👑မောင့်အရှင်
#အပိုင်း (၁၃)
“ ဟွန်း..သူ အရင်က မင်းကုမ္မဏီမှာ လုပ်ဖူးတယ်..ပြောတယ် သိလား..”
“ ဟုတ်လား..ငါမသိလိုက်ဘူးနော်..ဝန်ထမ်းနာမည်တွေ သိပ်မမှတ်မိလို့..”
“ ဟားဟား..ဖြစ်မယ်လေ မင်းပုံစံက နဂိုကတည်းက ဒီလိုဘဲကိုး..”
သူရ၏ သဘောရိုးရီသံက သူ့ကို လှောင်ပြောင်နေသလို ခံစားနေစေမိတာ ဘာကြောင့်မှန်းမသိ..။
“နာမည်က ဘယ်လို ..”
“ မောင်မောင်တဲ့..သူ TU ကျောင်းဆင်းလေ ဒီဇိုင်းနဲ့ ..ငါတို့ ကုမ္မဏီအတွက် အဖိုးတန်လေး ဖြစ်လာမှာ မောင်မောင် နုတ်ဆက်လိုက်အုံးလေ..”
တဖက်က မသိဟန်ဆောင်တာ မောင်မောင်တို့အတွက် ပိုလို့တောင် ကောင်းသေး..။ သူဌေး သူရက မိတ်ဆက်ပေး မဲ့သူ ရှိတယ်ဆိုပြီး ခေါ်လာခဲ့တာ ဒီလူမှန်းမသိခဲ့ပေ။
ဝတ်စားသည့် ပုံစံက စမတ်ကျပြီး သန့်ပြန့်နေပေမဲ့ အတွင်းစိတ်ကို သိပြီးသားဖြစ်တဲ့ မောင်မောင်အတွက်တော့ အထင်ကြီးစရာ ဘာတစ်ခုမှ မရှိချေ..။
“ မင်္ဂလာပါ..”
ပခုံးပေါ်ကို ရောက်လာသည့် ထိုလူ၏ လက်ကြောင့် မောင်မောင် အရှေ့ကို မသိမသာတိုးပြီး ခေါင်းငုံ့ နုတ်ဆက်လိုက်လျှင် လွတ်သွားမည်ထင်ခဲ့ပေမဲ့ ထိုလက်အစုံက ပခုံးပေါ်ရောက်လာခဲ့သည်။
ယတိပြတ် နုတ်ဆက်စကားသံကို ခေတ်လူ မျက်နှာလွဲရင်း ဝိုင်တစ်ခွက်လုံးကို သတိလက်လွတ် မော့သောက် ပစ်လိုက်သည်။
“သူဌေး ကျွန်တော် သူငယ်ချင်းတွေ ခေါ်နေလို့ သွားလိုက်အုံးမယ်..”
“ အိုကေ..ကောင်လေး..ပျော်ခဲ့..”
မောင်မောင် ဆံပင်အချိူ့ကို ဖွပေးပြီး ပြုံးနေသည့် သူရ၏ မူအရာကအစ ခေတ်လူ ရင်ထဲ နည်းနည်းမှ ဘဝင်မကျ။
ပိုဆိုးသည်က ဒါကို ပြုံးပြီး လက်ခံနေသည့် ဒီကာလနဂါးကို ပိုပြီး ဒေါသထွက်တယ် ပြောရင် မှားမယ်မထင်။
ရင်ထဲ ဘယ်လိုတွေ ဖြစ်နေမှန်းမသိ..ပူပြီး ဟာသာသာနှင့် ။ မျက်ခုံးတန်းနှစ်ဖက်က ကြုံတက်သွားပြီး ခွက်ထဲ ဝိုင်ကို ပြန်ထည့်သောက် နေမိပြန်သည်။
YOU ARE READING
👑မောင့် အရှင်
Romance👑မောင့် အရှင် ငယ်စဉ်ကတည်းက ယောကျာ်းစိတ်ဝင်နေတဲ့ မိန်းကလေး... ဆန့်ကျင်ဘက် လိင်ထက် မိန်းကလေး အချင်းချင်းကိုမှ စိတ်ဝင်စားတဲ့ မိန်းကလေး.. သူ့ကိုယ်သူ LGBT ခံယူထားတဲ့ မိန်းကလေး... တစ်နေ့ ဒီမိန်းကလေးရဲ့ဘဝမှာ မထင်မှတ် ထားတဲ့ အခြေအနေတစ်ခုရောက်လာတဲ့အခါ ဘာတွ...
