🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 51:
#عند_رحمة
ايمان: رحمة نوضي شبيك راح يفوتكtd
رحمة:شويا برك ونوض...
خرجتلها حوايجها من لخزانة ورماتهولها فوقها...
ايمان: سي نورمال مدام عدنا سهريات ودخلات وخرجات
قعدت رمات لغطاء عليها تعيط...
رحمة: وش دخلك فيا اربي... عجبني حالي تساليني ولا ااا...
ايمان: وتعيطي عليا ثاني... شفتي طريق الي راكي فايتتها راح تعبك وبزاف وهذيك طفلة رايحة تغرقك... ويجي يوم وتندمي على وحدة اسمها ايمان... ومن اليوم لا تعرفيني ولا نعرفك... ودوك نشوف شكون يبدل معايا شمبر..
باه ماتشوفش عيني نهايتك الي راح تبكيك دم... وقولي البهلولة الي تحوس على مصلحتك وماتحبش تعملي الي عملاتو هي وتندمي...
هزت صاكها وشافت معاها بعين قهرة وحزن وخدلان وخرجت... بعدما قفلت الباب بقوة...
وقفت مسحت وجها بيدها لزوج... حست انها زادت معاها في الهدرة اما ماكانتش تقصد... لبست قشها وخرجت دخلت قراتعقلها كلو في إيمان... حتى وين وصل كور نتع أكرم... زربت هزت وراقي نتعها وهبطت من المدرج تزرب قبل لا يلحق عليها... اما صدمت فيه... وطاح الحوايج الي كانت هزتهم... هبطت لمتهم كما الفحلة... وطلعت
اكرم: طالبة رحمة وين على خير...ماكفاكش شهرين وانت غايبة...
هبطت راسها من غير ماتجاوبو
أكرم: اخرجي...
رحمة: هااا
اكرم: اخرجي بحدى الباب نحكي معاك...
خرجت مع رجفة مخلطة بخلعة... حط كارطابل تاعو فوق المكتب وخرج لقاها ترجف...
اكرم: علاه مخلوعة...
رحمة: لا عادي...
حك حاجبو وتبسم يشوف معاها...
اكرم: باين اما درك نحب نعرف علاه قاعدة تتهربي من كور تاعي...
رحمة: لا مش هك...
ربع يديه لصدرو يستنى فيها وش ترد..
اكرم: بالك تحسابين ماعلباليش ولا مانشوفكش ... وانت كل مرة تهربي الكور... نحب نعرف سبب لانو هك تضيعي روحك وضيعي قرايتك وقت نعملك exclus
رحمة: لا استاذ من غير ماتعملها نرجع نقرا خلاص...
اكرم: قبل هذا الكل علاه عملتي هذا الكل... وش الي عملتو انا هذاك اليوم حتى راكي تتهربي مني...
هبطت عينيها شافت مع الخاتم حتى توله وين تشوف تبسم على جيه...
رجمة: انا ندخل للكور راح الوقت...
اكرم: انا ندخل للكور انت لا...
رحمة: علاه؟
اكرم: حتى تتعلمي ماتهربيش مرة جاية ولكان عندك حاجة حابة تقوليها انا هنا...
دخل وخلاها تشوف معاه مصدومة... مافهمتش وش حاب يقول... خرجت تمشات للإقامة بما انو كان اخر كور عندها... قعدت فوق كراسي برا تايهة ... تعاود في هدرتو الي مافهمت منها شيء... حتى جاء وقعد قدامها...
سمير: عصفورة وين تايهة؟
شافت معاه على جنب وهزت حوايجاها وجات رايحة ...
سمير: ههههه ماتلعبيهاش علينا ريحتك راهي فاحت...
رجعت شافت معاه...
رحمة: محسوب وجعتني بهدرتك...
سمير: رجعت تخبش القطة...
رحمة: جرب تخرب فيا وشوف القطة وش تعمل...
#يتبع
