💞 قلوب أرهقها العشق 💞 بالدارجة المغربية

💛 الفضل 18💛

الجزء 56قلوب أرهقها العشق فبيت صغير فيه ثلاثة د سديدرات مكسلة خنساء من فوق سداري فجنب و هازة التيليفون ديالها و دايرة ليزيكوطور فودنيها و كتغني مع كلمات الأغنية الإيطالية واخا ما حافضاهاش كدندن معاها و خصوصا فاش كيوصل واحد المقطع ...خنساء bella ciao, bella ciao, bella ciao, ciao, ciao, ( أو بيلااا تشاو بيلا تشاو بلا تشاو تشاو تشاو )فجأة توقفات عن الغناء و شافت فساعة لقاتها جوج ديال الليل و حرام واش بغا يزورها نعاس تنهدات و تفكرات الخطيب اللي طاح عليها من السما و هي ما عمرها فكرات فشي زواج هي اللي من ديما باغا تحقق أحلامها و طموحاتها و تخدم و تسافر و تكتاشف خبايا العالم ما فهمتاش علاش ديما فالمجتمع المغربي كيحاولو يدخلو للمراة بلي هي ناقصة بلا راجل منين كتزاد وهوما عليها فوقاش غانفرحو بيك فوقاش غانشوفوك عروسة فوقاش حتى نتي ديري دارك و وليداتك كأنهم كيحاولو يدخلو ليها بأن الحياة الحقيقية اللي خاصها تعيشها هي مع راجلها تحت سقف واحد و ماشي مع راسها علاش هاد العقلية ؟ و فوقاش غاتبدل ؟ الله اعلم ...للحظات جات فبالها صورة سي يقين اللي عاونها بزااف هاد نهار و تلاقات معاه صدفة تفكرات شكلو الغريب الوسيم اللي ما عمرها ما شافتو فالواقع كانت من ديما كتشوف ستيل ديالو غير فالافلام الأمريكية و هاد نهار شافت بحالو مباشرة شكلو و سامتو طريقة هضرتو افكارو عجبوها بزااف و للحظات تمنات كون كان هو فبلاصة "عصام " أكييد ما كانتش غاترفض و لكن علاش غاترفض و هي عرفات عقليتو كيفاش دايرة و كيفاش كيتكلم و كيبان فيه وااعي بزاف و من فوق هادشي كامل فنان و غايوفر ليها حياة كريمة و لكن علاش زعما عصام غاترفضو و كن كان يقين كانت غاتوافق عليه حيت اكيد يقين جلسات معاه و تكلمات معاه و عرفات شخصيتو تقريبا و لكن عصام ما عمرها شافتو مباشرة و ما عمرها هضرات معاه ممكن يكون حتى هو مزيان و لكن غير ضالماه و لكن شكلو مخيف بزااف من البعيد كيبان صحيح بزااف و قاااصح و الغريب فالأمر مشا لإيطاليا لمدة عام فاش رجع للمغرب شرا لماماه دار كبييرة و داها للحج زعما فلوس الخاريج كيديرو هادشي كامل ؟ ..تقلبات على جنبها و حطات يديها تحت من راسها و تيليفون فيديها كتشوف فتصاور "يقين" على الانستغرام و كتضحك عجبها بزااف و ما متيقاش انها وقعات ليها ديك صدفة كاملة معاه قالت بهمس مع راسها ...خنساء: ما فهمتش علاش زهري هاد المرة وقف معايا حتى لهاد الدرجة شحال ضريف و حنون و كيوت هااح سعدات المراة اللي غاتديه ...رجعات تقلبات على ضهرها و بقات طالعة فالانستغرام و كتشوف فتصاورو حتى تفكرات بلي راه مشا الحال و خاصها تنعس و الانستغرام غايقادي ليها الكونيكسيون دغيا تنهدات و شافت آخر تصويرة و قالت ...خنساء: تصبح على خير أ زينطفات تيليفون و حطاتو تحت مخدتها و غمضات عويناتها ...فنفس الأثناء و فبيت كبير واقف يقين حدا المراية اللي كانت طويلة بزااف و عاطيها بضهر و عاري من الفوق و كيتحسس بيدو إسم "Khansa " اللي وشم فكتفو و ابتسامة شاقة طريق شفايفو بشكل مثير ...يقين : ما عمري كنت نتوقع غانوشم اسم بنت عمري ما عرفتها فكتفي و لكن she has a beautiful name * عندها سمية زوينة *تكا من فوق ناموسيتو و حط يدو بجوج كيشوف فسقف و كيتفكر أحداث اليوم و كيفاش حتى تلاقا بفتاة و عاونها فأنها تكدب و هو اللي ما عمرو توقع انو غايجي نهار و يختارع كدبة على قبل إنسانة غريبة عليه ضحك على راسو و على الافكار اللي راودوه طفا الأنوار و غط فنوم عمييق ...