💞 قلوب أرهقها العشق 💞 بالدارجة المغربية

💥 الفصل 21 💥

الجزء 361 يقين بقا كيضحك على كلام بذرة خاصة منين قالت ليه ماوريتس الاسم المستعار اللي كذب عليها بيه ولكن اللي مابغاش يتفهم ليه كيفاش باغات تخدم هنا ...سكينة حاولات تنقد الموقف ونطقات ...سكينة:ماتديش عليها اسيدي راه هادي ختي صغيرة وغير كتخربق ماكتفهم والوبذرة:علاه مالي كنضرب بالحجر ولهيلا زوينة هادي وزايدون فعمري 19 العام منين جاتني صغيرةيقين تشوكا وبقا كيشوف فيها 19 العام راه نيت مزال صغيرة كان كيضن اكبر من هاكا على الاقل شي 22 عام تصدم ....يقين:دابا شنو المشكل سكينة فهميني شنو واقع باش نقدر نستوعبسكينة:والو أسيدي غير انا تعرفت على واحد الراجل وغانتزوجو عما قريب وشرط عليا نجلس من الخدمة انا وافقت وبذرة بغات تخدم فعوطي تبارك الله عليها حادكة وكتعرف دير كلشي ماتهز هم لهاد القضية وراسها خفيف انا نعلمها ولكن الا ما بغيتيش اسيدي نتا حر دير لي يريحك المهم انا غانكمل هاد الشهر ونمشي بحالي اسيدي واخا ماسخيتشيقين مرر يدو على شعرو وبقا ساكت كيخمم ....سكينة:راه والله حتى كاتعرف دير كلشي اسيدي وخفيفة فخدمتها و يديها لذيدة وحادكة ماتخافش عليها وتطيرها من فم سبع وراه غير البارح جات لعندي وباتت معايا هنا داكشي علاش لقيتيها هنا سمحليها اسيدي الله يعطيك مانويتيبذرة:واش انا عينتك ناطق رسمي بإسم بذرة ولا كيفاااش ؟؟؟ [شافت فيقين ] سمعني أماوريتس و لايقين ولا اش سماك الله انا سميتي بذرة فعمري 19 العام كنعرف نطيب ونخمل ونشقى اللي بغيتيها وحليتي عليها فمك كنعرف نديرها اصلن انا كنموت على طيااااب كنعرف نهضر بالانجليزية حيت من صغري وانا حالة فمي فالسيريات وفالافلام ديال mbc2 و mbc action و mbc 4 و mbc max حلمي نولي عارضة ازيااء مشهورة فميريكان حيت كيقولو ليا كنشبه ليهم المهم ماعلينا عندي الباك فالادب جبتو ب 10 واااقفة كنت باغا غير نشدو باش نتلاح للفاك ندير أدب إنجليزي وداكشي اللي كان المهم عندي العام لول فلافاك والحمد الله كنفاليدي كلشي بمونسيون وen même temps كنخدم فالكلينيك بليل كفام دو ميناج كنعاون ختي فالمصروف حيت مي مريضة وغير حنا اللي عندها وكيفما كتعرف البنات ديال هاد الوقت خاصهم يلبسو يديرو المايكاب وكدا الحمد الله كنصرف على راسي بنت بسبعة ديال الرجال ومن بين هوايتي من غير طياب كنحمااااق على رسم ومن صغري كنعرف ليه داكشي علاش فاش دخلت ولقيت هاد الورشة دخلت ليها نرسم فيهااا و داكشي علاش لقيتيني هنا وكنعتادر مرة اخرى المهم بغيتي تخدمني مرحبا مابغيتيش نقلبو على خدمة اخرى ماعنديش مشكل اصلن رزاق هو الله اوا اش قلتي اسي ماوريتاوببس سي يقين [ غمزاتو و كتلوي شعرها وكدير فيه شوفات محلونين ]يقينو تنهد وهو كيسمع سيرة الذاتية ديالها اللي بهراتو حقاااا كيفاش بنت بسنها كتخدم على راسها وباينة فيها قافزة و مايدارش بيها وشويطينة وتاخدها من فم سبع يقين عزيز عليه الشباب اللي كيعتامدو على راسهم شخصيتها عجباتو بزاااف خاصة انه فاش عرف عمرها ولات كاتجيه كيف بنتو وحس إتجاها بلي خاصو يعاونها ولما لا يعاونها باش تحقق احلامها خاصة انها تستاحق تشجيع ...