မောင့်ပန်းချီ [ 𝐜𝐨𝐦𝐩𝐥𝐞𝐭𝐞𝐝 ]

Part - 9 ( U )

MISS YOUဆိုတဲ့ကိတ်ဆိုင်လေးမှာ ရှိန်းကားကိုထိုးရပ်လိုက်သည်။ကားပေါ်ကနေအရင်ဆင်းသွားနှင့်ပြီး ထွေးငယ်ကိုတံခါးဖွင့်ပေးလိုက်ကာ လက်လှမ်းတော့ ရပါတယ်ဆိုပြီး ငြင်းကာသူ့ဖာသာထမီလေးကိုခါပြီး ဆင်းသွားသည်။

" ထွေးငယ်ဘာကြိုက်လဲမှာလေ.. "

Waiterကmenu cardလေးလာပေးတော့ ထွေးငယ်ကိုပြရင်း
စားချင်တာရွေးခိုင်းလိုက်သည်။

". ရှိန်းအဆင်ပြေရာမှာလိုက်ပါ ထွေးငယ်ကဘာဖြစ်ဖြစ်ရတာမို့.."
". ဟင် အဲဒါဆို စတော်ဘယ်ရီ cheese cake နှစ်ခုပေးပါဗျ ပြီးတော့အအေး၊အအေးကိုsmooth 2ခွက်ပေးပါ..."

Waiterကိုမှာစရာရှိတာမှာပြီးတော့ စားပွဲပေါ်ကိုမေးထောက်ကာအပြင်‌ဘက်ကိုငေးနေတဲ့ ထွေးငယ်ကိုရှိန်းငေးကြည့်နေမိသည်။
ပြုံးရိပ်သမ်းနေတဲ့နှုတ်ခမ်းပါးလေးတွေက ဘာကိုသဘောကျ၍ပြုံးနေသလဲမသိပေမဲ့ ထွေးငယ်ကိုကြည့်ရင်းသူပါလိုက်ပြုံးမိသည်။

စော မိဘမဲ့ဂေဟာတုန်းက ဈာန်ပြောခဲ့တာကိုတွေးပြီးပြုံးနေမိသည်။သူပြောခဲ့သလိုမျိုး တိမ်တွေကိုငေးမဲ့အစားမောင့်အကြောင်းပဲတွေးနေမိပါတယ်။

" ရပါပြီဗျ... "

Waiterလေးကစားစရာတွေလာချသွားတော့မှ ထွေးငယ်က
ဒီဘက်ပြန်လှည့်လာကာ ‌ရှိန်းကိုကြည့်ပြီးပြုံးပြသည်။

". စား ထွေးငယ် စားချင်တာရှိရင်ထပ်မှာအုန်း... "
". အယ်တော်ပါပြီ ... "

လက်ကလေးတွေယမ်းကာ အတင်းငြင်းဆန်‌နေသော ထွေးငယ်ကိုကြည့်ပြီး ရှိန်းပြုံးလိုက်မိသေးသည်။
ထွေးငယ်က ကိတ်မုန့်လေးကိုငုံ့စားနေပြီး ရှိန်းကတော့ ဘေးကနေသူစားတာကိုကြည့်နေမိသည်။ထွေးငယ်က စားနေရင်း ရှိန်းကိုမော့ကြည့်လာတော့ ရှိန်းကပြုံးတုံတုံနဲ့အနားရှိတီသျှူးကိုလှမ်းယူလိုက်ပြီး....

". ပေနေတယ် ကလေးလေးကျနေတာပဲ စားနေတာက... "

ထွေးငယ်နှုတ်ခမ်းစွန်းမှာပေနေတဲ့ ချိစ်တွေကိုရှိန်းတီသျှူးနဲ့
သုတ်‌ပေးတော့ ထွေးငယ်ကအားနာသလိုပြန်ကြည့်ရင်း

" ကျေးဇူးပါရှိန်း... "
" ရပါတယ်ဗျာ... "

မှာထား‌တာတွေစားလို့ကုန်တော့ ရှိန်းတို့ပြန်လာခဲ့ကြသည်‌။
ထွေးငယ်စားပြီးလို့ပြန်လာခဲ့တာဆိုပိုမှန်မည်။အမှန်တော့ရှိန်းမှာ ကိတ်မုန့်ကိုတို့ပင်မတို့လိုက်ရ။ထွေးငယ်စားတာကိုကြည့်ပြီး အလိုလိုဗိုက်ပြည့်နေခြင်းသာ။ထွေးငယ်ကတော့မေးသည်။ဘာလို့မစားတာလဲတဲ့။ဗိုက်ပြည့်သွားလို့ပါဆိုပြီးပဲဖြေလိုက်ရသည်။
အစကတည်းကထွေးငယ်ကိုဝယ်ကျွေးချင်ရုံသက်သက်ပါ။တကယ်‌တော့ရှိန်းကကိတ်မုန့်မကြိုက်တတ်ပေ။