💞 قلوب أرهقها العشق 💞 بالدارجة المغربية

💥 الفصل 37 💥

الجزء 412إيطاليامن بعد القبلة اللي خدات زينب من عصام اللي صدماتها و بزااف و كيفاش تجرأ حتى يقرب ليها و يتعدى حرمة شفتيها و يسرق منهم قبلة خلات قلبها ينبض بقوة و تحس بمغص خفيف بمعدتها كان شعور مخلط بلذة و الصدمة بقات مسمرة مكانها منين بعد عليها و شافت فعينيه و فابتسامتو اللي شافتها منو و لاول مرة هاد نهار حسات بذاتها كتنمل عليها و رجليها ما بقاوش هازينها فشلااات و طاحت جالسة من فوق الفوتوي كتقيس فشفتيها ...زينب: شنو درتي ؟؟عصام حط يدو من مور راسو و عاض على شنايفو مع ابتسامة ساحرة مرسومة على قلبو قبل شنايفو انه المفعول السحري للحب اللي كيخلي اكثر الوجوه عبوسا تستسلم و تبتاسم لشخص اللي كتبغي قوة الحب و العشق ما كاينش بحالها ....عصام حنى على ركابيه و شاف فعيناها البريئتين اللي كينسيوه فكلشي ضحك و قال ...عصام :ما درت والوزينب : ن.نت..نتا بستينيعصام هز كتافو ] من حقي او لا لازينب : شكون عطاك هاد الحقعصام : حيت انا راجلكزينب : و..واش كنت مزوجة بيك قبل ما توقع ليا الاكسيدون ؟؟عصام : صراحة كنا مخطوبين و كنت باغي نقريك الميدسين و كنا كنبغيو بعضياتنا بزاااف و لكن وقعو شي ضروف فارقوناا و من بعد ما بقيت سمعت عليك حتى شي خبار و قلبت عليك و ما لقيتكشزينب : و ..و..علاش كتقولي انا رااجلكعصام : غانولي راجلك فالقريب العاجلزينب : واش انا عندي عائلة و لالاعصام : عندك خالتك و ماماك ميتة باباك كان خاليك تعيشي مع خالتك فالمدينة بحكم هو كان عايش فالعروبية باغاوك تقراي مزيااان و تضمني مستقبل زوينزينب فرحات بهادشي اللي كتسمع من فم عصااام و اخيرا بدا كيبان ليها الضو فوسط الظلمة اللي كانت عايشة فيها ...زينب : وااش بصح انااا كنت كنقرا ؟؟عصام حرك راسو بالايجاب و ابتاسم من تعابير وجهها اللي كانت باينة عليها واحد الفرحة مش طبيعية و كايقول مع راسو فاش كانت عندها نعمة ما كانتش حاسة بيها حتى لدابا اللي توسخات و عرفات بلي طريق الحرام ما كتخرجش و عرفات شحال فيها ديال تكرفيس و عرفات شحال فيها ديال الوسخ عاد بدات كتمنى ترجع لحياتها اللي كانت عايشاها من قبل و ما كانتش حاملاها ما كدبوش اللي قالو فاش كاتكون عندك نعمة ما كتحسش بيها حتى كاتفقدها ...عصام : كنتي كتقراي و جبتي الباك بمونسيونزينب :بصح ؟؟؟ [وقفات ] يعني كنت كنقرااااا مزيااان و لكن علاش وقع ليا هادشي و علاش ماسول فيا حتى واحد فاش كنت خدامة فالبارعصام عض على شنايفو و قال ...عصام : قلت ليك بلي قلبت عليك و مالقيتكشزينب شدات يدو بقوة و قالت ...زينب : ما غاتعاودش تخليني ياك اعصام و غاتديني عند عائلتي ياك ما غاتعاودش تخليني نرجع عند فاروق و نرجع للبار عفاكعصام : [تنهد] كنواعدكزينب طارت عليه بتعنيقة قوية خلات قلبو يضرب فالالف و بعدات عليه بسرعة و قالت ببراءة ...زينب :Grazie * شكرا بالايطالية *عصام ضحك و قال بهداوة ...