💞 قلوب أرهقها العشق 💞 بالدارجة المغربية

💥 الفصل 39 💥

الجزء 418إيطالياعصام فطريقو للبحث عن ملابس نسائية تليق بزينب لقا محل مغربي فايطاليا كيبيع جليلبات مزيونين دخل ليه و لقا امراة بشوشة تكون فحدود الخمسينات و دايرة دريرتها و لابسة جليلبة فالاخضر مزيونة غير شافها عرفها غاتكون مغربية قرب ليها و قال بهدوء ...عصام: سلام عليكمالمراة: و عليكم السلامعصام :٠ مغربية ياك ؟؟المراة: مغريبة ابا عن جداا ههه مرحبا ئولي أش حب الخاطر أ ولديعصام: فاسية ياك ؟؟؟المراة : فاااسية اسيدي ههه باينةعصام : [بابتسامة ] عفاك الا جات على خاطرك كنقلب على شي جلابة زوينة للخطيبة دياليالمراة : اهاه اسيدي اجي تشوفي لي موديل اللي عندنا و لكن خاصني الئياس ديالها واش رئيئة واش غليضة واش طويلة و لا ئصيرة باش نعرف شنو نعطيكعصام: امم طويلة و رقيقةالمراة : امم و اجي تشوف هاد جليلبات غايجيو معاهاوراتو جليلبات فنيونين اختار وحدة فالغرونة فنة جمعاتها ليه فكارطون و عطاتها ليه ...المراة :عندك الذوق اسيدي غاتجيها فنة إنشاء اللهعصام: شكراخرج من المحل فرحان حط الكارطونة فالطوموبيل و كسيرا ديريكطومون لدارو هز شنو جاب ليها من حوايج وماكلة و باغي غير فوقاش يوصل لدار و داكشي اللي كان حل الباب بساروت و حط داكشي اللي جاب فوق الطبلة وحل عليها الباب لقاها مكمشةفركنة و جاالسة ...عصام: زينب مالك جالسة فالارض ؟؟بغا يمشي جيهتها و هي تغوت ...زينب :٠ لاااا بقاااا تماك ماااا تجيش لهنا عفاااكعصام : مالك ؟؟ما حدو كيقرب ليه ما حدها كتزيد تكمش فراسها...زينب : وااااشما كتسمعش مااااتجيش عندي ما تقربش ليااعصام: غير قولي ليا مالك بغيت نفهموقف عليها و هي مكمشة فراسها و فجأة بدا كيشم عصام شي ريحة ماشي هي هاديك و دارت ليه طن فراسو و عرف بلي زينب تحصرات بالبولة و فالتالي دارتها فحوايجها داكشي علاش كاتقوليه ما تقربش ليا تنهد و لام راسو فهاد اللحظة اللي خلاها هنااا محبوسة ما بغاش يحرجها و بعد عليها شوية و قال .عصام: واخا ما غانقربش ليك على خاطرك راني جبت ليك الحوايجزينب :واخا جيبهم ليا دابا عفاكعصام خرج من الغرفة وجاب ليها الحوايج اللي شرا ليها و حطهم فوق ناموسية و قال ...عصام: فاش تسالي خرجي تاكلي واخازينب : واخا شكرا بزافعصام عطاها بالضهر حتى قرب لباب و ضحك و دور وجهو شاف فيها لقاها مزال مكمشة على راسها و قال ...عصام : بصحة مسبقا أ البوالةقال ليها هاد الجملة و خرج من البيت و سد عليها الباب خلاها كتفقص لداخل غير هي و راسها و الحشمة ديال دنيا و دين تكبات عليها فهاد اللحظة كرهات راسها اللي حطها فهاد الموقف البايخ اللي تعرضات ليه مع عصاام اللي كيزعم بلي خطيبها ...دخل عصام للكوزينة و قاد إندومي نعام لالة و دارها فزليفات و حطهم فوق الطبلة مع الموناضة فالكانيطات و شعل التلفازة و جلس كيتسناها تخرج باش ياكلو اونسومبل و فوقتما كيتفكر الموقف كيبتاسم غير هو و راسو ...