Although the trip was rough
(90)
[ပြင်းထန်လွန်းတဲ့တိုက်ပွဲ]
ပေါင်းစည်းစွမ်းအင်နဲ့ နတ်ဘုရားအဆင့်ရဲ့ စွမ်းအားက အလွန်ပြင်းထန်တာမို့ ရှင်းလန်ရှို့ သွေးတစ်လုတ်ပင် အန်ကျလာ၏။ ထိုစဥ် တတိယသခင်ရဲ့ လူကပါ စက်ကွင်းကို ထောက်ပံ့လိုက်သည်။
ရှင်းလန်ရှို့ မြေကြီးထဲ ဒူးတစ်ဖက် နစ်သွားသည်။
ယင်းဝူ -"လန်ရှို့....."
"အားနမ်ကို ခေါ်သွား!"
ပြေးလာနေတဲ့ ယင်းဝူရပ်သွားသည်။
ရှင်းလန်ရှို့ -"အခုအချိန်မှာ အားနမ်ကငါ့ရဲ့ တစ်ခုတည်းသော တန်ဖိုးထားရာလေး....မင်းသူ့ကို အန္တရာယ်ကင်းကင်းနဲ့ ခေါ်ထုတ်သွားပေးပါ"
"လန်ရှို့!!!"
"မြန်မြန်သွား!!"
ယင်းဝူ ခေါင်းပြန်လှည့်ကြည့်လိုက်စဥ် ကျီးယွမ်သည် သူမလက်မောင်းထဲက ရွှယ်နမ်အား စိုးရိမ်စွာနဲ့ ငုံ့ကြည့်နေတာကို တွေ့လိုက်ရသည်။
"အားနမ်....အားနမ်....."
ကျီးယွမ် စိုးရိမ်သွားသည်။ ရှင်းလန်ရှို့လည်း ရွှယ်နမ်ရဲ့ ခန္ဓာကိုယ်က ရုတ်တရက် အဖြူရောင်အမှုန်တွေအဖြစ် ပြောင်းလဲသွားတာကို စိုးရိမ်စွာဖြင့် လှမ်းကြည့်နေရင်း တစ်ခုခုဖြစ်တော့မယ်လို့ ခံစားနေရသည်။
ရှင်းလန်ရှို့ -"အားနမ်....."
အဖြူရောင်အမှုန်တွေ အားလုံး ရွှယ်နမ်ခန္ဓာကိုယ်ကို ဖုံးကွယ်သွားသည်။ အမှုန်တွေက ရှင်းလန်ရှို့ ပြုလုပ်ထားခဲ့တဲ့ အကာအကွယ်ကို ထိုးဖောက်ကာ ကြီးမားသော မြွေဖြူကြီးအသွင်ဖြင့် ရှင်းလန်ရှို့ထံ ပြေးလာသည်။
မြွေဖြူကြီးသည် သူ့ရှေ့မှာ လမ်းပိတ်နေတဲ့ ရှင်းဝမ်ချွမ်ကို အမြှီးနဲ့တစ်ချက်တည်း ရိုက်ထုတ်ပစ်၏။ ထို့နောက် ပျော့ပြောင်းသော ခန္ဓာကိုယ်နဲ့ တတိယသခင်ရဲ့လူကိုပါ တိုက်ခိုက်လိုက်သည်။
ရှင်းလန်ရှို့လည်း လက်တစ်ဖက်မှ ချိုးဖျက်လက်စည်းတံဆိပ်ကို မြန်ဆန်စွာ ပြုလုပ်လိုက်သည်။ အစီအရင်ကို ခရမ်းပြာလျှပ်စီးဓားထဲ တွန်းပို့၍ ပေါင်းစည်းစွမ်းအင် စက်ကွင်းအား တွန်းထုတ်ပစ်သည်။
YOU ARE READING
Although the trip was rough (Completed)
Historical Fictionရှင်းလန်ရှို့တစ်ယောက် တစ်ဘဝလုံး မိန်းမလှလေးတွေကို တွေ့ဖူးခဲ့သော်လည်း မျက်စိကွယ်သွားတဲ့အချိန်မှာတော့ ယောကျ်ားလေးတစ်ယောက်ကို သဘောကျမိသွားတယ်တဲ့.... ရွင္းလန္ရွို႔တစ္ေယာက္ တစ္ဘဝလုံး မိန္းမလွေလးေတြကို ေတြ႕ဖူးခဲ့ေသာ္လည္း မ်က္စိကြယ္သြားတဲ့အခ်ိန္မွာေတာ့ ေယာ...
