💞 قلوب أرهقها العشق 💞 بالدارجة المغربية

💥 الفصل 12💥

الموس_______م الثاني الجزء 333 حرب الهوسمكان مظلم ما كيبان فيه غير دخاخن ديال الكواارو و الشيشة موسيقى مطلوقة على حر جهدها و ناس جالسين فطبالي و حداهم غير القراعي ديال شراب مكان حاضر فيه شيطان بقوة ما كاين غير العرى و صوت العاهرات اللي صوت ضحكااتهم مالي المكان رجال كبار و رجال صغاار ها اللي شاد القرعة د شراب ها اللي شاد إحدى العاهرات كيبوس و يتلمس فيها ها اللي كيشطح مع الموسيقى ها اللي كيكمي ها اللي كيشيش كلها و حالو و لكن كيجمعهم مكان واحد اللي هو " ملهى ليلي " ....داخل إحدى البيوت المتواجدة فنفس الملهى الليلي او البار او الحانة تعدد الأسماء لمكان واحد ...كانت جالسة قبالة المراية بنت شابة فمقتبل العمر و فعمر الزهور كايبان من ملامحها انها مازال صغيرة و لكن المايكاب الكثير اللي فوجهها عاطيها عمر اكبر من عمرها بكثير نااهيك على لباس الفاضح و المكشوف اللي واضح من خلالو انها كتشتغل كراقصة سوتيان فالأحمر و مزين بعقيق كثيرة مع صاية طويلة فنفس اللون فيها عدة زخاارف مع العقيق أيضا مفتوحة من جناب بجوج مبين فخيداتها المبرونزيين و لونها الاسمر الفاتح عكر احمر مضروب ففمها كدم الغزال عينيها مجبدين بالايلاينر و شفارها طوال عاطيين لمسة وااعرة لوجهها شعرها الطويل الاسود عاطيها جمال خاااص بحيث اللي شافها كيحل فيها فمو و اغلب الزوار كيجيو باش يشوفو رقصها اللي ولا مكسر ساااحة و ما كينش اللي ما تيعرفش " راقصة شهرزاد " الملقبة " براقصة القنبلة " .....تفتح الباب و دخل شخص يكون فالاربعينات من عمرو لابس كوستيم فالاسود و حال للقاميجة صدايفها لوالة من نظراتو الماكرة و شخصيتو باين هو ماالك الملهى الليلي " فاروق " فاروق اللي وهم زينب بنت خالة خنساء بلي هي رااقصة عندو من مور ما فقدات ذاكرة لعبها عليها مزيان و خلاها ثيق بلي هي راقصة و سميتها شهرزاد و خفا عليها هويتها الحقيقية اللي هي زينب ذاكرة تمسحات ليها للأبد فقرر يستغل هاد نقطة لصالحو الاكسيدون اللي دارت خلاتها تفقد الجنين اللي كانت هازة فكرشها و تنسى شكون هي و لين كتنتامي طيلة هاد خمسة اشهر كتشتغل معاه فالبار و شهر خلاه ليها لتدريب على رقص و انها تستعيد صحتها ....فاروق: شهرزاد واجدة ؟؟هزات زينب عويناتها اللي خافيين حزن كبير فكل نهار كتمنى تكون غير كتحلم و تعقل على شكون هي و لين كتنتامي و ماتبقاش راقصة فالبار المشؤوم اللي كيخليها تشعر بالاشمئزاز من راسها اصعب حاجة هي تحاول تذكر شكون نتا و شكون عائلتك و شنو عشتي و لكن ما كتلقا راسك عاقل على حتى وزة فقط صفحة بيضة .....زينب : واجدةفاروق : [ مع إبتسامة ماكرة ] حمري ليا وجهي كيفما العادة الله يرضي عليك ما نبغي يوقع حتى غلطزينب : كن هاني سي فاروقفاروق : ساحة رقص خاوية ليك أ راقصة القنبلةابتاسمت بإنكسار و وقفات بغات تخرج من البيت و هي تحس بيدين فاروق ضربوها للمؤخرتها بشهوة حتى قفزات و زيرات على عينيها كتحس بدموع مجموعين ليها فيهم اللي ما قادراش تنزلهم حسات بأنفاسو قرب ودنيها و سمعاتو همس فيهم و قال ...