💞 قلوب أرهقها العشق 💞 بالدارجة المغربية

❤الفصل 69 💛

الجزء 208قلوب أرهقها العشق أصبح يوم جديد ....ناعسة فبيتها و شعرها الأسود الطويل متناثر على المخدة اللي كتوسدها ناعسة على كرشها الشيئ اللي خالي شكلها مضحك بعض الشيئ شكون من غيرها خنساء اللي مسافرة لعالم الأحلام الوردية ....لكن الغريب فالأمر تواجد سلطان فوق راسها اللي كان جالس فكرسيه المتحرك و كيبتاسم على شكل نعستها المضحك بحالها هز خصلات شعرها بيدو كيتحسسو مغمض عينو ما قادرش يحني لعندها باش يستنشق و يشم عطرو كره عجزو لي خاليه يوقف عائق امام محبوبتو و برهوشتو و حور الليل ديالو للحظات تخايل انها ممكن تمشي من حياتو و تزوج بشخص آخر من غيرو على الاغلب ما غاتقدرش تقبل بشخص مشلول و تفني معاه حياتها كاملة كره مرضو و كره راسو طلق من خصلات شعرها و حاس بروحو معصب بزاف مجرد تخيل بأن شخص آخر غايقدر يقيس فيها و تكون معاه غايجن جنونو ما يمكنش تعيش مع شخص آخر ما يمكنش تكون لرجل آخر ما يقدرش يسمح فالجوهرة النادرة اللي من زمان و هو يبحث عليها البنت المتفردة فشخصيتها فشكل وجهها اللي ما كيشبهش لفتيات الاخريات اللي ولا كيشمئز منهم حيت ببساطة كلهم كيفكروه فعالية و لكن خنساء هي الوحيدة اللي لمس فيها داك الإختلاف اااااه شنو داارت فيه و فقلبو ....سلطان: نتي ناعسة و انا حرمتي ليا نعاسي نهاري ما هو نهار و ليلي ما هو ليلرض راسو اللور و حاس بقلبو كينبض بسرعة و قال ...سلطان: كيفاش حتى سكنتي قلبي ما عرفتش و لكن الحاجة اللي عارف هو أن حتى بنت المرأة ما غاتسكن فيه من غيرك أول مرة شفتك حسيت بيك فشكل عرفت بلي ما غاتكونيش بنت عادية قوتك هضرتك شخصيتك شكل وجهك كلشي فيك مختالف [إبتاسم بإستهزاء] الغلط مني كان خاصني نخليهم يطردوك من نهار اللول [حط يدو على قلبو ] سمحلي حتى أنا عندي دخل فهادشي اللي كتحس بيه [ شاف فالسقف كيحاول يصرط ريقو ] شنو هادشي كتدير فيه أ سلطان الله ينعلني و الله ينعل هاد القلب اللي كيتعدب على قبل هبيلة ما عارفاش شنو دارت فيا من أول مرة شفتها و من اول ضحكة سمعتها منها [هبط عينو وشاف فيها ] و من اول نظرة منها ...وغل يدو ففروة رأسها كيدير ليها بحال مساج و هي غاااايبة ماهياش هنا و ما هي إلا ثواني حتى سمع صوتها ....خنساء: هننن ....شوووت ....و...واحد...جوووج ...ثلاثةسلطان تصدم منين شافها كتهضر فغرق نعاسها ابتاسم و ربع يدو حاضيها شنو غاتقول بقات ساكتة شوية و هي ترجع تقول ...خنساء: ...هننن فاطمة أري ديك البالة ....و هبطي الحوايج من السطح ...هننن و الله مانعاودسلطان حبس الضحكة غير بزز عض على شنايفو خايفها تفلت ما بين شنايفو و تفيق و تحرمو من هاد اللحظات اللي كيستمتع بيها ....خنساء:س..س..هنن سلطانسلطان غير سمع سميتو و هو يركز مع كلامها ربما تقول شي حاجة . و لكن مع الاسف رجعات سكتات جهد شي خمسة دقايق و هو كينتاضر منها تخرج شي حاجة من فمها و فجأة نطقات ...خنساء: عوينات المش ... عوينات جلبانة هننن توحشتهمسلطان بمجرد ما سمع اللقب اللي كتعيط بيه لخوه حيت عاودت ليه كيفاش حتى تلاقاو الشيئ اللي خلا علامات الغضب تبان على وجهو ...خنساء: عمري هننن ...سلطانبمجرد ما سمعها تفوهات بكلمة عمري رجع تطلق وجهو و ابتاسم من جديد ؛ رجع هز خصلات شعرها و قال ...