💞 قلوب أرهقها العشق 💞 بالدارجة المغربية

💛الفصل 19💛

الجزء 58قلوب أرهقها العشق زينب تقدمات عندهم بخطوات بطيئة و قالت و هي واقفة كتشوف فسراب ...زينب:أختي انا براسي مصدومة بحالك او أكثر شكون هدا اللي كايعرفني و باغي يخرج عليك بسبابي ما عندي حتى فكرةسراب:ياكما شي حد مشيتي معاه بلا خباري راجع و داير ليا فيها العاشق الولهانزينب:هانتي قلتيها ا ختي سراب ياك حتى رجال اللي كنمشيو معاهم نتي اللي كتجيبيهم لينا و كلهم شرافسراب:و راه هادشي اللي ما بغاش يدخل ليا لراسيزينب:انا و الله ما عارفة والو اقسم لكي بالله العلي العظيمسراب مسحات دموعها و قالت ...سراب :دابا سيرو شدو شي بيت نعسو فيه على ما نشوفو شنو نديرو فهاد الق**** اللي خرج لينا من جنب ز*** لاخور الله يشتت لأصل مو شمل تفوووزينب حنات على ركابيها و شدات فيد سراب و قالت بهمسزينب:عفاك ا ختي سمحيلي ليا انا و الله حتى بحالي بحالكنترات سراب يديها من يد زينب و قالت بصوت مرتفع ..سراب:و دابا سيرو تنعسو يصبح و يفتح خليوني نفكر شنو ندير فهاد المرض الله ينعل جد نهار اللي لقاني بيك ازينب تفووتجبدات فوق الناموسية و تغطات شافتهم مازلين واقفين و قالت بصوت مرتفع ...سراب:وق**** من هنا كاتسناو نفرق عليكم الشراب رجوع للواقعما فيقها من ذكرياتها وشرودها غير صوت تيليفون ديال يسرى اللي كيصوني الشيئ اللي جعلها تفيق على إثرو مفزوعة أما زينب كانت ديجا فايقة كتذكر أحداث الأمس...هزات يسرى تيليفون و عينيها شبه محلولة قشعات سمية "خنساء" طالعة ...يسرى:شنو بغات هاد الق*** على صباح خرا مفيقاني من نعاسضارت يسرى جيهة زينب لقاتها فايقة لاحت ليها تيليفون على وجهها ..يسرى : هاكي شوفي ديك بنت خالتك كتعيط جاوبيها و لا قطعي عليها و لا ضبرو لمحاينكم خليوني نعسزينب خدات التيليفون من يد يسرى بسرعة و دوزات الخط فحين يسرى رجعات تقلبات و نعسات ...زينب:ألو خنساء ختي لابس عليك ؟جاوبتها خنساء اللي كانت متكية من فوق سداري فبيتها ...خنساء:صباح الخير واش معولاش تجي ؟زينب :لا محال غانجي حتى لستة واقيلةخنساء: واش ما كتشوفيش راسك عيقتي كل مرة بايتة عند صاحبتك تقول حنا كنجريو عليك ؟ جاوبيني أ زينب راك فتتي الحدود حنا جبناك باش تسكني معانا داكشي اللي كدوزيه عند صاحبتك ما كدوزيهش هنازينب بقات ساكتة و فالأخير نطقات ...زينب:شكون جابني نهار لول ؟ خالتي منانة إذن هاد الهدرة خاصها تقولها ليا هي و زايدون فدار ما عندي لا بيسي لا تيليفون باش نقرا و لكن فدار يسرى متوفر هادشي كامل و زايدون انا كنبريباري لباك باش نجيبو بشي نقطة زوينة و من اللخر كنرتاح فدار صاحبتي و غانقولك واحد القضية اختي خنساء اللي ربما نتي ما عرفاهاش باباك ما كيحملنيش و ديما حادر عينو مني سي نورمال زايداه فالمصروف و هو أ الله مكافي مع عائلتو اللي هي نتوما اما انا كيفما كان الحال كنبقا غير دخيلة عليكمخنساء: ز ..ز زينب اش هاد الهدرة أصاحبتي و الله حتى حرام عليك هادشي كامل هازه فقلبك راه غير شيطان اللي كايجيب ليك هادشي لبالك باش ينوض صداع نتي زعما بعقلكزينب تنهدات و جاوباتها ...زينب:ما كاينش شي شيطان ا ختي قد بنادم على العموم انا ما غانجي حتى لستة ديال العشية مزال عندنا شي دروس نخدموهمخنساء: واش غانقولك ا ختي الله يوفقك و قراي على راسك راه فهاد الزمن راه ما كاين اللي ينقدك قد قرايتكزينب: شكرا يالاه تهلاي فراسكقطعات زينب الخط و رجعات لمكانها كتحاول تلقا اجوبة على شنو قالت ليها سراب ليلة الأمس و كتحاول تفكر شكون هدا اللي كايعرفها و باغي يقتل سراب على قبلها ؟ هدا هو سؤال المطروح ...الجزء 59قلوب أرهقها العشق فحين خنساء ناضت كتكسل من بلاصتها و حلات الباب و دخلات للحمام توضات و رجعات لبيتها و جبدات الصلاية و بدات كتصلي و فاش كملات هزات كفوفها لله تعالى ...خنساء: ياااربي نلقا شي خديمة وااعرة و يااربي ما يقبلش بيا عصاام ما بغيتش اسيدي ربي ما بغيتوش انا ما باغاش نتزوج شفتيهم كيف باغيين يبززو عليا هاداك الراجل اللي غير شوفة فيه كتخلعني كيفاش غاندير نسكن معاه فدار وحدة ياااربي حتى الا بغيت نتزوج ما نكرهش شي واحد بحال يقين واخا صعيب يقبل بوحدة بحالي وجهها عامر برص و لكن ياك كيقولك اللي يبغيك غايبغيك كيفما نتا حتى انا ما كرهتش يبغيني شي واحد كيفما انا بعفويتي بعصبيتي بدوقي بكل حاجة فيا و لكن صعيب واقيلة نلقا شي حد بهاد المواصفات و لكن عارفة أ ربي حتى حاجة ما غاتصعاب عليك و انا دابا مصاب نلقا غير خديمة بااراكة عليا يااربي ...دخلات ماماها و قالت بصوت ناعم حنون ...منانة : دوز ابنتي تفطريخنساء حركات راسها بالايجاب و ناضت كتطوي صلاية و كتهدر ...خنساء: هدرت مع زينب قالت ليك ما غاتجي حتى لستة د العشيةمنانة : واخا ماشي مشكل راه تلقا الحفاظة مزيرة عليهاخنساء: باااز لقلبك أ مي و الله حتى باز البنت داكشي اللي كتقيلو عند ديك يسرى ما كتقيلو عندنا بزااف هادشي من اللول جيبيها و قدي بيهامنانة سدات الباب باش ما يسمعهاش عبد العزيز و قالت بهمس ...منانة : واش انا كرهت و لكن راه البنت كاتلقا راحتها مع صاحبتها و موبيك ديما حادر عينو منها بحال ما حاملهاش انا براسي طايبة بيناتهم اللهم تبقى عند صاحبتها أحسن ليهاخنساء: انا ما فهمتش داك باباها منين جبنها ما كلف راسو حتى يطل عليها أب ديال آخر زمان تفوومنانة : واش من نيتك داك باها ما كيعقل حتى على راسو بقا غير يعقل على بنتو و يصرف عليها حمد الله اللي جبناها هنا على الأقل ما كاتكرفصش لهيه مع مراة باباها و زايدون تبارك الله عليها بعقلها ما عندك مناش تخافيخنساء: ثقة أ مي ما كاينش هاد الوقت الواحد حوايجو و يشك فيهم المهم انا حسبيني غير مسطيةمنانة : تي أشمن مسطية بعقلك و قاارية تبارك الله عليك و قريب ديري داركخنساء ضربات جبهتها بيديها بقوة الفقصة و جاوبات ماماها ...خنساء: نفس ديسك عاود أ مي أوووف طبت بيه و الله حتى طبتدازت فيها و حلات الباب و خرجات لصالون و تبعاتها منانة لقات باها جالس كيفطر بكويس ديال اتاي و كيغمس الخبز فالزيت ...خنساء: صباح الخير أ باعبد العزيز حدو حرك ليها راسو ما مساليش يهضر كياكل ما مسوقش ، اما منانة جلسات حدا الصينية ديال اتاي و كبات لخنساء كويس و حطاتو قدامها ...خنساء: شكرا أ مي لهلا يخطيكمنانة : بصحتكعبد العزيز شاف فخنساء و قال بعتاب ...عبد العزيز : ماشي حشومة عليك تخلي ديما ماماك كتصاوب الفطور و نتي مازال ناعسة أمممنانة : بحال بحال أسيدي عبد...ما خلاهاش حتى تكمل و حول نظراتو شاف فمنانة و قال ...عبد العزيز : ما كاين لا سيدي عبد العزيز ولا سيدي عبد الباكور هاد الفشوش ديالك هو اللي غايخرج عليها دخليها حتى هي للكوزينة معاك خليها تبقا توجد الفطور و الغدا و العشا علاه مالها مازال صغيرة و كترضع صبعها قدها راه دارو الولاد و دكَوا الوتاد و هي مزال طجين ديال الخضرة هو لخر ما كتعرف تصوبومنانة كتحاول تبرد طرح و كتشوف فبنتها بابتسامة ...