💞 قلوب أرهقها العشق 💞 بالدارجة المغربية

💛الفصل 34 💛

قلوب أرهقها العشق عصام : ضرييتك انا لحد سااعة ما درت والو اللي غانضرك بيها لحد ساعة كنقلب ليك على مصلحتك و لكن انا اللي حمااار باغيك تاخدي الباك بمونسيون و ندخلك تقراي الطب و تولي شي حاجة فالمجتمع و لكن نتي سر والديك غير تق**** هو اللي كتعرفي ليهطلق منها و جبد باكية د الكارو من جيبو ؛ جبد واحد حطو ففمو شعلو و شاف فيها هي اللي بقات مصدومة ...عصام : ق***** عليا الله يرحم جد مك ما باغيش نشوف كماارتك قداميزينب : كيفاش بغيتي ناخد الباك بالمونسيون و تدخلني للطب واش نتا شوية لابس فدماغكعصام صاط دخان من نيفو و فمو معااا ...عصام : واش نتي الكلاخ راضعها و لا مالك برب الجليل الا نتي الباك بزااف عليك انا لاش درت ليك داكشي فودنيك غايقولو ليك الاجوبة كااااملين كاااملين واش كتفهمي غايبقا ليك غير نتي تعرفي تكتبي و تكوني ذكية و تخدمي دماغك راه تقدري تجيبيه ب 18 باش دوزي الكونكور د الميدسين و ديك ساعة انا نشوف كيف ندير ندخلكزينب : ما بقيت فاهمة فيك وااالو وااااالو خربقيتي ليا حياتي و دابا خربقتي ليا مخيعصام : مازال ماشفتي والو واخا صراحة كمارتك ماشي ديال الميدسين و لكن مضطر ندخلكزينب :و علاش هادشي كاملعصام شاف فيها مطولا و ضرب بيدو على الفولون ديال طوموبيل و قال ...عصام : مااااسوقكش نتي غاتنفدي داكشي اللي كنقولك و تسدي حلقكزينب:غانجيبو بالنقيل و هادي هي اللي ما عمرها طاحت على بالي و ندخل لميدسين من الفوق راه هدا كيتسمى الغش أسميتك و شكون قالك انا باغا نولي طبيبة و أصلن أخويا انا ما نستاهلش ندخل نقراها بلاصتي كيستاحقها شخص اللي كيقرا على مخو ماشي اناعصام: تبارك الله عليك واخا ق*** عندك مبادئ و لكن كن كنتي كتقراي بحال سيادك ما نضطرش ندير ليك هادشي كامل و غاتدخلي ليها عن جدارة و استحقاقزينب : و لكن علاشعصام : انا باغي نشوفك طبيبة سوقك نتيزينب:و لكن علاشعصام رفع نبرة صوتو و كمل ...عصام :كيفاااش و علاش و حتى لاش ماسوقكش سمعتينيتسمع جرس المدرسة بصوت عالي كيعلن على دخول التلاميذ لاقسامهم ....عصام : بون كوغااجشافت فيه مطولا تنهدات و خرجات من اللوطو و زدحات الباب و تمشات لناحية ليسي ديالها ....الجزء 105قلوب أرهقها العشق داخل المكتبة الكبيرة واقفة خنساء كتشوف فالكليان اللي واقفين مع البنات لوخرين اللي خدامين معاها تبارك الله رواج كان كثير و ناس كيجيو بكثرة باش يرضيو الفضول ديالهم و يشريو من اكبر مكتبة فالمغرب و خصوصا فيها حوايج زوينين بزاف من كتوب من اجوندات من ستيلويات صيكان شكااير اي حاجة بغيتيها و تطيح ليك على باالك كاينة فهاد المكتبة الكبيرة للحظات سهات و هي كتذكر يقين اللي كايرجع ليه الفضل فهاد الخدمة اللي لقات من بعد الله سبحانه و تعالى ....