💞 قلوب أرهقها العشق 💞 بالدارجة المغربية

💛 الفصل 79 💛

الجزء 241قلوب أرهقها العشق داخل مستشفى فإحدى الغرف بالضبط ممدة على سرير و صوت نبضات القلب كيتسمع فالغرفة السيروم معلق فيديها و فاصمة ملوية على راسها شكون من غيرها زينب إبنة خالة خنساء ....خارج الغرفة واقف شخص بكل شموخ لابس كوستيم فالأسود شخص فالأربعينات من عمرو لحية خفيفة مزينة ذقنو و باين فيه هاي كلاس مهلي فراسو و هادشي واضح من الملابس اللي كان لابس كيتذكر نهار شافها مع يسرى فاش رجعات سكرانة للدار شكون من غيرو فاروق .... فلاش باكيسرى :زييينب الق*** جااااات عندي نهار كبيييير هدا هههههههداك الشخص شاف فيسرى بسخط و رجع شاف فزينب و قال ....~: شنو كاتجيك هاد خيتي؟؟زينب شافت فيه بإستغراب و قالت ...زينب: صاحبتي علاش واش كاين شي مشكل ؟؟ و نتا بعدا شكوون ؟؟~: [ مد ليها يدو و قال مع إبتسامة خفيفة ] فاروق و نتي ؟؟زينب بدلاتو المصافحة و قالت ...زينب: زينبفاروق حرك ليها راسو بالإيجاب و رجع شاف فيسرى اللي غمضات عينيها و ضاهر فيها انها غاتنعس ...زينب: واش كانت فالبار ؟؟فاروق دار يدو فجيبو و قال ...فاروق: كانت كتسكر و تضاربات مع واحد البنت و بصفتي أنا مسؤول تماك فاكيتهم و جبتها لدارها باش ما تزيدش يوقع مشكلزينب :امم غالبا غايكون عندها شي مشكلفاروق: ما عرفتش المهم خاصني نمشي ردي البال لصاحبتك اوكيزينب : واخا واش ممكن تطلعها معايا لبيتهافاروق : واخا ما كاين حتى مشكلزينب: سمحلينا عفاكفاروق شاف فزينب طلعها و هبطها و غمزها بطريقة منحرفة و قال ....فاروق: هانية نهاية الفلاش باكحك ذقنو و قال بهمس ...فاروق :زينبما فيقو من سهوتو غير يد اللي تحطات على كتفو التافت و بان ليه طبيب بالوزرة البيضاء هاز فيديه ملف و قال ...طبيب : سي فاروق واش ممكن تفضل معايا لبيروحرك راسو بالايجاب و مشا معاه حتى وصلو لبيرو جلس الطبيب فالمكان المخصص ليه ...طبيب: تفضل اسي فاروق باش نشرح ليك الحالة ديال سيدة اللي جبتيفاروق جلس و دار رجل على رجل و قال ...فاروق: تفضل كنسمعكطبيب وقف و علق الصور بالأشعة اللي خداو لزينب لراسها و قال ....طبيب: بما ان السيدة اللي جبتيها كانت عندها إصابة خطيرة فراسها وقع ليها ضرر فهاد المنطقة [ كيوريه فصور الأشعة ] و هاد المنطقة مع الأسف هي المسؤولة على تذكر الاحداث و الوقائع أي هي الذاكرة و كنتوقع أنها غاتكون مصابة بفقدان الذاكرة الكلي اي أنها ما بقاتش عاقلة على راسها شكون يعني وقع ليها مسح للذاكرة المنطقة تضررات بزاف لأنها كانت اكسيدون اللي نجات منها بصعوبة و كإفتراض أنها فاش غاتفيق ما غاتعقل على حتى حاجةفاروق تقاد فالجلسة و قال ....فاروق: دابا هي فقدات ذاكرة و إحتمال انها ما غاتعقل على حتى حاجة فحياتها الماضيةطبيب: تماما أسي فاروقفاروق : يعني اي حاجة غانقولو ليها غاثيق بيها و غاتعتاقد بلي هاديك هي حياتهاطبيب : بطبيعة الحال السيدة ما عاقلة على حتى حاجة اي حاجة غاتقولها ليها غاتصدقكفاروق حك ذقنو و ابتاسم بخبث و سهى فالفراغ و قال بهمس ....