💞 قلوب أرهقها العشق 💞 بالدارجة المغربية

💥 الفصل 44 💥

الجزء 435♤♤♤وصلو لدار و أخيرا دقات خنساء و هوما موراها خنساء تخالطات ليها الفرحة مع الصدمة رجليها فشلو داتها عراقت و قلبها كيتسارعو نبضاتو و معدتها كضرها و متوترة بزااف لدرجة يديها كيترعدو و كتمنى غير فوقاش يتفتح الباب باش تهرب منهم ....تفتح الباب و هنا كانت صدمة قوية على منانة اللي كتشوف عائلة زعيمي كلهم من مور ضهر خنساء بقات غير حالة فمها ما ثاقتش جاب ليها بالها غير كتخايل بقات لمدة عدة ثواني و هي كتشوف فيهم و هوما كيشوف فيها خنساء كانت للقدام و من تعابير وجه ماماها فهمات بلي مشوكية و ما عارف والو ....خنساء: هانا جبتهم ليكمفريد : سلام عليكممراد :واش غاتخليونا واقفين فالباب ؟؟منانة عاد فاقت من الصدمة و فتحات الباب مزيان باش يدخلو واخا ما فاهمة والو هادو اش جابهم واش زعما الخطيب يكون من تريكتهم ؟؟؟ ....دخلات خنساء بطيرة لبيت و سدات عليها و تكات على الباب لقات ختها جالسة مع ولادها بمجرد ما شافتها هاكاك صفرا ناضت لعندها كتطير ...ياقوت : أمضرا واش جاو ؟؟خنساء حطات يديها على قلبها كتحس بيه غايخرج من بلاصتو و صفرا صفرا تقولي جبدتيها من القبور ...ياقوت : ويلي مالكخنساء: قرصيني باش نعرف راسي ما كنحلمش قرصييينيياقوت : واش نتي شوية لاباس اويلي مالكخنساء: واااقرصينيحتى ياقوت ما عطلاتهاش طيراتها منها بقرصة سانك سانك حتى غوتات ...ياقوت :و هانا قرصتكخنساء : اااح يعطيك الكرض غير بشويةياقوت : شنو واقع مالك ؟؟؟خنساء قبطات فيد ختها و قالت بتوتر لدرجة الكلام كيهرب ليها ...خنساء : م..ما..ماعرفتش انا براسي و راه العريس ديالك داك فؤادياقوت : [ ضربات على حنكها ] اويلي مالو ؟؟؟خنساء: ما مالوش انا اللي ميال لمي مع طاسيلتكمياقوت : يا غاتهضري مقادة يا غانوض ليكخنساء: و داك فؤاد صدق من عائلة ....تحل الباب بسرعة عليهم و ما كملاتش خنساء كلامها حيت دخلات منانة و سدات الباب و شافت فخنساء و ياقوت مخنزرة ....منانة : تي كيفاش صدقو الخطاب جايين فيكم بجوجات و انا ما فراسيش و من الفوق من تريكة داك يقينياقوت حلات فمها فيهم ما فاهماش ...ياقوت : كيفاش بجوج بينا غانتخطبو و من تريكة يقين ؟؟منانة : و الله اعلم سولي ديك ختكخنساء: هانتي اياقوت انا براسي بحالي بحالك صيفطتوني لعندهم و مشيت لقيتهم واقفين حدا طوموبيلتهم قالو ليا حنا اللي جينا نخطبو و كدا انا تصدمت جا سلطان قال لباه جينا جينا نخطبو دقة وحدةمنانة : علاه هداك سلطان من فوقاش و نتي معاه ؟؟ ياك كنتي مخطوبة لخوه تي كيفاش قضيتكم انا ما بقيت فاهمة تا زفتة فهادشيخنساء شافت مها كتجبد الصندالة و بدات تخبى من مور ضهر ختها ...خنساء: غير نشرح ليك أ مي عفاك ما تسرعيش نعلي شيطان ها العارمنانة :وليتي تديري فعايل بنات زنقة كنتي مع خوه و صدقتي مع لاخور هادشي علايش ربيتك ابنت الحرامخنساء: لا أ مي و الله ما هاكاكزادت منانة لعندها و خنساء مخبعة من مور ضهر ياقوت كترجف بالخلعة ...خنساء: مي نعلي شيطان ناس كيسمعومنانة لاحت الصندالة و طلعات النفس و عاودت هبطاتها و قالت ...