منانة : لا لا تبارك الله عليها يديها لديدة و كتعرف غير هو ما كاتبغيش و صافي حتى نتا ما تزيدش فيه دابا تعلم علاه شكون هدا اللي كيتزاد معلمعبد العزيز :حتى حد ما كيتزاد معلم عرفناها ولكن خاصها تعلم هاهما جاو فيها الخطاب اوا شنو بقا الله يجعل شي بركة توكض راسها و تحزم و ما تبقاش حالة فمها و مضبعةخنساء كتسمع و كتسرط ريقها ما حاملاش هاد الهضرة اللي كتسمع و فنفس الوقت ما عندها ما تقول من غير أنها تسكت و تسمع ...منانة : و زايدون هدا شغل العيالاتعبد العزيز: هاد الفشوش ديالك هو اللي غايخلي راجل يردها ليك من نهارها اللول و هانا مشيت نحل حانوتيإنصارف عبد العزيز و خلا خنساء مع منانة ...خنساء: شفتي أ مي شنو كايقول حرام عليهمنانة : علاه مالو قال العيب عندو صح و زايدون خاصك تعلمي شقا دار غير تسالي فطورك غاتدخلي للكوزينة نعلمك كيفاش تنصبي طجينخنساء غمضات عينيها و عاودات فتحتاهم و قالت ...خنساء: إنشاء اللهمنانة : و عنداك يصحاب ليك انا غانجلس راه غاتجي ختك و نخملو دار و نديرو الفقاص و غريبة باش نلقاو ما نحطو للناس اللي جايين غداخنساء: دابا ربي ربي واش غاتوافقو على عصام أ ميتتمة الجزء 59قلوب أرهقها العشق منانة : الراجل ما يعيبو غير جيبو و هو تبارك الله خدام خدمة زوينة فطاليان ماشفتيهش شرا لماماه دار و داها للحج راه خاصك تفرحي ربي جاب ليك دجاجة بكامونهاخنساء:أنا ما شفت دجاجة بكامونها هاد ساعة كيبان ليا غير فروج عورمنانة : وا تي نعلي شيطان و باركة من الفشوشخنساء:انا رافضة أ مي راافضة واش كاتفهميمنانة :أشوفي أديك آه عييت نسايس معاك ولا بغيتي تطارحي للارض اللولة و الله و الثانية و الله و الثالثة و الله ما حنيتي خنافرك و وافقتي حتى باك يدوزك فديك شوف تيفي و هانا كانقولك أبنيتي الولد الا كان باغيك بلا ما تفكري تقولي لاخنساء مررات يديها على وجهها و قالت بصوت همس ما مسموعش ...خنساء:عقلية ديال زبل هو الا رفض تلغا الخطبة و انا فاش كنقولهم لا جالسين عليا لا وافقيمنانة :تي اش سايرة تقوليخنساء:ما كنقول والو امي أنا غير كنخربق كنحس بدوخة شوية و راسي ضارني داكشي علاشمنانة:وانوضي جمعي الماعن و غسليهم يفوتك الحالعاودت خنساء همسات بصوت خافت مع راسها ..خنساء:امم يفوتني الحال ؟ الماعن هما دوليبران اودي الله يعفو علينا للهمنانة:مالكخنساء ناضت كتجمع طبلة ودات للماعن للكوزينة ودارت طابلية على نصها كتغسل فالقشوع وفجأة جات صورة يقين بين عينيها ابتاسمت بلا هواها وقالت ..خنساء: و كن غير كان يقين ا عباد الله اللي باغي يخطب ينعل جد هدا اللي يقولكم لا و لكن عصاام ماباغاهاش و ما كنعرفوش وما باغاش نعرفو يا ربي تعكس الأمور ياربي يكون باغي شي وحدة اخرى وانا يرفضني على الله ... الجزء 60قلوب أرهقها العشق نازل فدروج بكيطمة سبورتيف و ريحة الرجولية سابقاه رابط شعرو طويل و هاز فيدو "صوفي " الكانيشة ديالو ..كل خطوة كيعطيها حقها هابط بثقالة و برزانة حتى وصل لطابق السفلي و لقا ميلودة معنقة ولدها مراد و كتبكي حيت توحشاتو بزااف ما تقدوش تصورو فرحتها قداش و هي كتشوف ففلذة كبدها و هو أمامها مباشرة قادة تعنقو و تشم ريحتو كيبقى حنان الأم اعظم حنان على وجه الكرة الأرضية ...جلس من فوق الفوطوي وهو كيشوف فيهم و كيبتاسم واخا كيحس بقلبو كيضرو كلما شاف شي أم مع إبنها حتى هو تمنى كن بقات ماماه حية و تعنقو بنفس العناق الحار و تضمو لصدرها الحنون ولو غير عشرة ديال ثواني اااه شحال محتاجو عندو يسوى دنيا و ما فيها و لكن دائما فالحياة ليس كل ما يتمناه المرء يدركه تمشي الرياح بما لا تشتهي السفن ...