💞 قلوب أرهقها العشق 💞 بالدارجة المغربية

💛 الفضل 12 💛

الجزء 36 قلوب أرهقها العشق علال:وفهادي ماكدبتي أسي عبد العزيز ولكن المراة اللي غاتزوج بشي راجل اللي مايقدرها مايعطيها حقوقها مايتهلا فيها غير تجلس فدار باها معززة مكرمة أحسن ليها أو لاخنساء شافت فعلال وابتاسمت ودات الماعن للكوزينة وتبعتها ياقوت وسناء كيعاونوها ..خنساء وقفات فلافابو ودارت طابلية على صدرها باش ماتفزكش حوايجها وبدات تشلل فالكيسان وكتهضر مع راسها ...خنساء:علاااش مابغيينش يفهمو بلي انا ماشي نصف باش نتسنا شي شخص يكملني انا مكتملة بذاتي بأفكاري انا إمرأة كاملة مكمولة وهاد الرجل ماهو الا مجرد نجم غايزين سمايا أما الا ماجاش الله على راحة شحال كتكون سما زوينة وهي صافية وما فيها حتى نجمةكملات تشلال الماعن وضهرها كيتقسم مع كانو آواني كثيرة ولكن ماعندها مادير مرة مرة كتذكر الموقف اللي طرا ليها مع يقين وتبتاسم وخصوصا منين سمعات ديك الهدرة عليه من علال ومن الزهر صدقات حتى سناء كتعرفو كأن القدر كيلعب لعبتو ...خنساء:واه واه هادي كلها صدفة بزاافسمعات صوت ختها من موراها اللي قالت ...ياقوت:كيفاش صدفة علايش كتهدري؟خنساء تنهدات وقالت ..خنساء:واش كتآمني بصدف ؟ياقوت كتصاوب الكيسان ديال العاصير فالبلاطو وكتهضر ..ياقوت: انا كنآمن بالقضاء والقدر والصدفة براسها ماهي الا قدر مكتبو ليك الله سبحانه وتعالى حتى حاجة ماكتوقع فحياتك بدون سبب أو لا عبثا او بمحض صدفة كل حاجة وقعات ليك كاين فيها سر اللي كيمهد الطريق لقدر آخر فكل صغيرة وكبيرة كتوقع ليك كيكون وراها حكمة من حكم الله تعالى تقدري تعرفيها وتقدري ماتعرفيهاش المهم هو أنكي خاصك تكوني متيقنة أن الله تعالى كيدير ليك غير اللي فيها الخيرقاطعهم صوت سناء اللي دخلات وقالت موجهة كلامها لياقوت ...سناء:أختي ماعوالش تحطي لينا ديك لاطارط نمشيو بحالناياقوت:ههه واخا هاكي دي هاد البلاطو لصالون وكبي العصير وطفي الضواو واخا الواليد ماعندوش معهادشي كيقولك غير ديال النصارةخنساء جاوبات بلا ماتحس ...خنساء:كايعرف غير يحشي الحلوة ففمو راه حتى هي ديال النصارةياقوت:ههه وراك عارفاه اصاحبتيخنساء:اودي حافضينو ماشي غير عارفينوياقوت:اوا الله يهديه علينا وعليك بالخصوصخنساء:من فمك لسمااخرجات سناء البلاطو وبقات ياقوت فالكوزينة مع خنساء ...جبدات لاطارط من الكارطونة وحطاتها فالطبسيل وقالت ببريق فعينيها ...ياقوت:شوفي كيف داروها واااعرة الله يعطيهم صحةخنساء:وديك لا طارط شهماتني هاد العشية كلهاياقوت دارت واحد الشميعة من فوق لاطارط على شكل 2 وشعلاتها وقالتياقوت:الله يسمح لينا منك أ صاحبتيهزات لاطارط وخرجات لصالون وخنساء تابعاها والضواو طفاوهم وبداو كيغنيو بصوت مرتفع ...ياقوت:سنة حلوة ياياارا سنة حلوة يايارا سنة حلوة ياياراحطات ياقوت لاطارط من فوق الطبلة ودخلات جلسات فالوسط وخدات بنتها لعندها وحداها بلال راجلها قربو لاطارط وصاطو على شمعة وخنساء كتصورهم وكتبتاسم ...