💞 قلوب أرهقها العشق 💞 بالدارجة المغربية

💛الفصل 37 💛

الجزء 114 قلوب أرهقها العشق وفاء حطات راسها على ركابيه ؛ سلطان ضحكو التصرف ديالها و لكن عارفها حنينة بزااف و قلبها كيتشوى عليه هز يدو مررها بحنان على شعرها و قال ...سلطان : ريحتك كترد الروح فالموتى فما بالك الأحياءوفاء: لسانك حلو بحالكسلطان : كيحلى و يرطاب غير اللي كيستاهلمراد: اما خلاص حنا تقول واكلين ليك الورث كتعطينا غير الشوكسلطان شاف فيه و جاوبو ..سلطان : كن لقيت نغرسو فيك على داك الكلام اللي كتخرج من فمك ما نكرهمراد: ياااك بنتي على حقيقتك عارفك ما كتحملنيشسلطان رد راسو اللور و غمض عينو و قال ...سلطان : ما غانجاوبكش حيت كايقول المثل الا درتي راسك فالحمق باش فتيهمراد:داكشي علاش ما دايرش راسي فيكسلطان : هي الا درتي نفس و خرجتي من بيتيمراد جلس من فوق الفوتوي و قال ...مراد: زكاارة فيك و الله لا خرجتوفاء هزات راسها من على ركابية و شافت فيه الشيئ اللي خلاه يحل عينو و يشوف فيها كدلك ....وفاء: توحشتك أ ولدي بزااف توحشت نشوف ديك ضحكة اللي كتخرج من قلبك توحشت كلامك توحشت تجلس معانا من فوق الطبلة توحشت نسمع صوتك توحشت نسافر معااك توحشت ماكلتك توحشت نشوفك فوق الخشبة ديال المسرح و قابط الميكروفون و كلشي كاينادي بسميتك توحشت نشوفك كتكتب و تلحن و تغني توحشت نشوفك مرتاابط مع انسانة كتبغيها حتى لإمتى غاتبقى هاكا بوحدك على الأقل دخل شي بنت لحياتك و انا نزوجك لأي بنت حبها خاطرك نتا غير اختار و الباقي انا نتكلف بيه بغيت نشوف حفايدكسلطان فالبلاصة حمارو عينيه بقوة الأعصاب و زير يدو كاارز عليها بعنف ...سلطان : شكوون هادي اللي غاترضى بواحد مشلول شكون هادي اللي غاترضى بواحد كيتسنى غير ساعتو شكون هادي اللي غاترضى بواحد ما قادر يبغي حتى راسو ؟؟ جااوبيني واش كااينة شي وحدة غاتقبل بيا و انا هاكا ؟؟حول نظراتو لبعيد ساهي و كمل كلامو بحزن ...سلطان : واخا يبانو ليك عيني محلولين كنشوف كلشي مضبب الاتجاهات ولاو بالنسبة ليا بحال بحال كي القدام كي اللور كي اليمن كي اليسر ما كاينش فرق كضور بيا الأرض و لكن انا جالس غير فبلاصتي قلتي ليا بغي من جديد و حب من جديد كيف عطاك خاطرك تطلبي من قلبي العياان المرييض هاد الطلب واش الواحد اللي مشلول كنطلبو منو يجري ؟؟ بحال كنطلبو المستحيل و هادشي اللي كطلبي مني ماشي مستحيل و انما خارق قوانين طبيعة ما بقيتش عارف ندخل الهوا لريتي كنحس براسي مخنوق فكل جزء من ثانية حتى من داك الدم الحمر اللي كيجري فقلبي شاك فيه غايكون تلوث و رجع كحل داكشي علاش واقيلة ولات كتبان ليا دنيا كاملة ضلام ...حطات يديها على فخضو و قالت بصوت حزين ...وفاء: نتا غير جرب أ ولدي ما يمكنش تبقى هاكا بوحدك على الاقل نجيب ليك شي وحدة تونسك هاد الوحدة بزااف اللي عايشها نتا راه كتقتلسلطان : كتقتل ؟؟ الوحدة كتقتل اللي هو اصلن حي ماشي اللي من اساسو ميت و مقتولوفاء حطات يديها بجوج على وجهو و قطرات دموع كيتساقطو واحدة تلو الأخرى ...وفاء: ما تبقاش تهضر بحال هاكا الا كنت عزيزة عليك غير شوية ما تديرش فراسك هاد الحالة الله يخليلك ما اعز عليكسلطان : علاش بالضبط بنت ؟؟ علاش ماشي ولدوفاء: انا عارفاك عصبي و الراجل ما يقدرش يصبر على غواتك و لكن البنت من ديما كيكون عندها مفعول سحري على راجل و سوا بغيتي و لا ما بغيتيش نتا محتاج لبنت فحياتك و علاش لا تكتاب ليك و تزوج بيهاسلطان بقا ساكت و فالأخير نطق بصوت هادئ...