لم يكن الفراق هين

الفصل الثالث والعشرين

الفصل الثالث والعشرين

خرجوا من قاعة المحاضرات بعد إنتهاء الوقت المخصص للاختبار والذي كان أستاذهم يدربهم في على صعوبة الإختبارات في هذا العام ، كان الثمانية يبدو عليهم التعب والارهاق وأيضاً يبدو عليهم انهم لم يجاوبوا جيداً في الاختبار ولكن في الوقت ذاته لم يهتمه فهم لايزالون في البداية فقط ، اتجهوا يجلسون جميعاً ماعدا عمرو و دياب اللذان ذهبا برفقة هاجر و يارا لإحضار الطعام وظل الباقين مكانهم ، انشغل كل من خلود وكريم في اختيار بعض الأغراض لحفل عقد قرانهم والذي أصبح قريب و التهت آلاء في هاتفها ولكن لفت انتباها صوت مراد وهو ينادي عليها بحرج :

- ممكن أتكلم معاكِ شويه

انتبهت إليه وهي تغلق هاتفها وهتفت باستغراب :

- خير يا مراد في حاجه

القي نظرة سريعة علي الذي يجلسون بجانبها يتأكد أنهم لا يسمعون شيء مما سوف يقوله ومن ثم التفت إليها وهو يقول :

- آسف لو كنت ازعجتك امبارح أو ضايقتك ، أنا بس حصلت معايا حاجه ومكنتش لاقي حد اتكلم معاه

- ولا يهمك يا مراد حصل خير

قالت جملتها سريعا تحاول إنهاء ذلك الحوار، تردد أكثر قبل أن يطلب منها هذا الطلب ولكن حسم أمره بقوله بتردد :

- كنت عايز اطلب منك طلب كده ، أو بمعني اصح نصيحة ينفع

أومأت له إيجاباً دون أن تقول شئ في انتظار تكملة حديثه فعلى ما يبدو أنه في حيرة من أمر ما منذ امس، ابتلعه ريقه بتوتر وأضح و هتف سريعاً :

- هو ازاي اتخلص من شعور الغيرة اللي جوايا ، يعني ابقي فرحان بجد لغيري ومبقاش غيران منه

نظرت إليه مطولاً تفكر في سؤاله لا تفهم لما سأل هذا السؤال وما الشئ الذي يغير عليه أو الشخص الذي يغير منه، ولكن لم تهتم فقط تحدثت بهدوء :

- شعور الغيرة حاجة طبيعية يا مراد وموجود جوا كل واحد فينا ، ودايما بتحس بيه سواء غيران علي شغلك ، علي اختك ، علي صاحبك ، علي حبيبتك ، علي مامتك ، والغيرة شي جميل علشان دي بتبقي إثبات لقدامك انك بتحبه ومهتم بيه

صمتت للحظات ومن ثم أكملت حديثها تخبره محذراً أيا بعض الشئ :

- بس الجزء الوحش في الغيرة بقي هو انك تغير من نجاح حد من اللي انا ذكرتهم دول ، بمعني انك من حقك تغير عليهم علشان بتحبهم بس إياك تغير من نجاحهم ولا من اي حاجه وصلوا ليها علشان ساعتها انت بتدمر الحب اللي جواك من ناحيتهم ، كل ما تلاقي نفسك هتغير من حد أو تحس أن حد خد حاجه مش بتاعتك افتكر أن ربنا شايلك الأحسن وأن أكيد الحاجه دي لو معاك إنها ممكن تبقي ضرر ليك اكتر ما هتنفعك ، ربنا مش بيبعد عننا الحاجه اللي بنحبها أو بيديها لحد قريب مننا إلا وله حكمة في كده يامراد ، حكمة أنه يخليك تشوف اللي قدامك مبسوط و كمان بيخليك تتعلم مش كل حاجه نفسك فيها هتلاقيها و أن هو شايلك الأحسن بكتير