خنساء : ما نعرف شنو يكون كايدير غبر ما عاود بانتنهدات و ربعات يديها كتشوف فناس و كتنتاضر يدخل شي حد باش تهضر معاه و تشوف شنو خاصو ؛ حتى كيبان ليها داخل شخص شاارف و لكن أنييق جدا و مثيير للانتباه باين من ناس لهااااي كلاس توجه لناحية الروايات و تبعاتو حيت البنات كلهم كانو مشغولين مع الكليان لوخرين ...وقفات على راسو و قالت ببشاشة و بأدب ...خنساء: مرحبا بيك أ سيدي اش حب خاطركالتافت و شاف فيها سبحان من حطو بهاد الجمال ما كدبوش اللي قالو الا مشا زين كيخلي حروفو رغم انو كبير فسن وسامتو خطييرة ؛ جدبها شكلو و ابتاسمت ليه و حتى هو بادلها الابتسامة ما كانش أقل صدمة منها حتى هو شكل وجهها الغريب اللي عمرو شافو خلاه يقول ...~: مشاااء الله tu es très belleخنساء ابتاسمت بنعومة حتى تسدو عويناتها و جاوباتو هي الاخرى بأدب ...خنساء: هاد الجملة هي اللي كنت غانقول ليك و لكن سبقتيني ميغسي على كلامك أ سيديحط يدو فجيابو و قال ببشاشة ...~:حيت نتي زوينة غايبان ليك كلشي زوين بطبيعة الحالخنساء حنات راسها بإحراج من كلماتو ...خنساء :شكرا اسيدي لهلا يخطيك اوا شنو حب خاطرك كاين العديد من الروايات بجميع اللغات نتا واش مهتم بشي لغة معينة ؟؟~:مهتم بلغة الانجليزيةخنساء: اه هنا قسم الروايات بلغة العربية تفضل معايا نوريك قسم اللغة الانجليزيةمد يديه و قال بلباقة ...~:ladies first *النساء اولا *بمجرد ما سمعات هاد الجملة اللي ولات كتعني ليها و كتفكرها فشخص واحد ما منوش زوج يقين زعيمي ابتاسمت مع نفسها و خطات خطوات لامام و صورة يقين فدماغها حتى وصلات لقسم اللغة الانجليزية و شافت فيه و قالت ....خنساء: هنا قسم اللغة الانجليزية أ سيديحرك راسو بالايجاب و هز الكتوب كيشوف فيهم و كيتنهد و هي حاضياه كتشوف شنو غايختااار حتى هز كتاب اللي غايقدر يعاونو سميتو "Fight depression" " حارب الاكتئاب " ....حول نظراتو مبتاسم لجيهتها و قال ...~: هدا هو الكتاب اللي غايقدر يعاونوخنساء بإستغراب ...خنساء:نعام ؟؟حرك راسو يمين شمال و فالاخير استاقرات عينيه على عينيها و قال ...~:شنو سميتك أبنتي؟،خنساء: سميتي خنساء~: سميتك زوينةخنساء:شكرا اسيدي~:فريد عيطي ليا عمي فريد لاش كاتقوليلي سيديضرباها لنيفها بخفة و ابتاسم ليها الحركة اللي دار ليها ضحكاتها و استغربات منها فنفس الوقت شكون هاد السيد الغريب اللي كيعاملها بهاد الشكل ياكما شي شارف زهواني و لا كيشوف فيها بحال بنتو و لا هو عفوي هاكا كيتصرف مع كافة ناس اكتافات بابتسامة و جاوباتو برقة ...خنساء: متشرفين موسيو فريدفريد : الشرف ليا نتلاقا بملكة الجمال بحالكخنساء ولفات بهاد المجاملات داكشي علاش اكتافات بكلمة ...خنساء : شكرافريد هز داك الكتاب و وراه ليها و قال ...