💞 قلوب أرهقها العشق 💞 بالدارجة المغربية

💛الفصل الثامن💛

قلوب أرهقها العشق خنساء شافت فالكارطونة ورجعات شافت فيه كأنها مامصدقاش ..خنساء:واش هاد الكادو ديالي أنا واش متأكد؟يقين ابتاسم بخفة وحرك راسو بالإيجاب ..خنساء :ولكن علاش عذبتي راسك ؟؟يقين : يا نصوب الكادو لكلشي ياما نصوب لحد [ حك لحيتو وكمل كلامو ] تقدري تقولي بلي خفت يبقا فيك الحال وتجيك الغيرة من يارا حيت رسمتها يعني مراعاة لمشاعر ديالكخنساء ضهرات ابتسامة خفيفة على ثغرها وشدات جبينها بيديها ...خنساء: علاه انا برهوشة باش تجيني الغيرة ههه ضحكتيني حق الله ولكن شكرا ليك بزاافالفضول قتلها باش تشوف شنو فيها هزاتها و حلاتها ووسعات عينيها بدهشة وهي كتشوف بالغينة فلون الزهري فردة مرسوم عليها حصان فالجزء الامامي والفردة الاخرى مرسوم عليها منظر طبيعي ...بالغينة بناتية ماقدراتش تخفي مدى إعجابها بها ....خنساء:زوينة بزاااف [ شافت فيقين ] شكرا وااعرة بلا قياااسميلودة :بصحتك وراحتك تلبسيها بالهنا انشاء اللهخنساء: ربي يخليك أخالتي [حطات يديها كتحسس داك الرسم اللي كان فالجزء الأمامي ]يقين: انا اللي رسمت عليها عجباتك ؟خنساء هزات عينيها فيه وقالت بإستغراب وبصدمة كأنها مامثيقاش ...خنساء: واش نتا اللي رسمتي هادشي هنا؟؟يقين دار يدو فجيبو وقال بتواضع ..يقين: كيعجبني نرسم على الصبابط وتيشورات والسراول والحيوط واللوحات هادي هي خدمتي اي حاجة بانتلي خاوية كنحط عليها لمستيخنساء شافت فيه بإعجاب ...خنساء: تبارك الله عليكيقين:أش بانلك تجربيهخنساء حنات عينيها لجيهة صباطها اللي كان باين فيه مقطع و مغبر حاالتو حسات بالإحراج بعض الشيئ ...حيداتو ببطئ و لبسات البالغينة اللي عطاها يقين جاتها عبار على مقاس رجليها كأنها مصنوعة ليها ...شافت فيه و ضحكات و رجعات شافت فميلودة اللي ابتاسمت ليها هي الاخرى ..ميلودة: جات مع رجليك مشااء اللهخنساء مررات خصلات شعرها بين ودنيها و قالت بعفوية ...خنساء: شكرا بزااف و لكن ما نقدرش نقبليقين :علااش؟؟خنساء: زعما ما يمكنش و صافييقين : علاش ما يمكنش ؟؟ حنا عندنا عادة فالعائلة أي ضيف كيدخل لدارنا كنخليو ليه كادو باش يتدكرنا ياك أ دادا ميلودةميلودة: اييه أبنتي حنا معروف علينا ما نخليوش ضيف يخرج بيديه خاوية حتى كن ما عطاكش يقين الكادو انا كنت غانعطيه ليكخنساء عضات على شنيفاتها و شافت فيهم و حسات بالاحراج من كرم هاد ناس ولكن هي كتشوف لبعيد الا رجعات لدار و سولوها منين جبتي الصباط شنو غاتقولهم و لا الا قالولها شكون رسم يارا هادشي اللي شغل بالها فهاد اللحظة ..بارت 23قلوب أرهقها العشق يقين : دادا ميلودة صوفي راه ناعسة فبيتي الا فاقت عطيها ماكلتها و ديري ليها فيه دواميلودة : واخا اولدي ما يكون غير خاطركيقين : [وجه نظراتو لخنساء] كنساينك فطوموبيل [ حط لخنساء تيليفونها من فوق الطبلة و خرج ]إنصارف يقين و خنساء حنات باش تهز الصباط القديم باش تلوحو و هي تسمع صوت ميلودة ..