الي حكيتو لانو ماتةقعتوش منك ...(وقف نار شاعلة فيه ) نغسل ونجي...
#يتبــــــــع
