💞 قلوب أرهقها العشق 💞 بالدارجة المغربية

💥 الفصل 22 💥

توقف بيه زمن للحظاات و هو كيسمع بلي منانة كتناديها بنفس الاسم ديال ختووصغيرة ياااا لصدفة القدر حتى من الاسم عندهم بحال بحال حتى ختو كانت سميتها زينب و كان من ديما يدلعها و يقولها "زنوبة " حس بيدو كيرجفو بلا ما يحس بحال ربي كيعوضو بهاد البنت اللي حس بإتجها بإحساس غريييب و شعر بلي من الواجب عليه يحميها و يعتابرها ختو صغييرة و يحميها و يحضيها و من داك نهار و هو كيتبعها فين مشات و فين جات و فين ما يشوفها يضحك و يبتاسم عام على عام و كيشوفها غير من بعيد حتى تعلق بيها و ولا باغي يحقق حلم انو يشوفها طبيبة و عزم على أنها غاتولي طبيبة و غايدير المستحيل باش يحقق حلم ختو صغيرة و يشوف زينب طبيبة على الاقل يطفي داك الشوق لختو اللي حرقو كأنه بغا يشوف حلم ختو صغيرة عليها ...نهاية الفلاش باكنتر نتيرات من الكارو و هو كيتذكر ذكرياتو مع زينب و هو كيشوفها غادة للمدرسة مع صاحبتها يسرى و يكمل طريق لخدمتو صوت ضحكاتها مزال فودنو لحد الان كان عارف شنو كتبغي و شنو ما كتبغيش كان حتى كيوصلها للمدرسة من بعيد عاد كيمشي لخدمتو ما كانش عارف بشنو كتدير زينب بليل نهار مشى لطاليان و كلف واحد صاحبو يحضيها ليه جاب ليه ضوسيها كاامل سعر ديااال بصح فاش عرف حقيقتها و قرر يمشي للمغرب و يدير خطة انو غايخطبها باش يهضر معاها و يفيقها من الوسخ اللي كانت لايحة راسها فيه كان الغرض من المشية ديالو انو ينجحها فالباك و يدخلها للطب بمعارفو و بالفلوس عند بالو بهاكا غادير عقلها و غاتقلب على طريق الحرام و اصلن تفاهم مع الباطرونة الكبيرة ديالهم سراب باش تبعد منهم و لكن شاءت الاقدار يتضرب برصاصة و يدخل فكومة لمدة ثلاثة اشهر و فاش فاق و استعاد صحتو بغا يقلب عليها و وصى واحد صاحبو يقلب عليها و لكن ما لقاهاش و عاد زيد عليها الباطرون ديالو كان مانعو من السفر بسبب الصحة ديالو ما كانش قادر انو ينزل للمغرب و من الزهر جا عندو سلطان لايطاليا اللي عاود ليها البلان و شنو وقع ليه مع خنساء و يقين خوه اللي خطبها و هو كيبغيها شحال كان كيشكي عليه واحد نهار قشع عصام صورة خنساء فالتيليفون ديال سلطانتشوكا فاش عرف بلي خنساء ابنة خالة زينب كيبغيها سلطان و من تماك عاود ليه عصام البلان ديال زينب و قرر سلطان يعاونو باش يلقاها ....فاق من ذكرياتو فاش شاف التيليفون تايصوني ليه كانت نمرة ديال سلطان فالبلاصة دوز الخط و حطو فودنو و قال بلهفة ...عصام: شي خبار على زينب ؟؟؟ الموس_______م الثاني الجزء 365 حرب الهوسخنساء تصدمات من السؤال ديال سلطان هو فين كيعرف زينب و اش جابها فالموضوع و علاش كايسولها عليها بقات غير كتشوف فيه ....سلطان: هضرت معاك ما سمعتينيش ؟؟؟خنساء بغات تهضر و هي تشوف سيرفور حط ليهم الغدا و مشاا ...