ميلودة: غير خليها عليك ابنتي انا غانلوحو بان ليا ما بقاش صالحخنساء شافت فميلودة و جاوباتها ...خنساء:فاش قاسني يقين بالطوموبيل طحت و تقطع ليا صباطميلودة: فيها خير ها ربي عوضك بما احسنخنساء قربات منها و سلمات عليها و قالت بابتسامة ..خنساء: شكرا ليكم أ خالتي و سمحيلي على هاد دخلة صدعتك معاياميلودة : ما تقوليش هاكا بالعكس فرصة سعيدة اللي تلاقيت ببنوتة بحالك الله يحفظك لواليديكخنساء: خليت ليك راحةميلودة: طريق سلامة ابنتي و بقاي تردي البال فطريقخنساء: واخا الله يعاونميلودة : بلاتي نمشي معاك لبابخنساء: لا غير رتاحي باركة العداب اللي عدبتك معايا هاد نهارهزات تيليفونهامن فوق الطاولة و عطاتها بضهر و حلات الباب و خرجات لقات يقين متكي على الطوموبيل كينتاضرها شافت فصورة يارا اللي رسمها يقين و حولات نظراتها لصباط لي عطاها كهدية و حوايجها اللي ولاو نقيين و لاطارط اللي خلصها عليها غير باش ما يغوتوش عليها واليديها كن كان شي واحد كن ضربها و زاد و لكن هو فضل يعاونها سبحان الله العظيم واش مازال الخير فالدنيا ؟واش مزال ناس اللي كدير الخير فناس بدون مقابل ؟ ما عمرها توقعات غايوقع ليها هادشي و غاتلاقا بهاد الاشخاص الطيبين بل عمرها تصورات بلي غايكونو ناس اغنياء بهاد الطيبوبة و هاد الكرم الي فهاد الناس سبحان الله كانت من ديما واخدة نظرة خايبة على ناس الاغنياء كتقول اكيد غايكونو خايبين و حاسيين براسهم و بفلوسهم و لكن هاد نهار تعلمات واحد الدرس زوين اللي هو ما نبقاوش نحكمو على ناس قبل ما نعرفوهم و ناس طوب و حجر كيفما كاين الخايب كاين المزيان راه كاتلاقهم فقراء و متكبرين و كاتلاقا اثرياء و متواضعين كلشي على الأخلاق ما كتبقاش فغني او فقير قد ما كتبقى فالتعامل السليم و الأخلاق الحسنة ...قربات ليه و حل ليها الباب بكل جنتلمانية و قال جملتو شهيرة :يقين: ladies first *النساء أولا *خنساء: واش عارف لقصة ديال هاد النساء أولا ؟يقين حرك راسو بنفيخنساء: هانا غانعاودها ليك فالطريقيقين ابتاسم على عفوية هاد الفتاة الخرقاء اللي سلط عليه سيدي ربي ...يقين : مرحباطلعات و سد الباب و ركب فالمكان المخصص ليه و انطالق فإتجاه centre ville...خنساء كانت ساهية فالصورة ديال يارا و كتمرر يديها عليها عجبتها بزاف و ما كرهاتش حتى هي تشوف صورتها مرسومة ...يقين :عاودي ليا القصة نسمعخنساء : اينا قصة ؟يقين : عندك ذاكرة ضعيفة على هاد الحساب نزيد هادي على صفاتك لوخرين [ شاف فيها و ضحك و رجع شاف فطريق ]خنساء زفرات بغضب من كلامو ليها جاها بحال منيفخ شوية و بدات صورة ديالو زوينة كتلاشى أمامها مرة كتحس بيه حنين و ضريف مرة متكبر و عايق و كيستفزها ما عرفات فإينا خانة تصنفو و لكن حاولت تضبط أعصابها أصلن هاد دقائق القليلة اللي بقات ليها معاه و ما غاتعاودش تشوفو مزال داكشي علاش قنعات راسها باش تبرد طرح و تكالما و فضلات تصمت ...