عبد العزيز:يالاه وشعلو ضو ونتوما خرجو عليكم النصارى تريكة القنبمنانة كتنغز فيه وكتهضر فودنومنانة:خليهم يفرحو ببنتهم سوقك نتاشعلات خنساء ضو وجلسات من فوق السداري وناضت ياقوت كتقطع فالحلوى وتحط ليهم فطباسل حتى عطات للجميع وجلسات ..بلال دار ابيل فيديو لماماه وباباه وختو حيت ماعايشينش فنفس المدينة ديالهم ضحكو معاهم وباركو عيد ميلاد ليارا و قطع ..عم الصمت لثواني بيناتهم حتى نطقات ياقوت ...ياقوت:بسلاامة زينب مسكينة كن غير جات معاكمعبد العزيز:زينب مشات تبات مع صاحبتها يحفظو قرب ليها الباك على الله دير بيه طايلة ماشي بحال شي ناس حفاو دماغهم حتى عياو ومزالين فبلاصتهم معمرين لقنات حاضيين غير سريط والمريط وشي مايشيطخنساء ماحدها كتسمع كلامو وكتزير على داك المعلقة اللي فيديها وحانية راسها ماهزاتوش فيه...عبد العزيز التافت وشاف فعلال ورجع شاف فخنساء وابتاسم ...عبد العزيز:خنسااءهزات راسها ماحاملاش تشوف فيه وعينيها حومر ...عبد العزيز:كيبان ليا جات نوبتك باش تزوجيخنساء بقوة الصدمة تصمكات اما الآخرين كيشوف فعبد العزيز باستفهام كأنهم كيتسناو منو توضيح رغم ان المعنى بان...خنساء:ك..ك..كيفاشالجزء 37 قلوب أرهقها العشق جثة ضخمة مستلقية على السرير الأبيض ، شاب طاغية عليه وسامة أروبية أجنبية لابس تيشورت فالأخضر مع سروال فالأسود وطالق شعرو طويل البني ومغمض عينيه وفودنيه سماعات وحداه كنيشة صغيورة كيمرر يديه عليها بدفئ وحنان شكون من غيرو يقين الزعيمي اللي كاياخد قسط من الراحة وكيفكر فحياتو او بالأحرى شخص معين اللي كان كيعني ليه حياتو ولكن مشاا وخلاه وهو فأمس الحاجة ليه ..كلمات الأغنية اللي فودنيه زايدين على مابيه ...ماحس براسو حتى بدا كيغني معاها بصوت مسموع وعينيه كيشوفو فصوفي اللي ناعسة بجنبو كأنها كتواسيه ...يقين:شوق يدفعني لأراها أمي ذكرى لا أنساها ...توقف للحظة عن الغناء وهبطات من عينو دمعة حارقة كلما زاروه دكرياتو معاها دكريات جميلة داافية فذاكرتو بقات ليه من مور موتها شكون من غيرها الأم ديالو اللي فرقات الحياة وهو مازال ماشبع من وجهها الملائكي الجميل اللي ماكتسخاش تحيد عينك من عليه تحرم من حنانها ومن صورتها وهو طفل فالعاشرة من عمرو يااا لقساوة الحياة علاش الأشخاص اللي كنبغيوهم أكثر من روسنا كيمشيو ويفارقونا ويخليونا تايهين بلا بيهم فعالم كولو دياب ووحوش ماكترحمش ولكن ماشي خسارة عند الله "إن لله و إن إليه راجعون" .... فلاش باكطفل صغير عويناتو فاللون الاخضر دو وجه نااصع كبياض الثلج شعرو الحريري البني هابط على عينيه وناعس كيف شي ملاك فسريرو ...حس بيد دافية على شعرو وصوت رقيق طاغية عليه لكنة أمريكية ..~:يكين يكيينحل عويناتو ببطئ وجات عينو فعينها الزمردتين سبحان المبدع اللي خلقهم وخلقها بهاد الجمال كأنها ألماسة ...يقين غير شاف وجهها وضهرات ابتاسمة عريضة على شفايفو ...يقين:مااماااناض بتثاقل وعنقها وحتى هي بادلاتو العناق وكتمرر بيديها على شعرو البني الحريري ...