#الحہلقہة_140:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
#اكرم
واقف في البالكون يتكيف... قارو وراء خوها... كل مرة يعاود لحكاية الي صراتلو... تبسمت وقت تحطت يديها على كتفو زرب رمى دخان الي في يدو احتراما ليها... دار سلم على راسها...
اكرم: فايقة بكري اليوم؟
كريمة: اصلا مش مرتاحة في نومة لهنا...
اكرم: شوووف اسيدي داري رجعت مش مليحة...
كريمة: لا ماقلتش هك... قصدي مانرتاح غير وقت نكون في بلاصتي...
اكرم: اليوم نروحو لدارك اسيدي غير ارضاي علينا...
جبدتو من يدو ودخلو للكوزينة...
كريمة: اقعد افطر راح عليك الحال...
قرب حاوطها بيديه يحكي...
اكرم: شبيها كريمة متغشو مني؟
كريمة: تعرف وش الي مغششني...
بعد قعد على الكرسي وسكت...يشوف معاعا وهي تحطلو في لقهوة حتى هي سكتت
اكرم: ياحاجة تعرفي مانحبش نقلقك اما نحيها لحكاية من راسك... ماعينيش نعاود نزوج
كريمة: اقعد ابكي على اطلال ولعقرب صفراء تاعك تعيش حياتها وكانك ماكنتش...
اكرم : وش داك للمراة خطايتك ...
كريمة: وقت نشوف ولدي يحب في وهم وغابن روحو نوصلها ونوصل هايلتها الكريمة الكل...
اكرم: انا نخرج احسن...
كريمة: اهرب ايه... وقت لالة قاعدة تزوج شايفة حياتها بلابيك... ابقى انت حب الاوهام ولا كلام الحب الي كانت تبيعلك فيه...
اكرم: مافهمتش؟
كريمة: زعما تلقفها وهي طايرة... لالة تاعك تخطبت وتوجد لعرسها...
اكرم: مكانش منها مستحيل تعملها...
قعدت وشربت من كاس القهوة...
كريمة: يقلك ناس زمان... خود الي يحبك وماتاخدش الي تحبو... لانو راجل وقت يفرط في وحدة تقلو نعشق في لهواء الي تتنفسو ويخليها تفلت منيدو يسمى غبي...
اكرم: يما مش هذي هدرتنا...
كريمة: ايه هذي هدرتنا لانك غبي ونص ثاني... لانو راجل يحوس على الامان والحنان... تحتويه وتخبيه وسط عينيها وقت يحزن بحضن واحد تنسيه همه... مش تلومه على حاجة هو مكانش قصدو تصرالها... لمراة الي تحب ماتتخلاش على الي تحبو... وهذيك مستحيل تكون حباتك نهار وانت مغرم صبابا نهار كامل تجري في جرتها... بلا كرامة كل يوم تقفل الف باب في وجهك...
شاف معاها مش مصدق شيء الي سمعو... زرب في خطواتو هز لمفاتح وتلفون خرج... ركب طنوبيلتو وراح لعندها... وقف قدام بابها رجع شعرو لوراء يضبط في تنفس نتاعو... طبطب عليها اكثر من مرة حتى فتحتلو امها...
سميرة: اكرم!
اكرم: صباح الخير
سميرة: صباح نور وليدي ادخل...
اكرم: لا منا برك وين هدى...
سميرة: ادخل اي لداخل... ماتجيش هك من لباب...
دخل وقف قدامو اكرم: عيطيلها
خرجت من البيت نتعها تضحك وهي تحكي في تلفون شافت دهشت...
اكرم: عسلامة لالة...
هبطت تلفون من وذنها بعدما غلقت...
هدى: وش تعمل لهنا مش قتلك مانحبش نشوفك...
قرب جيهتها عينيه شاعلة نار اكرم: علاه؟ اممم... علاه ماتحبيش تشوفيني اممم... ولااااا لقيت ضبع اخر تغفليه بزوج كلمات اخرين تلحسيلو مخو كما عملتي معايا يا
هدى: مكتوب بينا خلاص والف مرة نقلك انا وانت مستحيل نرجعو... وظرك تهنى رجعت على اسم راجل اخر ومن لاخر صيف نزوج...
تبسم تبسيمة نتع قهر وقرب خطوة اخرى...
اكرم: إن شاءلله تتهني معاه...
بعدت هي خطوة هدى: من اليوم مانحب تبعتلي لاميساج لا تعيط لا تبات ساهر تحت دار... الي بينا خلاص نهار مضينا على وراق طلاق...
اكرم: هههههههههههه صح خلاص انا الغالط نظن واقف قدامك لهنا... غير جبال الي ماتتلقاش كما عملتي من عدابي صنعة... يجي الي يعمل من عداب لعجب... سلام
خرج ركب في طموبيل يضرب على فولون اكثر من مرة... من بعد حط راسو عليه يرد في نفس الي تقطع عليه... كان عايش كدبة واليوم فاق منها...
#يتبـــــــــــع