منانة : واخا ما غانتعصبش غير فهميني هاد تخربيق ا الكنسخنساء: هانتي سلطان كان كيبغيني و مشى لالمانيا دار العملية و فاش رجع لقاني تخطبت و بعد مني و فاش عرف خوه فسخ الخطوبة معايا باغاني و قالي ناويك للحلال و حتى انا تانبغيه أ مي أصلن يقين هو غير كان مبزز عليا راسوو الله حتى سلطان راجل مزيان امي ها العارمنانة : ياك أ ما خلات كرشي ياك أ تالي ديال صندوق ياك أ وجه الكابينة و عللاش ما قلتيش ليا راه سي سلطان المغني ديالنا تايبغيني و انا تانبغيه نهار جا داك خضر العينين كيرغب و يزاوكخنساء: و راه كان لاصقني شنو بغيتيني نديرمنانة : دار ليك يا بنت الحرام من فعايلك علاش قابلة بداك يقين من اللول هاهو مشى و خلاكخنساء: وها هو سيدو غايخطبنيمنانة : راسي ضرني بهاد التخربيقياقوت : و دابا فؤاد اش كايجيهم انا راه صدمتونيمنانة : طحتو على ديك طاسيلة تقولو سحرو ليكمياقوت :وا فهمونيخنساء: و صدق عمو عمو خو فريد باين سلطانياقوت : واايلي يا ختي شوفي دنيا شحال صغيرةمنانة : تبعوني نحطو لناس يشربو اتاي انا شيبتونيالجزء 436غير خرجو من البيت و مشاو للكوزينة سمعو ضحك ديالهم و تقشاب مع علال ياقوت غاطير بالفرحة و فالنفس الوقت قلبها كيرجف من توتر اما خنساء فراه الصدمة و الفرحة و ردة الفعل ديال ماماها حشات ليها ركابي ما عرفات ما دير ....منانة:تبعوني بالبلاطويات ديال الغاطوخرجات منانة بالصينية ديال اتاي مذهبة كتشعل مع براد مزال كيوضح و الكويسات مقادين و مزوقين كلشي مزال جديد بميكتو و تبعاتها ياقوت اللي متحمسة بزااف تشوف فؤاد اما خنساء فوقفات فالباب ديال الكوزينة و ما قدراتش تبعهم طاحت عليها شي حشمة ما نعاودش ليكم هي براسها ما عرفاتها مناش قلبها كيقول ليها سيري و عقلها كايقول ليها ثبتي حتى من رجليها بحال درتي ليهم الكولة فالارض ما قدرات تزيد ما قدرات تبقى حارت ...شردات فالفراغ و جملة واش تزوحي بيا اللي خرجات من فم سلطان بقات كتكرر فودنيه كيف شي لحن جميل ما باغاهش يتوقف....ما حسات غير بمها واقفة عليها عاد فاقت من احلامها ...منانة :كتسناي دقايقية يجيو يجيبوك ؟؟خنساء:لا غير حشمتمنانة:حشمتي ؟ نتي مطيحة جوج خوت على زنافرهم و حشمتي زيدي قدامي راه بغاو يشوفكخنساء:لا أ مي غير سيري نتي انا خليني غير فالبيتمنانة طلعات كمام القميص اللي كانت لابسة و دارت يديها فجنابها مع واحد تخنزيرة ...منانة:يا غاتدوزي قدامي يا ما غايعجبك حالخنساء صرطات ريقها و زادت قدام ماماها بالبلاطو ديال الغاطو فيديها و كلها كترعد تقول شادها بوتفتاف اما رجليها ما كتحسش بيهم بحال شي رغوة تحت منها ...و اخيرا وصلات لباب ديال صالون كلشي التافت لعندها خاصة سلطان اللي كيشوف فيها شي شوفات فشي شكل خطيرين حلوين كانه كيشوفها بقلبو قبل من عينيه كانها مخلوقة بشكل مختلف على الآخرين كيشوف فيها بحب و عشق شوفات حاملين فطياتهم دفئ المشاعر و الصدق اللي قليل تلقايها فوقتنا الحالي ...أما خنساء فراه كانت كتحول نظراتها بيناتهم كاملين و فالاخير حنات راسها و دخلات و حطات البلاطو و جلسات حدا ختها الياقوت اللي كان غالب عليها توتر و الحشمة اكثر منها ...