💞 قلوب أرهقها العشق 💞 بالدارجة المغربية

💥 الفصل 52 💥

الجزء 466فالمنزل ديال أم خنساء كانت مجموعة العائلة خنساء و سلطان و علال و منانة و حتى ياقوت و فؤاد اللي عرضاتهم منانة للعشا ....نهار تزوجت ياقوت و فؤاد عم سلطان حتى هوما ما داروش العرس إحتراما لسوسن اللي توفات و حتى ياقوت ما عندها مع عراسات خاصة زواجها الاول عقدها دارو غير صدقة و مشات لدارها ..سلطان شرا لنسيبتو اللي هي ام خنساء منانة ابارطمون فحي راقي مفرشة و مؤثثة على حقها و طريقها رضات عليه مزياااان حيت ما يمكنش تبقى ساكنة مع علال اللي ما كتربطها بيه حتى علاقة بوحدهم ....خنساء و ياقوت و منانة كانو فالكوزينة كيحضرو فالعشا و رجال كانو مجموعين تايتحدثو مع بعضهم ....علال : ولدي سلطان و ولدي فؤاد بما انكم اليوم مجموعين عندي ليكم شي كلام و الا جات على خاطركم ما ديروهاش مني قلة الصوابفؤاد: الله يسمعنا خبار الخيرسلطان : تفضل أ عمي شنو كاين ؟؟سلطان سمع التيليفون ديالو تايصوني هزو طلعات ليه نمرة ديال عصام استأذن منهم و ناض خرج ...سلطان: وي عصامعصام: زينب فاقتسلطان: على سلامتها حمد الله هذا خبر زوين ياك بعدا صحتها مزيانة ؟؟عصام: خليت طبيب كيفحصهاسلطان : ان شاء الله ما يكون عندها والوعصام : ان شاء الله غدا غاتجي لهنا مع المدام ياكسلطان : وي غدا إن شاء اللهعصام: هي ما فراسهاش بلي جايبها لهنا على قبل زينب ؟؟سلطان : لا ما فراسهاش شوف سبحان الله من زهر فاقتعصام: صدفة زوينةسلطان : المهم غدا غانجيو عندكم غير وجد ليا راسكعصام: مرحبا بيك مع المدامسلطان : يالاه سير دابا نتلاقاو غدا مالين دار تايعيطوعصام: تهلاقطع عليه سلطان و دخل للدار لقا خنساء كانت جاية عندو ...خنساء: فين كنتي ؟سلطان : مشيت نشوف مراتي ثانيةخنساء: [ بابتسامة صفرا] حامض فخباركسلطان : و نتي سكيكرة ديال قلبي فخباركخنساء: و دابا معاك بصح فين كنتي ؟؟؟سلطان : كنت كانهضر فالفونخنساء: معامن كنتي كاتهضر ؟؟سلطان : حسيت براسي جالس فكوميساريةخنساء: و دابا دوي بلا تلاويسلطان : كنت كانهضر مع صاحبيخنساء: شكون هاد صاحبك؟؟ انا نهار تزوجتك ما كانو عندك صحابسلطان : خنساء واش نعطيك تيليفون تشوفي آخر مكالمة ؟؟خنساء: و زيد تدخل تعشى راه حطينا غاضاحكة معاك عارفة راسي مسيطرة على قلبك و عقلك و ما غاتشوفش من غيري أصلنسلطان : [غميزة ] كتقتليني بثقة فالنفس هاكا نبغيك واخا يجيو يقولو ليك شفنا راجلك مع فلانة ما ثيقيشخنساء: أ هيا الا سمعت عليك شي هضرة نهارك ما طلع فيه لا شمس لا ليلسلطان : شنو زعما غاتخلعيني ؟؟؟خنساء: و غير جرب و تشوفسلطان قرب ليها و مرر يدو على عنقها و طير ليها بوسة من خدها و قال بابتسامة ...سلطان : ما كايناش بنت المراة اللي تحلا ليا من غيركخنساء: طلق مني لا يمشي يشوفنا شي حد يا صديقيسلطان: مراتي سوق شي حدخنساء: و دابا زيد تعشى راه بدات تتطلع ليك سخانةسلطان : و نتي راك ركبتي فيا سكرخنساء شافت فيه و خنزرات و قالت ...خنساء: شنو زعما تانمرضك انا ؟؟؟سلطان : كتركبي فيا سكر بقوة الحلاوة ا حبيبة و ماشي كيفما فهمتيهادخلو لداخل لقاو العشا محطوط فوق الطبلة عبارة عن بسطيلة ديال دجاج حضراتها منانة كترحيب بنسابها العزاز ....منانة : مرحبا بيكم و قبلو عليناسلطان : الخير و البركة الله يكبر بيك ا الحاجةفؤاد: و الله يعطي صحة لمولات هاد البسطيلةمنانة : بصحتكم و راحتكمسالاو الماكلة و جابت ليهم منانة كأس ديال اتاي ختمو بيه الجلسة مع غويطويات قبل ما ينوضو ينعسو ...منانة : عندكم طيارة غدا فااصباح خاصكم تنعسو بكريخنساء: و انا كنفكر لديك نوضة ديال صباح تفووو ما كنحملهاشمنانة : حيت معكازة و كاتصبحي ناعسة حتى لطناش ما نعرف كيف كايدير معاك ولدي سلطانسلطان : و عطيتيني هاد البنت كسولة بزااف ا الحاجةمنانة : انا اوليدي نهار جيتي تخطب ما بغيتش نعطيها ليكم يصحابلك انا رفضت غير هاكاك راني عارفة اش والدةخنساء: و الله يجازيكم بخير و اااطنزو علياااا نيتفؤاد: بعدو ليا من شنيولة هي ماشي معكازة غير معيكيزة شوية ياكسلطان قبط يديها و باسها قدامهم خنساء تزنكات و قال سلطان بحنان و عينو فعينيها ...سلطان : كيفما كانت انا قابل بيهاياقوت٠: الله يخليكم لبعضياتكمسلطان: اللهم امين أ ختيعلال : غاتسمحو ليا بغيت نهضر معاكم فواحد الموضوع بما انه كلكم مجموعينياقوت: الله يسمعنا خبار الخيرعلال بقا ساكت مدة و شاف فعيون منانة و قال بهدوء ...علال: انا عمري تزوجت حيت المراة اللي بغاها قلبي تزوج بيها صاحبي و انا ما قاديت نتزوج بحتى مراة من غيرها و دابا هاد المراة راه طلقها صاحبي و جالسة قدامي و عيني فعينيها و بغيت نقول بلي انا جيت طالب راغب منكم نتوما يد لالة منانة الا قبلات عليا