#الحہلقہة_141:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
واقفة في لكوزينة تعجن في لكسرة قرب يروح وهي مزال مكاملتش،... حنان لفوق لاهيا مع ولدها الي غلبها بعدما خرجت رحمة... وسعاد في صالة ماتحركتش منها غير تتامر... انفال من هذاك اليوم وهي في بيتها لا خرجت ولا دخلت... يديها كل ماتحركها ترجع توجع كما قبل برغم دواء الي عطاهولها طبيب الا انو ضربة دارتلها شق صغير في لعضم شيء الي خلاه مرة على مرة يوجعها... وزيد زادت عليه بلعجين اليوم... خاصة وقت محمود طلبها منها حشمت ترفض... عجان كاين اما والفت خدمت يديها... تخدم وسخانة طالعة كملت قرصتهم وطيبتها... تفقدت شربة فريك كانت خلاص جابت روحها...
حنان: اوووف يايما غلبني والله بسيف لارقد...
توبة: ياعمري حتى هو والف برحمة ليمات هذو... جاتو صعيبة تروح وتخليه...
حنان: هههه قالي نكبر نزوجها...
توبة: شوف لوحيد مزال ماخرجش من قشرتو يخب يزوج...
طلت حنان على شربة
حنان: سامحيني اليوم كل شيء طاح عليك وحدك...
توبة: هههه عادي والله اصلا موالفة اكثر من هك...
حنان: ويدك وش حوالها... علبالك كون يعرف ابراهيم انو عجنتي تشوفي نهارك...
توبة: ههههه ربي يستر... حنونة تقدري تقلي لبوراك بين ما عيطلو نشوف وينو علاه طول؟ ومن بعد نوجد طاولة...
حنان: اكيد ازربي وش تستني...
طلعت لبيتها ىخفت الخيمار... بدلت جبة الي كانت لابستها لبست وحدة اخرى نضيفة... هزت تلفون حطت رقمو تستنى فيه يهز وقعدت على سرير... مرة وزوج وثلاثة حتى هز
ابراهيم: نعم توبة...
عقدت حواجبها مش من عوايدو يسمي اسمها...
توبة: سلام عليكم
ابراهيم: وعليكم سلام... وش حوالك
توبة: للباس عيطت نسقسي عليك وقت شقتك طولتي...
ابراهيم: اااا اوكي هو عندي خدمة لازم نكملها مانقدرش نروح للغداء اليوم ماتستنينيش...
توبة: بصح طيبتلك شربة فريك والبوراك كما قتلي...
ابراهيم: توبة من بعد ونحكو راني مشغول...
تنهدت توبة: ربي يعينك...
من غير مايجاوبها قطع الاتصال... بعدتو من وذنها تشوف معاه رافعة حاجبها...
توبة:قطع من غي مايقلي نفس الكلمة الي يقولهادايما...
وقفت حطت الخيمار وكما العادة نقاب في يديها... تخمامها الكل عندو دخلت للكوزينة بدات تهز في لحوايج وتحط في طاولة...
حنان: شوفي توبة صحن واحد سلاطة ولا زوج خير...
توبة ولا علبالها وكانها ماسمعتش...
حنان: توبة وين رحتي...
توبة: لا غير لهنا
حنان: ندير واحد ولا زوج
توبة: لا واحد برك ابراهيم مش جاي للغداء ورحمة ثاني مكانش...
حنان: اوكي امالا عيطيلهم خلي نتلمو كل...
مدة وكانو الكل على طاولة...
محمود: والله يعطيكم صحة لبنات كل شيء بطبع.
سعاد: ايه والله لكسرة تقول قاطو عندي مدة ماكليتش كسرة كما هدي...
حنان: والله ليوم ماحطيتش يدي في حاجة... كل شيء دراتو توبة
سعاد: يعطيك صحة توبة يديك تتلف في لحرير...
توبة :يعيشك خالتي بصحتكم...
مسحت سعاد فمها: مش كان تقوليلي طاطا خير... خالتي رجعت ديمودي...
محمود: سعاد خليها تعيط كما تحب تسليها ولا...
توبة: لا مكانش مشكل عندها الحق
وقفت انفال من غير ماتحكي حتى حرف...
محمود: ماكليتي شيء
انفال: شبعانة هذا هو جهدي
سعاد: ررجعت عود حطب وهي مزالها تدلل كما لولاد
انفال: مانيش في مورالي ماتزيدوش انتم عليا...
محمود: اقعدي نحكي معاك
انفال: بابا والله ماراني قادرة...
محمود: نحب نعرف رايك في خو صحبتك الي خطبك لازم نردولو لخبر...
سعاد: مش لهنا الهدرة هذي
محمود: لا لهنا مدام مش قادرين نحكموها... وناس تستنى في لخبر...
انفال: ماعندي حتى راي ومزالني صغيرة تحبو تزوجوني...
محمود: خاوتك لزوج مصرين على زواجة هذي...
انفال: نحب نطلع بابا مش قادرة درك والله...
سعاد: اطلعي يابنتي عندك الحق مش وقتها لحكاية...
محمود وقف رمى منديل على طاولة...
محمود: كلكم تعملو في رايكم...
حنان: ماتتغشش بابا من بعد نفهم منها...
شاف معاها وكمل دخل لصالة
توبة: خلي انا نطلع نحكي معاها...
يعاد: احكمي بلاصتك وش دخلك انت في مشاكلنا...
حنان: خااالتي
سعاد: وش غااالطة...
#يتبــــــــع
