🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 83:
متكي على الحيط الي رايح والي جاي يشوف معايا... مش هاممني اما سؤال واحد جاء البالي... علاه نهار عرسي مرتي تبكي علاه في عوض ماراني حاكم يديها فرحانين على شط لبحر محتفلين بعرسنا... واقف لهنا في سبيطار حفيان نستنى في خبر منهم... وقف عدل روحي وحك شعرو من لوراء...
ابراهيم: مرتي لباس؟
حكيمة: لباس الحمد احسن ... عملنالها ابرة مسكنة... شوي وتفيق...
ابراهيم:مافهمتش علاه داخت...لبارح كان عرسنا واليوم وقت سمعت خبر وفاة امها هسترت بالعياط وطاحت...
حكيمة: الله يرحمها شيء طبيعي تكون هك ردت فعلها... بعد صدمة صرالها الإغماء الوعائي المبهم syncope
ابراهيم:مافهمتش؟
ح:وقت جسمها تعرض لإضطراب عاطفي كبير...فالدوخة الي صرات من مبالغة الجسم في رد فعله....
وقتها انخفضت سرعة ضربات القلب وضغط الدم بشكل مفاجئ.... وهذا شيء إلى حفز على انخفاض معدل تدفق الدم لراسها ... وخلاها تفقد وعيها بصح لفترة وجيزة...
ابراهيم: يعني راح ترجع احسن وماتزيدش ترجعلها ولا تحتاج لدواء؟
ح: شوف عموما syncope مايضرش ولا يستحق دواء... اما وهك راح نكتبلك على تحليلات باه تتاكد من سلامتها...
ابراهيم: يعطيك صحة حكيمة...
ح: من غير مزية اما نوصيك... انت هو العامل الاساسي الي يخليها تفوت مرحلة هذي... بيدك ياتقطعها طريق ياتغرقها في ظلمة الي راح تعيشها فترة هذي...
تنهد جبد نفس كبير: إن شاءلله خير... نقدر ندخللها؟
ح: نن معاها نساء اخرين في نفس صالة... وقت يكمل سيروم فرملية تعاونها وتخرجهالك...
ابراهيم: شكرا
تلفونات داخلة وخارجة خاوتها كل 10 د يطلبو... ماعرفتشنهز ولا نخبرهم الي فيهم يكفيهم... زربت في خطواتي رحت حكمتها وقت خرجت مع الفرملية.... شافت معايا عينيها حمر مدبالين بسيف تفتح فيهم... حاطة كمامة مغطية وجها وش عزت بيا... حتى في اقصى قمت الحزن مزالها متمسكة بإلتزامها... حطت راسها على كتفي ورصت على يدي... تمشيت بيها حتى وصلنا لطموبيل ركبتها ورجعت لجيهتي كانت مرجعة راسها لوراء
ابراهيم: توبتي لباس؟ احسن درك
توبة: قلبي يوجع برك لدرجة انت ماتقدرش تحس بيها...
ابراهيم: ادعيلها برحمة هذا احسن شيء تعمليه ماتخليش مشاعرك تتحكم فيك وكانو تعترضي على حكم ربي... الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ}(7).
توبة: ان لله وإن إليه راجعون...استغر الله واتوب اليه...
ابراهيم:نحب توبتي اقوى اوكي؟
توبة: نحب نروح نشوفها ابراهيم...
ابراهيم: اكيد رايحين اما نفوتو لدار بدلي حوايجك وانا نلبس سباطي شوفي خرجتيني حفيان...
تبسمت من غير وعي طلعت عينيها شافت معاه...
توبة: امي الي ماتت مزالني نحس في روحي نوم... مش قادرة نستوعب... نتمنى ماتكتبش عليا سيئة لانو اعترضت على حكمو... وانا عبد ضعيف وكانو إيمان ضعيف...
ابراهيم: روحي صلي ركعتين ادعيلها فيهم و نروحو تودعيها... حركتلو راسها ودورت وجها لطريق تشوف معاها... نشوف غير في دموعها المتمردة هابطة تمسح فيها بيديها...
#يتبع