حتى كيسمع دقان مجهد فالباب تقاد فالجلسة و تاكد بلي الفردي عندو مور ضهرو و تقدم بخطوات بطيئة حتى لجيهة الباب بالحلة باش كيتحل الباب كيتحط فردي على راسو ...فاروق : فين هي شهرزاد؟؟؟الجزء 419وصلات خنساء لدارهم و اخيرا ماماها ما سكتاتش طريق كاااااملة و هي تنكر حرااااام واش سكتات شقات لخنساء راسها بمجرد ما دخلات لدار حسات بواحد الفراغ عاطفي رهيب يعني رجعات لنقطة الصفر و ما غاتعاودش تشوف سلطان مجددا قلبها ضرها دماغها ما كيفكر غير فيه اما قلبها راه ساكنو و معشش فيه ...استقبلاتهم ياقوت بالاحضان و البوسان و واسات ختها حيت تفسخات خطوبتها . خنساء ما كانتش مسوقة ليهم كاع الكسدة حاضرة و العقل و القلب عامرين بمولاهم ....و اخيرا قدرات تنفارد براسها و دخلات لواحد البيت و تزدحات فوق السداري قاصح و تفكرات ايام الناموسية اللي كانت عندها فالبيت اللي كانو عاطينها فالفيلا ديال سلطان و قالت ...خنساء: عدناااا الى الزلط مجدداهزات التيليفون ديالها و شعلاتو كان عندها فالفون ديكغون الفوطو ديال سلطانينو ابتاسمت و قرباتها لفمها باستو ...خنساء: توحشتك أ زمر ما سولتي فيا ما قلتي نعيط لهاد الولية اللي خليت قلبها مشوي عليا سير انا اش بغيت ليك [ سكتات مدة و مررات يديها على صورتو] انا ما بغيت ليك والو بغيتك غير تزوج بيا أ الحب ديالي انا عارفة شغالي معاك الا ماوليتي طلب شرع ما نتسماش انا بنت منانة يا ولد وفاء...♤♤♤♤فالمكتب ديال الفيلا ديال زعيمي كان جالس سلطان فراس البيرو و جالسين قدامو مو و باه اللي جمعهم باش يتكلم معاهم فموضوع مهم جداااا جدااااا موضوع طال إنتظاره من زمااان ....فريد: مالك اولدي فاش بغيتي تهضر معاناوفاء: الله يسمعنا خبار الخيرسلطان: نو ما كاين غير الخير إنشاء اللهفريد: اوا طلقنا و نتا عزيز عليك تشويقوفاء: ولدك كيشبه ليكسلطان: امم ...بقا ساكت و كيحول نظراتو ما بين ماماه و باباه و قال فالاخير ...سلطان: بغيت نكمل ديني الا كتابوفاء: كيفاش ؟؟؟فريد:عاودها عاودهاسلطان : بغيت نتزوجلحظة صمت اكتسحت المكان وفاء بقات غير مصدومة ما توقعاتهاش منو اما باه ابتاسم و قال ...فريد: مرحبا ما عليا انا غير نمشي نخطب البنت اللي سرقات قلب ولديسلطان تصافح مع باه بحال شي اصدقاء [ بهاد الطريقة ] و الضحكة ما فارقاتش وجههم أكيييد ....سلطان: الله يخليك لينا بركة أ الواليدفريد: امم منين القضية فيها زواج وليتي مصواب داباسلطان : كندير معاك مزيان باش تخطب ليا و ما تشوهنيشفريد:هههه و الله يا طاسيلتك حتى ندير ليك ما دار كبور فاش مشا يخطب لولد تيباريسلطان : الواليد نعول عليكفريد : لااا ما تخافش نعس على جنب راااحةسلطان : هاد نعس على جنب الراحة بدات ما كتعجبنيش كنعرف موراها شي إنفريد: أ صاحبي مالنا دراري صغار راه هضرناسلطان :اوا دابا نشوفووفاءوقفات و ضربات على البيرو...