عصام :Questo è un obbligo * هذا واجب *زينب : شنو قلتي ؟؟عصام : و نتي اللي هضرتي معايا بالايطالية اش داك منين ما قاداش عليها قولي غير شكرازينب: حيت هادشي اللي تعلمت فاش جيت لهناعصام: صافي غير هادشي ؟؟؟زينب حركات راسها بنفي و قالت ...زينب : كاينة كلمة أخرى تعلمتها قالها ليا فاروقعصام : [ بعصبية ] شنو قال ليك داك الحمار ؟؟زينب : صراحة كلمة زوينة بلا ما تعصبعصام : شنو هي ؟؟زينب : ti amo * كنبغيك *عصام حط يدو من مور شعرها و ضحك و قال ...عصام : و لابس بعدا دار شي حاجة زوينة فحياتوقرب لشنايفها من جديد و قال حداهم بهمس ...عصام:Ti amo anch'io amore mio * حتى انا كنبغيك *الجزء 413سلطان بمجرد ما لمح خنساء طلعات شاف فمنانة و قرب ليها حتى وقف اونفاص معاها و تبسم ليها و باس على راسها و هي صدرها كيطلع و كينزل بالاعصاب ...سلطان : الله يرحم ليك الواليدين و الله يخلي ليك خنساء الا ما مسحيها فيا و دابا بلا ما تنفاعلي أ الحاجة الله يعطيك شي حجة [ هز يديها باسها ]بكلام سلطان و بتصرفاتو طفا العافية و بدات منانة كتهدن و كتواطى و ما بقاتش طالعة فراس جبل بدات كتنزل كواريها لارض ...منانة : اولدي نتا الله يرضي عليك ما درتي والو قلنا زعما غانتاسبو مع الفنانة و مع ناس الكبار ساعة خوك شوه صورتكم و سمح ليا عليها كلمةسلطان : كيقولو حوتة وحدة كتخنز شواري ياك أ الحاجةمنانة : ايه أ ولدي ما كدبتيش خوك ما دار فيها ما يتصلحسلطان : و حنا شنو ذنبنا من هادشي كامل علاش كتجمعينا مع يقين و علاش كاتقولي ليها الا عتبتي بابهم انا ساخطة عليكمنانة: ما بقا ليها اولدي ما دير هنااا من اللخر ديك العلاقة اللي كانا رابطانا خوك هرسهاسلطان مرر يدو على لحيتو و شاف فيقين و رجع شاف فمنانة ...سلطان : يقين أ الحاجة ماكانش عارف و بصح كان كيبغي خنساء و هوما اصلن ما كانوش مفاهمين و كانو غايفسخو خطوبتهم و كيفما شفتي خنساء متقبلة الامر علاش حتى نتي ما تقبليش الوضعمنانة :و لكن اولدي ما تانبغيش الواحد يستحمرنا منين هو مولف العلاقات فالحراام ما يخطبش بنتي من اللول كان باغي يتفلا عليهاسلطان : واش هو تفلا عليها ياك قصد بابكم أ الحاجة و خطبها الله يهديك راك عارفة رجال هاد الوقت و شيطان كيلعب و الواحد ضاروري كيخطئ الا الله سبحانه و كيسامح فشكون حنا باش ما نسامحوش او لامنانة :كاينة اولدي و لكن بنتي عمرها تبقى تعتب هاد الدار مزالسلطان : علاش ؟ ياك خنساء كانت طبيبة ديالي و العائلة كلها كتبغيها و علاش باغا تقطعي علاقتها معانامنانة : اولدي اش غانقولك شيطان كيحضر و العينين كيتعماااو هو ماشي غاتقطع علاقتها معاكم بغات تجي عندكم تشوفكم مرة مرة و تصيل معاكم رحم ماشي مشكل هانية و انما ماايكونش معاكم داك خوك حيت ما بقيتش نقدر نشوف وجهوو قداميسلطان: واخا أ الحاجة و لكن راك عارفة عرس مراد اللي هو كنعتابرو خويا قريب و غايدار هنا و دادا ميلودة كتبغي خنساء تعاونها و صراحة