🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 56:
#عند_مليكة
بية: كون تشوفيه يا وخيتي ملا ظرافة وملا وهرة وملا زين...
مليكة: يابنت اخطيك راه جدارمي وعندنا جادرمية لعابين...
بية: انت شنو الي بيك... نقلك عاجبني راجل ملا حالة...
مليكة: وش عجبك فيه شفتيه مرةولا زوج راح يهبلك...
وقفت تركزت على بوطاجي... وهزت عينيها تتخيل فيه...
بية:لا شفتو برشا مرات عزيزتي...اوووف ملا وهف فيك وانت وش فهمك في رجولية... انت راجل يق.. تل اوخيتي ذوبني...هدرتو تسحر غير يقبل نكون معاه برك...
دارت دبرتها بالطبلية نتع الكوزينة...
مليكة: هبلتي صح...
راحت لحقت عليها وقت خرجت من الكوزينة...
بية: وخيتي حرام عليك خليني نعيش الحالة شبيك كبي..
هزت حاجبها فيها...
مليكة: انا كبي ياهم...
رجعت تجري وراها تحب تحكمها... صوت ضحكهم عامل حالة... مابردت حتى طاحت فوقها على فوتاي....
بية: ياهم قوم خنقتني راك...
مليكة: ههههه حتى تسحبي كلمتك نوض...
بية: لا كبي كبي كبي...
مليكة: انت الي جبتيها لروحك هههه...
حطت فوق وجها لمخد تضحك...
مليكة: اهاااه انا كبي؟...
تحرك في راسها تحتها وهي ترص وتضحك...
بية: ايه كبي نحي لمخدة راح نتخنق...
مليكة: لا عجبتني القعدة فوقك...
بية: ياهم راح نتخنق ووه...
مريم: شبيك هبلتو...
تقعدو لزوج بية تعدل في شعرها الي طلع لسماءومليكة حاكمة ضحكة...
بية: بنتك تحب ترزيني في عمري...
مريم: علاه وش صرا...
ضربتها بلكود تحللها في عينيها باه ماتحكيش اما مع شكون...
بية: والله ياطا انا طحت في وحد رجلة مش نرمال بكل مانحكيلكش عاد ههههه...
ضربت على راسها من جرأتها... اما تشوكات وقت ردت عليها مريم...
مريم: صحة لبنتي إن شاءلله نشوفك عروسة...
وقفت تلاحت عليها حضنتها..
بية؛: محلاك طا والله عقليتك ظهرت كول على بنتك الكبي...
مريم: هذيك خليها بالعقلية هذي راح تبقى على قلبي لهنا...
مليكة: اوووه عاد شكون الي تحكي... ايه قاعدة على قلبك وتهني مش خارجة من دار هذي باه تعملي فيها رايك...
مريم: ترباي اطفلة راكي تحكي مع امك...
مليكة: هههه محسوب مانعرفش مع شكون نحكي...
بية: مليكة!
قربت لامها مليكة: الي في بالك نحيها من غير بابا واحد لا يدخل لدار هذي...
خرجت من صالة تجري دخلت لبيتها... وقفت قدام طاقة تحب تتحكم في دموعها مش هي الي تبكي... دارت على يدين بية الي تحطت على كتافها...
بية: عيب الي عملتيه برا تبقى امك راهو...
نحاتلها يديها وراحت قعدت على حرف لفراش...
مليكة: مانسحقش تنصحيني لانو نعرف روحي وش قلت...
بية: الله يهديك وخيتي...
مليكة: آمين...
بية: انا خارجة درك نتلقاه... من بعد وقت ترتاحي شوي نحكو ...
مليكة: شكون هذا...
بية: زوج المستقبل... سع شوف مكياجي باهي...
مليكة: درك تتلقاي في نصاص اليالي... مش هك يابية ماكيش في فرنسا... ماعندناش طفلة تخرج الوقت هذا...
بية: ههههه محسوب هبلت نا نخرج الوقت هذا غير نضحك وبرا...
مليكة: ناقصة مهبولة في حياتي...
حضنتها من بعد رجعت تدخدخ فيها تحب تخرجها من مود الكآبة الي دخلت فيه...
#يتبع...