سلطان : موافق و لكن بشرطوفاء جاوباتو بفرح ....وفاء: واخا آمر أ حبيبيسلطان : بغيت هاد البنت اللي تجيبي ما تشبهش لعالية البنات و لاو كلهم كيجيوني كيشبهو ليها بوجهم بشعرهم بشخصيتهم و انا ما نقدرش نشوف فشي بنت بحال عاليةمراد:و البنات كلهم بحال بحال كلهم كيشبهو لعاليةسلطان : نهار تلقاي بنت بحال البنات و لكن ما كتشبهش ليهم ديك ساعة غانوافقمراد : و لغز جديد هاادي تكون بنت و لكن ماشي بحال البنات زعما واش يكون عندها وجه بنت و الكسدة ديال حماار ههههسلطان رمقو بتخنزيرة قاصحة و هو يجمع الضحكة و ناض خرج ...الجزء 115 قلوب أرهقها العشق بعد مرور عدة ساعات طالعة خنساء فدروج الموبل فين ساكنين و كتضحك غير هي و راسها و كتعض على شنايفها ما هو هاد نهار كان مميز و تلاقات بيقين للمرة الثالثة داك الشخص اللي كتحس براسها وحدة أخرى و هي معاه تذكرات كلامو معاها و هي توقف و حطات يديها على وجهها بخجل ... فلاش باكيقين : ما كنظنش انني غانلقا الشخص المناسب اللي نشكي عليه هميخنساء : امم باباك ماماك خوتك شي صاحبك عزيز عليك و ثيق فيه خالتي ميلودة مرااد هادو كلهم قراب ليك و كايبغيو ليك الخير اكثر ما كتبغيه لراسكيقين سكت مدة و قال ...يقين : و نتيخنساء ابتاسمت بخفة و رجعات شعرها من مور ودنيها و رمقاتو بنظرات بريئة و هادئة ....خنساء: الا بغيتي انا موجودة ودني بجوج كيسمعو ليكيقين نطق بتعب وااضح على ملامح وجهو ...يقين : ثيقيني ما بغيتش نزيدك بهميخنساء: اسيدي حنا بغينا نوليو مهمومين معاك غير زيدنا بمشاكلك و الله العظيم حتى غاترتاح و كيفما نتا عاونتيني فشحال من حاجة انا غانعاونك و غانكون ليك نعم الصديقة و الاخت على الاقل نعاونك فأنك تخوي فشنو فقلبكيقين : أشمن مستوى دراسي عندك؟؟خنساء: عندي إجازة فعلم النفس و لكن زعما ماشي تسمع اجازة صاافي راني مجهدة فداك دومين ما نكرش هو دومين زوين و لكن أنا غير قريت عليه و صافي باشتسمى عندي إجازة و يكون عندي شي ديبلوم تحت منييقين ابتاسم بتعب و قال ...يقين : منين ماشي ضومين ديالك و ما عزيزش عليك علاش جاية ديري ليا فيها طبيبة نفسانيةخنساء حسات بيه قمعها و هي توسع بؤبؤ عينها فوجهو و قالت...خنساء: الله يرحم الواليدين انا نيت اللي دايرة راسي فيك اما نخليك طايح عليك ضيم و لكن نستااهل راه قالو اللي تسحر مع دراري يصبح فاااطر و قالو ثاني ما تدير خير ما يطرا باس حتى انا فضولية ما كندخلش سوق جواية راه قالو من تدخل فيما لا يعنيه سمع ما لايرضيه نستااااهل و هاهي غادة آخر مرة تشوف وجهي و سمحلي حيت زعجتك انا غير حيت بنتيلي بلي مريض و وجهك عياان و باين قلبك عاامر بغيت نفوج عليك و لكن نتا باغي تبقى بوحدك على ما يبدوبغاات توقف و يقين كيضحك من جدر عقلو عليها حيت باينة فيها تعصباات بزاااف و شحال كتبان كيووت و هي مقلقة تشديها تاكليها بحوايجها ...