فريد : شنو ضهر ليك فهاد الكتاب زوين غايقدر ينفع ولدي فشي حاجةخنساء: واش ولدك صغير و لا كبير ؟؟فريد : كبير فعمرو ثلاثين عامخنساء:كيبان الكتاب مزيان رغم انني ما كنفهمش اللغة الانجليزيةفريد : Fight depression كتعني حااارب الاكتئابخنساء: امم عنوان زوين بزااف هي ولدك غايكون كيعاني من الاكتئابفريد تنهد و حرك راسو بنفي و جاوبها بهدوء ...فريد: ولدي ما كيعانيش من الاكتئاب و لكن مؤخرا عندو شي مشاكل اللي ما بغاش يبوح لينا بيهم منين جا من امريكا و هو ساد عليه فالبيت حتى من الماكلة ما بقاش كاياكل خفت عليه يدخل فحالة اكتئاب و يآدي راسوخنساء : انا قارية علم النفس و نقدر نجاوبك على هاد القضية و نقدر حتى نعاونكفريد : واش نقدرو نمشيو لكافي باش ناخد راحتي معاك اكثر و نعاود ليك عليه حيت محتاج نهضر مع شي حد عندو دراية بعلم النفس يقدر ينفع ولدي فشي حاجة .. الجزء 106قلوب أرهقها العشق خنساء ابتاسمت ليه بإحراج ...خنساء: ما نقدرش أ سيدي حيت خدامة و ما عندي كيف ندير و الباطرون كاين هنا ما غايخلينيشفريد : انا نهضر معاه نتي واش موافقة تهضري معاياخنساء سرطات ريقها بصعوبة ما ثاقتش فيه سيد غريب عليها و شارف خافت على راسها سي نورمال ...فريد : انا بصح محتاج لمساعدتك أ بنتي ما ترديهاش فوجهيخنساء شافت حتى عيات رغم انها ما ثاقتش فيه و لكن كيبان سيد بعقلو و هي نيتها غير تعاونو و قليل نية يخلصو ربي طريقة باش كيهضر معاها ديال واحد محروق على ولدو و خايف عليه دارتها فيد الله و قالت بابتسامة ...خنساء: واخا موافقةفريد: سووبير كاين عدنان ياك ؟خنساء وسعات بؤبؤ عينيها فيه هاد شخص كيعرف مول الشي يعني القضية فيها إن و اخواتها ...خنساء: واش كتعرف الباطرونفريد حرك راسو بالايجاب و قال بابتسامة ...فريد: صاحب ولديقال هاد الكلمات و انصارف و خلا خنساء مستغربة و مدهوشة شكون هو هاد راجل اللي كيعرف مول الشي و كيفاش ولدو صاحبو ؟و كيفاش ولدو عندو اكتئاب منين رجع من أمريكا نطقات مع نفسها بهمس ...خنساء: بلاتي بلاتي القضية فيها ولد كبير فعمرو ثلاثين عام و رجع من امريكا و صاحب مول الشي شنو زعما غايكون هو ...حركات راسها بنفي و اضافتخنساء: غير صدفة أكيد غير صدفة ما يمكنش أخنساء غير حيدي هاد توقع من راسك امبوسيبل يكون هو ههه غير بديت كنخرف ...في إحدى اكبر المقاهي القريبة للمكتبة جالسة خنساء مقابلة مع سي فريد بعدما هضر مع عدنان مديرها فالعمل و خلاها تمشي معاه حيت كيعرف فريد اللي هو أب صديقو ما قدرش يرفض بطبيعة الحال ...فريد: سمحيلي ابنتي خرجتك من الخدمة على قبل ..ما خلاتوش يكمل كلامو و جاوبات ..خنساء: لا أ سي فريد ما تقولش هاكاك انا جيت معاك حيت بصح بغيت نعاون ولدك و نعطيك نصائح اللي تقدر تنفعو بيهمفريد : شكرا بزااف أ بنتي[حط السيرفور كاس د العصير قدام خنساء و كاس د القهوة فجيهة فريد و انصارف ]...