يقين : واايلي ما تقوليليش صمكة [ دار يدو على فمو و ضحك و كمل كلامو ] متسرعة و نية و دغيا كثيقي بشخص عندك فوبيا دم كتخافي من عائلتك داكرتك ضعيفة و دابا اكتاشفت بلي صمكة قلتلك بلي نتي كتاب مفتوحخنساء جمعات يديها على شكل لكمة و دارت عندو و بغات تبدا تعاير و هو يسبقها و قال ...يقين : اكيد دابا غاتبغي تعايرني حيت تنمرت عليك أو آديتك بكلامي و بهاد الطريقة غانكون عرفت بلي نتي ما كتقدريش ضبطي اعصابك سمحيلي على كلامي اللي قلت كنعتادر انا غير ضحكت معاك باش نزيد نتعرف على شخصيتك أكثر حيت انا كنقرا كتب بزاف على علم نفس و كيعجبني ندرس تصرفات و تحركات الأشخاص و كيفاش كايتعاملو فحياتهم و نتي من بين ناس اللي بغيت نعرف كيفاش غاتعاملي معايا الا تنمرت عليك ..خنساء: و لكن علااش زعما ما فهمتش ؟بارت 24قلوب أرهقها العشق يقين التافت و شاف فيها و رجع شاف فطريق و قاليقين : شكلك أ خنساء أكيد غايكون كيخلي ناس يعايروك و ينفروك و يضحكو عليك فطريق و حيت انا عارف بهادشي اللي كتدوزي منو و حتى انا تعرضت ليه فواحد الفترة من حياتي و كنحاول نساعد اي واحد كنشوفو انا محتاج لمساعدتي النصيحة اللي غانقولك ما تسمعي لحتى واحد و اللي بغا يقول عليك شي حاجة يقولها ما دام نتي عارفة الجوهر ديالك ما يهمكش بنادم شنو ما قال عليك بنتيلي بنت ضريفة و داخلة سوق راسك و نظرة المجتمع ما كترحمش الحاجة اللي غانقولك بغي راسك كيفما نتي و حيت نتي فيك واحد الجمال مختلف على البنات كااملين اللي شفتهم فحياتي غانقولك بلي نتي مميزة لا بأخلاقك و لا بوجهك خاصك تعتابري كلام ناس بحال شي صخرة الا اهتميتي بيها و حملتيها على ضهرك غاتقصحي و غاتألمي و الا ما تسوقتيش و درتيها تحت صباطك غاترفعك ديما ديري هاد الكلام فبالك ...فهاد اللحظة بالضبط حسات بأنها إنسانة سيئة حيت ساءت ظن فيقين اللي كان باغي ليها غير الخير و قال ليها كلام عمرها كانت كتظن انها غاتسمعو من شي شخص بل ان كلامو كأنه بلسم تحط على جروح كانت و مزالت فروحها كانت تاركة ندبات كثيرة و لكن بكلامو لملم جراحها شخصيتو عجباتها بحال وجهو الملائكي كيبان فيه إنسان واعي و مثقف شخصية فريدة من نوعها اللي شاف شكلو يقول هذا شخص عصاابي او مسطي و لكن الجوهر ديالو ما كاينش بحالو بانت علامات الاعجاب على وجهها و كلامو كيتكرر فودنيها كأنها حفظاتو عن ظهر قلب اكتافت بابتسامة إمتنان ليه و قالت بصوت قريب للهمس ...خنساء: شكرايقين : العفو نقدر نكون متطفل و كندخل فخصوصيات ناس و لكن كندير هادشي باش نعاون نااس و ربما بكلامي نبدل فيه شي حاجة حيت عارف شنو ممكن دير مجرد كلمة فنفسية الإنسانخنساء: عندك الحق نتا فهاد اللحظة ما عرفتيش شنو درتي فيا بحال عطيتيني امل جديد و فكل كلمة قلتي عندك الحق حيت انا من ناس اللي كيتأثرو بالهضرة د الناس فالطريق و كيفما كتشوف وجهي عامر برص و كنتعرض لهجوم كبير فالشارع و نظرات ديال ناس ما كترحمش شي بعض المرات كنحس كأنني كائن فضائي نزل من السما و لكن كنحاول ما امكن نبغي راسي كيفما انايقين : برافو عليكخيم الصمت على المكان حتى قال يقين ...