💞 قلوب أرهقها العشق 💞 بالدارجة المغربية

💥 الفصل 30 💥

سلطان كان سايق و يقين و خنساء لور هاد الاخيرة اللي غير حاضية طريق و سااهية و كتخمم أشمن صدمة غاتلقا ثاني الحاجة اللي عارفة هي يقين ما غاتكملش معاه و غاتفسخ خطوبتها معاه و لكن سلطان طلب منها حتى تعرف السر الثاني عاد ديك ساعة تفسخ خطوبتها معاه رسمياااا حسات بيه حط راسو على كتفها تنهدات و بقات على نفس وضعيتها يقين عندها عزيز بزااااف و كن ما هو ما توصلش لسلطان واخا كاتقول كرهاتو و لكن بداخلها ما قادراش تخلى عليه و الا كان بإمكانها تعاونو غاتعاونو خنساء عمرا تفكر تعض اليد اللي تمدات ليها داكشي اللي دار كامل غير باش تبقى بجنبو و يحافظ عليهااا معاه و لكن نسى بلي حبل الكدب قصير و ما بني على بااطل فهو باااطل و ما يمكنش نجبرو شي شخص يبغينا حولات نظراتها لسلطان و ابتاسمت و كتقول مع نفسها كن ما كانش سلطان فالوجود كان ممكن تعطيه فرصة و لكن سوارت قلبها عند سلطاانينو بوحدو و مستحيل شي حد يفتحو من غيرو ....حسات بيد يقين مزيرة على يديها و هز راسو بشوية شاف فيها مع دوك العوينات الخضيضرين كيبان ملاك فهيئة إنسان ...يقين : بب مالك ساكتة ما موالفاش ليكخنساء: ما لقيت ما نقوليقين : ما عندكش شي فكرة فين غادي بينا سلطان ؟؟خنساء حركات راسها بنفي ....خنساء: بحالي بحالك علم الله فين داينا داك خوكما هي الا دقائق قليلة حتى حبس اللوطو قدام عمااارة فوسط حي رااقي و زوين ....سلطان: بإمكانكم تنزلوخنساء: انااا بقا فيا غي داك الثلج اللي ما فرحتش بيه تفووويقين هز يديها باسهاا و قال ...يقين : المرة الماجية نمشي غير انا و ياك أ حبيبي واخاسلطان : هادشي الا بقات المرة الماجيةحل الباب و قال ....سلطان: المفاجأة فإنتضارك أسي يقين الموس_______م الثاني تتمة الجزء 390 حرب الهوسهبط و زدح الباب و جبد كارو من جيبو شعلو و بقا متكي على امام سيارة كيسف فيه حتى شافهم نزلو بجوج وقفو عليه ....يقين : فين هي هاد السوربرايز؟؟؟سلطان لاح الكارو من يدو و شاف فيهم بجوج و قال ...سلطان : تبعونيخطا خطوات لامام و دخل للعمارة و هوما موراه طلعو فالاسانسور دار رقم الطابق و بقاو واقفين كيتسنااو ...يقين : ما فهمتش انا هادشي اللي كدير فيهسلطان مرر يدو على لحيتو و قال مع إبتسامة ...سلطان: غاتفهم كلشي أ خويااايقين : و لكن هاد السوربرايز ما جاتك غير اليوم و حتى شافتيني ما فهمتش ؟؟سلطان: سوربرايز كنت موجدها ليك منين جيت و لكن كنت باغيك تعرفها مور المرياج ديال مراد مي بون ضارت ليا فالخوا و رشقات ليا نقولها ليك اليوم بما انني تلاقيتك قلت علاش ما نوريهاش ليهتحل الباب ديال الأسانسور و خرج سلطان و تبعوه بجوج بيهم ....وقف حدا واحد الابارطمون و دق فبابها و التافت كيشوف فيهم خنساء غير كتدعي فخاطرها اما يقين كينتاضر هاد السوربرايز ....ماهي الا ثواني قليلة حتى تفتح الباب من طرف خادمة غير شافتو حنات راسها ...~: سلام سيديدخل سلطان و شاف فيهم ...سلطان:مرحبا بيكميقين و خنساء تبعوه كيشوفو ما زال ما فهموش علاش جابهم سلطان لهنا....يقين :واش هاد الابارطمون هي السوربرايز ؟؟؟سلطان : تفضلو بعدا ما تبقاوش واقفين فالباب ...خنساء: انا و الله ما فهمت شي وزةخنساء دخلات هي اللولة و بقات مصدومة كتشوف فالشخص اللي أمامها تبعها يقين اللي بقا واقف مسمر فدخلة ديال سيجور ....