يقين : خنساء جلسي ما قلت ليك والو نتي اللي كتعصبي دغيااخنساء: شحال و انا منشفة حلقي باش نفوج عليك باش فالاخير تقولي علاش دايرة ليا فيها طبيبة نفسانية انا عارفة فيا الهضرة بزااف و لكن غير مع ناس اللي تنبغي نعاونهميقين : كيفما نتي لقيتي معايا راحتك حتى انا لقيت معاك راحتي و فوجتي عليا ديال بصح كنت محتاج لانسانة بحالك فحياتي يكفي وجودك هنا و كلامك كنحس بهمومي كيطيرو و كيختافيو بحال كنت غير كنكدب كح كح كح بقاي بليز و كنواعدك غانخوي عليك قلبي و نقولك شنو ضارنينصيحة ديال فريد جابت نتيجة رائعة و عطات ثمارها بسرعة ما كدبش فاش قالها بلي يكفي تصرفي حداه بكل عفوية و على طبيعتك غاتخليه يبوح ليك فشنو فخاطرو و حتى هي حاولات تكون على طبيعتها و ما تصنعش و قدرات تنجح فأنها تخلي يقين يفتح ليها قلبو ؛ إبتاسمت حيت قدرات تنجح فتحدي اللي عطاها فريد و فنفس الوقت فرحات حيت بغا يعاود ليها شنو ضارو و يتقاسم معاها مشاكيلو اللي كان ماقادرش يتقاسموهم مع عائلتو و باش يحطها فهاد الرتبة فراه اوطوماتيكمون بدا كيحطها فقائمة ناس المهمين فحياتو ...يقين : تقبلي تكوني صديقتي المفضلة مااي بيست فرااند كح كحخنساء رجعات جلسات و ابتاسمت لكلامو و قالت ...خنساء: ما كاين حتى وحدة غاترفض تكون صديقة رسام مشهور بحالك على الاقل تبقى ترسمنا غير مرة مرة ههههيقين تنهد و تبعها بإبتساامة خافية فطياتها أحاسيس جميلة ...يقين : لي طابلو الماجيين غايكونو غير عليك أصلن كح كح كح كح كحشداتو نوبة السعال القوية مجددا و مدات ليه كاس د الما و قالت ....خنساء:و الله حتى خاصك تمشي لطبيب و لا عرفتي شنو شرب معلقة د الزيت البلدية فاش تبغي تنعس و لا شرب شي معلقة ديال العسل الحر الا كانت عندك و الا كنتي واعر كول شنوف ديال ثومة فاش تبغي تنعس و تغطى مزيان دقة ببطلةيقين شداتو الضحكة من هاد الأدوية اللي جالسة كتوصف ليه من جدر عقلها ...يقين : نتي ضايعة كان خاصك تكوني طبيبةخنساء : امم اودي سبع سنين ديال القراية و زيد عليه تخصص مالي على حاالي انا الباك و شديتو غير بزز المهم ما علينا شفتك باغي تنسيني عاود ليايقين حول نظراتو و سهى بعيدا و قال ...يقين : القصة طويلة و لكن غانبدا ليك من اللولالجزء 116 قلوب أرهقها العشق رجوع للواقعمافيقها من سهوتها غير صوت زينب اللي قالت ...زينب:خنساءحيدات يديهامن على وجهها و شافت فيها و شهقات ..خنساء: زينب أش كديري هنا ؛فين كنتي ثمنية د العشية هادي [ طلعاتها و هبطاتها ] و مزوزة على الحالة تي فين كنتيزينب :ما كنت فحتى قنتخنساء قبطات ليها فدراعها ...خنساء:بلا دخول و خروج فالهضرة جاوبيزينب :و دابا نطلعو لدار و نهضرو راني عياااانةخنساء:كنتي سايرة تنقلي فالحجر زيدي قداميطلعو فدروج حتى وصلو لدارهم و حلات زينب بساروت وتبعاتها خنساء اللي لاحظت بلي دار خاوية كتصفر شافت فزينب بتشكيك ...خنساء: فين مي و باازينب : فسبيطارخنساء ضربات على حنكها و قالت بخوف ...خنساء: اوييلي على سبيطااار شنو وااقع هضري مقادة و نتي كتقطري ليا الهضرة تقولي كتخلصي عليهازينب :و نتي اللي درتي ليا دخلة د عيساوة ماخليتيني حتى نهضر باش نقولك بلي ياقوت ولداتخنساء: وااايلي حلفي بالله [دارت يديها على فمها بصدمة ] ولدات ولد ياكزينب حركات راسها بالايجاب و مشات تجبدات من فوق السدااري ...زينب : ولدات ولد كيحمقخنساء: فوقاش ولدات ؟؟زينب : جاها الحريق مع جوايه ربعة د العشية هاكاك داها عزيزي لسبيطار و ولدات و راه بقاو معاها مزال ما غايجيوخنساء: حتى بلال بقا معاها ؟؟؟