تبعاتهم منانة و جلسات كتكب اتاي و علال شاد الحديث معاهم فمقام الاب ديالها اللي سمح فيهم و ما ضارش وراه ...فريد:خنساء شفناك غابرةمراد:حشمات منا واقيلةفريد:وما عندك علاش تحشمي نتي راك وحدة من العائلة داكشي اللي جلستيه معانا ما جلستيهش هنامنانة : ههه اوا ضروري من ديك الدهشة و الحشمة راه زينة للبنتفريد : كاينةعلال : مرحبا بيكمفريد: الله يبارك فيك اسي علالمنانة :نهار كبير هذافريد :الله يكبر بيك أ الحاجةمنانة لاحظات بلي وفاء ما كتكلمش غير ساكتة و ساهية فريد و مراد و فؤاد هوما اللي تايهضرو بزاف حتى من سلطان كان ساكت كايكتافي غير بنظر خاصة منين دخلات خنساء كملات ليه اللي خاصو ...فريد:واللي غانطولوه نقصروه أسيادنا زيارتنا ليكم ما جاتش هاكاك جينا لواحد الغرض اللي قلناه قبل و لكن منين كاينين البنات بجوج نعاودوهفؤاد:غرضنا واضح و باين الا قبلتو علينافريد:جينا طالبين راغبين فيد بناتكم بجوجعلال شاف فمنانة و فالبنات اللي كانو مهبطين راسهم مااهزوهش من الارض و تايفركو فيديهم و كيلعبو بصبعانهم ....علال:مرحبا حنا ما نزيدكم غير الله يكمل بالخير و لكن راي و الشوار ديال المعنيات بالامر الا وافقو انا من عندي الله يسر ليهممنانة:واش غانقول ليكم انا ماماهم و نتوما مالين الخير و دار الكبيرة بغيتو ياقوت لسي فؤاد انا ما عندي ما نقول أصلن هوما مفاهمين و من كلام بنتي عليه باين بلي باغاه و باغا تكمل معاه و عارف حالتها و قابلة عليه و قابل بيها انا ما غانزيدهم غير الله يكمل بالخير و الله يجعل كلشي مبارك و مسعود و لكن خنساء اسيادنا كانت مخطوبة لولدكم و ما دار فيها ما يتصلحلحظة صمت شي كيشوف فشي سلطان صرط ريقو و عض على شنايفو حيت باين من كلامها بلي باغا تعكس ليه حتى هي و دير ليه العصا فالرويضة تكره و تعصب واخا كان متوقعها مسبقا و لكن دابا تحط امام الامر الواقع ....خنساء هزات راسها شافت فمها و غمضات عينيها و عاودت فتحاتهم و شافت فسلطان كأنها كترجها بعينيها باش يدير شي حاجة و داكشي اللي كان تقاد فالجلسة و نطق بصوت رخيم رجولي خلاهم كلهم يلتافتو ليه ...سلطان:و علاش أ الحاجة ؟؟ ؟؟ شنو دنبي الا خويا فرط فيها و ما عرفش يحافظ عليها ؟؟ واش حيت خويا ما دار فيها ما يصلاح حتى انا غانكون بحالو ؟؟؟ بنتك خنساء أ الحاجة على راسي و عيني و اللي ضراتها كاضرني قبل منها و اللي فرحتها كتفرحني قبل منها نهار جات عندي لدار باش تعالجني اول نهار شفتها بغيتها و عرفت بلي هاد الانسانة هي اللي غانكمل معاها حياتي و كنت غانخطبها و لكن قلت حتى ندير العملية و نرجع و لكن خويا خطبها قبل مني و لكن دابا هي تفارقت معاه و خويا غايتزوج و غايأسس حياتو فجيهة أخرى فين هو المشكل الا بغيت نتزوجها انا ؟؟؟الجزء 437عم الصمت في المكان و منانة بقات غير ساكتة و كتشوف فسلطان و كتدور هضرتو فراسها ...