وفاء: بلااااتي بلااااتي شكون هادي اللي غانمشيو نخطبو ليك بعداسلطان : انسان بشر بحالها بحالنا كنتنفس كاتكل و كتشرب و كتنعسفريد : لا زايدة علينا بلسان سليطسلطان : ههه سي فغي و الله ما كدبتي أ الواليد هادي عندكوفاء: ما كنتفلاش شكون هاد البنت اللي باغي تزوج بيها و عارفينها بجوج بيكم و مخبيينها عليافريد: كتعرفيها أحق المعرفة حتى نتيسلطان : و نتي اللي جبتيها لياوفاء دماغها ما قدرش يستوعب عرفتها و لكن كدبات راسها صرطات ريقها غير بشوية و قالت بهمس ...وفاء:ما يمكنش تكون هيسلطان :نو هيفريد: خنساء هي اللي غانمشيو نخطبو لولدك" خنساء" اسم من خمس حروف بقا كيتكرر فودنيها بشكل سريع كيف شي لحن مزعج ما باغيش يتوقف و دنيا ضارت بيها مية ضورة فثانية و يديها عراقو عليها و رجليها فشلو ليها ما بقاتش قادرة توقف و لا تستوعب شنو كيدور فالمحيط الخارجي ما حسات براسها حتى طاحت على طولتها من فوق الفوتوي مغمى عليها من هول الصدمة ....الجزء 420من مور ما خوا سلطان طريق ليقين هاد الاخير كمل حتى وصل لجردة اذا به كايشوف بذرة جالسة من فوق الكرسي و ساهية فالفراغ خرجات ليه كاع من بالو بهاد الصداع و المشااكل نسى كاع واش جات معاه...وقف عليها و قال بهدوء ...يقين : بذرةهزات عينيها بسرعة منين سمعات صوتو ابتاسمت ليه و وقفات و ربعات يديها و جاوباتو قائلة ...بذرة : يقين لابس ؟؟يقين : حمد الله علاش جالسة هنا بوحدك دخلي لداخلبذرة : حشمت و ما كنعرف حتى واحد قلت اللهم نبقى هنا حتى تديني لداريقين : انا محال واش غانمشي من هنا دابا الا بغيتي نصيفطك مع chauffeurبذرة : [ تنهدات] واخا و سمعت بلي غاتزوج مبروك عليكمدات ليه يديها و بادلها المصافحة مع ابتسامة..يقين: الله يبارك فيك شكرابذرة: شنو عند مراتك بنيتة و لا ولد ؟؟ .يقين: بنيتةبذرة: مبروك عليك غاتطلع زوينة مشاء اللهيقين اكتفى يبتاسم ليها و يحرك راسو بالايجاب ...يقين: خرجو les résultats ديال الامتحانات ولا مزالبذرة : مزال و لكن غانفاليدي كلشي انا عارفة راسييقين: ديها فقرايتك نبغيك تشدي دكتورة ياكبذرة: انشاء الله ما نكرهش نكمل قرايتي فلاميغيكيقين: غير جيبي دي بون نوط و انا نتكلفبذرة : [بصدمة] حلف باللهيقين: وي كنواعدكبذرة بقوة الفرحة طارت عليه بالتعنيقة منها حجة و زيارة منها فرحة و منها شوق و حنين و منها ضمة حب كلشي جمعاتو ليه فهاد التعنيقة و زيرات عليه بحال غايهرب يقين هز يدو ببطئ و مررها على شعرها و حاول يبعد عليها بلا ما يحرجها ...يقين : تستاهلي حاجة بسيطة غانديرها على قبلكبذرة : [ بدموع ] شكرا بزاف ايقين على كلشي درتيه معايا عرفتي جيتيني فطريقي بحال شي درهم ديال الحلاليقين: عاديدار يدو فجيابو و بقا ساكت كيفكر و كيشوف فيها ...بذرة: مالك ؟؟يقين: غير جاتني فبالي واحد الفكرة ما عرفتش واش غاتوافقي عليها و لالا ؟؟؟بذرة : شنو هي ؟؟؟