زينب :لا بلال خداام جا قبيلة طل عليها و شاف شنو خاص و رجع مشا بحالوخنساء: اوييلي على مشا بحالو فعوط ما يبقا مع مراتو و يشوف شي حد يعوض بلاصتو دار من هنا دازوزينب :ما شغليش فيهم اناخنساء: و يارا شنو دارت معاهازينب : خلاتها مع جارتها سناء و فاش غايجي عزيزي غايديك باش تبقاي فدار ياقوت منها تقابلي دار و منها تقابلي ياراخنساء:إوا و الخدمة اش غاندير فيهازينب :غدا و نشوفو شنو نديروخنسااء: و كيف دوزتيزينب:مزياان داكشي حااامض عمرت الورقة و خرجات بحالي ..خنساء: ما بقاتش فواش عمرتي الورقة و لالا بقات فشنو كتبتي فالورقةزينب ابتاسامت و قالت ...زينب:انشاء الله يكون خير غانجيبو بنقطة زوينةخنساء:انشاء الله علاش لا اجي بعدا و نتي شكون جابك لهنازينب:جابوني رجليخنساء:بلا تفلية شكون جابك لهنازينب:عصامخنساء غمضات عينيها و عاودت فتحاتهم و قالت ...خنساء:نعااامزينب:وقبيلة فاش ساق الخبار عمي علال بلي ياقوت ولدات جا هو و ختو زهرة و ولدها عصام و داوني معاهم حيت قالها ليهم عزيزيخنساء:امم و هو نيت اللي جابكمزينب:إييه يا لالة عندك شي مشكلخنساء:والو غير كنسولزينب:أ ناااري شحال فيك د الفضول انا غانمشي نعس باش نوض غدا بكريخنساء:سيري سيري انا غانمشي نتوضا نصليزينب :تصبحي بخيرخنساء:و انتي من اهل الخيردخلات زينب لبيت وبدلات حوايجها وتمدات من فوق السداري و تقلبات كتشوف فسقف ؛هزات يديها ببطئ لجيهة عنقها اللي كانت فيها سنسلة مكتوب فيها جوج حروف {z} و {I} إبتاسمت ابتسامة جميلة و هي كتذكر قصة هاد العقد اللي فعنقها .... فلاش باكمن مور ما داو ياقوت لسبيطار بقات زينب غير فدار وجاها الموت ديال الصهد حيدات حوايجها بقات غير بسوفيطمة مع شورط مع غير هي بوحدها فدار ملات و قنطات حتى من التيليفون كتخليه عند يسرى و ما تقدرش تمشي عندها حيت من آخر مرة هضرت معاها بديك طريقة المستفزة ما بقات تحمل فيها الشعرة و ما بقات تحمل حتى راسها و كلام عصاام كيتكرر فودنيها واش بصح كن كانت ماماها عايشة كن ندمات حيت جابتها لدنيا ما تنكرش ندمات علاش تسرعات و دخلات معاهم فهاد المعماعة و سلكات طريق الحرام علااش واش هادشي من قلة عقلها واش حيت كانت نية لعبو عليها كيف بغاو واش حيت حتى هي بغات تكتاشف خيايا داك العالم و بغات توصل دغيا بلا مجهود...باعت راسها رخيصة هادي هي الكلمة اللي قالت مع راسها ياك كيقولك حتى شعور بالدنب بحد راسو كيبين بلي راك مزاال عندك الخير فقلبك و مازال عندك ضمير كيأنبك حسات بغمة فقلبها و دموعها هابطين من عينيها كلام عصاام أثر عليها بزاف خصوصا انه مشا ليه لنقطة الضعف و القوة معا ماماها...سمعات آذان العصر حسات بقلبها كيضرهاااا و هي كتسمع كلمات الآذان اللي أثرو عليها بشكل مو طبيعي اول مرة كتحس بلي ربي كيعيط ليها و يقولها اجي عندي انا غانسمح ليك انا اللي خالقك انا اللي كنحن عليك اكثر من ماماك انا رحيم انا الغفور ياك ربي ما كيسامحش غير اللي كيشرك به هادي هي الحاجة اللي قدرات تخفف عليها الألم ديالها فهاد اللحظة زادت فوتيرة البكاء و ناضت توضات و اتاجهت للبيت و طلقات الصلاية لبسات جلابة و دارت درة و صلات بخشووع و الدموع كينزلو و كتحس بروحها غاتزهق بالبكااا و كتذكر ماماها و طفولتها معاها و كلشي تخلط عليها ما كملات حتى غفر ليها ربي ذنوب كيفما كنقولو ...جلسات على الصلاية و رفعات يديها و قالت ...زينب :ياربي الا كنتي غاتعاقبني فما الأحسن نتعاقب فدنيا قبل الآخرة على الاقل يكون شي بلاصة نرتاح فيها و نحس بالهدوء و رااحة ما بغيتش نتعذب هنا و لهيه ياااربي