يقين : ما غاتعاوديش ليا قصة ladies first شوقتيني ليهاخنساء ابتاسمت وتقادات فالجلسة ...خنساء:فالقرن الثامن عشر كان واحد الراجل من عائلة غنية كيبغي واحد البنت من عائلة فقيرة عائلتهم رفضات هاد العلاقة اللي بيناتهم اوا وقررو ينتاحرو من فوق واحد الصخرة عالية جاية على جرف كيطل على واحد الواد وبالفعل مشاو مع بعضياتهم لداك جرف والراجل قرر يلقي بنفسو هو اللول حيت ماقدرش يشوف المراة اللي كيبغي غاتلوح راسها وداكشي اللي كان اوا والمراة فاش شافتو مات رجعات بحالتها وتزوجات وولدات ومن تما ولاو فينما كيبغيو رجال يديرو شي حاجة كيقدمو العيالات هما اللوالة العبرة من هاد القصة هو ان العيالات ماديرش فيهم الثقة داكشي علاش كيبغيو ديما يقدموهم هما اللوالة وكاينة قصة وحدة اخرى عاودها لينا واحد الاستاد د الفرنسية فالباك قالك من شحال هادي فالحروب كانو كيخافو يكونو القنابل مزروعين فالارض ويزطمو عليهم ويموتو الرجال داكشي علاش كانو كيقولو" النساء أولا "كيضحيو بالعيالات باش الا كانو القنابل مزروعين فالارض يموتو العيالات ويبقاو رجال اللي غايتحاربو حيت الا مشاو حتى ماتو رجال اللي غايتقاتلو شكون اللي غايتحارب داكشي علاش هاد العبارة كايقولك إهانة للمرأة اوا كيف جاك هادشي اللي قلت ليك ...يقين حك لحيتو و قال بعد صمت ...يقين : عبارة " النساء أولا "بالنسبة ليا أنا كنقولها حيت بصح كنقدر المرأة وكنخليها من اولياتي ديما هادشي اللي تربيت عليه من الصغر انا فواحد العائلة اللي كتقدر المراة وكتعطيها قيمة كبييرة وحيت هي بصح كتستاحق تعطى ليها قيمة كبيرة فلولا المراة انا ما غانكونش جالس هنا هي اللي حملات بيا تسع أشهر فكرشها وبغاتني بدون مقابل ودعات معايا ووكلاتني بيديها وقراتني وعلماتني نحب وهي اللي وصلاتني لهادشي اللي انا فيه فانا كنسبق المراة على نفسي فكلشي حيت اي امراة فهاد العالم كتستاحق تكون ملكة المراة هي المجتمع والا كانت المراة تخلقات من ضلع الرجل فالرجل راه كامل منها..بارت 25قلوب أرهقها العشق حبس الطوموبيل وشاف فيها لقاها كتحدق فيه بإعجاب باين وواضح على ملامح وجهها بشكل كبيير ..يقين : وصلنا لمحل ...خنساء دورات وجهها بان ليها بلي بصح وصلو و لكن ما عرفاتش علاش ماعجبهاش الحال كانت مزال طامعة تهدر معاه وتزيد تمضي معاه ساعات إضافية تنهدات ودارت باش تشوف فيه لقاتو نزل من الطوموبيل وقال ...يقين : غانمشي نجيبها و نجي تبغي نشريلك معايا شي حاجة مشهياها ؟؟؟خنساء: لا شكرا ولكن غانجي معاك باش نجيبها ومن بعد نركب فطاكسييقين : نوو غير خليك انا غانوصلك حتى لدارخنساء:ولك..