كتنفعها بزاف واش تقدري تخليها معانا مزال و الا بغيتي تبقاي حتى نتي أ الحاجة مرحبا بيك دار داركمنانة : لاااا لااا اولدي يكثر خيرك تبارك الله نتوما بخيركم و بخميركم و ما تحتاجوش بنتي تعاونكم عطا الله البنات باش تحضر العرس نشوف و نفكر اما باش تبقى هنا مزال اولدي ما نقدرش نخليها اصلن راني خليتها بزاف هنا كان يصحابلي خالياه مع راجل و انا على نيتي مع سمعت خوك مريض قلنا ما فيها باس و لكن داكشي اللي دار ما كيتغفرشسلطان طلع نفس غير بزز و شاف فيها ...سلطان : على الاقل خليها غير تحضر للعرسمنانة عوجات فمها حيت بانت ليها خنساء جارة باليزتها اللي جمعاتها بالبكا و بمشقة الأنفس و هابطة فدروج ما عاجبها حال ...منانة : و يكون خير أ ولدي يكون خير [ شافت فبنتها ] زيدي قدامي نتي زيديطلعات شوفة فسلطان و تنهدات و الم فقلبها خطير كأنها خالية طرف منها فهاد المكان و فهاد المدينة و غاتمشي و تخليها سلطان سهى فيها و نظراتو كيقولو كلام كثير لكن ما باليد حيلة رجوعها لمدينتها كان لا بد منو سواء عاجلا او آجلا الفراق لا بد منو خصوصا انو ما رابطها معاه حتى علاقة رسمية وداع خايب وداع غير بالعيون كان كيتمنى على الاقل يضمها و يشبع من ريحتها ما توقعش غاتمشي بهاد السرعة ما زال ما شبع حتى منها و ما عمرو غايشبع منها حس بقلبو كأنه غاينفاجر و عينو حماارو و كيعض فشناايفو بقسوة تبعها بعينو حتى خرجات مع ماماه و علال من دار كان حلم جميل و فاق منو وداع ما حسب ليه حساب مع الأسف ... شحال صعيبة لحظة الوداع اللي بنيناه فديقة ضاع الجزء 414 إيطالياداير يدو تحت ذقنها و كيشوف فيها كأنه كايحفظ تقاسيم وجهها و اللي كايفكرو فختو صغيرة جاه الحنين لدوك الايام اللي كانت فيهم ختو مزال حية ....زينب: مالك كتشوف فيا بحال هاكا ؟؟عصام: حيت كنبغيك و كتفكريني فواحد الحاجة غالية كانت عندي و فقدتها مع الاسفزينب : فشكون كنفكرك ؟؟؟عصام : فختي صغيرة ماتت الله يرحمهازينب : الله يرحمها مسكينة [ قبطات على يدو ] سمحلي وجهي كايفكرك فيهاعصام ابتاسم و شاف فيديها اللي ماسكة يدو و قال ...عصام : بالعكس وجهك فيه جوج ديال الاشخاص اللي كنحماق عليهم أكثر من راسي وجهك فيه ختي صغيرة و فيه وجه أكثر بنت بغيتها على الكرة الارضيةزينب : خايفة تكون حتى نتا كتكدب عليا بحال فاروقعصام: كاين فرق بين الراجل و الشماتةزينب: ما فهمتشعصام حرك راسو بنفي و قال بابتسامة ...عصام: دابا تفهمي غير هو بغيت نقول ليك انا عمري غانكدب عليك و غانديك عند عائلتك و غانتزوجو و غانديرو وليدات ياكزينب خجلات و حنات راسها كتلعب بصبعانها و رجعات شافت فيه مع حمرة فخديها الاثنتين ...زينب : ما كرهتش ترجع ليا ذاكرة باش نعقل على تفاصيل ديال كلشي عشتو و نعرف راسي شكون اناعصام : انشاء الله غاترجع ليك و غاتعقلي على كلشيزينب : ما كرهتش تقولي فين تلاقينا و كيفاش تعرفنا و تهضر ليا عليكعصام : [ بابتسامة ] شنو باغا تعرفي ؟؟؟