💞 قلوب أرهقها العشق 💞 بالدارجة المغربية

💛الفصل 41 💛

الجزء 125قلوب أرهقها العشق خنساء تقادات فالجلسة و هضراتها زرعات فنفسها شك و قالت بريبة ...خنساء: كيفاش زعما ؟؟ واش ممكن يكون راجل كيبغي مرتو و يخونها ؟؟ياقوت صرطات ريقها بصعوبة و جاوباتها بعدم راحة واضحة من نبرة صوتها ...ياقوت : شحال من وحدة خانها راجلها واخا يكون كيتسطى عليها عادي جدا كلنا كانغلطو و كلنا بني آدمين خلاوها المصريين و قلااال رجال اللي يبغيو عيالاتهم و ما يخونوهمش معروف عليهم ما كتقنعهمش مراة وحدة ضروري خاصو الجديدخنساء ضربات الجلسة و حركات راسها بنفي و قالت ...خنساء: واايت وااايت وااايت خلاوها الميريكانيين تي كيفاش قضيتك راجل لواه يبغي مرتو و يخونها عادي و كيفاش راجل ما تقنعوش مراة وحدة ضروري خاصو يبدل واش من نيتك و لا غير كتهضري و تبلابلي بلا فايدة ممكن تقولي ليا كلامك علايش مبني ؟؟ياقوت : على الواقع اللي عشتو و شفتو و سمعتوخنساء طرطقات فيها عينيها عرفاتها مخبعة شي لعبة و لكن ما بغاتش تبين تقادات فالجلسة و قالت بابتسامة ...خنساء: ما كاينش احبيبة شي رااجل على وجه الكرة غايبغي مراتو غايخونها و دخليها لراسها مايمكنش و حتى الا طلعات ليه فراسو يطلقها أختي و يمشي يعيش الحياة و يهنيها لاش غايبقا رابطها معاه بينما هو كيمشي يلعب من مور ضهرها كن كان كيبغيها بصح غايعطيها قيمة فحضورها و فغيابها ماشي يتبحلس عليها و غير يلوحو الباب يقلب على وحدة أخرى من مور ضهرها حتى يصدق جايب ليها شي مرض و لا شي مصيبة كحلة الله يستر واخا نقولو بلي هاد المراة ما مزيانش و ما كتهلاش فراسها و ما كتعجبكش فيها شي حاجة و جلس اخويا على طبلة و حطو نقط على الحروف ماشي نتا تخونها و تجي فالتالي تقولها لا حكَا و الواد نتي ما كتهمتميش بيا و ما كتهمتميش براسك و نضت خنتك حيت ما بقيتش قادر نصبر أفكار ديال الزبل و رجال ديال الكارطون و الراجل ما كيخونش من اللخرياقوت : ههه ويلي غير بشوية عليك ردي لسانك لور نتي الا حصلتي راجلك كيلعب من مور ضهرك تدكَيه تدكديك الحنة و تغسليه غسيل الكرشة وهيااا ناااريخنساء: و الله حتى نشدو نقطعو طراااف طراااف و نعطيه للكلبات و لهيلا قالك يخوني لهلا يحييه و لا يوصل صبعو لرجليه شكون بغا يكون بسلاامة كيخرى لويز كيفما جبتو نجيب سيييييد سييييدوياقوت : اهيااا طلعتي ما ساهلاش ههههه صدمتينيخنساء:اوا انا باش تانقولك راجل اللي غايعجبني خاصو يكون فششكل لا فعقليتو لا فشخصيتو لا فكلاامو لا فشكلو كوولوو خاصو يكون واااعر فشكل عندو كاريزما يكون رومانسي و تاافه مرة مرة عزيز عليه النشاط و الخروج و السفر و المغامرات و نجربو حاجات جديدة كلامو موزون يغيير عليا و يتسطى عليااااا نبقى نبان ليه غير أنا و يطيب ليا مرة مرة و نمشيو انا و ياه للعمرة فكل عاام داكشي علاش خاصو يكون دومااالي هاااح اسيدي ربي انا غير تخايلتو حبيتو اصلن ما غايكونش عندو الوقت اللي يفكر فغيريياقوت طلقاتها بضحكة عاالمية ....