فاروق : هادشي لصالحي أنا إيطاليافعاصمة إيطاليا و فأكبر المستشفيات الموجودة تماك كان ممدد ايضا على سرير المستشفى و صوت نبضاتو كتسمع مغمض عويناتو و وجهو ذابل و شاحب بسبب العملية المستعصية اللي مر منها و نجى منها بأعجوبة و لكن دخل فكومة مع الأسف رصاصة كانت غارقة فلحمو و حيدوها ليه بصعوبة شكون من غيرو عصاام اللي رغم المرض تخنزيرتو معتالية ملامح وجهو و لكن الغريب فالأمر صوت شهقات كتسمع فالغرفة صوت ديال فتاة ماسكة يدو شهبة و شعرها طويل كتشوف فحالتو و كتبكي بحرقة كتبان صغيرة فحدود العشرينات من عمرها ....~: Per favore svegliati ( عفاك فيق )تحل باب الغرفة و دخل راجل لحيتو بيضة يكون فحدود الخمسينات من عمرو و ذاتو كلها و شامات و هاز سيجار فيدو و كينفث دخانها اللي كيخرج من نيفو و فمو مشكل سحابة فالهواء نطق بصوت رجولي رخيم ...~: Mia figlia ( ابنتي )شافت فيه الفتاة و ناضت بخطوات مسرعة تعلقات فيه كتبكي و تقول ...~:È qui per causa mia Per favore, fai qualcosa per svegliarlo ( هو هنا بسبابي عفاك دير شي حاجة باش يفيق )حرك رجل راسو بالايجاب و وجه نظراتو لجيهة عصام و قال ....~:Issam, è forte, si sveglierà presto e tornerà di nuovo da noi ( عصام قوي غايفيق و غايرجع لينا عما قريب )الجزء 242 قلوب أرهقها العشق بعد مرور أسبوعينجالسة خنساء بنظاراتها الطبية اللي دارتهم على حسب حماية عينيها و حاطة على رجليها حاسوب صغير خداتو بالفلوس اللي خدات من الخدمة و متكية من فوق السداري و هازة فيديها كأس ديال أتاي كتفرج فمسلسل < حب أبيض حب أسود > تبلات بيه و حمقاتها الشخصية ديال فرحات غير كتشوف الممثل كتحل فمها فيه و تبقى تضحك غير هي و عظامها اما فاش كيتغزل البطل بالبطلة و لا فاش يضحك ليها كترع فمها و تنوض تضحك حتى هي معاه ما نعرف علاش شخصيتو كتذكرها بيه و كلما شافت المسلسل كيجي فبالها شخص واحد سلطانينو عوينات المش موسيو زمراني اللي ما شافتوش هادي 15 اليوم من نهار جرات عليها وفاء كلما كتذكر داك نهار كايطيح عليها ضيم و الغمة ديال دنيا و دين ما عرفاتش شنو واقع ليقين من مور ما رفضاتو ما عرفاتش كيف بقى مراد و ميلودة و كلهم واش ارتاحو و تهناو منها و لالا المهم هي توحشاتهم و بزاف كاع ....ما فيقها من شرودها غير ماماها اللي جلسات حداها كتشوف معاها فالبيسي ...منانة : دابا تاعت الله اش كيعجبك فهاد التواركةخنساء: سيناريو أ الواليدة و كيخدمو على مواضيع جديدةمنانة : انا ما بانو ليا مواضيع بان ليا غير هاد الراجل كيقيل يغوت على هاد الدرية مسكينة و هي تظل تبكيخنساء: اوا هاد راجل هو المواضيع الجديدة اللي كيخدمو عليها تواركة دابا تاعت الله واش غاتلقاي شي ممثل مغريبي بحال هاد فرحات أ مي شوفي غير الشخصية و الهيبة اللي عندومنانة : غير جالسة تحلمي ابنتي انا ما بانو ليا مواضيعخنساء شدات البيسي و شافت فيها ...خنساء: دابا خلينا من تواركة واش زينب مازال ما غاترجعمنانة تلون وجهها صفارت و خضارت توترات و لكن حاولت ما تبينش حنحنات و قالت ...