يقين:مرحبا بيك ما عنديش مشكلسكينة:ربي يخليك أ سي يقين راه والله حتى تعجبك فخدمتهاصونا لسكينة تيليفون وقالت ...سكينة:سمحولي واحد دقيقةخرجات سكينة وسدات الباب خلات غير يقين مع بذرة ...بذرة:حلف بلي قبلتي تخدمنييقين: [بابتسامة ] وي بنت بحالك تستاحق ماعندي حتى شي بروبليم فانكي تخدمي هنا بالعكسبذرة نقزات من بلاصتها ....بذرة : ياااااااخويا و على زين و شحاااال فرحاااانة انااااا شحال غاتخلصني ؟؟يقين : و بداي الخدمة بعدا و نشوفو الثمنبذرة : ويلي يا خويا الحساب صابون من نهار لول يموت المشيقين : 5000 درهم مزيانة ؟؟؟بذرة : هااااااا شحاااااليقين: 5000 درهمبذرة بقات كتشوف فيه فرحانة و مع سيدة مبلية بالافلام نقزاااات عليه عنقاتو و مزيرة عليها اصلن هي عينيها فيه و حلفات بحلوفها حتى طيرو سيد بان ليها زوين و ضريف و كيوووت و داي ليها على عقلها و باين متفتح و لاابس عليه من لفوق غاتخدم معاه تحرميات كااااملة و كتمنى من قلبها ما يكون ديال حتى شي وحدة باش تااخد راحتها و ما عندهاش مشكل تبعو حياتها كاملة حتى تطيحو فشبكة و ما تسماش بذرة الا ما ولاش كيتسطى عليها و يحماق عليها .....يقين تفاجأ بتصرفها و لكن عرف بلي غير بالفرحة ابتاسم و مرر يدو على ضهرها مساايرها فحماقها و كيحس بقلبو كينبض بوتيرة اسرع من المعتاد ....بذرة همسات ليه فودنو بصوتها رقييق خلات داتو تشوك عليه ....بذرة : أجمل و احلى باطرون فالعالم هو نتابعدات عليه و غمزاتو عاضة على شنايفها و نطقات ...بذرة:والله حتى نعجبك و هانتا غاتشوفعطاتو بالضهر وحلات الباب خلاتو كيضحك شاف فطابلو اللي كانت كترسم وسهى فيه منظر طبيعي جميل متقون و لكن ما كاملش هز الفرشاة من الارض اللي كانت كترسم بيها و طيحاتها فاش شافتو ...و هز هاديك اللعيبة اللي كانت مخلطة فيها الالوان و جلس على الكرسي كيكمل رسمة و كيتفكر كلامها حتى بدا كيضحك غير هو و راسو ...ليتك تعلم بمدى سعادتي عند حديثي معك الموس_______م الثاني الجزء 362 حرب الهوسدازت أربعة ديال سوايع و هما كيتقضاو فواحد المول قد السخط سلطان كان داير كاسكيط و مهبطو على وجهو باش ما يتعرفش ما خلااا ما شرى لخنساء ها الكساوي هااا الكباابط هااا السروااال ها الكيطمات حتى من الملابس الداخلية خداهم ليها خنساء بقات غير كتبرقق فعينيها خدا ليها بدوقو و دوقها خرجو من داك المول معمرين يديهم بالميكات و دارهم فالكوفر و سد عليهم و شاف فيها لقاها سخفانة كتشرب فقرعة ديال المااا بقوة العيا ...سلطان: جاك جوع زين ديالي هممخنساء: و عييت رجلي كيزدحوووسلطان: ههه اوا راه شريتي الحوايج شنو بغيتيخنساء: و نااري رحلنا داك المول كااامل عمري ما شريت هاد الكمية ديال الحوايجسلطان: بصحتكخنساء شافت فيه حتى عيات و قربات ليه و خدات يديه حطاتها تحت خدها و قالت ....خنساء: عييتي راسك و الله شكرا بزااافسلطان : ما كاينش شكرا بيناتنا تعاودي تقوليها نتقلق منكخنساء: [تنهدات ] و لكن راك صرفتي عليا بزاااف د الفلوسسلطان: الفلوس آخر همي نمشيو نتغداو ؟؟