كانت جالسة فوق الفوتوي و حاطة حداها طبسيل ديال الفواكه كاتنقيهم بالموس و تاكل لابسة غير كسيوة حد الفخيضاات و طالقة شعرها اللي زاد طوال على قبل حتى سمعاات صوت ديال سلطان ...حطات من يديها الموس و ناضت من مكانها بشوية حتى كتفاجئ بشوفة يقين و خنساء واقفين حدا الباب بقات هي بدورها مصدومة و كترمش فيهم ....سلطان دخل و شاف فيقين اللي كانت ملامح صدمة واضحة بشكل كبير على وجهو لدرجة ما بقاش قادر ينطق بشي حرف اما خنساء بدات كتفهم البلان تدريجيااا خاصة منين سمعات كلام سلطان اللي وضح ليها كلشي ...سلطان : كيف جاتك المفاجأة ؟شاف فسوسن اللي كانت واقفة بصعوبة مع بطنها المنتفخ شاف فيقين و قال .....سلطان : سوسن حاملة ببنتك مبروك عليك الموس_______م الثاني الجزء 391 حرب الهوس"سوسن حاملة ببنتك " جملة خلات اوجه يضهر عليهم علامة التعجب الاستغراب الدهشة و الأكثر من هذا الصدمة خلات وجوه تبان عليها إبتسامة عريضة بحال سلطان اللي كيشوف فخوه بطريقة رهييبة و خطييرة فنفس الوقت عيونو كانت كيف شي صقر لقا الفريسة ديالو اللي كان كيبحث عليها بمشقة الانفس او كيف شي ملك دولة نجح فإحدى المعارك اللي كان كيضن انه غايخسر فيها و لكن فالأخير تقلبات الموازين و صبح رااابح و خرج براسو مرفوع .....اما يقين فملامح وجهو ما مفرزينش كل ما كيبان على وجهو الجمود كأنه كيحاول يستوعب المفاجأة اللي وجد ليه خوه و لقاها فوجهو كيف شي قنبلة على بغتة عمرو كان متوقعها و لا جاتو على البال ....أما خنساء رجليها فشلو عليها و طاحت جالسة من فوق الفوتوي كتشوف فسوسن اللي كانت أكثر منهم مستغربة حيت ما كانتش متوقعة غايجيب ليها يقين فهاد الوقت يعني كل شي جاا على غفلة من سلطان ...خنساء هي اللي قدرات تنطق فهاد المجمع المصدوم ...خنساء: كيفاش وقع و من إمتى و شنو هادشي ؟؟؟ [ شافت فسلطان اللي كان واقف و عيونو غير على يقين اللي مصدوم و مركز الشوفة فكرش سوسن ] سلطاااان اويلي من فوقاش و نتا عارف هادشي و خاليني انا فدار غفلون [ شافت فيقين ] واااش انا مخطوبة لواحد محمل مراة أخرى اويلي وحدي هادي اللي عمرها طاحت على البال [ شافت فسوسن ] و نتي علاااش ما جيتيش عندو و لا عندي نيت انا ما بقيت فاهمة والو كنحس بروحي تاالفة فوسط متاهة ما عندها لا مخرج لا مدخل ....بقات ساكتة كتشوف فيهم حتى واحد ما منتابه ليها شي كيشوف فشي و هي خالينها بوحدها داوية كيف شي هبيلة الشيئ اللي زاد جننها أكثر ....خنساء: واااا شي واحد فيكم يهضر معااايا و نتوما خالييني داوية خااويةسلطان شاف فخنساء و قال بنبرة هادئة ...سلطان : كنظن ما كاين لاش هاد العصبية كااملة و ماشي نتي اللي خاصك تهضري [ رجع شاف فيقين ] اللي خاصو يهضر بان ليا ساكت غريب هادشي أ سي يقين سوسن شحاال و نتا معااها ؟؟ كنظن منين تفارقتي على فاتن و نتا مع سوسن المراة اللي كانت كتبغيك و كتحماق عليك و شحال و هي صابرة على هبالك مرة تكون معاها و عشرة د المرات كتسمح فيها سوسن بنت اللي الله يعمرها سلعة زوينة قارية مثقفة و كنظن كان بإمكانها تعرف على رجال اشكال و اصناف و لكن عمرها دارت علاقة مع شي واحد من غيرك و هادشي كامل حيت [ قرب ليقين و ربع يدو ] كانت كثيق فيك و كانت كتظن بلي غاتوقف معاها رااجل كانت كتقول راه غايرجع ليا غايرجع حيت سيادتكم كطمعها كتغبر قدما قالها ليك [ برك ليه بصبعو على راسو من جيهة ناظر ] رااسك و ترجع فوقتما قالها ليك راسك [ رجع يدو فجياب سروال ] كنظن هادشي ماشي من خصايل رجاال فلول منين نتاااا عارف راسك ما غاتكونش معاها ماااا طمعهااااش أ بنااادم حيت بناات ناااس ما عمرهم كاانو لعبة بين يديناااا فهمتي و لا نزيد نوضح ليك نتا اكثر وااحد عارف شحال كتبغيك هاد السيدة اللي واقفة قدامك [ كيشير لسوسن بصبعو ] شووف ديك الكرش اللي درتيهااا ليها نتاااا [ كيبرك بصبعو فصدر يقين ] نتااااا أيقين نتاااا و ما عندك لاش تنكر حيت نتا عارف سوسن عمرها ما دارت علاقة مع شي حد من غيرك بنتتتتك أ يقين اللي فكرشهااا بنتتتتك و لكن نتا شنو درتي ؟؟؟ سمحتي فسوسن و مشيتي خطبتي خنساء اللي كنتي كتدير ليها إبتزاااز عاااطفي كتنتاحر باش تبقى معاك صحة..هز سلطان يدو كيصفق و كمل ...سلطان:خطة زوينة منك أ خويااا بصح قدرتي تأثر على خنساء باش تبقى معاك [ سكت مدة و هز يدو كيمسح بيها على لحيتو ] ...زعما بصح كنتي كتنتاحر و لا كنتي دارس خطواتك مزياان اخويااا العزيز ؛ من إمتى وليتي كتستغل بنات ناس باش نتبقى نتا فرحان ؟؟....عيون يقين بدات كتضلام لونها الاخضر الفاتح كيتحول لاخضر غاااامق لونو الابيض رجع أحمر صدرو كيصعد و ينزل و رجع كيترعد و عينو غير كترمش كلام سلطان كيتكرر فودنو كألحان موتى مزعجة باااغي غير فوقاش توقف و لكن صداها ما باغيش يحبس خلاتو ينفاااعل اكثر منين فهم خوه لايش تايلمح ....سلطان: جاوبني هضر معايا مالك ساكت سمعنا صوتكيقين بقوة الاعصاب اللي ركبوه هز يدو حتى هزها و عطى لسلطان لكمة لوجهو و غوت بأقصى ما عندو....يقين : هاااا ناااا جاوبتك الموس_______م الثاني الجزء 392 حرب الهوسلكمة اللي عطا يقين لسلطان خلات خنساء تشهق و ناضت من مكانها بلا ما تشعر شدات فدراع سلطان أما سوسن ما كان ليها غير عينيها تدمع من كلام سلطان اللي حط على الجرح ملح و حيى جروح قلبها اللي كتحاول ما امكن تخفيها ...خنساء :سلطاان نتا بخير مزياان ؟؟سلطان هز يدو كيمسح جنب فمو لقا بعض قطرات دماء و رجع شاف فخنساء و حرك راسو بالإيجاب ...سلطان:انا بخير غير رتاحيخنساء حولات نظراتها ليقين و طلقات من سلطان و قربات ليقين و صفقات ليه هي الاخرى خلاتو غير كيشوف فيها و علامات الغضب واضحة بشكل كبير على وجهو ...خنساء: براافو أ يقين و الله حتى براافو واااش وصلات بيك درجة تضرب خوك حيت كايقولك حقييقتك اللي ما قادرش تقبلها راك نتااااا مريض خاصك تعالجيقين:انااا مااا مريضش و ما عمري كنت مريض نتوووما اللي مرضتونيخنساء:نتا اللي باغي تمرض راسك صحةيقين : نتي هي السبب باش وصلنا لهادشيخنساء: شنو درت ليك أنا ؟؟ باش نكون سبب فتمرضينك هاااا شنووو درت ليك أيقين من غير انني دخلت لحياتك صدفة و تعاملت معاك بحال صديق قريب ليا و لا بحال خويا اللي ما عنديشيقين حرك راسو بالنفي و قرب لخنساء و حاوط وجهها بيدو و برك عليه و بقا كيشوف فيها و عينو دمعو و قال بحرقة . ..