سلطان: عينيه و حياتو و قلبوجمع غوباشتو فاش وعى على راسو شنو قال كيحس براسو كيف شي مراهق فهاد اللحظة كيتصرف بدون وعي حيد يديه من شعرها و نده بإسمها بصوت عالي ....سلطان: خنسااااءخنساء ما جاوباتش كاع سيدة نعاسها ثقييييل ...سلطان: خنساااااءجرها من شعرها و لكن غير بشوية عاد حلات عينيها و ناضت بسرعة مخلوعة و بمجرد ماشافتو قدامها و هي ترجع راسها لور شادة على قلبها ...خنساء: ب..ب..بسم الله الرحمان الرحيمسلطان: بالمناسبة حيدتيها ليا من فميخنساء بقات ساكنة فمكانها كتشوف فيه و كتحاول تستوعب واش هداك سلطان اللي قدامها و لا راه كتحلم استغرقات مدة طويلة و هي كتشوف فيه ...سلطان: لو كنتي غاترسميني ما تشوفيش فيا هاد المدة كاملة كل مرة كثبتي ليا بلي انا زوين بزافخنساء: صباح الخيرسلطان: و أخيرا سمعت صوتك صباح الخير برهوشتيخنساء: [ كتهضر مبوقة بفعل نعاس ] صبحنا على الله لاش جاي عندي على بونبير عندك شي بقر نحلبو و لا غانوكل دجاج و لا غانعجن الخبز مفيقني نوذن مع الفروجسلطان حبس الضحكة غير بزز عارفها مبوقة و من نوع اللي كتفيق خااااسرة من نعاسخنساء:ما تعرفو اللي مريض ما تعرفو اللي عيانسلطان : [ببرود] ساليتي ؟؟خنساء حكات عينيها و تثاءبات و رجعات شافت فيه مغمضة عينيها باغا غير تنعس ...خنساء: اممسلطان: الليل كامل ما قدرتش نعس بايت كنحلم بيك و ما قدرتش ما نشوفكش رجعي تنعسي انا باغي غير نتأمل ملامح وجهكالجزء 209قلوب أرهقها العشق خنساء حلات عينيها على وسعهم من كلامو و قالت ...خنساء: سلطان براكة من طنيز الله يرحم باك و قولي شنو عندك راه و الله حتى باغا نعس عفااكسلطان دار يدو تحت ذقنو و ابتاسم بإستهزاء على جوابها اللي آلمو و تحسر على راسو حيت بصح دوا معاها من نيتو و من جدر عقلو و من كل قلبو و هي عند بالها كيطنز ياا لغرابة الأمر عمرو كان يتصور يتحط فهاد الموقف....سلطان : [عقد الحداش و طلع حاجب و نزل لاخور ] ما نعاودش الهضرة دابا غاتوجدي راسك و تجي عندي لبيتخنساء:و لكن علاشسلطان: سوربريززاد بالكرسي و خلا الفضول غاياكلها حيت تفكرات بأمر المفاجأة اللي قال ليها عليه البارح ناضت بتدمر للحمام كتنكر غير هي و راسها ...خنساء:باش تعرفي أ خنساء بلي سلطان مسطي و حمق و مقطع الوراق فين عمر شي مفاجأة دارت مع ثمنية ديال صباااح ا عباد الله العداااب مع هاد موسيو زمراني اشداني لشي خدمة و لا شي زمروجدات حالتها و لبسات كولون أسود مع تيشورت فنفس اللون جمعات شعرها على شكل كعكة و هبطات بعض الخصلات على وجهها جات سو كيووت ...خنساء: علم الله داك عوينات المش لاش كيخططخرجات من البيت و حلات الباب ديال بيتو و قالت ...خنساء: ها واحد سلاااام عليكم أ الخوتدخلات و هي تفاجئ بوجود إمرأة جميلة واقفة بجانب سلطان طالقة شعرها و لابسة كسوة قصيرة حد الفخيضات شافت فيها و رجعات شافت فسلطان ...خنساء: سلام عليكمالبنت حركات راسها بالايجاب مع ابتسامة ترسمات على شنايفها و قالت ...~:بونجوغ مادموزيل خنساءخنساء: بونجوغشافت فسلطان كتنتاضر منو أنو يعطيها تفسير و يشرح ليها فين هي المفاجأة اللي فرع ليها راسها بيها ...