🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 105:
#الاقامة
قاعدة بحداها تمسح على شعرها..
ايمان: نوضي ياعمري هك راح تضري روحك... شوفي عينيك كيفاه تنفخو...
مسحت خشمها وهي نغمضة عينيها...
رحمة: مانحبش خليني هك راني مليحة...
ايمان: شوفي تلفونك توبة من صباح تعيط...
رحمة: مزالها تعيط؟
ايمان: لا مدة حبست ماعاودتش...حتى ام اكرم عيطت...
تقعدت رجعت شعرها وراء وذنها ...
رحمة: علاه ماقتليش...
ايمان: صار توبة ماتهزيش عليها وام اكرم تهزي...
رحمة: طاطا كريمة مريضة مانحبش نخوفها عليا...
ايمان: ونخوفها عليا ثاني... ايا نوضي خلي نهبطو نتغداو جعت...
رحمة: روحي انت انا مش قادرة...
ايمان: اوكي دوك نشوف وش نجيبلك معايا...
رحمة: ماتقلقيش روحك اقفلي بابا مليح وراك...
ايمان: اوكي
رجعت تمديت على جنبي حتى نسمع الباب يطبطب وبقوة... في الاول تقعدت تكمشت في بلاصتي من الخوف... اما وقت سمعت صوتها رجعت فيا روح... وقفت فتحتلها الباب دخلت...
سارة: واش قطة متخبية هنا...
رحمة: تاعبة على هذي...
قربت فوتت يديها على خدها من بعد حكمت فكها ترص عليه...
سارة: علاه ماترفديش عليا يا #### ... اااه ولا خلاص ماعدش فيا الفايدة...
حاولت تبعدلها يدها اما دزتها مع الحيط...تشوف معاها شوفات تخلع... هزت خصلات من شعرها دورتهم على صبعها من بعد جبدتها حتى عيطت بعلو صوتها...
سارة: مرة هذي فوتها اما مرة جاية وتغلطي ماتهزيش عليا ولا وقت نقلك نخرجو تقولي لا... فديواتك وانت ساهرة في كباريات... تلقايهم يدورو في تيكتوك وانستا وفيس وووو... يعني نخليك فضيحة...
رحمة: حرام عليك مش كنت تقولي راني كما اختك...
بعدت عليها تضحك شعلت قارو جبدت منو...
سارة: ماعندي حتى اخت... انت كنت ساهلة للبيع وانا بزوج كلمات شريتك ودرك انت ملكي... وقت تحبي تهربي نجيبك...
رحمة: عندها الحق ايمان وقت قالت افعى وسمك راح يخرج...
سارة: افعى وافتخر ثاني... انت وجديلي روحك الليلة عندنا سهرة...
رحمة: لا مانجيش...
ايمان: اممم جربي ماتجيش وقتها توقعي على فرمان موتك يالالة... خاوتك ياكلوك ماكلة. .
رحمة:حرام عليك راني ولية كما انت وقادرة روضة تدور عليك...
سارة: هههههههههه والله ضحكتيني راني لمعلمة يالالة لكان ماتعرفينيش... وانت سومك غالي ومستحيل نسلم فيك... انت وجدي روحك الليلة ومن غير خيمار نحب مكياج غامق ثاني... وبرفان تاعك تلحق قبل... اوكي يالفحلة...
تحرك في راسها بهستيريا...
رحمة: لاااااا رجمة هلى والديك ماتعمليهاش...
سارة: ههههه ماعنديش والدين.... ماعندك هلاه ترحمي يالااا باااااي من بعد نتلقاو...
خرجت من عندها تضحك... كملت جبدت جبدة لخرى من الڨارو رماتو وجبدت تلفون من جيبها حطت رقمو...
سارة: الليلة الي تحب عليها تكون بين يديك... نحب دراهمي واجدين قبل لا تستلم لعروسة ...
#يتبـــــــــع