ياقوت : ههههههههههه و تراشو بدقيق و تشطحو تحت شتا و يديك فاليخت ديالو اطط نضحك اطط ههههههه لا اختي نتي راه خاصنا نزوروك و نديوك لسادات هدا ابنتي راه ماشي راجل هدا راه جن الا لقيتيه خاصك تقتليه راك مزال ما عارفة ابنتي الواقع اش فيه واخا يطير حتى يعيا كيبقى مغريبي و عربي و الا بانت ليه فشي وحدة يقصدها يقصدها دعي ربي يطيحك فشي ولد ناس اللي يبغيك بقلبو و ما يسمحش فيك حيت نتي راك مزال ما عارفة شنو كتعني ترجعي عند واليديك نتي و ولادك و تسماي مطلقة فوسط مجتمع ما كيرحمش داكشي علاش من اللول اختاري صح باش تعيشي مرتاحة حياتك كاملة و ما ديريش بحالي انا الخيال حاااجة و الواقع حاجة أخرى أ حبيبة هادشي اللي تادوي عليه كاين فالقصص ماشي فالواقع و الله لا قفلتي لا فورتي و الله و ما كانو عندك شوااهد يابنتي و شي صنعة فيديك و ما كنتي مطورة و قافزة و مستقلة بذاتك و الله حتى يلعب عليك سيس الحب و الغرام غير خضرة فوق طعام فاش تايدخل معاك الزمن عاد كاتعرفي الحياة فيها حوايج اكثر من حيبيني حيبيك و الراجل ماشي هو مصباح علاء الدين و اكبر غلط هي تشدي يا ختي و تبداي تبلزي فالولاد من ديبار واخا هو كلشي ديال الله و لكن الواحد حتى يقاد للولاد فين يكونو و يعرف علايش داخل عاد ديك ساعة يولد و يتعلم يشد الفرانخنساء حسات بختها هازة فقلبها شي حاجة وما بغاش تنطقها و لكن بكلامها قدرات تحس بلي كاينة شي لعبة و شي إن فالموضوع ...خنساء: و نتي كاتحسي براسك مرتاحة مع راجلك ؟ واش كتبغيه ؟؟ واش عمرك حصلتي عليه شي حاجة ؟؟؟ياقوت ابتاسمت باستهزاء و حطات محمد سلطان فالكونة ديالو غير بشوية و قدات حوايجها و شافت فيها و نطقات بصوت خافي فطياتو الحزن ...ياقوت : قالك الا شفتي جوج د ناس معاشرين عرف درك على واحد حتى واحد ما عايش هاني و خصوصا العلاقة ما بين راجل و المراة صعيب تفهميها الجزء 126قلوب أرهقها العشق خنساء: بحال كتهربي من الجوابياقوت : ما كنتهربش غير هو كنتفادى نهضر فهاد المواضيعخنساء:انا ما قلت ليك والو غير سؤال غاتجاوبي عليهياقوت تنهدات من اعماقها و قالت ...ياقوت : اش غانقولك بلال بحالو بحال اي واحد كيخون مرتو ما مرة ما جوج حصلت العكر عندو فقاميجتو عندو شعر بنت اخرى فحوايجو عطر مراة اخرى الهضرة فالتيليفوناتخنساء شهقات وهبطات خدها بيديها ...خنساء: أويييلي يا ختي هادشي كامل واقع ليك و ما تقوليها ما تدكريهاياقوت : اش فهادشي ما يتقال عييت نهضر عييت نحاول معاه كيرغبني و يزواك و كنبغيك و كدا و يعاود الفعلة ديالو و مرة يتووب ما عندي ما نديرخنساء: كيفاش ما عندك ماديري واش بعقلك و لا بعقلياقوت : كن كنتي بعقلي كن كملت قرايتي و خدمت شي خدمة و درت شي صنعة تحت مني راه خلاوها ماليها الصنعة الا ما غناتك تستركخنساء حطات يديها على فمها مصدومة كانت شاكة فيه من آخر مرة بغا يتحرش بيها حيت ما يمكنش يجي و يطمع فخت مراتو و هو ما كيدير والو على برا امبوستحيل بقات غير صاقرة و كتخمم واش تقول و لا ما تقول ...خنساء: و علاش ما تعلميش الخياطة أصاحبتي و لا الطرز و لا تعلمي لشي لغة و تخدمي بيها و لا ديري قناة فيوتيب ديري طبخ المهم عطا الله ما يداار و لا دفعي لباك حر و شديه و دفعي للكابلاج و عري على كتيفاتك و خدمي و سمحي فالزمرياقوت : سمحي فالزمر ؟؟ واش من نيتك راني متعلقة بيه لواحد الدرجة ما تصورش انا راني كنت مصاحبة معاه فاش كان فعمري خمسطاش العام و بسبابو الواليد خرجني من القراية فاش حصلني راكبة معاه من فوق الموطور نسيتي هاااسخونية راس رجعات عليا بالبرودة و طلعت معايا اكبر صبع التصاحيب قالك هدا هو الحب و الغرام اللي كان يصحابلي غانلقاه حتى من مور ما نتزوجو و نعيش الحياة السعيدة افكار ديال التبرهيش هي اللي وصلاتني لهاد الحالة هااا آخرة تصاحيب و زعتر و الباكور الهندي هو كمل قرايتو و خدم و انا خرجت بجرتو من القراية و غرقت معاه بالولاد و لكن واخا تايخوني و هادشي كامل و الله اختي حتى كانبغيه و عندي أمل انو يجي نهار اللي يتبدل فيه كيفما كان الحال كيبقى بابات ولادي و بصراحة ما بغاش نتسمى مطلقة و نرجع لعند مي و با بولادي و نزيدهم بمحاينيخنساء شافت حتى عيات و حركات راسها بلا حول و لا قوة الا بالله العلي العظيم....خنساء: اش غانقولك اختي تعلمي شي صنعة باش حتى الا طلع ليك الزمر فراس طلقي و هزي ولادك و كري غير بيت و صرفي عليهم ربي اللي تايرزق ا حبيبتي اللهم التكرفيص و لا الدل و نعيش مع راجل ما فرحاناش معاه و ما عرفتي ربي يجيب ليك شي ولد ناس أحسن من هاد المرض راك غير كتفقصي فراسك أختي على والو واش غاتصبري على ود الخيانة راه معناتها ما كيبغيكش و ما بقيتيش مقنعاه كلامي قاصح و لكن باش نفتح ليك عينيك أ ختي راه هادشي بزاافياقوت حطات يديها على شعر خنساء و ابتاسمت ابتسامة مصطنعة ...ياقوت : ما غاتفهمينيش اختي و الله ما غاتفهميني راه المشاكل و الحراير اللي دوزهم عليا ما دوزهم حد و لكن هانا صاابرة حتى يحن مولانا و فاش غاتجي الوقيتة اللي غانشوف راسي قادرة نطلب طلاق غانطلبو و غانسمح فالزمر خليتيها نتي بلا ما تعمري راسك بيا انا و هضرتنا تبقى بيناتنا ما نبغيكش تقوليها لمنانة واخاخنساء تصدمات من قرار ختها واش كاين شي وحدة غاتصبر على قبل راجل كيخونها و ماشي غير مرة مرات عديدة و لكن صابرة و جالسة معاه شنو غايتبدل الا قالتلها بلي كان باغي يتحرش بيها اكيد ما غادير والوكانت طامعة انها تقولها ليها و تقولها بلي غاتعاونها باش تطلب الطلاق و لكن على ما يبدو غير غاتنوض صداع و المشاكل على والو و ختها أصلن ما ناقصاهمش و مقتنعة بيه و كتبغيه و صابرة على الدل غير باش ما تسماش مطلقة و ترجع عند واليديها ؟! هي حقا فموقف لا تحسد عليه الحل الوحيد اللي كيبان ليها هو تبعد على المدينة و ضبر على خدمة اخرى منها ترتاح باش ما يقربهاش مجددا و منها تكتاشف حاجة جديدة و منها تخلي حياة ختها هانية .....تقادات خنساء فالجلسة و قبطات فيد ختها و قالت بحنان اخوي ....خنساء: سواء كنتي مطلقة أو مزوجة أو أرملة الزواج ما غايزيدكش الكرامة حيت عندك بلا بيه و الطلاق ما غاينقصكش انوثة حيت نتي اصلن انثى الرجل انتي اللي كتكملي حياتو ماشي هو الرجل هو اللي محتاج المراة فحياتو ماشي حنا اللي محتاجينو و شوفي عظمة الله أن سيدة مريم ولدات نبي بلا ما يمسها حتى رجل نتي عمرك سمعتي بلي رجل عندو إبن بلا امراة ؟ يكفينا فخرا ان آخر حاجة وصا عليها الرسول صلى الله عليه وسلم قبل ما يموت هي النساء فما تحزنيش الله ديما غايكون معاك و غايوريك طريق صحيح رجوع للواقع الجزء 127قلوب أرهقها العشق مافيقها من شرودها و تفكيرها غير صوت البنت اللي خدامة معاها ....البنت : خنسااء موسيو عدنان بغا يشوفكخنساء : ما قالكش علاش؟؟؟