~: good morning my love { صباح الخير حبي }يقين بعد عليها وباسها بخفة فخدها وقاليقين:you are so beautiful mom * أنت جميلة جدا أمي*~:Beauty in your eyes * الجمال كاين فعويناتك *قاطع هاد الحوار الجميل دخول ميلودة اللي قالتميلودة:لالا زينبالتافتت عندها الأم ديال يقين اللي بدلات الإسم ديالها الأجنبي "سيلينا" لإسم عربي "زينب " بعدما سلمات ....ميلودة:غايبدا الرسوم اللي كيعجب يقين يتفرج فيه داكشي علاش جيت عيطت ليه باش ينزل وسمحيلي قاطعتكمزينب حركات ليها راسها بالايجاب وانصارفت ميلودة ...زينب كانت كتفهم معظم الكلمات اللي كتقال بدارجة بحكم عاشت فالمغرب فترة طويلة ولكن ماكتعرفش تهدر بيها كتهضر غير بلغتها الاصلية وبعض الكلمات اللي كتعرف ليهم بدارجة ماشي بزاااف ...يقين غير عرف بلي غايبدا الكارتون اللي كيعجبو يتفرج فيه فرح من قلبو وقال بصوت مرتفع ...يقين:غايبدا انا وأخي يااااااسبغا ينوض من الفراش ولكن سرعان ماتلاشات ديك الإبتسامة وديك الفرحة منلي عرف بلي خوه الكبير اللي ديما كيتفرج معاه لهاد الرسوم مساافر ماكاينش ...عبس وجهو ورجع جلس وشاف فماماه ودلا شنيفاتو بطفولية وهز عويناتو شاف فيها وقال ...يقين: I want my brother to see cartoons together * بغيت خويا باش نشوفو الرسوم *زينب قربات وخطفات قبلة من جبينو وبقات حاطة شفايفها عليهم مدة طويلة وبعدات وشافت فعويناتو وقالت ...زينب:I will watch the cartoons with you * غادي نتفرج ليهم معاك*يقين هز كتافو وقال بعفويةيقين:But you don't understand the Arabic language *ولكن نتي ماكتفهميش اللغة العربية *زينب:[مررات يديها على شعراتو الزوينين] The important thing is to watch with you your favorite cartoon and the rest does not matter * المهم هو أنني نشاهد معاك رسومك المفضل والباقي ما كيهمش*يقين باسها فحنكها وقال ..يقين:i love you mom * كنبغيك أماما *زينب:i love you too * و انا أيضا*الجزء 38 قلوب أرهقها العشق يقين وقف وقبط لماماه فيديها الناعمتين وجرها معاه وهي كضحك ليه حتى نزلو لسفلي ديال الفيلا ديالهم لقا التلفاز اللي كان من نوع بلازما كبييرة فالسيجور شاعلة وفيها سبايستون ...شاف فساعة اللي كانت فالحيط عرف بلي مابقا والو ويبدا الكرتون المفضل عندو "أنا و أخي"جلس من فوق الفوتوي وحتى ماماه جلسات حداه ...وماهي إلا ثواني قليلة حتى بدا الرسوم المفضل عند يقين وقف ودار يدو على شكل ميكروفون وبدا كيغني مع شارة الكارتون بصوتو الطفولي الجميل الحنون وماماه كضحك وهي كتشوف ففلذة كبدها فرحان ...يقين: شوق يدفعني لأراها أمي ذكرى لا أنساها طيف أنقى من زبد الايام أبقى أمي أمي أمي همساتها أحلى من ناي سكنت قلبي ...قطعات صوتو زينب اللي قالت بابتسامةزينب :you have a nice voice * لديك صوت جميل *يقين:ما يكونش بحال خويا هو كيعرف يغني أحسن مني بزاااف ... نهاية الفلاش باكقاطع هاد ذكريات الجميلة الحزينة صوت الباب اللي تحل من طرف إحدى الخادمات ...