فاروق: حركيها ليا مزيان بغيت اللي شافك يميزي [ قرب لعنقها و بااسها منو و دفعها ] و دابا سيريخرجات كتمايل و عقلها شارد باغا غير شي نهار تفيق و تلقا راسها وسط عائلة تحميها من هاد الضباع الجائعة اللي كتشوف فيهم جالسين فالطبالي و كيسكرو و كيشوفو فيها بشهوة و تخلص من هاد الحياة الحقيرة اللي عذباتها اشد العذااب ....ما عرفاتش إمتى وصلات للمنصة الخشبية بقوة التفكير و كتسمع صوت التصفيقات و صراخ الجماهير اللي كانو كيتسناوها تشرفهم من زمان تطلقات الموسيقى اللي كانت عبارة عن اغنية " ااااه لو لعبت يا زهر " كتعجبها بزاااف و كتجيها كتعبر على الحالة اللي هي فيها هزات يديها لمستوى اعلى و كتحرك فخصرها بطريقة مثيرة و كتلوي فكرشها النحيفة اللي مزينة ببريسنغ كتخلي طايح أكثر من نااايض و ما كاين غير زرقاوات كتشاير ...اللى لوه قرش ما بينامش .. ما بالك بقى باللى عليهملعون ابوك يا فقر حاوجنى للاندال .. ذليت عزيز النفس عشان عديم المالملعون ابوكى يا عوزة ذلت السؤال قتال ..اه لو لعبت يا زهر واتبدلت الاحوالوركبت اول موجه فى سكه الاموال .. اروح لاول واحد احتاجتله فى سؤالكسر بخاطري ساعتها ودوقني ضيقة الحال .. اعمل معاه الصح انا واسنده لو مالواقف جنبه فى المحن واكون طويل البال ..اه لو لعبت يا زهر واتبدلت الاحوالوركبت اول موجه فى سكه الاموالواكون طويل البال واعرفه ان الفلوس الفلوس ما بتعملش رجال الحوجه مرهالحوجه مره وياما بهدلت ابطالالموس_______م الثاني الجزء 334 حرب الهوسسلطان اللي حل باب ابارطمون صغيرة و دخل بتثاقل و حاس بقلبو غايطرطق بزز باش عايش كيشرب غير القهوة و الكارو تحت عينو كحال بقلة النعاس و ديما ساهي غير كيخمم كيف يدير يفك حريرتو مع خوه دخل للكوزينة اللي كانت فديك شقة البسيطة و العصرية فنفس الوقت عصر ليه قهيوة كحلة و جلس فصالون كيرشف منها و كيحس بيديه كايكلوه على الكارو باغي غير يكمي و لباس و كيحاول ما أمكن يقلل منو و لكن رجع عندو إدمااان عوييص بيه ما كيقدرش يجلس غير ساعة ما كاملاش بلا كارو بلا ما يشعر جبد واحد من الباكية و شعلو و حط طفاية حداه كيطفيه فيها كاارو موراا كارو حتى ضرب خمسة ديال الكوارو بلا مايحس تصدم من حالتو و مرر يدو على شعرو رطب الاسود ونطق بعصبية ...سلطان: كيفما كنت متوقع ولا عندي إدمان تفووهز كارو و معصو بيدو حتى تفرتت بين صبعانو تنهد و ناض للحمام غسل وجهو مزيااااان بعدا و درت ليه طن فراسو علاش ما يتوضاش يصلي و يدعي الله يخفف ليه ما صعاب حتى انه يحمدو على هاد العملية اللي نجحات و يشكرو ما دارهاش بقا ملهي غير مع المشاكل ديال قلبو و نسى بلي الله سبحانه و تعالى قادر على اي حاجة كتبان لينا حنا مستحيلة و حنا كبشر ضعاف ضروري خاص نحسو بشي قوة معانا و شي سند لينا و ما كاين ما احسن من اننا نحسو ان الله معانا فكل صغيرة و كبيرة و نقربو ليه ..ندم اشد ندم حيت ترك صلاة من نهار دار الأكسيدون و تشلل يأس من الحياة لدرجة ما بقاش كيصلي و مواضب على صلاتو كان كيقرا القرآن واه و لكن صلاة ما كاينش كيطوف بيها و صلاة هي رابط بيننا و بين الله الا تقطعات شنو بقى ؟؟؟ ....توضى و خرج لحيتو كتقطر بالما و يدو المزغبين اللي عاطيينه لمسة رجالية خطيرة كيقطرو بالما ....توجه لبيت نعاس اللي كان كيتوسطو ناموسية فالوسط و جدرانو مصبوغين بمارون دافئ ...