💞 قلوب أرهقها العشق 💞 بالدارجة المغربية

💛الفصل 57💛

الجزء 170قلوب أرهقها العشق خرجو من الدار و زينب حاسة برجليها فشلانين بدرااع باش كترمي الخطوة و منانة قابطة فيها حتى وصلو لطبيب دخلو و خداو موعد و بقاو جالسين كيتسناو نوبتهم توصل ؛ دازت جهد شي ربع ساعة و خرجات المساعدة ديال الطبيب كتنادي بإسم زينب اللي غير سمعوه ناضو و دخلو لعند الطبيب اللي كان راجل فالخمسينات من عمرو الشيب واضح بشكل كبير على لحيتو....طبيب: تفضلوجلسات منانة و زينب فالكرسي و قال طبيب موجه نظراتو لمنانة...طبيب: شكون فيكم زينبمنانة اشارت بصبعها لزينب ] هاديك زينب و انا منانة خالتهاطبيب : الله يخليها ليك [ شاف فزينب ] باش كتحسي أ بنتي ؟؟ شنو عندك باش نقدر نعاونك ؟؟زينب: الدوخة و ردة و كرشي كضرني و كنحس بداتي مسخسة عليا و باغا غير نعس و راسي كيضرني مرة مرة و ما بقات عندي شهية للماكلة هادي شي اسبوع هاكاك و لكن فهاد ثلثيام كنتقيا بزاافطبيب :[كيحك لحيتو ] امم واش كليتي شي حاجة من قبل بحال ديسير و لا واش عندك حساسية من شي حاجةزينب : لا ما عندي حساسية من حتى شي حاجة بالعكس و ديسير ديما مولفة كاناكلو ما كيوقع ليا والوطبيب : امم واخا ممكن تجي معايا ابنتي لداخلمنانة : و انا ندخل معاكم و لا لا ؟؟؟طبيب : اه ممكن ما كاين مشكلوقف طبيب مع زينب و دخلو لغرفة الفحص الطبي و دخلات معاهم حتى منانة ، تكات زينب على البايص و عرا ليها طبيب على كرشها و دهن ليها بومادة و بدا كيمرر بواحد الجهاز على كرشها و كيشوف فواحد التليفزة ما كملاش جوج دقايق حيد ديك الابراي من يدو و مسح ليها كرشها و شاف فمنانة و رجع شاف فزينب و قال مع نظرات مبهمة ...طبيب : شحال فعمرك ابنتي؟؟زينب : 18 العامطبيب حرك راسو بالايجاب و حك ذقنو بثقالة و شاف فمنانة اللي حالة فمها فيهم ما فاهمة حتى حاجة...منانة : امدرا أ دكتور شنو عندها ؟؟طبيب : اجيو معايا للبيرو باش نقدر نشرح ليكم عاوني بنتك باش تنزلخرج طبيب من غرفة الفحص و اتاجه للبيرو ديالو و هز ورقة كيكتب فيها شي حاجة ؛ ما هي الا ثوانيي قليلة حتى تمات خارجة زينب مع منانة من الغرفة و جلسو من فوق الكرسي مجددا و قالت منانة بخوف على بنت ختها اللي ولات تعتابرها بنتها ....منانة : شنو عندها ما قلتي لينا والو أسي طبيبطبيب تنهد و شاف فزينب و قال ...طبيب: مازال ابنتي صغيرة على زواجمنانة شافت فزينب و رجعات شافت فطبيب ما فاهمة والو فهادشي اللي تايقول ليها سي طبيب ....منانة : ك..كيفاش ما فهمتشطبيب :[شاف فمنانة و نطق ] بنتك حااملة و عندها شهر تقريبا مبارك و مسعود [ مد ليها الورقة اللي كان كيكتب فيها ] هادو أدوية غايقللو من ديك القيئ و فيتامينات مزيانين ليها فهاد الفترةمنانة حلات عينيها على وسعهم فالطبيب ما قادراش تستوعب هادشي اللي تايقول لدرجة حسات بدوخة و بقات غير كترمش فيه ...منانة: ك..ك..ك..كيفاش حاملة؟؟ زينب ما حامل..ماحاملاش أسي طبيب غايكون وقع شي غلط عفاك رجع تأكدطبيب : أ لالا راه هادشي حنا ما كنغلطوش فيهلحظة صمت و قلب كيدق بوتيرة سريعة صدمة زينب ما كانتش اقل من صدمة منانة اللي ما قادراش تستوعب.كيفاش غاتكون حااملة ما يمكنش بقات غير مصدومة و سااهية فالفراغ..منانة شافت فزينب لمدة من زمان ما قادراش تستوعب البنت اللي رباتها و دارت فيها خير غي باش باها ما يتعداش عليها صدقات غادة للحرام برجليها ، وقفات منانة و شافت فطبيب و كتحس بذاتها كلها كترعد قالت بصوت عااامر حزن مع دموع تجمعو فحافة عينيها...منانة : شنو غانقولك أسي طبيب الله يرحم الواليدينعطاتها بضهر و خرجات خلات زينب ما داتهاش فيها ناضت هي الاخرى و تبعاتها لقاتها كتخلص وقفات حداها زينب كلها كترعد و دموع كيهبطو ويدااان من عويناتها ما قادراش تحبسهم شدات فدراع منانة و قالت و الخنقة ديال البكاا فحلقها ....زينب: خالتيمنانة نطرات دراعها من يدين زينب و شافت فيها بتخنزيرة جمدات لزينب الما فركابي ...منانة : ماا تقيسنيش أ المووسخة سمعتيالجزء 171قلوب أرهقها العشق