📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 39:
#توبة...
خرج قابلاتو واقفة تبسمت معاه بحسرة...
تهزت على قفلتو للباب بقوة غمضت عينيها...تنهدت تمشات بخطوات ثقال ... قربت لبيتها طبطبت مدة واقفة تستنى تحل عليها... وقت طولت حلت الباب ودخلت لقاتها غامة راسها وسط لمخدة تشهق... قربت قعدت جنبها...
توبة : علاه تغبني في روحك وتبكي... مش مليح ليك ولولدك...
سوسن: اخرجي عليا نحب نقعد وحدي... المشاكل كل سبابك انت...
عقدت حواجبها ووقفت
توبة : نظن تاعبة لازمك راحة... راك عدتي تخرفي في لهدرة...
نفضت روحها بعدت لمخدة... فتحت لمساك الي كان رابط الخيمار...
سوسن: لا مش نخرف شفتي لخيمار هذا عملاتو في وسط دار بسبتك... والقندوة الواسعة هذي لابستها تقول عجوزة ثاني بسبتك... شوفي حتى حواجبي عادو كما نتع راجل بسبتك انت... ههههه ولا صلات وقيام الليل وانا تاعبة نحب نرقد بسبتك... معاملتي مع زوجي وجفاه معايا ثاني بسبتك... انا اجمل منك واحسن في كل شيء قارية وبمستوايا مزوجة وراح نجيب ولاد وانت قاعد لا قرايا لا خدمة ولا صنعة حتى زواج نظن واحد ماراح يشوف مع وحدة كيفك نهار كامل غامة روحها بهذيك لقماشة لكحلة مغطية كل حاجة فيها... وكانك شبح حتى لخرجة من دار مكانش مقابلة وجهي كما البومة... داخلة عليا بلمواعض والقصص... وربي يعلم وش مخبيا في قلبك من خبث...
دارتلها بعدما وقفت محجرة قدام الباب...تسمع في كلماتها الي دخلو كما سهم وسط قلبها مسحت لعرق الي بلل جبينها...نطقت بصوتها الي يرجف كماكل عضو في جسمها يرعش...
توبة: وش نفهم من الهدرة هذي كنت تنافقي في ربي وفينا؟...
سوسن: اخرجي عليا من فضلك مانحبش نخسر معاك في لهدرة...
توبة: راح نقلك غير زوج كلمات هذو لانو ماتستاهليش اكثر منهم.... ربي يهديك (ودارت عطاتها بظهر راح تخرج)
سوسن: وانت يعطيك هزة من دار هذي نتهنى منك...
تبسمت على كلمتها وهبطت دمعتها كملت طريقها لبيتها... دخلت وتكات على الباب وقفت مدة من بعد هبطت على طول الباب قعدت في الارض... حطت يديها على قلبها غمضت عينيها تضغط عليهم... ضربت راسها على الباب اكثر من مرة.... استغفرت الاف المرات الوقت حبست وتفكيرها شل... كابرت على روحها وقفت وخرجت توضات و هزت سجادتها وقابلت القبلة... صلات ركعتين لربي غير هو الي يسمعها ويشوفها بين ضعفها وقلة حيلتها وهزت يديها تشكيلو في صمت ... لعلى تلقى راحة بين يدين الله هو العالم بحالها اكثر من اي شخص اخر... لانو شكوى لغير الله مدلة... حيث قال تعالى في كتابه العزيز {إِنَّمَا أَشْكُو بَثِّي وَحُزْنِي إِلَى اللهِ}
بعدما حست روحها ارتاحت... تفكرت كلام امها الي زاد على مابيها زادت ركعتينين استخارة وهزت يديها تدعي...
«اللهم إني أستخيرك بعلمك، وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم، وأنت علام الغيوب، اللهم إن كنت تعلم أن هذا زواج من إبراهيم فيه خير لي في ديني ومعاشي وعاقبة أمري فاقدره لي، ويسره لي، ثم بارك لي فيه، وإن كنت تعلم أن هذا الأمر شرّ لي في ديني ومعاشي وعاقبة أمري فاصرفه عني، واصرفني عنه، واقدر لي الخير حيث كان، ثم أرضني به»
#يتبع
