🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 75:
مسحت على رقبتها بتوتر...
رحمة: غير استاذي هذا...
عقدت حواجبها وقربت جيهتها...
توبة: وأستاذك يعيطلك في اي وقت منين جاه رقمك...
رحمة: وشبيك انت هبلتي حلي تحقيق خير
توبة: اممم تحقيق هزي يالا...
رحمة: لا من بعد نعاودلو...
رصت على سنيها توبة : هزي قتلك...
رحمة: راح نهز وحطي في بالك مش خوف...
عملتلها بعينيها هزي... شافت معاها ونفخت اما هزت...
رحمة: نعم استاذ...
أكرم: ماكان لا كلام ولا سلام؟
رحمة: سامحني كنت...
اكرم: معليه قاتلي الحاجة هزيتي حوايج وهبطي لدوار ان شاء غير الخير...
فتحت توبة عينيها من هدرتو...
رحمة: لا مكان والو غير عرس اختي كان لازم نروح تعرف امور العرس....
اكرم: تعرفي الحاجة والفاتك جاتها صعيبة منين رحتي... على العموم من هدرتك تباني مش مرتاحة نبعتلك رقمها تواصلي معاها وهنيها...
رحمة: ايه صحة...
هبطت تلفون تشوف معاها...
توبة: روحتي والحاجة ورقمها هنيها وش كاين رحمة؟ هذيمش حكاية استاذ وطالبة تاعو...
جبدت الكرسي وقعدت...
رحمة: وانت منين ليك حتى تعرفي كيفاه يحكو استاذ وطالبتو...
توبة: رحمـــــــة ماتهبلينش وش كاين انطقي ولا تحبي نحكي لخوتك...
اسحاق: خير توبة علاه صوتك عالي؟
توبة:سامحني مافقتش لعمري...
قرب حضنها باسها على راسها...
اسحاق: انت الي سامحينا عرسك بعد ايام وانت لاهية بينا مش حنا الي لاهين بيك...
رحمة: احم نحن هنا غير هيا تسلم عليها...
توبة: انا رايحة نشوف هيثم...
شافت مع رحمة بغش وخرجت...
اسحاق: شبيكم؟
هزت حبة حلوة كلاتها
رحمة: تكون من ستراس نتع العرس...
اسحاق: شوفي مع اختك حاجة الي ناقصة نكملهالها مانحبش تنقصها حاجة...
رحمة: تهنى نعرف خويا يحبلنا غير لعزيزة والغالية...
اسحاق: كون غير دارت عرس على الاقل فرحنا شوي...
وهي تمضغ رحمة: تعرف اختك ملتزمة ماتحبش هذا شيء قاتلك غناء يجلب شياطين...
اسحاق: هي حرة مهم تخرج وهي فرحانة...
رحمة: إن شاءلله... انا نروح نشوفهم...
إسحاق: ايه خفي روحك حاولي تقومي بيها...
قربت بساتو على خدو رحمة: صحا...
دخلت عليهم كانت توبة هابطة على هيثم تمسح على خدو... حليمة تسبح...
رحمة: ماقلتوليش وش ندير عشاء..
حليمة: الي جاء من يدك مرحبا بيه...
توبة: كما تحبي...
رحمة: توبة متغشة مني..
توبة: مزال موفاتش الهدرة من بعد نكملوها...
حليمة: واش من هدرة ثاني...
شافو مع بعض وسكتو... رجعت حليمة تشوف معاهم لزوج...
حليمة: راح تحكو ولا مزالكم مطولين تشوفو في بعضاكم...
توبة: سقسي بنتك؟
رحمة: هبلتي لا...
حليمة: وحدة فيكم تحكي...
توبة: بنتك الي
سكتو على صوت تكسار والعياط الي جاي من بيت اسحاق...
حليمة: اجرو شوفو مرت خوكم كشما صرالها...
توبة: ياستار يارب...
خرجو يجرو للبيت... لقاو اسحاب حاكمها من يديها باه يهديها... وهي تعيط تقول مهبولة... جراووحكموها معاه... وقعدوها على سرير ترخفت...
رحمة: وش بيها
اسحاق: مافهمتش كانت لباس حتى ناضت تعيط وحدها....
توبة: اقرالها شوي قرآن لعلى تهدى...
#يتبع