فرش منين ش صلاية و بدا كيصلي و كيتلو القرآن بصوت مرتفع ناابع من القلب و مركز فصلاتو و مع صوتو الجوهري أ اللللله على حلق عندو كينوض يجود صوتو شبيه بصوت " ماهر المعيقلي " كيخلي الابدان تقشعر و مع حافظو بقواعدو متمكن منو بخلاصة صوتو خطييير ما حس بدمعة حتى نزلات من عينو بقوة الخشوع فصلاتو خاصة منين وصل لآية التالية "وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ " ردد فنفسو بلا ما يشعر و لا يحس " ما بغيت والو من دنيا من غيرها يا ربي لهلا تحرمني منها و إجعلها من نصيبي راك عالي و علم فشنو فقلبي "كمل صلاتو و هز كفوفو كيدعي الله سبحانه و تعالى كيفما كان كيدير من ديما ....سلطان :يا لطيف الطف بي بلطفك الخفي و أعني بقدرتك , اللهم أني أنتظر فرجك وأرقب لطفك فالطف بي ولا تكلني إلى نفسي ولا إلى غيرك لا إله إلا الله الرحمن الرحيم , اللهم إني أنزلت بك حاجتي كلها الظاهرة والباطنة والدنيوية والأخروية .تنهد و طوا الصلاية و تزدح فوق فراشو و جبد تيليفون من جيبو و طلق الفيديو ديالها اللي كتغني فيه و كيبتاسم على الأقل عندو هاد الفيديو مصبر بيه راسو على فراقها كيفما كان الحال و لكن أكيد قريب يتلاقا بيها قلبو حاس بيها بقا كيسمع لصوتها حتى داتو عينو و نعس بلا مايشعرأما خنساء تكات من فوق الفوتوي و مراد حتى هو تكا من فوق الفوتوي اللي فجيهة لوخرى و يقين نعس فسريرو طبي حيت عطاوه مهدئ قوي نعسو من مور ما شبع ضحك على كلام بذرة منين سولوه قالهم والو غير تفكرت شي حاجة ...خنساء ما جاهاش نعاس خاصة ان قلبها كيحرقها بزاف ما حيلتها ليقين اللي متشبث بيها و مريض بيها ما حيلتها لقلبها اللي اشتاق لسلطان ما حسات حتى داتها عويناتها فإنتظار غد أفضل .... الحب هو أن تبقى القلوب على العهد مهما طالت المسافات الموس_______م الثاني الجزء 335 حرب الهوس أصبح يوم جديدفاقت خنساء على إثر أصوات بكاء كتسمعهم غارقين بدات كتفتح عويناتها وعنقها معوج ديال بصح بديك النعسة على الفوطوي ناضت جلسات وشعرها مشعكك بدات كتوضاح ليها الرؤيا منين شافت وفاء وفريد واقفين على راس يقين كيبوسو فيه ويعاودو وهو كيردد بفمو ...يقين: i'm ok ما كاين لاش تخلعو و الله حتى وليت بخيرفريد:واش نتا كل مرة خاصك تخلعنا واش فوقتما ما تلقا ما تدير تبغي تنتاحر واش مريض فدماغك و لا مالكوفاء: [ كتبكي ] حرام عليك اولدي واش ما كتفكرش فينا علاش كاتفكر غير فرااسكيقين:كنعتارف لحظة تهور ما كنتش حاس براسي شنو كندير ما تبكيش عفاكخنساء ناضت من مكانها و وقفات عليهم هي الاخرى ...خنساء:صباح الخير عمي فريد خالتي وفاءفريد:صباح الخير ابنتي واش ولدي وصل لهاد الحالة و انا آخر من يعلم علاش ما خبرتينيش ابنتي كن ما سكينة كن كاع ما سقنا الخبارخنساء:غير بالتلفة اعمي و ما بغيش نخلعكم وصافي و يقين ولا مزيانوفاء:راه ولدنا هدا و لازم علينا نعرفو حرام عليك كان خاصك تعلمينا هو لوليقين:بلا ما تغوتو عليها انا سببفريد:ما تنغوتش أ ولدي و لكن كن وقعات ليك شي حاجةو حنا ما فراسناش فين غانوليو؟؟خنساء:كنعتادر أ عمي فريدفريد:ماوقع باس غير ينوض لينا الولد بالصحة و العافية هاديك هي دنيا و ما فيهاوفاء:[هبطات دمعة من عينيها ] ماشي ترزيت فسلطان نترزا فيقين حتى هوخنساء حسات بقلبها مشا و جا ...خنساء:كيفاش ترزيتي فسلطان علاه شنو وقع ليه ؟؟