الجزء 57قلوب أرهقها العشق طلعات الشمس معلنة على صباح جديد و على أحداث جديدة مشوقة و يمكن صادمة أكثر كيقولو كل نهار جديد هو امل جديد كل صباح كتفيق و تطلع نفس فيك يعني مزال عندك الامل انك تحقق شحال من حاجة و فنفس الوقت كيبقى يوم غامض فأي لحظة تقدر تطرا فيه شي حاجة اللي تقدر تغير المصير د حياتك فيا ترى شنو هي الحاجة اللي ممكن توقع فهاد النهار باش تبعث أمل فنفوس جديدة و تطرح صدمات فنفوس أخرى ؟....حاطة راسها على المخدة و عينيها حومر و منفوخين و الهالات سوداء واخدة مساحة كبيرة حول عيناها الجميلاتان ..دورات وجهها لقات يسرى ضارباها بشخرة و ما مسوقاش حسداتها على هاد النعسة اما هي كاع ما كحلات بالنعاس حرام واش بغا يزورها الليل كامل و هي تخمم فالكلام اللي قالت ليها سراب قالت شي حاجة اللي ما بغاتش تدخل ليها العقل حسات براسها غاتحماق بقوة التفكير ....البارح فاش دخلو من البار و لقاو سراب كتبكي و تقولها نتي سبابي فهادشي ما فهمتاش مالها وتشوشات و لكن فاش عرفات زاادت تشوشات بالضوبل و عاد ما زاد ضرها راسها كلام سراب كتفكرو بالحرف و كل حرف كتحاول تحللو و تناقشو مع مخها باش تلقا الجواب على شنو قالت ليها و لكن دون جدوى !؟... فلاش باكزينب :و..و..واش انا درت ليك شي حاجة و انا ما عارفاشسراب جلسات من فوق الناموسية و شدات على راسها بيديها و دموع من عينيها شلال ...سراب : نتي درتي كلشي كلشي كنت غانموت بسبابك كنت غانموتيسرى : عفاك ا ختي سراب الا ما فهمينا راه ما فهمين تا ق**** من هادشي اللي كتقوليسراب هزات راسها وشافت فزينب اللي مكمشة حدا الباب ...سراب: هانتي غاتفهمي شنو دارت ليا لالاهم زينب [ التافتت و شافت فيسرى اللي كانت جالسة حداها و كملات كلامها ] البار اللي انا خداامة فيه رقاصة سنييين هادي سنييين و اللي كانكل منو طرف ديال الخبز و اللي ما يمكنش تخدمي فيه غير الا كنتي لااالة مولاتي حيت بطبيعة الحال كيجيو ليه الوزراء و الرؤساء و المغنيين و الممثلين و غير نخبة المجتمع [كضرب على صدرها بحرقة و دموع نازلين من عينيها ] جرااو عليا ايسرى جراااو عليا و هادشي كااامل بسباب هاااااديك اللي واقفة حدا الباب بسبااابهاوقفات سراب و تقدمات بخطوات سريعة و جرات زينب من شعرها مغزفة عليها ؛ ناضت يسرى كطير من بلاصتها باش تفكها منها ...يسرى : سراااب سراااب نعلي شيطان و بعدي من البنت راه ما دارت ليك والو سراب طلقي ليها من شعرها طلقيما فرقاتهم غير بستة و ستين كشيفة و سراب كشاكها خارجين اما زينب اللي ما فاهمة كاع اشنو واقع كتمرر يديها على شعرها و كتحس بيه كيضرها بالنتيف ...سراب : واااخرجي علياا خرجي عليا شنو مازال كديري هنااا أ الق*** واش ما كتعرفيش شنو هي ق*** عليا الله يحرق طواسل عائلتك أ الحمااارة اناااا اللي ما نسواش انااا اللي ما مزيانش معدرهم قالو ما دير خير ما يطرا باس دخلتك لدومين و ندمت ندمت حتى ندم شعرررر اللي فراسي الله ياخد فيك الحققالت هاد الكلمات و جلسات فالارض قابطة فراسها و كلها كترعد و يسرى جلسات حتى هي فالارض و جراتها لعندها و عنقاتها جنبيسرى : تهدني ا صاحبتي هاد الاعصاب ما مزياناش ليك و نتي باش عرفتي جراو عليك بسبابها ؛هي ما كتعرف حتى واحد فداك البار راه غير واقع سوء تفاهم ؟؟ قولي لينا شنو اللي خلاك تشكي فزينب اللي ما كتحرك دجاجة على بيضتها ؟؟ و كيفاش كنتي غاتموتي شرحيلينا شنو هادشي كتقولي ...ناضت سراب من الارض من جديد و جيفات زينب حتى كلاتها مع الحيط و قالت بصوت كلو شر ...سراب : واش كتعرفي شي واحد كيبغيك أ دوي دوي أ القح*** وااا دوييسرى جرات سراب من يديها لعندها و حققات ليها فعينيها و قالت ...يسرى : هااالعار أ سراب باركة من هاد الاتهامات زينب شنو غادير ليك باش تصرفي معاها هاكاسراب طلقات ضحكة هيستيرية كتحاول تبرد بيها على راسها ...