💞 قلوب أرهقها العشق 💞 بالدارجة المغربية

💛الفصل الخامس💛

بارت 13 قلوب أرهقها العشق خنساء: مامعقداش غير هو أنا عندي دماغ فشكل و الراجل اللي غايجيني على الكَانة مازال ماوصل للمغرب داكشي علاش كنفضل مانفكرش فهادشي ونديها فمستقبلي بلاش من دوك الاحلام الوردية اللي عارفة بلي غايجي واحد نهار وغانفيق على واقع اسود كيتسنانييقين : رأيك يحترم غير هو حاولي تقللي من التشاؤم هادشي لمصلاحتكخنساء:ماشي متشائمة تقدر تقول بلي انا واقعية أكثريقين: نتي عند بالك بلي واقعية ولكن الطريقة باش راسمة العلاقات فدماغك ممكن تأثر عليك وفالطبيعة كاين واحد القانون يسمى قانون الجذب هاد القانون كيقول بلي الا كان تفكيرك سلبي الكون و طبيعة غاتجدب ليك غير الحوايج السلبية والا كان تفكيرك إيجابي الكون غايجذب ليك غير الحوايج الايجابية داكشي علاش خليك ديما متفائلة ونتمنى من قلبي تبدلي نظرة ديالك على العلاقات والحب حيت بالنسبة ليا أعظم حاجة كاينة فالكون هو الحب لأنه شي حاجة ما كتوصفش وما غاتحسي بيه حتى غاتجربيه و نتمنى تعيشيه حيت غاتولي وحدة اخرى ونتمنى من ربي مايحرمكش منو حيت نتي كاتستحقي الافضلخنساء حشات خصلات شعرها من مور ودنيها وحنات راسها كتلعب بصبعانها بتوتر ..خنساء:شكرا حتى نتا اخويا [سكتات مدة قبل ما تقول ] و نتا واش ...يقين ما خلاهاش تكمل حيت عارفها علايش باغا تسولو ...يقين : انا قصتي مع لامووغ قصة طويلة [حبس الطوموبيل و التافت شاف فيها ] وصلناحيد حزام السلامة و بغا ينزل و هو يتسمع صوت تيليفونها كيصوني ...جبدات خنساء تيليفونها من جيبها وهي تشوف نمرة د ختها وهي تصدم وشافت فيقين .يقين:شكون؟؟خنساء:خ ..ختي كاتعيط شنو نقولهايقين: غير تهدني وقولها بلي لقيتي المحل ساد وكتسنايه يفتحخنساء : واخادوزات الخط و خرج يقين من الطوموبيل إحتراما لخصوصيتها ...ياقوت: واش نتي صيفطتك تجيبي الحلوة ولا صيفطتك تصنعيها من جوج و نتي غابرة هادي دابا ربعة د العشيةخنساء: أ ختي رااه الغلط ديالك واش كاين شي محل كايحل مع جوجياقوت: علاه لقيتيهم ساديين ؟؟خنساء: و راه لقيتهم سادين فعوط ما تشكريني حيت جالسة كنتسنا فهاد الشمش حتى راسي حرقني جالسة كتغوتي عليا ما حشمتيشياقوت: سمحيلي المهم واش دابا حلو ولا مزاال ؟؟خنساء: راه بان ليا شي واحد كيحل المحل المهم هانا غانقطع و الا تعطلت عرفي غير مع طاكسياتياقوت: واخا سمحيلي ا ختي غير خفت عليك لا تكون واقعة ليك شي حاجة منين خرجتي وبالي معاك وردي الباال يا خنساء عنداك طيح ليكخنساء: المهم بااايقطعات الخط وعاد رتاحت وطلعات نفس و عاودت هبطاتها و قالتخنساء: ياربي تسمح لي على الكدوب ولكن هادي غير كدبة بيضة باش نسلك راسيدورات وجهها لجيهة الزاجة وهي تحل فمها من جمالية الفيلا اللي كتشوف امامهاخنساء: واش هاد عينين جلبانة عندو هاد الفيلا تبارك الله كاملة ...قفزها صوت دقان ديالو من زاجة وفتح الباب اللي من جيهتها و قال بابتسامة ..