منانة : أنا مالي و مال زينب راه تلقاها مع باها عاشت معانا ما كفى تمشي تشوف باها حتى هو راه توحشها و ندمان حيت خلاهاخنساء: و نتي خليتيها تمشي عند داك ولد الحرام ديال باها باااز لقلبك أ مي واش ما بقاتش فيك ديك اليتيمةمنانة :اوا باها بغاها شنو انا نقولو لا من حقو بالشرع و القانونخنساء: واخا أ مي و لكن شحال ما بقات عندو غاترديها و لا غانمشي لعندها أنامنانة:وا يكون خير يكون خيرخنساء: و مالك مهمومة أ الواليدة بحال غارقين ليك البابرمنانة :كن كانو عندي البابر كن لابس عليا انا كنفكر فداك الحراايمي ديال باك اللي مصيفط ليا وراق طلاق مع المحامي نسينيهم و ما خرجت معاه بحتى ريال ولد الحرام الله يلقيها ليه كحلة زحلة فهاد نهار سير يا عبد العزيز الله يعطيك شي تهريسة فعظيم طيو ما تعود تعرف تجلس و لا توقف انا بغيتلك تكرييييدة و و تلااااوح فزناقي باش تعرف بحر هاد العيشة اللي معيشني فيهاخنساء شدات يد ماماها باستها و قالت بحنان ...خنساء: ما تقوليش هاكاك طلاقك بالواليد داز عليه جوج صيمانات من نهار جيت لهنا خاصك تكوني نسيتي دابا و ماشي نتي اللولة و لا لخرة اللي طلقها راجلها بالعكس حمدي الله اللي لقيتينا معاك و لقينا عمي علال هازنا من الكرا و ما خلاناش نتكرفصو مسكينمنانة :وييه أ بنتي و لكن العيشة مع راجل فدار وحدة انا ما عجبانيشخنساء: و مالو مسكين ضريف و زايدون حتى ياقوت معاك و انا و ولادهامنانة : وامثقلين على راجلخنسا: ما تقوليش هاكا هو عاحبو الحال و معمرين عليه دار مسكين و شفتيه كيف ولف يارا و محمد سلطان كيتعامل معانا أحسن من الواليدمنانة : و هو من ناحية ضريف ضريف الله يعمرها سلعةخنساء:أحسن حاجة خلاها لينا الواليد هي علالمنانة: أجي نتي بعدا شفتك وليتي عاطياها غير لسريط و المريط و شي ما يشيط هبطتي ليا سدادر بالجلاس و نعاس من نهار جراو عليك من ديك الخدمة و نتي معمرة ليا ركاني نوضي ضبري على شي شارف تقابليه و تجيبي لينا شي مليون ثاني ههههخنساء: لواه مليار بنتو ليا ولفتوهامنانة : يعلم الله اشمن مصيبة درتي باش جراو عليكخنساء: تي اينا مصيبة انا ما درت وااالو لهلا ينزل علينا باطلمنانة: تا ما نكونش عارفاك يااا بنت كرشيهزات خنساء البيسي حلاتو و قالت محركة راسها بالنفي ...خنساء: غير كضلميني حق الله انا ضريفة و بزااف كااعمنانة : بحال والو تلقاك نوضتي شياط فديك طاسيلةخنساء: أ مي يهديك الله عرفتي شنو نوضي قابلي طاوتك خليني نتفرج على خاطريمنانة : أجي و علاش اللي ما ترفعيش عليهم دعوة ياك طردوك من خدمتك و نتي ما دايرة ليهم والوخنساء: لا نيت داكشي اللي بقا غير نرفع عليهم دعوة باش يضربوني بالمؤبد على فعايليالجزء 243قلوب أرهقها العشقمنانة : علاش يضربوك بالمؤبد مالك قاتلة ليهم روحخنساء: اودي ما عارفة والو أ مي نوضي راه كنشم ريحة الحراقمنانة :و نوضي حتى نتي تسيقي ما حد علال ما كاينشخنساء: واش أمي كل نهار انا اللي نسيق و نغسل الماعن و نتسخر و ياقوت اش كتديرمنانة : مقابلة ولادهاخنساء: اييه فين ايام الفيلا كنت ما كانحطش يدي فالما كانقيل حاشية راسي فالتيليفونمنانة : و مشاات ايام العز نوضي عري على كتافك و نوضي تسيقي و لهيلا قالك الفيلاناضت خنساء ما عاجبها حال حيدات البيجامة بقات غير بسوفيطمة و شورط حيت الموت ديال صهد دخلات للكوزينة كتقلب على واحد الزلافة دارت فيها ماسك ديال الوجه ملاهية الوقت و صافي هزاتها و مشات للحمام طلاتو لكمارتها حتى ولا وجهها أخضر و خرجات من الحمام و هزات سطل دارت فيه الما و سانيكروا و بدات كترش و كتكرط كاارهة الحياة و توحشات عائلة زعيمي طايح عليها الغمة كتكرط و تعاير مع راسها ....