يقين : [ تنهد] كيفما كتعرفي انا غانتزوج و سوسن يعني ما بقا ليها والو و تولد و غانتشطن مع بنتي و انا عندي التزام ديال واحد المعرض غانتشارك فيه مع واحد رسام عالميبذرة : وي و من بعديقين: واش تقدري ترسمي لي طابلو نتي حيت باينة فيك بلي رسامة واعرة من آخر مرة شفت طابلو اللي رسمتي تقدري تديري دي طابلو كايديويو على المراة و تشاركي نتي واش موافقة ولالا ؟؟بذرة بقات مدة سااكتة ما مستوعباش شنو كايقول ليها ...بذرة : واش زعما انا غاندير معرض مع رسام عالمي فلاميغيك من الفوقيقين: وي و لكن بشرط ما غانقولوهاش ليه و غايتعرضو على اساس انا اللي راسمهم و لكن من بعد غانصارحهم و غانقولهم بلي نتي اللي رسمتيهم حيت داك رسام ماعرفتش واش غايتقبل الفكرة و لالابذرة :واش كتدوي من نيتك ما كتفلاشيقين: بطبيعة الحال و لكن انا غير ما بغيتش نلغي معاه المعرض و هو معول عليا فهمتي و لكن غاتمشي معايا و ما غانقولهاش ليه حتى يشوف لي طابلو و انا متاكد غايعجبوه حيت غاتكوني راسمهم نتي و نتي غاتعرفي ترسمي احسن مني انا حيت نتي بنت و عارف المعاناة ديال المراة اكثر مني غا ترسميهم بإحساس مضاعف عليابذرة دارت يديها تحت ذقنها و قالت مع لمعة فعويناتها الاثنتين ....بذرة : موااافقة بطبيعة الحال موااافقة و مية موااافقة واش هادشي فيه الفلوس بزااف ياكيقين : [ابتاسم] معرض واحد يقدر يعيشك حياتك كاملة فحياة رفاهية en plusاتاسعو عينيها على وسعهم و كمل ....يقين: خاصة الا بعتي لي طابلو دياولك كاملين غناك اللهبذرة: ح..ح..حلفيقين : شنو يصحاب ليك الفن ساهل ؟؟بذرة: شحال زعما نقدر نربح مية مليونيقين: الملايير maybeبذرة :انا راه غير كنفوت عشرة الاف كيتلف ليا الحساب ونتا دابا كتق...كتقولي الم...الملاييرطاحت جالسة من فوق الكرسي مصدومة و غير كترمش فيه ...يقين: بون منين وافقتي مزيان باش نبدا نوجد الوراق باش نديك معايا فاش نمشيبذرة : و..و..وفوقاش هاد المعرض ؟؟؟يقين: كان غايكون من هنا 17 يوم و لكن تأجل لشهر الماجيبذرة : يعني ما بقا ليه والو ؟؟؟يقين : و لكن عندك الوقت فين ترسمي و توجدي دابا غاتمشي للفيلا ديالي بقاي فيها غاتلقاي لي ماطريال كااملين اللي غايعاونوك و فاش تبغي تشري شي حاجة راني خالي لاكارط بونكير فوق لاطابل فبيتي الكود راه عندك بامكانك تشري بيها لي بغيتي [ مد ليها يدو ] اتافقنا دابابذرة نقزات عليه للمرة الثانية و كلها حماس و قالت بصوت مرتفع ...بذرة : شكراااااا بزااااف شكرااااا بزاااف ايقين كنحماااق عليكصوت تسمع من الوراء ديال سوسن اللي بمجرد ما شافت المنظر طاحو دموعها و قالت بحزن ...سوسن: يقينالجزء 421إيطالياالفردي محطوط فوق راسو من طرف فاروق و لكن لاتوجد و لو ذرة خوف فعينو فقط كيشوف فيه و كأنه كيستافزو بنظراتو ...فاروق: فين هي شهرزاد ؟؟؟عصام: [ ببرود] شكون شهرزاد ؟؟؟