سلطان: تفضلي كولي بصحتك ما تحشميش أ الحبخنساء هزات طرف ديال البيتزا كاتاكل فيها و كتشوف فيه مصغرة عويناتها و افكار تديها و افكار تجيبها فحين سلطان كاياكل براحة بحال ماشي هو اللي شوش ليها بالها ما مسوقش كايكل و يشرب فكوكا ...عم الصمت بيناتهم و شي كيشوف فشي فحين سلطان كيبتاسم ليها و يدير فيها شي شوفات كيفشلوها و مرة مرة كيغمزها حتى كتدير بناقص بقات مهبطة راسها و كاتكل حتى ضربات ديك البيتزا كاملة بوحدها سلطان مسكين كلا غير جوج طروفة اما هي كلات ستة ديال طروفة لقات ما بغات...سلطان: مشينا ؟؟خنساء : مشيناناض و حط الفلوس فوق الطبلة و جرها من يديها و خرجو من الريسطو حل ليها الباب كيفما العادة و طلعات و طلع معاها حتى هو و راسها كيضرها باغا تعرف سلطان منين كيعرف زينب و زيد فكرها فيها و غلبوها دموعها حيت عرفاات حقيقة زينب و انها كانت حاملة و هربات من دار تزير عليها قلبها ما عرفات لمن ترد اللومة لداكشي اللي وقع لزينب اللي كانت كتعتبرها اخت و صديقة و ابنة واش لزينب و لا لخالتها اللي ما كانتش كترقبها و تحضيها و لا واش لباها اللي لاحها ما عارفاش لمن ترد اللومة ما كاينش نهار اللي تحط فيه راسها على المخدة و ما تفكرش فيها طلعات تنهيدة خارجة من اعماقها و قالت بصوت فيه الخنقة ديال البكا ....خنساء: واش نقدرو نمشيو للبحر ؟؟سلطان ضرب دوميتور و قال بابتسامة ...سلطان: طلبات معذبة قلبي أوامرابتاسمت و حطات راسها على زاجة كتشوف فطريق و سلطان حاضيها بنص عين عرف منلي ذكر ليها موضوع زينب و هي ماشي حتى لهيهه خلاها على خاطرها حتى تفش و غاتهضر راسها ....كانو جالسين من فوق الرملة و الريح محرك شوية و الماج عااالية و لكن منظر زوين و ممتع تكون قدام البحر مع شخص اللي كتبغي و كتشوف فالنسيم كيطير ليه شعراتو الحلوين و شحال مركز مع البارح و كيتنهد كانه كيشكي عليه كان كيتأملها بحب كبيير واضح على وجهو حتى نطقات بصوتها الاثنثوي ناعم اللي كيتسلل لقلبو قبل ودنو و عينيها على البحر ...خنساء: زينب منين كتعرفها ؟؟سلطان: نتي اللي كنتي هضرتي ليا عليها شحال هادي نسيتيخنساء: ما عمري دويت عليهاسلطان: و انا باش غانعرفها كن ما هضرتيش ليا عليها ؟؟؟ خدمي لوجيكخنساء: نسيت إذنسلطان: غالباخنساء: و علاش سولتي عليها ؟؟؟سلطان: جات فبالي و صافي علاش فين هي دابا ؟؟؟خنساء: ما عرفتشسلطان: كيفاش ياك هي بنت خالتك ؟؟خنساء: زينب كانت ساكنة معانا اما دابا هربات من دار و ما عرفناش فين مشاتسلطان: [بصدمة ] كيفاش هربات ؟؟؟