صدرات تنهيدة حارة من اعماقو كأنه حامل جبل على صدرو الفولادي و قال ...يقين : توحشتيه ؟مراد و ميلودة عاد انتابهو لوجودو ؛ قالت ميلودة بصوت حنون و هي مازال فأحضان مراد ...ميلودة:بزاافبعدات من حضنو و حطات يديها على خدو و شافت فيقين و قالت بصوت باكي ...ميلودة: شفتي شحال زيان العفريتيقين حرك راسو بالايجاب مبتاسم على كلام ميلودة اما مراد قال ...مراد: و راه قالوها كل خنفوسة فعين مو غزال ياك أ الواليدةميلودة حركات راسها بنفي و قالتميلودة : كنقول غير الحقيقةمراد: اوا خاصك ضبري ليا على المراةميلودة : ههه تستاهل كل خير و لكن من الأحسن تقلب عليها راسك انا ما ندخلش فقراراتك و زايدون انا ما زال ما باغاك تجيب شي مراة تشاركني فيكقالت هاد الكلمات وحشات راسها فصدرو كضحك ...مراد: يخليلي المغيارة ديالي و لكن اه عنداك فاش نجيب المراة تديري فيها ديك العكوزة الحارة الفليفلةميلودة : ههه الله يمسخك كدوي بحال ما كتعرفنيش واش انا غاندير شي حاجة خايبة لبنت ناس ؟ انا نهار الكبير عندي هو نهارنشوفك فرحان بدارك و مع وليداتكمراد هز يديها باسها و قال برضا ...مراد: الله يخليك ليا ازين ديالي راه نتي حلوة ما كاينش بحالكنطق يقين و يدو كيمررها على صوفي ...يقين : نتا بعدا ما غاتزوج حتى تشيب داداميلودة ناضت من صدر مراد كتمسح دموعها اللي كيخونوها و يهبطو من عينيها بالفرحة ....ميلودة : داكشي مكاتيب اولدي ما عرفنا شكون سابق ما عرفنا شكون لاحق [حطات يديها على فخض مراد و طبطبات عليه بحنان ] سبحان الله عاد البارح هدرت عليك مع خنساءمراد شاف فيقين باستغراب و قارن حجبانو بشك ..مراد:شكون هاد خنساء؟ميلودة: واحد البنيتة جابها البارح يقينمراد شاف فيقين و كيحرك راسو بشوية و غمزو ...مراد: تبارك الله على سي يقين ولا يدخل النسا لقلب دارو بلا موجب شرع و نتي كتشوفي فيهميلودة : ههه بعد منو غير واحد البنت ضربها بطوموبيل و توسخو ليها حوايجها و جابها معاهمراد: امم وشي تيتيزة بعدا ؟ميلودة تنهدات و سهات فالفراغ ..ميلودة : ما كيهمش اولدي المهم قلبها بيض صفا من الحليب كتحس بروحها صاافية دغيا كتدخل لخاطر من زمان ما تلاقيت بشي بنت بحالها و للحظات تمنيتها تكون عروستيمراد: هاي هاي عروستك كااع و على هاد الحساب هاد خنساء طيرات ليك العقلميلودة :عجباتني بزاافمراد :و علاش ما تزوجيش بيها نتي ههههميلودة التافت كتشوف فيه و كتبتاسم ...ميلودة : كن كنت راجل كاع ما نفلتهامراد شاف فيقين اللي كيمرر يدو على كانيشتو و كيسمع لكلامهم و ملامح وجهو جامدة ...مراد: و علاش ما تزوجيهاش ليقينيقين هز عينو فيه بهدوء ما نطق و ما قال حتى حرف ...ميلودة : ما كرهتش صراحة تكون معانا فدار و اللهمراد: أش قلتي أسي يقين ها هي همزة جابها ليك الله ضربها بشي تزويجة راك طولتي فالعزويبةيقين نطق اخيرا بصوت هادئ كهدوء شخصيتو ...يقين : واش شكيت عليك أ مراد ؟ ولا واش هازني على كتافك ؟ إلا مديرونجيك قولهامراد: و حنا بقيتي فينا و قلنا نديرو فيك هاد الخيريقين :واش بدلتي الحرفة من استاد د الموسيقى لخطاب ؟؟ كتخطب لعباد اللهميلودة ضحكات على كلامهم و قالت ...ميلودة : صافي صاافي ما كاينينش غير نتوما راه مزال خوكم الكبيريقين و مراد التافتو و شافو فيها بإستغراب و قالو دقة وحدة " واش من نيتك ؟" ....