خنساء: ناري كرشي كتزغرتسلطان جرها من يديها و حل ليها الباب و طلعات جر ليها السمطة و ركبها ليها خنساء كتحس بأنفاسو حدا وجهها و ريحتو سكراتها هز عينو شاف فيها لقاها كتشوف فيه ابتاسم ليها و ابتاسمت ليه سهى فعينيها و سهات فيه قرب ليها و عينو كينتاقلو من عينيها لنيفها لفمها ريحتها اللي ديما كتحرك غريزتو كرجل تغلغلات فأعماااقو و كيسمع اصوات داخلية كتناديه باش يروي عطشو من شفايفها اللي كايتجنن عليهم من زمان ....بلا ما يشعر حط شفايفو على شفايفها سرق منهم قبلة خفيفة خلات خنساء مسمرة فبلاصتها لدرجة زغب ديال داتها تشوك عليها و حسات بالصهد أكثر ما راه كاين فالجو درجة الحرارة فداتها ارتافعات و قلبها غايخرج من بلاصتو معدتها تزيرات عليها و كتحس بالهر فكرشها ...سلطان بعد عليها خلاها مصدومة و سد الباب قبل ما يقنتها فالطوموبيل ما يفكو منها حتى حد ...مرر يدو على شعرو و بقا كيضحك على راسو بدا كيفقد السيطرة على مشاعرو جبد كاارو من جيبو و تكا على الباب ديالها نيت و بدا كيكمي و يضحك اللي داز من حداه كيشوف فيه كيبان ليهم كيف شي أحمق وهو راه العشق اللي مهبلو و موصلو لهاد الحالة ...لاح الكارو و زطم عليه و دار ففمو حلوة ديال نعناع كيفما العادة و ضرب الدورة و حل الباب لقاها كتشوف فزاجة باينة فيها حشمات من الموقف اللي حطاها فيه طلع و سد الباب دار الصمطة و هي حاضياه غير بالنص عين و حاطة يديها على شفايفها و كتفكر البوسة ذاتها كتنمل عليها ....طلق الراديو و لقا واحد الاغنية كتعجبو جهدد ليها اغنية حمااسية و باش يكسر نيت هاد الجو صاامت . و بدا يغني معاها و كيمعني على خنساء اللي غاتسمعها اول مرة و لكن حمقاتها ....سلطان : عندي غير نتي و ماا تخلعني حتى مراااا على جالك نتيا نوض لكييرا نعقد مع عمري و نزيد نسني كونطر يا خلي عدياني تحكمهم الفاكرة يا ورااني ضارب عشقة كيف تاع الفيلمات انا و حبيبتي نعيشو لجون سااات صدمة صدمة و خلطناها كيفما جات جات ياااوليت روميو يااو عمري جولييت الموس_______م الثاني الجزء 363 حرب الهوسما حسات غير بيديه هزو يديها و حطها على فخدو و هي مزال كتشوف فطريق سمعات صوتو ...سلطان: قيس كتب لليلى عدة قصائد و أشعار و كانو مسميينه بمجنون ليلى و انا غايسميوني مجنون خنساءالتافت كتشوف فيه و كتنتاضر شنو غايقول ...سلطان: من بين القصائد لي كتب قيس ليلى قصيدة لو كان لي قلبان من بين افضل القصائد اللي كتكلم على الحب و كتوصف حالتي معاك كذلكشاف فيها و غمزها و رجع شاف فطريق و قال ...سلطان: تبغي تسمعيها من فمي ؟؟خنساء: سمعنا أ سي قيسسلطان بقا ساكت مدة كيدير ليها تشويق حتى دارت كتشوف فالزاجة و هي تسمع صوتو اللي بورشها و دخل ليها مع العظاام صوت رجولي كيتخلل مع الاذن و كيبورش دات كل حرف كيحطو فبلاصتو كلامو ما فيه حتى خطأ و كيتكلم بطلاقة بالفصحى كأنه من الشام ..سلطان: لو كانَ لي قلبان لعشت بواحدٍ وأفردت قلبًا في هواك يعذبُ لكنَّ لي قلبًا تّملكَهُ الهَوى لا العَيشُ يحلو لَهُ ولاالموت يقربُ كعصفورةٍ في كف طفلٍ يُهينها تُعَانِي عَذابَ المَوتِ والطِفلُ يلعبُ فلا الطفل ذو عقل يرق لحالها ولا الطيرُ مطلوقُ الجناحينِ فيذهبُخنساء : قصيدة زوينة و لكن ما فهمتهاش هههحبس الطوموبيل و شاف فيها و بقى كيضحك على كلامها و هي كتشوف فيهسلطان: ما قارياش اللغة العربية ؟؟؟