🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 53:
هي تبكي من سطر وانا نبكي معاها... امي تعيط من لهيه تحب تفهم وش كاين وانا حصلت صراحة... رحت نجري ليها...
توبة: انعم امي...
حليمة: وشبيها مرت خوك تبكي...
توبة: نظن راح تولد وجها صفار من لوجيعة...
حليمة: وخوك وين راه علاه ماجاش داها...
توبة: راه بعيد مايقدرش يجي بالخف...
حليمة: ياخي حالة على زهر كيفاه... حتى انا مكسرة مانقدر ندير حتى شيء...
توبة: مش وقت لهدرة هذي تلفون يصوني...
خرجت نجري هزيت عليه...
توبة: شكون جاي؟
اسحاق: واحد لا هز عليا راح نهبل على بالك...
سوسن (بالبكاء ): اااااه راح نموت شوفولي حل. اااايما...
توبة: ولهنا مكانشجيران تعيطلهم ولا..
إسحاق: من نيتك تروحو مع جيران...
توبة: لا تموت طفلة خير...
اسحاق: توبةةاختي اديها انت نصرفي نعرفك قدها...
لدقيقة تفكرت ابراهيم يكون مزال لهنا في دار...
توبة: ابراهيم
اسحاق: واشبيه ابراهيم...
توبة: مايكون في دوار لهنا؟
ايحاق: ايه خليتو صباح لتم... نعيطلو ونعاودلك...
حطيت تلفون... ودرت نحوس على حوايجها لا مكتنش نخرج وربي معانا...
توبة: سوسن وين حوايجك...
شاورتلي جريت جبتهم ولبستها كيف ماكان وزدت لبستلها بانتوفل في رجليها... وخرجت لبيتي نجري لبست جلبابي ورحت لامي...
توبة: امي راح يشوف اسحاق ابراهيم لكان جاء لكان ماكانش نديها انا وخلاص...
حليمة: وانت وين تعرفي دنيا...
توبة: معليه نتعلم... نقدر نخليك وحدك؟
حليمة: ايه ماتخميش عليا... انت شوفي مرت خوك...
حركتلها راسي ورجعت عندها... صونا تليفونها مرة اخرى...
توبة: قولي لقيتو..
اسحاق: او جاي خرجيها راه قريب ليكم... واعلميني بكل شيء نعول عليك توبة...
توبة: إن شاءلله انت ادعيلها خويا وماتطولش امي وجدها لازم نروحلها...
اسحاق: اني حكمت طريق...
قربتجيهتها حكمتها من يديها ضغطت عليا... حسيتها جهد خلاصلها...
توبة: سوسن تركزي عليا... بربي راح تفوت...
سوسن: ااااه ماعدتش نقدر...
توبة: تحملي واقراي ماتيسرلك من القران لعلى يخف
حركتلي راسها وقاتلي نهز كابة نتع البيبي... نشيت معاها حتى الباب وسمعنا طبطيب حليت الباب فيسع...
ابراهيم: عيطلي اسحاق...
توبة: لازم نوصلوها لسبيطار فيسع... ححكم عليا كابة حطها في كرسي قدام وانا وياها طلعنا من لوراء... على قد ما قدرت حكمت في صوتها... حتى وصلنا لسبيطار دخلوها لقسم الولادة... وبقيت انا واقفة نستنى فيها قدام الباب اذا يحكموها ولا يرجعو... فاتت نصف ساعة واحد لا خرج وخبرني بحاجة... تلفون ماحبش يحبس...
توبة: هاني نستنى مكان حتى جديد.
اسحاق: وانت وحدك ولا معاك شكون...
درت شفت ورايا لقيتو واقف متكي على لحيط ومهبط راسو...
توبة: ابراهيم لهنا...
اسحاق: مليح هكا نتهنى عليك طبطبي عليهم... ولا شوفي وحدة سقسيها...
توبة: إن شاءلله ... اااا راه جات امها وخوها...
اسحاق: صحا....
قربولي لزوج يسقسو فيا...
رياض وسليمة: مكانش خبر
توبة: لا مزال مكان حتى شيء...
شفت مع رياض وقت حط يدو على زندتي زربت هبطهالو وبعدت عليه
رياض: ماسقسيتي حتى وحدة عليها
قبل لا نجاوبو نلقاه حطني وراه مخبيني بجهامتو
#يتبع