فاروق : قلت لييك فين هي بلاااا ماتعصبنيعصام: راك غالط فالعنوان ما عندنا هنا حتى شي وحدة سميتها شهرزادفاروق : غانقتلك أ عصاااام الا ما عيطتيش ليها داااباعصام: واش يصحاب ليك راسك غاتخلعنيفاروق: عصااااام عيط ليها تجي دابا و لا غانقتلكم بجوجعصام : ما غاتقدرش حيت نتا خواففاروق: ما تحدانيش أعصامعصام: ما كنتحداكش كنقولك شكون نتافاروق بغا يدفعو باش يدخل و هو يوقف ليه فالباب عصام اصلن غير طولتو و عرضو كفيل باش يحبس الطريق ..فاروق : خليني ندخلعصاام: داري ندخل ليها اللي بغيتي ما سوق حدفاروق حتى نزل لفردي و رجع حطو من فوق راسو ...فاروق: آخر كلام عندك ؟؟؟عصام : آخر كلامفاروق حط يدو على زناد باش يضرب و هو يحس بفردي من فوق راسو من اللور ...جلال: يا غاتنزل الفردي يا غانقتلك انا نيتعصام هز عينو بان ليه جلال واقف من مور فاروق و هاز عليه الفردي ...فاروق ضار لعند خوه و خنزر فيه و قال ...فاروق : نتا خوياااا أ جلال كيفاش باغي ترجع ضديجلال: انا خوك اه و لكن عصام كنعتابرو ولدي شحال من مرة ضحى بحياتو على قبلي و على قبل بنتي و الا ما بعدتيش منو انا اللي غانتفاهم معاكفاروق:انا يعطيني غير شهرزاد و ما غايخسر والوعصام بلا مايشعر شنق على فاروق و خنزر فيه و قال بعصبية . ...عصام: اولا ما سميتهاش شهرزاد أ ز**** سميتها زييينب و على وجه خوك ما قتلتكش و مالحتكش للكلابهز يدو حتى هزها و عطاه ببونية لحنكو دوخو و قال ...عصام: يكفي انك كدبتي على البنت و وهمتيها بلي هي سميتها شهرزاد و رجعتيها رقاصة عندك هاااديك خطيبتي أ ال**** وااااخطيبتي و كانعرفها و غانتزوج بيها و عندها عائلتها آخر مرة دور بيها و لا ن*** اصل مك و هانا هضرت معاكجلال: انا غانضمن ليك بلي خويا ما غايقربش ليكم مزال حيت بامكانو يدخل للحبس على قبل هاد الفعلة و يغمل فيهجلال تقدم بخطوات حتى وصل لعند عصام و مد ليه الباسبور و الفيزا ديالها و قال ...جلال: هاهوما وراقها الله يسهل عليكم بجوج و فوقتما بغيتيني انا موجودعصام عنق جلال و بعد عليه و قال ...عصام: شكرا بزاففاروق غير كيخنزر فيه ما حاملوش و حتى عصام ماكرهش يعطيها بقرطاسة يطيحو لارض و لكن على وجه جلال اللي وقف معاه سلك القضية يكفي ان زينب رجعات لعندو ...جلال جر فاروق و مشاو أما عصام زدح الباب و دخل بدورة باش كيدور كيلمح زينب واقفة فالباب ديال بيت بجليلبة فالغرونة و جامعة شعرها على شكل كعكة و السر ديال الحمام طاايح عليها سحراتو بنظراتها و بجمالها اكثر ما راه مسحور بيها واتاها البلدي خدا منو الامر عدة دقائق و هو كيتمنظر فزنوبة اللي كانت كتبادلو هي كذلك نظرات قربات ليه مع إبتسامة سمعات كلشي و عرفات بلي تحررات من فاروق و للأبد ما عرفاتش كيفاش تدير تشكر عصام اللي فكها منو بهاد السرعة كأنها كانت كتحلم ....دورات يديها على ضهرو و بقات كتشوف فعينو و قالت بابتسامة مع دمعة نزلات من عينيها ...زينب: شكرا بزاف أ عصامهذه هي الحياة شئت أم أبيت لن تتعافى دون ان تتألم و لن تتعلم دون تخطئ و لن تنجح دون أن تفشل و لن تحب دون أن تفقد# إقتباس