خنساء: و راه قارياها و لكن داكشي مشعكك اش جاب الحب لطير لطفلسلطان : القصيدة كتكلم على عذاب الحب غانقولها ليك بداريجة باش تفهمي لو كان عندي جوج قلوبة كن خليت واحد فهواكي كيتعدب و لكن عندي غير قلب وااحد كيحماااق و كيمووت عليك ما قادر يعيش و ما قادر يموت بحال شي طفل صغير هاز طير بين يديه و كيعذب فيه طفل ما عندوش العقل باش يحن على داك الطير اللي بين يديه و طير ما عندوش جناح باش يطيرتنهد و كمل كلامو و خنساء غير ساهية فيه فاش فهمات القصيدة زادت عجباتها ...سلطان: يعني غايبقى حياتو كامل عايش فالعذاب فهمتي أ المعذبانيابتاسم و حل ليها الباب و ضرب دورة و حل ليها الباب و قال ...سلطان: تبغي نحيد ليك la ceintureخنساء حيداتها راسها و شافت فيه و نزلات و قالت ...خنساء: شكرا عندي مكافشيجرها كيضحك و زدح الباب قبط ليها فيديها و دخل بيها لواحد الريسطو كبيير و هي غير كتشوف بعويناتها حتى جر ليها الكرسي و جلسات و جلس اونفاص معاها ...سلطان: شنو تبغي تاكلي ؟؟؟خنساء: شهوتي فالبيتزاسلطان: صافي هدا و كانخنساء: براكة عليكPسلطان ابتاسم و عيط لسيرفور طلب منو بيتزا كبيرا ديال لي فروي د ميغ مع عصير ليها و كانيطة ديال كوكا ليه . دارت يديها على حنكها و دورات وجهها كتشوف لنافذة الزجاجية اللي كانت فالمطعم كتشوف السيارات شي غادي و شي جاي و سلطان غير حاضيها و ساكت ..فجأة دورات وجهها و شافت فيه لقاتو حاضيهاسلطان: بغيت نسولكخنساء: سولسلطان: فين واحد زينب لابس عليها ؟ الجزء 364 l'Italieخرج من الكوزينة عاري من الفوق مع سروال كيطمة اسود هاز فيديه طاس د القهوة جلس من فوق الفوتوي و كيرشف منو و هاز كاارو فيدو و ساهي فنقطة بعيدة فالفراغ حاس بقلبو مزير عليه و كل تفكيرو مع زينب و فين غايلقاها و شنو غاتكون كتدير دابا ؟؟ واش واكلة واش شاربة واش بصحة جيدة و لالا واش فرحانة واش مقلقة فين تلات بيها ليام حتى ما بقاتش مع خالتها تقدر تكون مشات عند باباها حتى هذا إحتمال واارد ممكن يكون واقع ليها شي مشكل و هو ما عارفش كيتمنى يكون سلطان اللي طلب منو البارح يتكلم مع خنساء فموضوعها و يجبد ليها لسانها لعل و عسى تكون عارفة هي فين و تفيدو بشي معلومة حيت بصح حاس براسو غايطرطق و قلبو كينزف دم من فوقاش و هو كيكن ليها هاد الحب كااامل ؟؟ و علاش تايقلب عليها و علاش كيدير هادشي كامل على قبلها و علاااش تايبغيها و شنو علاقتو بيها و هو فين كيعرفها أصلن سهااات بيه ذاااكرتو و مشااات بيه للماضي فاش شافها اول مرةفلاش باكنازلة من المحطة كانت ديك ساعة فعمرها ديك 15 العام كانت ضعيفة و قصيورة و لابسة كبوط فالكحل مع سروال تجين و شادة فيد خالتها منانة كانت اول مرة غاتجيبها باش تسكن معاهم كانت ديك ساعة زينب كتقرا فالتاسعة كان باين فيها واحد الخجل و واحد الحشمة خطييرة خلات عصام يحل فيها فمو و يتفكر ختو صغييرة اللي كانت عزيييزة عليه كان معتابرها بنتو و لكن شاءت الاقدار و ضرباتها طوموبيل و ماتت فسن صغير بزااف غير شاف زينب و جات صورة ختو صغيرة بين عينيه و سهات بيه