يقين:نتمنى تكوني حليتي المشكلخنساء: حليتو أخويا شكرا بزاافيقين : داكشي اللي بغينا ،تفضلينزلات خنساء من الطوموبيل وكلها كترعد وكتشوف الفيلا اللي واقفة قدامها تصدمات وتنادم معاها الحال حيت جات معاه وعدة سيناريوهات كيدورو فبالها بحال ممكن يغتاصبها اولا يقتلها او لايختاطفها ندمات كاع علاش وافقات تجي معاه ...حل يقين الباب الخلفي لطوموبيل وخنساء متبعة حركاتو بحدر جبد منها واحد الصاشي زوين ..زدح الباب وخطا خطوات لأمام وهي من موراه تابعاه وحانية راسها حتى وصل لباب وضغط على الصونيط و هو يتسمع واحد الصوت ديال إمراة من لانطيرفون ...- شكوونيقين : غير أنا أدادا ميلودةدادا ميلودة : ولدي حبيبي هانا جاية نحل ليك الباب ...يقين: لاا بلاتي صيفطي الخدامات ، معايا واحد ضيفة باش يستقبلوهادادا ميلودة : واخا أحبيبي هي اللي ماتعاودالتافت يقين لجيهة خنساء لقاها حالة فمها فهاد الحي الراقي اللي عامر فيلات وحدة تنسيك فلوخرى عينيها كيتحولو من فيلا لفيلا وغير طوموبيلات الواعرين اللي محطوطين تماك الشيئ اللي خلا عينيها يخرجو منهم القلوبة فجأة جات عينيها فعينين واحد الشخص كتعرفو مزياان جاي جيهتهم ما قدراتش تستوعب بل ما قدراتش تيق عينيها ولكن الحاجة اللي جات فبالها هي أنه ماخاصوش يشوفها هنا و الا غاتقفااار عليها ديال بصح كانت فمشكل تصدق فجوج ...بارت 14قلوب أرهقها العشق هبطات شعرها على وجهها و إلتافتت لجيهة المعاكسة و كتدعي فنفسها باش ماتفرش معاه و كتقول فنفسها ...خنساء: ياويلي هذا شنو كيدير هنا ناري الا شافني غاتقفار عليا مع الوليد مصاب ما يكونش كايعرف يقين و جاي يدوي معاه زهري يا زهري وقف معايا غير فهاذي هاالعار ...ما جات فين تكمل جملتها حتى سمعاتو كيهدر مع يقين اللي كان بجنبها عطاتهم بضهر باش مايشوفهاش..يقين : أهلن اهلن بسي علال لابس عليك كيف داير مع الصحيحة كلشي مزيان بخيرعلال: الحمد الله يسول فيك الخير أولدي سمعت بلي جيتي البارح من ميريكان جيت كنطير باش نشوفك فصباح ساعة ما لقيتكش قالتلي الحاجة خرجتي تقدا شي حاجةيقين: وي صباح ماكنتش [ حط يدو على كتفو ] امدرا درتي العملية على القلب ولا مزال ؟؟علال: درتها و نجحات ليا ومن بعد الله فضلك عمري نساه وقفتي معايا و عاونتني الله يجازيك بخير و الله يوقف معاك كيف وقفتي معايايقين : ما تقولش هاكاك الحمد الله على سلامتك و لكن خاصك ترتاح ما تجهدش راسك و جيب شي حد يتكلف بالخدمة عليكعلال: لا لا ما بقيتش كنخدم عييت اولدي و جهدي تقادا غير جيت عند صاحبي العساس جديد اللي كاين فهاد السيكطوريقين : مزياان اللي شفتك على خيرعلال: شكرا اولدييقين : الا جات على خاطرك واش ممكن تديليا الطوموبيل للكاراجعلال: اهاه مرحبا وألف مرحبايقين مد ليه السوارت و ابتاسم ليه وربت على كتفو وعلال طلع فاللوطو و قلع ..عاد ظهرات علامات الراحة على وجه خنساء و قدرات تستنج من كلام علال بلي يقين هو اللي عطاه الفلوس باش يدير عملية على القلب، علال هو صديق باباها روح بروح و ديما كيجي عندهم لدار و علاقتهم وطيدة بزااف و ماكيخبي على باها حتى حاجة عندها زهر ما نتابهش ليها اما كن خبارها يجيبوها تاليين....