خنساء : [تنهدات و بقات مترددة واش تقول و لا ما تقول حتى دارتها فيد الله و نطقات ] تفلا عليها شي ولد الحرام حملها و زاد خلفة مع الطريق و هي هربات فين مشات شنو وقع ليها فين هي دابا حتى واحد ما عارفسلطان حل فمو شوية كدليل على صدمة ديالو بالخبر اللي تلاقاه كصاعقة كيف غايدير يقول هادشي لعصام اللي شحال و هو كيرغبو يسول خنساء باش يعرف فين يلقاه لا و من الفوق كانت حاملة من شي حد الا قالها لعصام غايحماق ما فيهاش الشك ...حول نظراتو لبحر و بقا ساكت حتى هو كيشوف فالامواج حتى حس بخنساء طاحت على كتفو و قالت ...خنساء: توحشتها بزااف ما كانتش بنت خالتي راه كانت بنتي و ختي كبرات حدا عيني و لكن داكشي اللي دارت ما قدرش نتقبلو ما عرفتش واش غانسمح ليها و لالا و ما عرفتش هي فين دابا ديما عقلي معاهاسلطان: كلنا كنغلطو و حتى واحد ما ملاك كنواعدك غانلقاوهاخنساء: كنتمنىدور يدو عليها و بقاو مقابلين الامواج حتى ضلام الحال و الهدوء مخيم عليهم ...فاش شاف فخنساء لقاها نعساات ضحك على شكلها و حاول يهزها بلا ما تفيق هي اصلن نعاسها ثقيل حطها فطوموبيل و قادها مزيان و زدح الباب عليها بشوية و هز تيليفونو و بقا متردد واش يقولها لعصام و لالا و لكن فالاخير دارها فيد الله و اتاصل بيه ...سلطان: عصامعصام: [بلهفة ] شي خبار على زينب ؟؟؟سلطان: عصام تهدن و سمع شنو غانقولك ما بغيت نخبي عليك حتى حاجة و ضروري خاصك تعرف هادشيعصام فهم بلي كاين شي إن فالموضوع مرر يدو على ذقنو و جاوبو بعصبية ....عصام: غير هضر ودني ولفو المصاايب الموس_______م الثاني تتمة الجزء 365 حرب الهوسسلطان: واخا يوقع اللي وقع نتااا غاتطلع راجل مع زينب و الا لقيتيها غاتزوجها و ما غاتخلاش عليها واعدني بعداعصام: واش انا برهوش باش تقولي هاد الهدرة الله يهديكسلطان: عصااام واعدني بلي غاتزوج بيها واخا يوقع اللي وقع و عمر حبك ليها يتزعزع واعدني و نقولكعصام: كنواعدك أ صاحبي غير فكسلطان: زينب هربات من دارهمعصام :[بصدمة ] كيفااااش ؟؟؟سلطان: المشكل ماشي هنا المشكل فأنها كانت حاملة من شي حد تفلا عليهاعم الصمت بيناتهم لثواني و سلطان غير كيتنهد عااارف بلي صعيب يتقبل هاد الخبر و لكن خاصو يعرف ...عصام: هههههههه كضحك أ سلطااان ياكسلطان: عصااام حضر معايا عقلك واش هادشي فيه الضحكعصام: [ بصوت مرتفع غايخرج من تيليفون ] شكوووون هاد الز*** شكوووون هاد الق*** اللي ضحك عليها شكووووون هو هااااد الحماااار اللي قاس فحاجتي شكووووون هووووسلطان : و ها اللي ما بغيناش ما قلتش ليك هادشي باش تعصب عليا قلت ليك هادشي باش تعرف شنو واقع هادشي اللي قالت خنساء هانا قلتو ليك و هبط للمغرب و قلب علييها و فك حريرتك معاهاعصام: نشد هذا اللي حملها ن*** ز*** بوه و الله يا ولديه حتى نقتلو و نسلخو و نشرب من دمووو و هوماااا فين كااانو فاش هربااات فييين كانحس براسي غانحمااااق غانتسطىسلطان: عصام كلشي كايتحل بالعقل فوقاش غاتنزل للمغرب ؟؟