زينب : شحال فعمرك بعداعصام : شحال تعطيني ؟؟زينب : كتبان كبييرعصام : رجعتيني شارف دابازينب : لا ماشي هاكداك انا كنقول غير اللي شافت عينيعصام : فخبارك بلي رجعتي كااالم و هادئة و ضريفة و كيوت قبل ما كنتيش هاكازينب : بصح كيف كنتعصام : كنتي قاصحة و اللي عطاك كلمة تعطيه عشرة و كنتي شريرة شويةزينب : دابا انا كان فيا هادشي كامل ؟؟؟عصام : كان ما اكثر غير انا اختاصرت ليكزينب: هادشي كامل كان فيا و بغيتينيعصام حرك راسو بالايجاب مع ابتسامة عريضة مرسومة على ملامح وجهو ...عصام : بغيتك و غانبغيك كيفما نتيلحظة صمت إكتسحت المكااان حتى قال عصام بنبرة حنونة ما موالفاش ليه ...عصام: فخبارك بلي جمالك آية من اول شوفة تسحري راحتي و هنايا هي منين كانكون حداك مدامك معايا كنتمنى الوقت ما يساليابتاسمت زينب بخجل و حنات راسها و كتحس بمشاعر جديدة عليها مثلها مثل اي مراهقة كتلمس فشي حد الأمان و الصدق خاصة انها محتاجة لشي حد اللي تحط عليه راس و عصام هو طريق اللي غاتوصلها لعائلتها من عينو باين ما كايكدبش عصام هو شمعة اللي ضوات حياتها اللي كان غالب عليها العتمة عصام هو اليد اللي تمدات ليهاا فاش كانت فامس الحاجة للمساعدة و غير انه غاينقدها من داك الوسخ و العفن اللي كانت فيه هدا بحد ذاتو سبب يخلي قلبها يميل ليه بلا هواها ...سمع عصام التيليفون ديالو كيصوني بالهزة باش كيهزو كطلع ليه سمية ديال جلال الباطرون ديالو غمض عينو و عاود حلهم ما حاملش يجاوبو ...زينب : ما غاتجاوبش ؟؟عصام دوز الخط و دارو فودنو ...عصام : وي سي جلالجلال: الرقاصة اللي جات للحفل فين هي ؟؟؟عصام :معاياجلال : دابا تجيبيها و تجيعصام : ما جايشجلال :عصااام ما تعصبنيش قلت ليك اجي هي اجيعصام : و حتى انا قلت ليك ما جايشجلال : علاش ديتيها معاك شنو بينك و بينهاعصام :خطيبتي وداك خوك الا تلاقيتو غان*** اصل مو و هانا هضرتجلال : كيفاش خطيبتك فين كاتعرفها ؟؟عصام : حياتي شخصية حتى واحد ما سوقو فيهاجلال: عصاام فاروق هنااا غايحماق حيت ما عارفش فين مشات الرقاصة اللي جات معاهعصام : و انا مالي يضرب راسو مع الحيطجلال : عصااام ما تديرش شي حاجة اللي غاتندم عليها من بعدعصام : عارف راسي شنو كنديرجلال : دابا غير اجي نتا و ديك رقاصة نتفاهموعصام : ما سميتهاش رقاااصة سميتها زينبجلال : دابا غير اجي نتا و ياها و كلشي غانتفاهمو عليه هناعصام : بالحق غاتواعدنيجلال : بشنو ؟؟عصام:داك ز*** ديال خوك ما يقربش لزينب و لا غانقتلو و الله حتى غانقتلوجلال : شنو بينك و بينو و شكون هاد زينب انا ما بقيت فاهم والوعصام : داك خوك راه فاهم و عاارف يقرب ليها نفرشخ لديلمو ق****جلال : كنواعدك غانوقف معاك بالحق خاصني نفهم شنو واقععصام : هانا جاي واحد ساعة نكون تماقطع عليه و لاح الخط و شاف فزينب اللي لقاها كتبادلو نظرات ما فاهمة والو مد يدو لشعرها عنكشو ليها و قال بابتسامة ...عصام : ما تخافيش ما حدك معايا