တစ်ပတ်ပြည့်သည့်အချိန်မှာ ဈာန် ဆေးရုံကဆင်းလာပြီဖြစ်သည်။မမကလျာသည်သူ့မောင်ကိုသူကိုယ်တိုင်လာကြိုပေးသည်။ဈာန်အိမ်ထဲဝင်လာသည်နဲ့ကြီးမြကစီးကြိုကာ ပြေးဖက်လာသည်။
ငယ်ငယ်ကတည်းကစောင့်ရှောက်ပေးခဲ့ရသည့်ကလေးတွေမို့ မိမိိိသွေးသားရင်းပမာချစ်ခင်မိသည်။ဈာန်သည်ကြီးမြအားပြန်လည်ဖက်တွယ်လိုက်သည်။
" ပိန်သွားလိုက်တာ အစားများများစားပေးနော်.. "
". မလိုပါဘူး ကျွန်တော့်မှာစောရှိနေပြီလေ... "
". အမယ်လေးဟယ် ပိုလိုက်တာ အတွဲတွေသိပ်ပိုတာပဲဟယ်. "
မီးဖိုခန်းထဲရှိရေခဲသေတ္တာဆီမှ ရေခဲရေဘူးကိုထုတ်ရင်းမမကလျာကလှမ်းအော်သည်။ဈာန် အားရပါးရရယ်လိုက်ပြီး ဘာဖြစ်လဲဆိုသည့်အထာနဲ့သူ့အမအားမျက်ခုံးတချက်ပင့်ပြလိုက်သည်။
" စော မောင်နားချင်ပြီ.. "
". မိငယ်လိုက်ပို့ပေးရမလားအကိုလေး.. "
" တိတ်စမ်း နင်ကစောလားငါကစောကိုပြောတာ.. "
ကြီးမြတို့၊မမကလျာတို့၊မိငယ်တို့ရဲ့ရယ်သံတွေဟာ အိမ်တစ်အိမ်လုံးပြန့်နှံ့သွားသည်။ဈာန်သည်သူ့အားလှောင်နေကြသောကြီးမြတို့အားမျက်ကွယ်ပြုရင်း စောနဲ့အတူအပေါ်ထပ်သို့တက်လာခဲ့သည်။
" ဟူး အခုမှပဲစိတ်သက်သာတော့တယ်.. "
သူ့၏တထောင်ကျော်ဆိုဖာပေါ်ကိုခြေပစ်လက်ပစ်ဝင်လှဲရင်းအားရဝမ်းသာစွာပြောလေသည်။
" ဘာဖြစ်နေလို့တုန်း ဆေးရုံက.. "
". ဆေးအနံ့ကြီးကိုမကြိုက်ဘူး စောရဲ့ကိုယ်သင်းရနံ့လေးကိုပဲကြိုက်တာ.. "
". ဟာ မောင် ဘယ်လိုဖြစ်နေတာလဲ မဟုတ်သေးပါဘူး မနက်ဖြန်ကျခေါင်းကိုသေချာစစ်ပေးဖို့ဆရာဝန်ကြီးကိုပြောရမယ် .. "
". မောင့်ကိုဂေါက်သွားတာလို့ပြောချင်တာလား.. "
". မဟုတ်လို့လား စကားတွေကိုဘယ်လိုပြောနေမှန်းကိုမသိတာ.."
စောစကားကြောင့် ဈာန်သည်နှစ်ခြိုက်စွာပြုံးလိုက်သည်။ထို့နောက် ကြင်သူလေးကအားထပ်၍ချစ်စကားဆိုလိုက်မိသည်။
YOU ARE READING
မောင့်ပန်းချီ [ 𝐜𝐨𝐦𝐩𝐥𝐞𝐭𝐞𝐝 ]
Romance" ကောင်းကင်နဲ့မြေကြီး အဆုံးမရှိသလို မောင့်အချစ်တွေကလည်း အဆုံးမရှိဘူး... " ဈာန်ဒီပါမောင်+စောပန်းချီ ( M - preg ) [ Started date>>>> 3.5.2022 Ended date>>>> 11.7.2022 ]
![မောင့်ပန်းချီ [ 𝐜𝐨𝐦𝐩𝐥𝐞𝐭𝐞𝐝 ]](https://img.wattpad.com/cover/309536381-64-k939565.jpg)