عصام: بعد غدا غانجيسلطان: و دير عقلك لا تصدق قاتل شي حدقطع عليه و طلع نفس و عاود هبطو و ضرب دورة و حل الباب طلع و شاف فخنساء لقاها ضاربة سبعة فالربعة ديمارا طوموبيل و هي تبدا تفيق .و...خنساء: [ مخيبة ملامح وجهها ] فين انا ؟؟؟سلطان: فقتي ؟؟ صباح الخيرخنساء: داتني عيني و الله الجو د البحر زوين بزااف غير ديال نعاسسلطان: بصحتك أ لالاخنساء : شحال فساعة داباسلطان: ثمنية علاين تسعود علاش ؟؟خنساء: اويييلي من صبااح و حناااا غابرينسلطان: دوزتي نصو فالنعاسخنساء: عييتيني هاد نهارسلطان: خايب انا كنعيي زين ديالي ياكهز يديها باسها و حطها على فخضو و قال مر كز مع طريق ...سلطان: يديك ديما تحط هنا سمعتيخنساء: و فيا جووع كاذب علياا ببيبتزا مع العصيرسلطان: واخا شنو تبغي نمشيو ناكلو عاد رجعو لدار ؟؟خنساء: وي اجي ياااك قلتي هاد نهار غاتلعب البارصا و الريالسلطان: ويخنساء: و دينا لشي قهوة نتفرجوسلطان : ياك أ شفيقخنساء: و عفاك و الله حتى الحلم ديالي نشجع كريستياانو رونالدو تااانتسطى عليه تايعجبني لعب ديالوسلطان: [ بطنز ] وااايلي واش تايعجبك ؟؟؟خنساء : و اللهسلطان : بالحلوف كاااعخنساء: اوا شنو غانكدب عليكسلطان حبس الطوموبيل فجنب و جبد كارو من جيبو بلا ما يشعر و حل السرجم باش ما يخنقهاش و نتر نتيرات منو و هي غير حاضياه ضرب نتيرة مور نتيرة و باين فيه كيحاول يكالمي راسو غير بزز شاف فيها و نطق بلا ما يشعر . ...سلطان: شي راجل آخر تايعجبك ؟خنساء: ممثل و لا مغني و لا كوايري ؟؟؟سلطان: [ابتاسم باستهزاء ] الله اكبر عندك كاطالوغ ديال الراجلخنساء: اوا الا كان على المغنيين تايعجبني زهير بهاوي و فالممثلين تايعجبني حمودة داك المشرمل اللي جاا فواحد المسلسل فرمضان سميتو ياقوت و عنبر اوا على الكوايرية تايعجبني كريستيانولاح سلطان داك الكارو من يدو و قرب ليها حتى دخل مع وجهها و حط يدو تحت فكها و قال بغل و عصبية و ببحة رجولية صااارمة و مرتفعة فنفس الوقت مع عيون تكسوها حمرة الغضب ...سلطان: وااااش ما باغاش تفهمي بلي كنتحررررق فاش كتذكري سمية رااااجل اخور على فمكخنساء: [قفزات من مكانها ] ان.انا ما عر...ما جات فين تكملها حتى حسات بشفايفو فوق شفايفها كيمتصهم بغضب كأنه كيطفي من خلالهم نااار الغيرة عضها منهم بلا ما يشعر بمجرد ما تذكر انها كانت كتخرج من فمها أسماء رجال آخرين و من لفوق تايعجبوها حس بطعم الدم ففمو كره راسو عرف العضة اللي دار ليها سبابها بعد و شاف فيها لقاها كترعد غير هي و عظامها و كتشوف فيه و ترمش كيف شي قطيطة ما عرفات راسها باش تبلات ابتاسم و حط جبينو على جبينها و هز صبعو الابهام كيمسح آثار الدم و هي مسكينة كتنهج صدرها كينزل و يطلع قال بخفوت ....سلطان: فوقتما جبدتي اسم شي ذكر على فمك غاتعاقبي بحال هاكا سمعتي أ حبيبيلو كانت حبيبتي اغنية لعزفتها على جمهور أصم هكذا هي غيرتي