📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر _العہــــــــون:
الحہلقہة 18:
#عند_انفال
قرات ميساجو فتحت عينيها وشهقت وقفت على ركايبها فوق سرير... يديها وسط شعرها... عاضة على شقتها بغزول
أنفال: واشبيه جدو هذا يااااه ربي انا درك وش نعملو...هبطت عينيها للميساج دخل...
احمد: نستنى فيك تحذفو...
وقفت حاطة يديها على فمها....
انفال: وش هذا لبلاء الي طاح عليا ياربي... نوكل عليك ربي ياماميا معارفك كل ### كيفك الله لاتربحك...
قعدت ترعش مزالها مخشنة راسها ماتحدفوش... دخلتلها appel messenger تالمون خلعها طاح من يديها في لارض... عاودت هزتو من الارض هزت عليه وهي تهمس...
أنفال: خير ياهم وش تسحق مني انت درك
أحمد: وشش قتلك انا نحي جدو فديو يا طفلة ماتهبلنيش...
انفال: ياخي لاني اختك ولاني مرتك ولاحتى حاجة ... احطاني يرحم والديك..
احمد: ايه مش اختي ومش امي اما راح تكوني مرتي... وانا ماعنديش نساء تتلهوط في لهم هذا الي عملاتو...
مسحت على رقبتها من الغش مكرزة...
أنفال: احمد...
أحمد: روح احمد
أنفال: تعرف كون نبقى انا وإياك في هذي دنيا وحدنا... عمري نشوف معاك بطرف عين...
أحمد: وراسك غير ترجعي مهبولة بيا انت اعطيني فرصة...
انفال: انا وانت مستحيل نحيها من راسك لحكاية...
احمد: شفي يابنت ناس راني مكبر عقلي معاك لانو مزالك صغيرة... ومزال تجي لدنيتك... ماتخلينيش نتصرف تصرف اخر...
انفال: ماعندك وش راح تعمل انت خرجني من هذاك راس... انت تعيش لباسوانا نعيش كما نحب...
احمد: انت الي حبيتي انفال... ماتلومينيش على الي راح نعملو....
انفال: وش راح تعمل؟ اخرتك تقفل تلفون هذا وماتزيدش تعيطلي... وانا عليا نعملك بلوك ولا اروع وتخلاص لحكاية لهنا...
احمد: ايه هذاك كي نرجع مش ولد البراهمية... انت تعملي هك
انفال: هههههه خفت تعرف...
أحمد: فديو تاعك راه enregist درك راح نخليك شفتي دقيقة وحدة مانزيدهاش ونبعتو لخوك وانت خيري...
أنفال: يلعن نهار الي عرفتك فيه... رجلة الي تلعب فيها عليا ماتمشيش معايا... والفديو بلو واشرب ماه مانيش خايفة...
بعدت تلفون قفلت عليه رمات تلفون ورجعت رايحة جاية في البيت ترعش بكلها... دارت على الباب الي تفتح ودخلت منو حنان...
انفال بعياط : ماتعرفيش طبطبي لباب قبل لا تدخلي...
حنان: شبيه عزاك تعيطي هبلتي تحبي بابا يجي يكسرلك هذاك الفم... ديجا علاه ماندخلش
قعدت على سرير حطت راسها بين يديها....
انفال: اخرجي يرحم والديك مانيش في وقت نقاش... ولا حتى تفلسيف
قربت قعدت بحداها طل عليها عاقدة حواجبها... حطت يديها على ظهرها تمسح عليه...
حنان: نفولة حبيبتي شبيك شكون مقلقك...
حطت راسها على كتفها تشوف مع لفراغ...
انفال: والو غير متقلقة برك...
حنان: علاه؟
انفال: غير هك معليه ترقدي معايا
حنان: بيك حاجة كبيرة مش نرمال نفولة تتنازل وتخليني نرقد معاها...تشفاي من كنت صغيرة تبكي ماتحبيش واحد يحصرك في نومة
انفال: بصح درك كبرت...
جبدتها من يديها تمدو لزوج فوق سرير... حطت راسها على صدرها وحنان تلعب بشعرها...
حنان: رجعتي كما ادهم...
طلعت راسها تشوف معاها...
انفال: علبالك بالي نغير منو؟.
حنان: ههههه علاه؟
أنفال: لانو حكملي بلاصتيى...
حنان: هههههه غيارة
#يتبع