يقين :الا كنتي نتي كتشوفيني كأخ او فراند انا ما عمري شفتك هاكا من نهار دخلتي لحياتي رجعات فشكل اخور عشقتك بكل تفاصيلك من وجهك المختالف لشعرك اللي كايخليني كيف شي مجنون بيك اما كلامك و هضرتك حاجة اخرى عفويتك خلات بلاصتك فقلبي تزيد تكبر تصرفاتك معايا واخا كنتي كديرهم spontanément *بعفوية * و لكن انا كنتي كتخليني نزيد نتعلق بيك و بحلااوتك و بكلشي فيك بغيتك ملكي أ خنسااء بغيتك اناا بغيتك و كنظن بغيتك أكثر من اي امراة فالعالم شفت فيك مراتي و حبيبتي و ختي و صديقتي اللي غاتخرجني من الوحدة اللي كنت فيها شفتي نتي كنت كنشوفك الدوا ديالي تعدبت بزااف فحياتي اخنسااء و نتي عارفة شنو دوزت واش ماشي من حقي تعجبني شي بنت و نشوف فيها مراتي ؟؟ واش ماشي من حقي نرتاح فحياتي ؟؟ واش انا عمر شي حد ما غايبغيني ؟؟؟ علاش البنت اللي بغيتها ما كتبغينيش ؟؟واش فيا شي غلط ؟؟؟ واش انا خايب حتى لهاد الدرجة باش ربي كيعاقبني هاكا ؟؟ علاش نهار اللي قلت ليك فيه شحال كنبغيك رفضتيني و رجعتي كتعاملي معايا ببرود ؟؟ هادشي كامل بسباب سلطان اللي كنتي كتبغيه واش يصحاب ليك انا اعمى ؟؟ ما كنشوفش ؟؟؟يا ريت لو ما كانتش عندي عائلة باش تزوجي بيا أ خنساء و تبغيني انا عارف نهار تلاقيتيني عجبتك و كان بإمكانك تكملي معايا و تبغيني كن ما كنتيش غاتلاقاي بسلطان و لكن سلطان كلشي كايبغيه امبوسيبل تشوفي فيا انا و نتي بغاك سوبر سطاار ديال المغرب المغني اللي كلشي كيعشقو شنو غاتديري معايا انا ما عندي عائلة واخا كاينة عمري حسيت بيها واقفة معايا شنو غاتديري بيا انا اللي ما كايبغيني حتى واحد انا غير يقين اللي مات مع ماماه....طلق منها و دور وجهو عاطيها بضهر كيمسح فدموع اللي تجمعو حدا عويناتو. اما خنساء فدموعها ما قدراتش تحبسهم تسربو من عينيها بلا ما تشعر حالتو خلات قلبها يحن و يعطف و يشفق عليه حسات بدوخة رجعات لور و قبطها سلطان من درعانها بجوج...سلطان : شدي راسك و تكالمااي كلشي غايولي مزيااندارت خنساء لعند سلطان و عنقاتو و دفنات راسها فصدرو باغا غير تبعد من هادشي كامل اللي ولات كتشوف راسها هي سبابو كن غير ما مشاتش تجيب لاطارط ديال عيد ميلاد يارا كانت دابا غاتكون كتقلب على خدامة ولا حاشية راسها فشي خدمة بسيطة بعيدة على هادشي كامل كن غير ما دخلاتش لتريكة زعيمي كانت غاتكون حياتها بسيطة و فرحانة بشنو قسم الله و لكن كلشي قدر و قسمة و نصيب انها تجيب لاطارط ديال عيد ميلاد يارا ؛ كانت مجرد سبب اما هادشي اكيد كانت غاتعيشو بطريقة او بأخرى ....حسات بيد سلطان على شعرها و همس فودنيها ....سلطان:انا معاكجملة مكونة من جوج حروف خلات سكينة و طمأنينة تحل على قلبها الحنون على الاقل من هادشي كامل خرجات بسلطاان بعيدا عن كونو مغني او عن كونو عشق طفولتها معاملتو ليها كتخليها تحس كأنها ملكة كظن لو انه ما كانش مشهور او ما كانش بهاد المستوى الاجتماعي كانت اكيد غاتعشقو واخا يكون عايش غير فبراكة و تاكل معاه غير الخبز و الما كتحس بيه معاها ديال بصح و عمرو ما تخلى عليها لقات فشخصيتو اي حاجة كانت كتمناها الجدية التفاهة فبعض الاحيان و الاهم من هذا الرجولة اللي بدات كتنقرض فوقتنا الحالي ...بدورة باش كيدور يقين كيلمح خنساء معنقة سلطان و هو كيمرر يدو على شعرها و عينين سلطان على يقين ...سلطان:كنظن جاوباتك خنساء على كلامكيقين ربع يدو و عينو مركزة غير على خنساء اللي معنقاه و هز راسو شاف فسلطان ....يقين :ما تستاهل تكون أخ