🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 69:
#سبيطار
طلعت تجري وقف بحداه تلهت وهي تسقسي فيه ...
توبة: خير خويا كشما صرا...
ابراهيم: غير الخير اسحاق...
اسحاق: عيطولي قالولي انتكست حالتها تدهورت حالتها وعمللها نزيف حاد... قريب دخلت غيبوبة...
توبة: لا حول ولا قوة الابالله... ودرك وش حوالها...
سليمة: والله ماتشكري بنتي راهي غير راقدة وجها رجع اخضر... هذا وين زادولها دم...
توبة: ياستار يارب...
ابراهيم: اسحاق نوصل حنان ولدها يبكي عليها ونرجع مانطولش...
اسحاق: يكثر خيرك وسامحني في شقوتك... غير مكلاه تزيد تعب روحك...
ابراهيم: ربي يهديك...
هبط ابراهيم شيعاتو بعينيها... من بعد دارت لاسحاق وقت حكى...
اسحاق: توبة ادخلي انت بدليلها خالتي سليمة مرأة كبيرة ماتقدرش على ثقلها... هذو حوايجها...
توبة: حاضر خويا مايكون غير خاطرك...
مدلها كابة وهدر مع لاجون الي برا تفوت ليها تبدللها برك... نصف ساعة وخرجت لقاتو واقف يستنى هو وسليمة ولحق رياض اكيد وقت دخلت لعند سوسن ... هبطت عينيها ووقفت بعيدة حتى قرب منها اسحاق ...
توبة: لباس خويا متاكدة راح ترجع خير من قبل...
اسحاق: إن شاءلله... شبيك مقلقة كشما مخبية عليا...
توبة: علاه نخبي عليك والله غير سوسن بخير وسقسيت طبيبة قالت احسن من قبل...
اسحاق: مافهمتش وش صرالها وقت ظهر كانت بخير والحمد الله... في سعتين تبدل كل شيء...
توبة: قدر الله ماشاء فعل...
مسح على وجهو اسحاق سبحانو...
توبة: هيثم وين خليتيه...
اسحاق: عند امي هي هناتني عليه...
وجها زراق توبة: وامي تقدر على روحها حتى تقدر تحكم بيبي...
اسحاق: مكانش حل اخر...
توبة : بما انو طمنا على سوسن...نروح برك البيبي وماما وحدهم والليل طاح مانجمش نخليها أكثر من هكاا
اسحاق : كلامك صحيح انا راح نبقى مع سوسن الليلة
تلفت لرياض ونسيبتو أنتم ثاني ماعندكش علاش تبقاو سوسن ماهيش باش تفيق الليلة روحوو ارتاحو وغدوة ربي يعمل خير واي شيء نخبركم
سليمة: لا مانجمش اكيد باش تحتاجني بنتي
اسحاق : يا خالتي أنا راني معاها انتي روحي ارتاح شوفي وجهك كيفاش اصفر من قبيل وانتي واقفة على رجليك راك مريضة
سلمت امرها لربي وقامت جيهة ولدها
اذا ممكن تروحو بتوبة في طريقكم
رياض: اكيد علاش لا مش مشكلة رانا في نفس الطريق
توبة: ضرب في مخها ابراهيم وتفكرت كلام ليهااا اااا اما مكانش عندها حل آخر لازم تروح لأمها ...سلمت على خوها وتبعتهم تمشي بتوتر حاطة وجها في الأرض خرجو قدام بابا ااسبيطار ورياض مشى يجيب في الطنوبيل أول ما حبس عندهم ركبت سليمة من قدام وتلفت لتوبة
سليمة: اطلع يابنتي شبيك تخمم
توبة: لا حتى شيء ..اول ماحطت يدها على الباب باش تفتحوو جمدت على اليد لي تحطت فوق يدهااا هزت عينيها بازربة
إبراهيم : وين على خير لاله توبة...
#يتبع
حلقة اليوم برعاية #جوجيتا