فريد : يقين دار غلطة كبيرة مع خنساء حنا ما قلناش لا و لكن صافي حتى خنساء تقبلات الوضع و يقين ولدي دابا غايتزوج و سلطان بغاها انا بعدا اللي باهم كانشوف ما كاين حتى شي مشكل فأنها تزوج بيه و سلطان كيبغيها و غايصونها و غايحطها فوق راسو و ما يخصها معاه حتى خير حتى من الغنا سمح فيه و غايقابل شركة ديالي حتى دخل ديالو مضمون و ما عندك مناش تخافي بنتك امانة فرقبتنا و غاتكون فالامن و الصون سلطان هو ولدي الكبير و عارف شنو تايدير الله يهديك أ الحاجة بلا ما تعقدي الامور و تعرضي ليهم فالطريق و حتى من خنساء باغا سلطان و حنا عارفين هادشيمنانة شافت فبنتها خنساء اللي كتشوف فيها بترجي ...منانة : اوا الا كان غايتهلا فيها و يحترمها و يقدرها ما كاين لاش نعكس انا قلت هادشي غير من خوفي على بنتي و خفت يعاود يطرا ليها ما طرا مع ولدكم لولسلطان : أ الحاجة واش حنا دراري صغار ؟؟ و انا ماشي هو يقين كنواعدك بنتك فحمايتي و فوق راسي و عمري نسمح فيها و لا نقلقها و لا ندير شي حاجة اللي تفرقني عليها حيت انا عارف قيمة خنساء و عارف شنو كاتعني ليامنانة : اوا اش غانقول ليكم الله يتاويكم لخيرسلطان تنفس الصعداء و اخيرااا وافقت و قدر يقنعها شاف فخنساء لقاها كتبادلو نظرة شكر و امتنان و حب و عشق نظرة كتحمل بين ثناياها الكثير و لكن هو كيبادلها نظرة الفوز و الانتصار نعم نظرة الانتصار حيت قدر يفوز بيها الهوس و يخرج مع أغلى جوهرة بنسبة ليه اللي واخا يلف العالم ما يلقاش بحالها ما ساهلش تلقا شخص المناسب و فاش كاتلقاه خاصك تمسك بيه و تدير اي حاجة باش تجمعو و هادشي اللي دار سلطان دار المستحيل باش ترجع معاه خنساء و ربي ما خيبوش حيت كايبغيها بحب صادق صادوق ما تلقاش بحالو فالعالم مكانة خنساء كبيرة فقلبو و ما كاينش اللي يعوضها و لو ضيعها من يدو عمرو ما يعيش مرتاح ....مراد : و قولو ليا غير نقراو الفاتحةفريد ربت على فخض سلطان باش يقرا بصوتو اللي مالو مثيل و داكشي اللي كان هزو كلهم كفوفهم و قرا سلطان سورة الفاتحة بصوتو الشجي اللي كيقشعر ليه الابدان ....سلطان : بِسْمِ اللَّهِ الرَّحْمَنِ الرَّحِيمِ (1)الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)الكل :أمينفريد : الله يكمل بخير و الله يجعل كلشي مبارك و مسعود ...سلطان رجع شاف فخنساء و رجعات بيه ذاكرتو لاول مرة تلاقاها و ابتاسم تفكر ذكرياتو معاها من اول نهار شافها حتى لهاد النهار كلشي داز بسرعة و الوقت كيطير و الايام كتجري كانه عاد البارح تلاقاها فالمسبح ديال الجردة و هاهو تحقق الحلم اللي من زمان و هو كيتمناه ..اما خنساء فما كانتش اقل منو قلبها كينبض بقوة بين ضلوعها كأنه يسابق رياح و عقلها سارح فذكرياتها معاه قبل حتى ما تعرفو و شحال كانت متعلق بيه و شحال كانت تدعي ربي غير تلاقا بيه شي نهار و تصور معاه ها هو اليوم جالس وسط اهلو و اهلها و جاي طالب يدها باش يتزوج بيها ما كدبوش اللي قالو الدنيا ما تعرفها اش مخبية ليك و الحاجة اللي كتوقع انك عمرك توصل ليها غير طلبها لان الله على كل شيئ قدير يقول لشيئ كن فيكون ما كملاش حتى جزء من ثانية ببساطة لانه الله هو القدير على كل شي سبحانه ....أدمنتك و لا أجد علاجا سوى قربكلاثقة لدي الا عينيكفعيناك ارض لا تخون فدعني انظر اليهما كي اعرف من اكون# إقتباس