يقين : علال هو العساس ديال الحي ديالنا من اطيب خلق الله و لكن ما فهمتش علاش عطيتينا بضهر و حسيت بيك متوترة بحال ما مرتاحش بشوفتو واش كتعرفيه ؟؟خنساء دارت عندو وصرطات ريقها بصعوبة كتحس بحلقها نشف و كتقول مع بالها ..خنساء: و نااري هاد عينين جلبانة غير ديريها معاه زوينة كيف دار عاق بيا على هاد الحساب هاد خينا مطور بزااف ما تدوزيهاش عليهخنساء حنحنات وجاوباتوخنساء: ما بغيتوش يشوفني حيت هو صديق بابا و إلا شافني غايوصلها ليه سخونة و حنا هادشي اللي ما بغيناشيقين ابتاسم وقاليقين : عمري ماتلاقيت بشي شخص منحوس حتى لدرجة ديالك حطمتي رقم قياسيخنساء مررات يديها على وجههاخنساء : أودي مازال ما شفتي والو عندي واحد الزهر ياسلام كنحس بحال انا و زهري بجوج ما عندناش الزهر انا راه كنقول ليهم الا شربت ماء زهر الما يدوز و زهر يوحل فحلقي زهري و انا عارفاه ناس عندها زهر كيهرس الحجر الا انا زهري كيهز الحجر و يشير عليا بيهيقين ماقدرش يحبس نفسو من الضحك على كلماتها ضحكتو رجولية كتخليك بلا هواك تبتاسمي وداكشي اللي خلا خنساء تضحك حتى هي ...تحل الباب و بانو جوج خدمات هازين فيديهم بلاطو فيه الحليب و تمر معمر بالكركاع ...-مرحبااا بيك أ لالاخنساء تدهشرات بهاد الصواب اللي فهاد ناس بقات غير حالة فمها ...يقين : مرحبا بيكدخل لداخل و الخدمات حانيين راسهم و كيشوفو فيها هزات كويس ديال الحليب فيه ماء زهر مع تميرةخنساء: شكرا-تفضلي أ لالا ما تبقايش واقفة فالبابحنات راسها و كتشوف فيقين سبقها و دخل لداخل لحقات عليه ودخلات لفيلا بمجرد ما حطات رجليها فالفيلا ما قدراتش تقاوم حس الفضول لي فيها و بداو عويناتها كيدورو على أرجاء هاد التحفة اللي حاطة رجليها فيها ...فيلا عنوانها الفخامة المفرطة فيلا كتخطف الأنفاس كتخليك بلا هواك حالة فيها فمك تصميمها مثاليمتميز بالأناقة و البساطة فنفس الوقت ...كيغلب عليها لون الباج و الارضية من اغلى انواع الخشب و اللي لفت إنتبهاها العديد من اللوحات الفنية المعلقة فأرجاء الفيلا ...ما فيقها من شرودها غير صوت يقين اللي بدا كينادي ..يقين : دادا ميلودةبارت 15 قلوب أرهقها العشق خرجات ميلودة من الكوزينة واتاجهات ناحية يقين وعنقاتو بقوة وحتى هو بادلاها العناق وبعد عليها وحط يدو على درعانها بجوج ...ميلودة : مرحبا بيك فدارك ، الدار تنورات بوجودكيقين هز يديها باسها بكل جنتلمانية وغمزهايقين: الدار منورة بوجودك نتي عارفة حياتي بلا بيك ظلام و زايدون ماغبتش بزاافميلودة : نهار واحد كتغيبو انا كايجيني بحال عاميقين : بلاتي نحسب انا غبت خمسطاش اليوم يعني بحال غبت خمسطاش العام ياك ؟؟ميلودة ضحكات على كلام يقين وحركات راسها بالإيجاب ..