ذاكرتو و هو كيتفكر نهار اللي كان كيديها فيه للمدرسة و تايقولها شنو باغا تكون و كتجاوبو ب "بغيت نولي طبيبة باش نعالج نااس " فاق من سهوتو و بلا ما يفكر جوج مرات قطع شانطي لعندهم و بقا تابعهم من اللور و كيشوف فزينب اللي هي نسخة طبق الاصل على ختو صغيورة اللي كان ديما يديها للمدرسة و يدير لها اللي بغات و يفششها كيفما سبق و قلت كان معتابرها بنتو كان يقطع من لحمو و يشري ليها شنو بغات و لكن ربي بغاها بقا تابعهم و كيشوف فزينب من ضهر و كيتفكر ذكرياتو مع ختو حتى تغرغرو عويناتو قرب ليهم و كيسمع منانة جاراها و قالت ...منانة : زييييد أ زييينب بحرا نوصلو زيييدي دغيا باش نشدو طااكسي زيديتوقف بيه زمن للحظاات و هو كيسمع بلي منانة كتناديها بنفس الاسم ديال ختووصغيرة ياااا لصدفة القدر حتى من الاسم عندهم بحال بحال حتى ختو كانت سميتها زينب و كان من ديما يدلعها و يقولها "زنوبة " حس بيدو كيرجفو بلا ما يحس بحال ربي كيعوضو بهاد البنت اللي حس بإتجها بإحساس غريييب و شعر بلي من الواجب عليه يحميها و يعتابرها ختو صغييرة و يحميها و يحضيها و من داك نهار و هو كيتبعها فين مشات و فين جات و فين ما يشوفها يضحك و يبتاسم عام على عام و كيشوفها غير من بعيد حتى تعلق بيها و ولا باغي يحقق حلم انو يشوفها طبيبة و عزم على أنها غاتولي طبيبة و غايدير المستحيل باش يحقق حلم ختو صغيرة و يشوف زينب طبيبة على الاقل يطفي داك الشوق لختو اللي حرقو كأنه بغا يشوف حلم ختو صغيرة عليها ...نهاية الفلاش باكنتر نتيرات من الكارو و هو كيتذكر ذكرياتو مع زينب و هو كيشوفها غادة للمدرسة مع صاحبتها يسرى و يكمل طريق لخدمتو صوت ضحكاتها مزال فودنو لحد الان كان عارف شنو كتبغي و شنو ما كتبغيش كان حتى كيوصلها للمدرسة من بعيد عاد كيمشي لخدمتو ما كانش عارف بشنو كتدير زينب بليل نهار مشى لطاليان و كلف واحد صاحبو يحضيها ليه جاب ليه ضوسيها كاامل سعر ديااال بصح فاش عرف حقيقتها و قرر يمشي للمغرب و يدير خطة انو غايخطبها باش يهضر معاها و يفيقها من الوسخ اللي كانت لايحة راسها فيه كان الغرض من المشية ديالو انو ينجحها فالباك و يدخلها للطب بمعارفو و بالفلوس عند بالو بهاكا غادير عقلها و غاتقلب على طريق الحرام و اصلن تفاهم مع الباطرونة الكبيرة ديالهم سراب باش تبعد منهم و لكن شاءت الاقدار يتضرب برصاصة و يدخل فكومة لمدة ثلاثة اشهر و فاش فاق و استعاد صحتو بغا يقلب عليها و وصى واحد صاحبو يقلب عليها و لكن ما لقاهاش و عاد زيد عليها الباطرون ديالو كان مانعو من السفر بسبب الصحة ديالو ما كانش قادر انو ينزل للمغرب و من الزهر جا عندو سلطان لايطاليا اللي عاود ليها البلان و شنو وقع ليه مع خنساء و يقين خوه اللي خطبها و هو كيبغيها شحال كان كيشكي عليه واحد نهار قشع عصام صورة خنساء فالتيليفون ديال سلطانتشوكا فاش عرف بلي خنساء ابنة خالة زينب كيبغيها سلطان و من تماك عاود ليه عصام البلان ديال زينب و قرر سلطان يعاونو باش يلقاها ....فاق من ذكرياتو فاش شاف التيليفون تايصوني ليه كانت نمرة ديال سلطان فالبلاصة دوز الخط و حطو فودنو و قال بلهفة ...عصام: شي خبار على زينب ؟؟؟