سلطان : كنقدم ليك مادموزيل ندى البنت اللي غادي تعلمك السباحةخنساء بصدمة و دهشة دارت يديها على فمها ما مثيقاش هادشي اللي تايقول ليها سلطان ...خنساء: كيفااااشسلطان: [بإبتسامة ] ندى أستاذتك ديال سبا...ما خلاتوش يكمل حتى هضرتو و هو يشوفها طاحت على ركابيها قدامو مع إبتسامة فرحة و بريق جميل فعينيها كيف شي طفلة شرا ليها باباها اللعبة اللي كانت تحلم بيها توقف لوقت للحظات و هو كيشوفها هزات يديه و حطاتها تحت من خدها و قالت ....خنساء: شكرا بزاافتغرغرو عينيها بدموع هزات يديه و قرباتها لفمها و باستها الشيئ اللي خلا دم يتجمد ما بين عروقو ما مصدقش هاد الإنسانة و هاد التصرفات العفوية شنو كدير فيه كتخلي قلبو يدق بسرعة كأن حفل قرع طبول عندو لداخل عينو كترمش فوجهها الجميل ابتسامتها اللي انفلثت من وجهها كأنها فتنة خلات قلبو يتزلزل و يفقد توازن ديالو أشياء بساط كتفرحها حقا بداخل خنساء طفلة بريئة و ما غلطش فاش قالها برهوشتي ...ناضت من الارض و شافت فندى ...خنساء: فوقاش غانبداوندى : موسيو سلطان اختار ليك الوقيتة ديال الصباح و هكدا افضل حتى الجسم فالصباح كيكون نشيط و مرتاح اكثر و عقلك خاوي دغيا تعلمي عندك جوج حصص فسيمانة فيهم ساعتين من ثمنية لعشرة و إنشاء الله دغيا تعلمي ما عندك مناش تخافيخنساء: واخاندى : غادي نسبقك للمسبح المغطى باش نوجد الماطريالخنساء:واخا شكراانصارفت ندى و بقات غير خنساء مع سلطان و كتحس براسها غاتطير بالفرحة لما لا و هي كتشوف حلم من بين احلامها كيتحقق اللي ما عمرها توقعاتو غايتحقق قربات لعندو و هو كيشوف ليها فعينيها مباشرة ...بقوة الحماس اللي فيها ما عرفاتش كيفاش حتى عنقاتو و بعدات بسرعة و قالت بفرحة ...خنساء: نتا هو أحسن إنسان شفتو فحياتي هااح على عوينات المش هانا مشيت للحصة دياليعطاتو بالضهر و خرجات كتطير من البيت و خلات سلطان كيضحك غير هو و راسو خلات ليه فقط الذكريات الجميلة اللي غايصبر بيها راسو على الأقل على ما تكون ليه و تولي ملكو و ديك ساعة هضرة اخرى ....هو مجرد حضن سريع قامت بيه بعفوية منها ربما بلا ما تشعر و لكن هو ما كرهش يدخلها بين حوايجو و يخبعها تحت منهم و يعنقها بقوة حتى تلامس عظامو و تمتازج مع أوردتو كيحس براسو محتاجها بزاف ....عانقني ...فهناك اوجاع تبقى في الصدور لا يشفيها البوح بل تشفيها أضلاعكالجزء 210قلوب أرهقها العشق جالسة فوق سداري و عاقدرة راسها مع طريفات ديال الحامض فنواضرها و كتضرب ففاخضها شكون من غيرها منانة ام خنساء و جالسة حداها الياقوت و عينيها مزرقة و هازة ولدها محمد سلطان فيديها و يارا جالسة كتلعب فمونيكاتها ....منانة: أ مييمتي يااا ميمتي اش هاد المصاايب تسلطو علينا ديك بنت الحرام هربات ما عرفنها فين دلعات ولد الحرااام ديال النسيب كيضرب ليا فبنتي و يجي سكران و جرى علينا من دار فنصاصات ديال الليل داك موبيك غير ترفح و هو يخوي البلاد الشلاااهبي الله يلقيها ليه كحلة زحلة ياااربي انا ما بقيتش قادرة نصبر هزني عندك نرتااح من هاد دنياياقوت كتراري بولدها فيديها و كتهضر ...ياقوت: الله يا ميمتي و الا مشيتي من دنيا انا علامن نحط راس حتى انا عييت و لكن حمد الله لقينا عمي علال جابنا لدارو الله يجازيه بخيرمنانة : و هاد عمك علاال غايبقى لينا ديما راه خصنا نلقاو الحل لراسنا يا بنتي و حتى ديك ختك علم الله فين غاطسةياقوت: راه ا مي خدامة فين غاتكون ؟؟ و فمدينة بعيدة ما عندنا كيف نديرو نوصلو ليهامنانة : مالها مشات للهند و لا لسند انا بغيت بنتي ترجع غير نشوفها باش حتى الا دا مول لامانة امانتو نشبع غير من شوفتها بعداياقوت: أ مي يهديك الله راه خنساء هي املنا الوحيد اللي بقامنانة:اوا ها الشهر لاول تسالا و المكفسة ديال ختك ما صيفطات حتى ريال بعدا غير نكريو بيها شي بيت و نعيشو بيها على ما يحن اللهياقوت: و يقدر مزال ما تخلصاتمنانة: ما عندكش الصولد نعيطو ليهاياقوت: لا أ مي ما عنديش فيه و زايدون بلا ما نبرزطو البنتمنانة : داك الكيدار ديال راجلك زرق ليك العين ولد الحرام الله يعطيه البطل بغيت ليه جربة و الضربة و الكربة المطوط لاخور ولد العورة حتى هو كبر ليه الشان و شم ريحة بيطانو و كيهز يديه على لاله الله يلقيها ليه كحلة زحلة بغيت ليه شي تشتيتة و شي طيحة من الكاطريام ايطاج ما يهزش موراها راس تشهيت نوجد ليه كسكو فعزاه انشاء اللهياقوت: باراكة ا مي ما دعيش فيهمنانة : ياك ا المدلولة عجبك الحال يزوق ليك كمارتك من فوقاش و نتي صابرة على الذل و صدق كايسكر ولد الحرام هادي اللي ما كانت طيح على البالياقوت: أ مي ولفتمنانة : نوضي درقي زلافتك من قدامي ناس يولدو البنات و انا نولد الحشيات و الدكاني و المدلولات فين ما كانت شي مضبعة عاطاها ليا اللهياقوت: ا مي و هانا طلقت فين غانمشي ؟؟؟ غير قوليلي فينمنانة: تمشي لجايحة الكحلة اللي تضربك نتي و ياه بلمدلولة لخرى ارض الله واااااسعة و عريضة نوضي طلبي طلاقك و عري كتافك و خدمي على ولادك داك راجل ما معاه عيشة و لد الحرام عاقلة عليه نهار جا يخطب طبعة ديال الصلاة فجبهتو و ما كاين غير قال الله قال رسول الله صدق سيد كيضربك و يخونك و كايسكر الا كنتي راضية أ بنتي بهادشي نوضي تهزي عندو بلا ما تصدعي ليا انا مخيفنفس الأثناء دخل علال و قال ...علال : سلام عليكممنانة : و عليكم السلامعلال: شنو تبغيو نوجد ليكم فالغدا دجاج و لا شي طويجين ديال الحوتناضت منانة من بلاصتها و قالت ...منانة : لواه اسي علال علاه حنا ضيااف ما كاين لاش تعدب راسك نتا طلب و حنا نوجدوعلال كيشوف فمنانة بابتسامة و قال ...علال: اوا تا انا نبين ليكم شطارتي و حداكتيمنانة : ربي يخليك أسي علال نتا مول الخير انا نوجد الغداعلال : لواه لواه و الله حتى كنعرف نطيبياقوت: ههه عمي علال حادك تبارك الله عليكعلال : اوا الوحدانية أ بنتي كتعلمكمنانة :شنو تبغي نوجد ليك أسي علالعلال شاف فيها و قال بلا ما يحس ...علال: اللي وجدتيه من يديك يتكال حتى الحجرشافت فيه منانة بخجل و جاوباتو هي الاخرى بابتسامة ...منانة : لا اسي علال الحجر ما كايتكل نوجد ليكم طويجين ديال دجاج بالبرقوق تاكل عليه صبيعاتكمياقوت:الله حتى انا شحال هادي ما كليتوعلال : خودي راحتك ا لالا منانةمنانة شافت فيه و قالت ...منانة : الله يكثر خيرك اسي علال و الله يجازيك بخير كن ما نتا كن ضربنا الخلاعلال : ما تقوليش هاكاك نتوما أمانة فرقبتي و دار داركممنانة : احسن حاجة دارها عبد العزيز هي كان مصاحب معاكعلال: اوا اش غانقوليك الله يهدي ما خلق عبد العزيز دار كعية منين فرط فمراة بحالك و فبناتو الله يهديه