~:سيدي هبط تعشىيقين حيد ليزيكوطور من ودنو وقف حتى قرب لباب وشاف فالخدامة اللي كانت حانية راسها ...يقين:سكينة شحال من مرة غانقولك انا ماسميتيش سيدي انا سميتي يقين آخرة مرة نسمعك كتقولي هاد الكلمة المتخلفةسكينة هزات فيه راسها و شافت فعينيه كترعد غير هي و راسها ..سكينة: واخا مانعاودش آخر مرة واللهيقين:وعلاش كترعدي غير نتي وراسك [ جر ليها حنكها بعفوية وبابتسامة ] والله ماكانكل بنادمقال هاد الكلمات وإنصارف وخلا قلب سكينة غايخرج من بلاصتو بهاد الحركة العفوية اللي صدرات منو ...نزل لسفلي لقا ميلودة جالسة فالطبلة كتنتاضرو يهبط غير شافتو جر الكرسي وجلس وهي تبتاسم وقالت ...ميلودة:إرتاحيتي أولدي شويةيقين:حمد الله مزيان ارتاحيت [هز يديها باسها ] منين كانشوفك ماكنبقا نفكر فحتى حاجة الهم كولو كيمشي الله يخليك لياميلودة طبطات على يدو ...ميلودة:الله يرضي عليك؛ وجدت ليك لاصالد اللي كتعجبك بيديداتييقين شاف فيها وابتاسم ...يقين:لهلا يخطيك ولكن غير عدبتي راسك كن قلتيها لشي وحدة فالبنات تصوبهاميلودة:قنطت اولدي مالقيت ماندير خاصني نرجع غدا لفيلايقين خدا فورشيط وبدا كياكل وجاوبها ..يقين:نفهم من هضرتك بلي داري كتجيب ليك الملل والقنطةميلودة:ماشي هاكاك راك عارف كيحتاجوني لهيه بزااف حتى نتا خاصك تمشي تشوفهم قبيلة سولوني عليكيقين:حتى انا توحشتهم دابا نمشي نشوفهم ولكن راك عارفة ماكنلقا راحتي غير هنا فدار الواليدة الله يرحمهاميلودة:عارفة اولدي الله يرحمها ويوسع عليهايقين:اللهم أميين [بقا ساكت مدة وحط الفورشيط من فوق الطبلة ] عرفتي عاد دابا تفكرت فاش كنت صغير وكانت كتفرج معايا فداك الرسوم اللي كان كيعجبني بزااف عقلتي عليهميلودة سهات فالفراغ هي الاخرى وجاوباتو بحزن ...ميلودة:آه "أنا و أخي "عاقلة عليه كان كيعجبك تفرج فيه نتا و خوك ،هادي هي الحياة أولدي قد ماعطاتك لابد تاخد منك [ بغات تقلب الموضوع حيت عرفاتو تأثر بزااف ]ونتا شنو فكرك فهاد الرسوميقين رد راسو اللور وتفكر الفيديو اللي شاف فيه خنساء كتغني شارة كارتون "أنا و أخي" بصوتها الشجي ...يقين:خنساءميلودة حبسات ماكلتها وقطبات ملامح وجهها ..ميلودة:كيفاش؟؟يقين:فاش قبيلة عطاتني الفون ديالها باش نرسم بنت ختها شفت واحد الفيديو ديالها كتغني فيه الاغنية اللي كان كيبدا بيها "انا و اخي " وبقات فبالي فكراتني فيه داكشي علاشميلودة:امم فكرتيني فيها نيت ديك البنيتة شحال غزالة عجباتني بزاف روحها زوينة وكيوت قبيلة قتلاتني بضحك فاش عاوداتلي كيفاش تلاقيتويقين حرك راسو مع ابتسامة خفيفة ترسمات على وجهو وقال ...يقين:عوينات جلبانةميلودة:ههه ناري ضحكاتني باينة فيها نية أحسن حاجة درتيها هي جبتيها معاك قبيلة فوجات عليايقين:حتى سميتها غريبة بحالها وزوينة ما نعرف شنو كاتعني ؟؟