ميلودة : اييه أسيدي بحال غبتي خمسطاش العامعاود عنقها بقوة وقاليقين : كنموت فيك أنااضرباتو لضهروميلودة : ما بقيتيش تحشم ياولدي هاد الهدرة قولها لحبيبتكيقين بعد عليها ورجع قبل يديها بجوجيقين : وراك نتي حبيبتي وحياتي كاملة الله يخليك لياميلودة حولات نظراتها لجيهة خنساء اللي كانت واقفة مصدومة كتشوف فيهم واللي زاد جاها غريب هو شكل ميلودة مرأة كبيرة تكون فحدود الستينات ولكن كتبان شابة رغم تجاعيد وجهها طالقة شعرها الطويل الرطب اللي كان متخللو خصلات الشيب ولابسة كسوة طويلة فالأسود وفوق منها بوليرو جاها شكلها غريب خصوصا انها ماموالفاش كتشوف ناس كبار ومهليين فراسهم بحال ميلودة ..هي كانت كتخايلها مرأة كبيرة ولابسة شي بيجامة وعاقدة شي زيف على راسها ودايرة طابلية على خصرها ولكن طلع العكس تماما واللي زاد ثار الدهشة فنفسها علاقتها مع يقين اللي كيبانو متقربين بزاااف لبعضياتهم وهاد نوع من العلاقات ماموالفاش عليهم خنساء اللي كابرة فعائلة محافظة ..ميلودة : [حولات نظراتها ليقين ] شكون هاد البنيتة ؟؟يقين : تعرفي عليها بنفسك كتهضر ماشي زيزونةميلودة :[شافت فخنساء] اش سماك الله ابنتي ؟؟خنساء: احم خنساء سميتي خنساءميلودة : أوو سميتك زوينة بزااف وقدييمة شحال هادي ماسمعت شي بنيتة عندها هاد سميةخنساء جاوباتها بعفويةخنساء:حيت جداتي اللي سماتني الله يرحمها كلشي كيقولي شنو هاد السمية عندكميلودة : هه لا بالعكس سمية زوينة جاية معاك غاتسمحولي واحد الدقيقة غانمشي للكوزينة ونجييقين : خودي راحتكانصارفت ميلودة للكوزينة وبقا غير يقين مع خنساء اللي قالت..خنساء: شحال ضريفة هاد السيدة حبيتها بزااف كدخل لخاطريقين : دادا ميلودة أحسن وأروع إنسانة ممكن تشوفيها فحياتك كاملةخنساء: الله يخليكم لبعضياتكميقين : امين اش بانلك نعرفك بحبيبتي حتى هي ؟خنساء: مرحباا شرف ليايقين : حبيبتي سميتها صوفيخنساء: سمية زوينةيقين ابتاسم وجاوبهايقين : حبيبتي كلها زوينة خاصني نعيط ليها ثلاثة د المرات عاد كاتجي لعنديخنساء: هي ودنيها ثقيلةيقين حبس الضحكة غير بزز ...يقين : توء كايعجبها تفشش علياخنساء: مزياان وراه قالك اللي لقا علامن يتفشش و ماتفشش غدا أمام الله تحاسبو نفسويقين شاف فيها مطولا وضهرات ابتسامة على ثغرويقين : عندك شي أمثلة ماعمري ماسمعتهم مانعرف منين كاتجيبيهمخنساء اكتافات بابتسامة وحنات راسها حتى بدا كينادي بصوت مرتفع ..يقين: صووفي ..صوووفيخنساء: مزالة ليك تعييطة ثالثة باش تشرفنا حبيبتك ههيقين شاف فخنساء وضحك وكمل ...يقين :صوووفيعم الصمت لثواني و خنساء غلباتها ضحكة حيت ماجاتش ...فجأة كتشوف واحد الكانيشة صغيورة فاللون الرمادي جاية لجيهتهم كتكسول بشوية عليها ...خنساء توسع بؤبؤ عينيها وبدات كلها كترعد كتخاف من الكلاب بصفة عامة الشيئ اللي خلاها تجمد فبلاصتها ...يقين : هاااهي حبيبتي صووفي جااتخنساء:د...دابا هادي هي حبيبتكالتافت و شاف فيها بابتسامة و حرك راسو ...وقفات صوفي حدا يقين وكتهز رجيلاتها كتشبط فيه باغا توصل ليه هزها من الأرض وحطها على كتفو ويديه كيمررها على فروها الرمادي اللي كاسي جلدها ...يقين :i miss you so much (توحشتك بزااف )