خنساء: سيري يا وفاء أنا بغيت ليك الساحق و المااااااحق بغيت ليك شي طيحة ما تنوضيش منهااا و حتى داك يقين حرااام ولد الللدينة واش سول فيا أما داك مراد تافه صااحبي غير بالفن و الله ما سول عليا وسلطااااااان الدعشوشي اللي لحيتو كي شطاابة ما فهمتش أنا علااااش ما جاش يقلب عليا و لكن بالسيف علاش غايسول و هو تهنى مني و من فريع رااس جراو عليا بحال شي كلبة جاية نسعاهم ياك هما اللي قلبو عليا نهاااار اللول و داك يقين جالس عليا كنبغيك و ما نعيش بلا بيك و مشا سكر و جاي كيبكي عليا باش فالتالي ما يحاشيهاش ليا و داك موسيو زمراني اللي علاين يخليني نلوح حوااايجي و شحال قمع فيا و شحال عايرني نساا نهار كنت نضحكو فيه و نونسو و يبقى يكركر و يفرنس كيشهر ليا سينيال كلهم ما يسواوش ديك طاسيلة زعيمي حتى واااحد فيهم ما يستاهل تريكة ديال لافااااار [ حلات الباب حيت دار ديال علال جاية فسفلي كتكرط و كتنكر ] بسباااابكم يا تريكة زعيمي جيت نكرط رديتوني لصفر خدايم ديال واالو ....~: كاتدبزي غير نتي و راسك شي نهار يطرطق ليك شي عرق فدماغك هادشي الا كان عندكصوتو و الله حتى صوتو ما يمكنش تغلط أ كيد واقع شي خلل فالسمع و لكن بمجرد ما هزات عينيها شافتو جالس فالكرسي المتحرك بنفس النظرات و بنفس هيبتو و بنفس وجهو ريحتو تغلغلات لانفاسها اللي ما منهاش جوج شكون من غيرو سلطان الزعيمي بمجرد ما شافتو حسات بقلبها دق ثلاث دقات قلبها ابتاسم قبل وجهها طلعات النفس بشوية و بثقالة و عاودت هبطاتو نطقات بهمس ...خنساء: س..سلطانسلطان كان لابس غير بودي فالغري لاصق على صحتو مع سروال كيطمة فنفس اللون مع كاسكيط فالأسود جاه كيحمق خنساء بقات غير حالة فمها فيه و طيحات السيدة الكراطة من يديها بقوة الصدمة أما هو فراه ما كانش أقل منها خمسطاش اليوم ما شفهاش يعني 360 ساعة كل ساعة كتدوز عندو بحال العام لحد الآن ما عرفش كيف كان عايش بعيد عليها هادالمدة كاملة قلبو غايطير بالفرحة لبين يديها ما كرهش يعنقها و يضمها لصدرو ريحتها و صوتها و كلامها و ضحكتها كلشي توحشو و لكن باش يشوفها بهاد الحالة عمرها جات على البال ماسك أخضر طالياه لوجهها صوفيطمة بيضة مع شورط حد الفخيضات و كيبان لحمها كامل تقريبا اللي كان مزين ببقع بيضاء نتيجة البهق شكلها مثير لأقصى درجة عض على شنايفو و فنفس الوقت غلباتو الضحكة من شكلها و قال بصوت رخيم رجولي و عينو فعينها ...سلطان : [ غمزها ] ما كنتش غانظن غاتحولي لشريك فهاد المدةسرعان ما تذكرات بلي سيدة غير بشورط و سوفيطمة ووجهها فيه الماسك الأخضر داكشي علاش قالها شريك طرطقات عينيها فيه و ما حسات براسها حتى زدحات عليه الباب بجهالة و دخلات كتجري للحمام كتغسل وجهها حتى سالات و خرجات كتطير لبسات بيجامة ديالها طويلة و نص كم و كتولول غير هي و راسها ...خنساء: ويلي ميمتي على فضيحتي خنساء و شوهة ما يمكنش زهري يا زهري هاد اش جاي يدير هنا قالك شريك لواه طوماندجيريرجعات فتحات الباب لقاتو حدا باب دار من فوق الكرسي المتحرك ما زال فنفس مكانو هز يدو بشوية و حرك صبعانو بمعنى هاااي و قال بابتسامة عذبة جميلة جاية مع وجهو ....سلطان: هااي شريك هاكا كتستقبلي ضياف أ معالجتي نفسية