فريد: أحبيبتي ما تبقايش تفايلي على سلطان دابا يرجع سالم غانم راه سبع هداك ما يتخافش عليهيقين : مراد مشا عندو البارح لايطالي واش ما قالهاش ليكم؟؟فريد :وي قالنا اتاصل بيه و مشا عندو لايطالي و لكن ما جاش معاه مازال قالك باغي ياخد وقت لراسووفاء:غانحماق أ فريد عفاك سير مع مراد و جيبوه راه قلبي كيتقطع عليهيقين:[ صرط ريقو وزير على يديه ] بعدا حنا عرفناه بلي بخير و سلطان راسو قاصح الا قال لكلمة ما تحيديهاش ليه من بالو نهار غايبغي يجي غايجي بلا ما تصدعو راسكمفريد: و نتا بعدا علاش حاولتي تنتاحر واش روحك ساخية عليك حتى لهاد الدرجة باينة غاتكون دابزتي مع خنساء داكشي علاش ما كتبقاش تريزوني راه كلشي كيتحل بالعقل آخر مرة نشوف هاد التصرف ولا غاتنسى بلي عندك باك سميتو فريد وعائلة زعيمي غاتبرا منكيقين : راه واعدتك ما غانعاودش آخر مرة غانحاول نتحكم فراسيفنفس الأثناء تحل الباب و دخل مراد هاز كافي فيدو و قال ...مراد: صباح الخير أ الخوت طوموبيل واجدة وقالكم طبيب بإمكانكم تخرجو يقينفريد:غاتمشي معانا للفيلا ما كاين لا هادي و لا هاديك تماك غاترتاح و ما تقولش ليا بلي باغي تبقى قريب لخنساء حيت حتى هي غانديوها معاناخنساء حلات عويناتها و شافت فيه بإستغراب ...خنساء: و لكن انا ما قلتهاش لواليدة و عندي الخدمة ...فريد:ماريا براسها غاتوقف الخدمة فهاد 15 اليوم باش توجد لعرسها و بما انك نتي الكاتبة ديالها فراه بإمكانك ترتاحي وهادشي بإذنها هضرت معاها و وافقت حيت عارف ولدي ما غايبغيش يمشي معانا حتى تمشي نتي و بالنسبة لماماك حتى هي هضرت معاها و وافقت ما عندك مناش تخافي عمك فريد ضااارب حسابومراد: اوا اش قلتي أ خنساءخنساء:و..واخافريد:غاتبقاي معانا حتى ندوزو العرس ديال مراد على ما يقين يرجع صحتو واخا ابنتيخنساء: و..واخا اعمي ما كاين مشكل هانيةفريد : يالاه تبعوني باش نمشيو هادي التسعود ديال صباح أ الله يكفينا الوقت باش نوصلوطريق كانت طويلة أكثر من ثلاثة ديال ساعات و هما كيخبطو فطرقان مراد تابعهم فطوموبيل و فريد و وفاء و خنساء و يقين غاديين فطوموبيل ديال فريد اللي كان سايق بيهم و طالق موسيقى هادئة كيفما كيبغيها يقين اللي حاط راسو على كتف خنساء مزال عيان لأن تسمم ما ساهلش كيهلك صحة و قابط فيد خنساء اللي كانت ساهية فزاجة ما هياش هنا غير كتخمم فسلطان و تقول علاش ما بغاش يرجع و شنو سبب اللي غايخليه يبقى فإيطاليا هاد المدة كاملة رغم انها عارفة الجواب و لكن الحد الآن مزال ما مثيقهاش و مزال ما معتارفش بيه هي و راسها ...يقين : غني ليا بصوتك زوين كيعجبنيخنساء: [ابتاسمت ] كنحشم هههيقين : واش غاتحشمي من حبيبكبقات ساهية كتخمم فشي اغنية توصف جراحها اللي كتحس بيهم حتى بدات تغني بصوتها الشجي و إحساسها الخطيير اللي ما يمكنش ما يطربش أذن اي واحد كيسمعو ....خنساء:توحشتك انا. عمري بغيت نشوفكيا طال صبري. طالت عليا غيبتك ياللي بغيتيها.نديرلك انا بخاطرك ويا عمري ..و يا عمرينفس الموسيقى كانت مطلوقة فسيارة من لاند روفر فالأسود وفيدو كارو اللي ماكيخطهاش وكيتموسق ليها وكيغني مع إحدى المقاطع ديالها بصوتو الخطيرسلطان:مانيش مليح نضريت من ڨلبي تكويت بزاف و الداري بيا ربي Jusqu'à quand تقعدي فيا تعدبي عندي غي نتي. انا عندي غي نتي