ميلودة:هاد الاسم قديم كاينة واحد الشاعرة معروفة عند العرب كانت سميتها الخنساء هو اسم عربي حتى انا شحاال هادي ماسمعتو ولكن زوين بزااف جاي معاهايقين بقا ساهي كأنه طاحت عليه فكرة ...كمل ماكلتو في صمت وناض ...يقين:حمد الله، غانطلع للفوق تصبحي بخيرميلودة:وأنت من أهل الخيروقف و صعد لمكانو المفضل حل الباب ودخل لورشة الرسم اللي كينسا فيها العالم وكيبدع فيها وكيخلق فيها مكان خااص بيه بوحدو مامشاركو فيه حد وكيطلق فيه العنان لمخيلتو ...دار يدو على جنابو بطريقة جميلة وغمض عينو وقال بصوت هادئ ...يقين:خنساءحل عينو وتقدم بخطوات بطيئة وشغل موسيقى هادئة كيفما العادة وجر الكرسي وجلس حدا الطاولة الخشبية و خدا قلم رصاص وورقة ناصعة البيضاء وكتب حرف" الخاء" بخط عربي أصيل حتى كمل اسم "خنساء" جات الكتابة رائعة رغم انه من زمان ماكتب شي حاجة بلغة العربية ولكن اللي فنان ومبدع كيبقى حياتو كلها فنان خاصة الا كان شخص بحال يقين الرسم كيجري عندو فدم والكتابة بالخطوط العربية كتحمقو وكيبدع فيها من قلبو ...هز ديك الورقة حتى جات فمستوى نظر ديالو عجباتو بزاف وعجبو الإسم أكثر هز تيليفونو وصور بكاميرا الهاتف هاد اللوحة اللي خط عليها بإسم الفتاة اللي تلاقا بيها صدفة وتغرم بإسمها العربي الغريب اللي اول مرة كيسمع بيه ...دخل لفايسبوك ديالو كايعجبو يلوح الصور اللي كيرسم فمجموعات الفايسبوك وخاصة انها كتلقا تفاعل كبير وهادشي اللي كيزيد يفرحو وكيوصلوه دي ميساج زوينين وتعليقات كتعطيه طاقة ايجابية كايكون محتاجها ...حط هاد الابداع اللي صوب فمجموعة الفايسبوك المعروفة ب "creative brains " كضم أكثر من 800 ألف شخص مبدع من أنحاء العالم العربي ...حط البوسط ديالو وتسناه يتقبل من طرف ليزادمين وطفا التيليفون وحطو حداه من فوق الطبلة وعينو كيشوفو فالرسم اللي دار وكيتفكر شنو طرالو معاها وكيفاش عايراتو حيت كان كيصحاب ليها أجنبي وماغايفهمهاش ضحك على تصرفها وقال بابتسامة ...يقين:عينين جلبانةنقر بأصابعو على طاولة الخشبية وابتاسم كأنه طاحت عليه فكرة اخرى وقف وخرج من الورشة واتاجه لبيتو هز التجاكيط ديال الكوير فالاسود ولبسها وهز السوارت ديال اللوطو وخرج طلع فطوموبيلتو اللي كانت من نوع رانج روفر فالأسود وقلع ...ماهي الا بضع دقائق حبس اللوطو حدا واحد العمارة ونزل....دخل للعمارة اللي كانت فحي راقي جدا جداا وغير من الدخلة ديالها كتبان واااعرة طلع فالاسانسور وضغط على رقم الايطاج الثالث ...ما هي الا بضع ثواني حتى تفتح المصعد فالايطاج اللي باغي هو خرج منو واتاجه لباب اللي كان اونفاص مع المصعد دق فالباب ودار يدو فجياب تجاكيط.كينتاضر الباب يتفتح ما هي الا ثواني قليلة حتى تفتح الباب وضهرات ابتسامة على ثغرو جراتو يد أنثوية ناعمة من تجاكيط ديالو وسدات الباب برجليها وكالاتو مع الحيط ما خلاتو فين يستوعب شنو دارت حتى قربات من شفايفو خطفات منهم قبلة خفيفة وبعدات فتحات عينيها بشوية حتى تلاقاو عينيهم وقالت بصوت أنثوي خطيير ....~: i miss you *توحشتك*