البنت : نو ما قاليشخنساء: داكوغ ميغسيانصارفت خنساء من داك المكان و طلعات فدرج المؤدي للطابق الافقي فين كاين البيرو ديال عدنان دقات و هي تسمع صوتو ..عدنان :دخلتنفسات مزيان قبل ما دخل حيت ما كتحملش فيه شعرة حلات الباب و دخلات لقاتو كيسني على شي وراق و لابس نظراتو طبية ...خنساء : وي موسيو عدنانعدنان كيتكلم و كيسني فالوراق ...عدنان : تعلمتي الادب و الصواب من آخر مرة تبارك الله عليكخنساء غمضات عينيها و عاودت فتحاتهم ما حاملاش كلامو ما نطقات بحتى حرف ،هز عينو فيها وحيد نظاراتو طبية و لاحهم فوق البيرو شبك يدو مع بعضيتهم من فوق المكتب و قال بصوت مستفز ...عدنان :دخلي مالك بقيتي واقفة ما كنفرقوش الغاطوخنساء سدات الباب و تقدمات بخطوات بطيئة و رزينة كلها ثقة وجلسات من فوق الكرسي و دارت رجل على رجل و عينيها مفيكسياهم فعينيه نطقات بصوت كولو ثقة ...خنساء: خفت نجلس و تسمي عليا شي كلمة جديدة اللهم قلت نبقى واقفة حتى طلبها مني سيادتكمعدنان لاحظ بلي نبرة صوتها تبدلات و كتهضر معاه بطريقة ما موالفش كيسمعها من فمها الشيى اللي فاجئو بعض الشيئ....عدنان : بحالاش هاد الكلمة ؟؟خنساء: موسيو عدنان جيت باش تقولي شنو بغيتينيعدنان ضرب بيدو على الطاولة و قال بنبرة تهديد ...عدنان : نتي شنو كيقولك راسك باش تهضري معايا بهاد الطريقة راه انا اللي مخدمك ماشي نتيخنساء قفزات من مكانها حيت ما قالت حتى كلمة فيها العيب سقرات و شافت فيه ....عدنان : اصلن كنت عارفك ما مربياش من ديبار داكشي علاش هاكي ها خلصتك ديال هاد الشهر اللي خدمتي معانا فيه اللي كن ما يقين كااع ما تخدميها فهاد المكتبةحط ليها واحد البرية قدامها و كمل كلامو ...عدنان :خدمتك معانا هنا سالات تقدري تقلبي على خدمة فقنت آخر و نصيحة نقصي من هاد قلة الترابي ديالك و إلا بغيتي نقدر نشوف ليك شي روض يعاودو ليك فيه ترابي لعل و عسى تولي بنت مربية تفوووخنساء استفزها لواحد الدرجةما تصورش تغرغرو عينيها و هي تضرب الوقفة و ماشعرات براسها حتى خبطات على المكتب بواحد الطريقة زعزاتو من بلاصتو و نطقات بصوت مجروح ....خنساء: دااك الروض سيري عاود فيه ترابي لراااسك أقليل ترااابي حيت نتا اللي واقيلة خاصك تعجن و ترجع لكرش مك تعاودي ليك الترابي حتى هي اقليييل الترابي تفووو على كماااارتك أ العجل عااااجبك راااسك تفووو على باك اللي ولدك و ماااربااك اما أنااا بزااااف عليك بااش توصلني عندك يصاحب ليك غير سكت ليك المرة لول طلع من فوق راسي ياااكما يصاااحب ليك غانخاف منك حيت عندك الفلوس الخوف من الواحد الاحد اللي غاياخد ليا حقي منك ندمت على نهار اللي حطيت رجلي فهاد المكتبة العوجة دياالك اللي كتعنى بيها يصحابلك درتي طايلة آخرتك شبر و ربعة د صبعاان و نتا بحالك هما اللي ما كيتسااعوش فقبرهم قبرك نتا بعدا غايجي شوووكة اللي جا يبول عليه حتى وجهك كشبه لطواليطات و فمك هو الثقبة ديالها حتى انا حمارة و ما فيا نفس اللي راجعة نخدم عند واحد بحالك ربي دار ليا مسلك ديال الخير نهار اللول و لكن انا اللي رااجعة نستااهلهزات البرية ديال الفلوس من فوق الطبلة و كتحس بداتها كلها كترعد كيفاش خرجات هاد المعيور كاامل من فمها هي براسها ما عارفاش فقدات السيطرة على راسها عطاتو بضهر و سمعات صوتو المستفز من جديد ...عدنان : قلتلك ما مربياش