سراب : شنو هو عاوديها عاوديها إتهامات ههههههههه انا آخر وحدة نجي و نحط الباطل على وحدة ما دارت ليا والويسرى جرات سراب لناموسية و قالت ..يسرى : واخا غير فهمينا شنو وقع عرفناك ما غاتجيش و تلوحي عليها هاد الباطل و لكن شنو دارت ليك و شنو الحاجة اللي خلاتك متأكدة من هادشي اللي كتقوليسراب حطات راسها على صدر يسرى و الدموع هابطة من عويناتها بحوور و كلما تفكرات شنو وقع ليها بسباب زينب كتبغي تبخ دم سهات فالفراغ و بدات كتحكي شنو وقع ليها بالضبط بصوت باكي ...سراب : كنت كنشطح كيفما العادة و الفلوس كتشاير عليا من كل جيهة حتى جا عندي المسؤول الكبير و همس ليا فودنيا بلي شي حد باغيني نبات معاه و غايتهلا فيا و القليلة غايعطيني خمسمية مليون على قبل ليلة وحدة ما عمرها ما جاتني هاد الهمزة و هاد المبلغ كامل طمع عما عينيا و وافقت لقيت طوموبيل كحلة واااعرة كتسناني فالباب بالشيفور داني لواحد الفيلا كبيرة خارجة على المدينة دقيت فالباب و تحل من طرف واحد الراجل زوين و متيتز باقي صغير انا يصحابلي هو اللي بغاني وهو يسولني على سميتي و قال "واش نتي هي عائشة" انا شداتني رعدة من صبعي صغير فاش عيط ليا بسميتي الحقيقية اللي ما عارفها حتى واحد انا تزيزنت و بقيت كانشوف فيه و لكن عاود سولني مع واحد الابتسامة مستفزة و قال "سمحيلي غلطت ياك نتي هي سراب" حركت ليه راسي بآه و قالي تفضلي معايا مشيت معاه و طلعني فواحد الدروج حتى وصلني لطابق الثاني و حل ليا الباب ديال واحد البيت كولو مظلم و قال" تفضلي"انا خفت و شفت فيه و قلت ليه "فين هو الراجل اللي باغيني " قالي "راه لداخل غير تفضلي " دخلت بشوية و خاطري ما مهنينيش و كنصرط ريقي غير بزز حتى كنحس بالباب تسد و شي حد غلق ليا فمي و زير عليه بحال كان واقف حدا الباب كيتسناني غير ندخل انا بقيت غير مصدومة حتى الصوت باش نغوت ما عنديش سد ليا فمي بيدو و زير ليا على عنقي حتى كانت روحي غاتخرج [ هبطات دمعة من عينيها و كملات كلامها ] و همس ليا فودني و قال " كيفما خرجتي على زينب غانخرج عليك و غانقتلك " و قالي "كيفما دخلات زينب لطريق الحرام بسبابك انا غاندخلك من عين الابرة و غانخرجك منها قالي "علاش وسختيها هي كانت نقية و زوينة و نتي خرجتي عليها "تحشات فصدر يسرى كتبكي بحرقة كبييييرة و كتدكر داكشي اللي صرا ليها اما لوخرين مصدومين و خصوصا زينب اللي باغا تعرف شكون هو هاد الشخص المجهول أو إن اصح تعبير شكون هو هاد روميو اللي كايعرفها و باغي ياخد ليها حقها من سراب حيت هي فعلا اللي خرجات عليهم ؛ كملات سراب كلامها ..سراب : و قالي غانخرج عليك و غانبدا ليك بخدمتك هي اللولة حيت انا عارفاك شحال كاتحماقي عليها و قالي الا ما سافرتيش برا المغرب و ما بعدتيش على زينب غاتبع خدمتك روحك و من بعد حل الباب و لاحني لبرا و انا ما عارفاش و ما فاهماش شنو وقع ليا لقيت نفس داك الشخص اللي حل ليا الباب كيتسناني هبطت معاه و عاود حل ليا الباب د برا و همس ليا فودني قبل ما نخرج و قال " حنا ما معاناش لعب و من الافضل تنفدي شنو قالو ليك " و حتى هو لاحني لبرا كيف شي حيوان و سد الباب لقيت شيفور حال ليا الباب ديال طوموبيل و جابني حتى لداري بحال كيحاولو يبينو ليا بلي هما عارفين حتى فين كانسكن و من بعد جاني إتصال قالو ليا فيه بلي "نتي مطرودة من الخدمة " و هنا كانت صدمة قوية يعني اي حاجة قالها كتنفد و دابا انا خايفة لا يقتلوني و هادشي كامل بسباب زينبيسرى : اويلي شنو هادشي كيوقع انا ما بقيت فاهمة والو شكون هاد الحمار هدا اللي تسلط عليكسراب حولات عينيها لجيهة زينب اللي كانت مصدومة اكثر منهم ...سراب : سولي لالاهم زينب