يقين : صافي هدرت وكلامي ماكنرجعش فيهسد الباب وخلاها كتشوف ماعرفات ما تدير بقات متبعاه بعويناتها حتى دخل للمحل ديال الحلويات وما حسات بالابتسامة حتى شقات طريق شفايفها وبدات تهدر مع راسها كيفما العادة ...خنساء:ياااربي واش هاد الراجل حقيقي بزاف على هاد الزين والهدرة المسكَدة والثقافة ورزانة والادب والصواب فيه مواصفات الراجل اللي كنحلم بيه والله حتى بزااف دخت أنا ودبت على حسب هدرة خالتي ميلودة مطلق ولكن شنو سبب اللي غايخليها تسمح فهاد الرجل اويييلي على مكلخة أوييلي انا كن كان راجلي كن نشد فيه بيدي وبسناني وبنيابي وبضراسي ياااربي علاش كاين شي ناس ما كيقدروش نعمة ويضيعوها علاااش اويلي على غدايدي اوييلي انا هادا كن كان راجلي كن نسد عليه فشي مجر وما نحلش عليه نبقا نحلو مرة مرة و نبوسو و نردو للمجر هههه كيبانلي حماقيت و لكن يا ربي الحبيب راه غزااال غزااال قطييوط تزعطت فهاد عينين جلبانة [صرفقات راسها ] أصلن بقالي معاه غير دقائق معدوودة و أي بنت فبلاصتي كانت غاتبغي هاد السيد [حطات يديها بجوج تحت خدها و ميلات عليهم راسها و بدات كتحلم و كتكلم مع راسها ] تصوري معايا اخنساء توقع شي معجزة و تزوجي بهاد عينين جلبانة و تولدي معاه جوج بنيتات و يكونو كيشبهو ليه حيت انا الا شبهو ليا مشاااو خلا تصوري معايا اخنساء تصبحي على وجهو كل صباح و تقوليلو حبيييي يقي..ماجات فين تكملها حتى تحل الباب وبان ليها يقين هاز فيديه كارطونة بيضا فيها لاطارط ... من حسن الحظ ماسمعهاش وتقادات فالجلسة وقالت ...خنساء: احم صافي وجداتيقين حل الكارطونة وقال بهدوءيقين:واش هي نفسها لاطارط اللي خديتي لبنت ختك ؟خنساء: والله حتى هي نفسهاطلع يقين وحطها فالجزء الخلفي لسيارة ودار و سد الباب وديمارا وقلع وبعد مدة صمت قالت ...خنساء:شكرا اخويا ماعرفتش كيف ندير نردلك هاد الخير اللي درتي فيا ..يقين : ماتعتابريهش خير اعتابريه فقط غلط وقع بسبابي و انا صححتو واخاخنساء حركات راسها بالايجاب وسهات فطريق وكتخمم شنو غاتقول لختها ...يقين:العنوان ؟خنساء : حي النسيم واش عرفتيه ؟يقين : [حرك راسو بالايجاب] وي عرفتوخنساء حسات براسها غاتحماق بقوة التفكير فأشنو غاتقول لختها الا سولتها على صباط وعلى هاد الرسمة منين جابتهم شنو غاتقولها ...قفزها صوت يقين اللي قاليقين: مالك ساهية وساكتة ماموالفاش ليك ؟خنساء شافت فيه وقالت بعد صمت ..خنساء: ختي شنو غانقولها و ..يقين:الا كان معاك الله و يقين ما تخافيش [شاف فيها ] عندي الحليتب_______عالى كل من تقرأ قلوب أرهقها العشق في صمت بدون تعليق او لايك اتمنى لكي مساءا سيئا يرتطم فيه اصبعك الصغير مع الطاولة و تنسكب القهوة على جسمك و تحرقه شكرا اكيد كبيداتي و بنيتاتي الغزالات ما فيهمش الفعايل ديال قرا و هرب جيماتكم أرائكم طنحبوها و كنقراهم كاملين و كنجاوب عليهم هادوك اللي تايعلقو راني حافظكم عن ظهر قلب راكم هنا و حتى اللي ما تيعرفوش يعبرو خليو غير قلب أ الكبيدات