🌙رمضان_يجمعنا 🌙
🍁🌾حبہــــــر _العہــــــــون🌾🍁
🤍نہـــــــــوا يہــــــــــآ🤍
❌⛔ ممنوع النقل ⛔❌
بقلمي: zaineb_mer
#حبہــــــر_العہــــــــون:
الحہلقہة 09:
#ابراهيم_يحكي...
حكمت فران بكل جهدي مش عاقل على عمري وش نعمل... هزيت روحي وهبطت البلاصة الوحيدة الي تريحني وقت نجيها...جبدت نفس نحب نهدي روحي ونستجمع افكاري... على الاقل اليوم جيت وانا مقرر خلاص... ماننكرش اني انا خايف من المواجهة في هذا الوقت ومن ردت فعلو... اما هذا شيء لازم ونظن تاخرت عليه ثاني... خمس سنين كاملة وانا نحاول نتفكر تفاصيل وجها ريحتها الي نتمنى نشمها... هذوك زوج كلمات الي نطقتهم خلات قلبي تشعل نارو... اليوم ياتكون ليا يا ماتكونش وندفن حبها وسط ضلوعي... جبدت تلفون حطيت رقم وبقيت مدة نشوف معاه... مسحت على لحيتي اكثر من مرة بعدها ضغطت خرج إسمو جاري الاتصال... مدة نستنى فيه يهز... عدلت وقفت وقت سمعت صوتو...
اسحاق: اهلا ولد الخال...
ابراهيم: وبيك اهلا وش الاحوال صحبة...
اسحاق: الحمدلله نشكرو ربي... غير الخير برهوم ياك ماكان شيء...
إبراهيم: والله وش راح نقلك سامحني نعرف طلبتك موخر اما راني بحدى داركم نحب نقابلك...
إسحاق: ربي يهديك اراجل انا خلعتني قلت كشما صرا...
ابراهيم: مكان شيء راني برا نستنى فيك...
اسحاق: ادخل اراجل نضيفوك حاجة...
ابراهيم: ربي يحفظك الرجلة... اما خليها مرة اخرى...
اسحاق: اني جايك اما خالتك حليمة متغشة عليك...
ابراهيم: سلم عليها وقلها نعوضها مرة اخرى لاكتب ربي...
اسحاق: سبحانو دقيقة برك وراني جايك...
ابراهيم: هيا براحتك..
وقفت رايح جاي نستنى فيه... طلعت راسي على جيتو... حطيت يد وسط جيوبي واليد لخرى مديتهالو نسلم عليه...
اسحاق: وش الصحة...
ابراهيم: الحمدلله بخير..
اسحاق: ها نحكو على الواقف ولا تحب نعودو للقهوة...
ابراهيم: الي يساعدك...
مشينا مع بعضانا للقهوة مكانتش بعيدة... حكمنا طاولة مجبودة وطلبنا قهاوي... هبطت عيني من شوفات الي قاعد يشوف بيهم فيا... حمحمت وشبكت صوابع يدي راح نحكي حتى قاطعني...
اسحاق: غير الخير خويا براهيم...
ابراهيم: إن شاءلله خير... هو صراحة جيتك ونتمنى ماتردنيش خايب...
اسحاق: إن شاءلله مانردش صاحبي خايب... تعرف مقامك من مقام خويا فؤاد...
ابراهيم: يعز مقامك يارب... هو صراحة (هزيت عيني مع القهواجي كما حط فناجن القهوة كل واحد بحداه فنجان )
اسحاق: عاد مانقولكش على قهوة عمي حميدة دوق وردلي بالخبر...
حركتلو راسي وهزيت ترشفت منها نحس في دقات قلبي زادت وتيرتهم... غمضت عينيا نرص عليهم ونطقت...
ابراهيم: خويا اسحاق من غير مانطولوها... نحب نخطب اختك توبة... تعرفني خوك راجل وفحل نحطها في عينيا ونقفل عليها...
عطيتو كاس الماء وقت شرق في القهوة... قدرت نعرف جوابو من لقطة هذي... اما حبيت نسمغها منو...
إسحاق: مانيش غالط وش سمعت صح؟
ابراهيم: ايه نحب نزوج بأختك...
اسحاق: وانت منين تعرف توبة...
ابراهيم: درك مانعرفهاش شفتها وقت كانت صغيرة من لتم مازدتش شفتها... وصراحة عجبتني وحبيتها تكون حلالي...
اسحاق: على بالك قداه في عمرها توبة ولا معلبالكش...
ابراهيم: نعرف في عمرها 22 سنة..
اسحاق: ايه يعني انت اكبر من 13 سنة ابراهيم كيفاه تجي هذي...
ابراهيم: عمرو كان لعمر مشكلة في زواج... يكفي نكونو متفاهمين... ومتحابين هءا الي يهم...
اسحاق: حتى لقراية مش قارية ولا مكملة قرايتها وانت مستواك..
ابراهيم: من غير ماتكمل عمرها لقراية كانت معيار... وقادر اختك عقلها يوزن بلاد وممكن حتى مستواها يكون اكثر من مستوايا بفهامتها ورزانتها وصيانة روحها...
مسح على وجهو اكثر من مرة... وجهو الي حمار ورجع حبة طماطم مافهمتش سكوتو هذا وين راح يوصلنا... اما انا مستعد نطلع صباح مهم يقتنع يمدهالي...
ابراهيم: انا تعرفني ممكن اكثر ماتعرف روحك... كتاب مفتوح بالنسبة ليك... الي حاب رضايتك على زواجة هذي ونوعدك نحطها في عينيا... انا نبكي وهي ماتبكيش...
اسحاق: نعرفك راجل وسيد رجال... بصح توبة هي الي تعاون في امها كما تعرف يما قاعدة في سرير... هي اصلا حبست قراية على جالها... يعني لكان قبلت انا توبة ماتقبلش...
ابراهيم: تحب نشري دار لهنا قربة عليها وتجيها كل يوم مكانش مشكل المهم ترضى...
اسحاق: لدرجة هذي...
ابراهيم: وأكثر ثاني...
اسحاق: انا نشاور يما وخوها فؤاد والقرار الاول والاخير ليها هي...
من الفرحة قريب نوض نحضنو تبسمت معاه ووقفت عدلت سروالي وسلمت عليه سلام رجولي...
ابراهيم: نستنى جوابك في اقرب وقت...
اسحاق: الي فيه الخير يقدمو ربي...
ابراهيم: سبحانو كريم وانا عندي امل انكم توافقو على طلب نتاعي...
اسحاق: إن شاءلله...
#يتبع...