خنساء : ما كاين لاش تشكرني إلا قدرت نعاونو فشي حاجة مرحباا عاود ليا عليهفريد :ولدي ما عايش فالمغرب عايش فلاميريك كايجي يشوفنا و كيبقى هنا ماكسيموم شهر و يرجع و لا حنا كنمشيو عندو حيت تماك كيخدم و مؤخرا مشا و رجع فالبلاصة و لكن ما جاش لعندنا سقت الخبار و فاش مشيت لعندو لدارو لقيت وجهو ذاابل و عينو فيهم حزن كبيير ما فهمتش شنو سبب حدو خسر عليا ما بغيت نشوف حتى واحد كلفت العساس يحضيه ليا و لكن قالي ما كيخرجش انا خايف عليه توقعلو شي حاجة و حالتو ديال واحد مكتائب انا ما موالفش ولدي بهاد الشكلخنساء: من فوقاش و هو هاكا ؟؟؟فريد : تقريبا شي كانز جوغخنساء: و نتوما ما حاولتوش تكلمو معاه ماماه و لا خوه و لا صاحبوفريد : انا ما بغيت نقولهم والو حيت عارفو كيمر من شي ضروف صعيبة و ولدي عقليتو فشكل خصوصا فاش كيمر من شي ازمة ما كيبغي يعرف حتى واحد بشنو واقع ليه و انا كنحتارم لي ديسيزيون اللي كياخدوها ولاديخنساء بقات ساكتة مدة و كتشوف فيه حتى نطقات ...خنساء: و شنو طبيعة خدمتو ؟؟؟ زعما حيت ممكن يكونو عندو مشاكل و لا مع مرتوفريد : ولدي ما عندو حتى وحدة فحياتو حيت كان مزوج ديجا و طلق هو رساام معروف فلاميريك يقين زعيمي تقدري تكوني سامعة بيهلحظة صمت اكتاسحات المكان خنساء جمدات فبلاصتها بمجرد ما سمعات سميتو غمضات عينيها و عاودت فتحاتهم بصفة متكررة ما قادراش تستوعب ...خنساء:ش..ش..شنو سميتو ؟؟فريد:يقين زعيميخنساء : واش نتا باباه ؟؟؟فريد : كاتعرفيه إذن ؟خنساء رشفات من الكاس د العصير كتهبط الصدمة اللي وحلات ليها فالحلق ...خنساء:وي كنعرفوفريد رشف من كاسو ديال القهوة و قال بابتسامة ...فريد: صدفة زوينة هادي واش نتي أمي ديالو ؟؟خنساء حركات راسها بنفي و قالت باقتضاب و بتوتر ...خنساء: لاا انا غير كان قاسني بطوموبيل و عاونني تلاقيتو صدفةفريد بقا ساكت مدة و صغر فيها عينيه أشار ليها بصبعو السبابة بسرعة و قال ...فريد: ما تقوليش ليا نتي اللي عايرتي ليا ولدي و قلتي ليه عوينات جلبانة الجزء 107قلوب أرهقها العشق فريد: ما تقوليش ليا نتي اللي عايرتي ليا ولدي و قلتي ليه عوينات جلبانةخنساء تمنات الارض تشق و تبلعها شوهتها شوهة ندمات على نهار اللي قالت ليه عوينات جلبانة الضاهر ان الخبر ذاع عندهم فالعائلة و انتاشر بصفة كبييرة ...خنساء : احم لحظة غضب ما كنتش عارفة شنو كنقولفريد حرك راسو بنفي و قال بفرح ...فريد : بالعكس نهار اللي عاودو ليا شنو وقع ليك معاه مت بالضحك عليه و حتى هو كان فرحان و عاجبو الحال و لأول مرة كنشوف ولدي كيضحك بداك الشكل قدامي من نهار طلق مراتو ما ضحك لديك درجةخنساء شربات كاس د العصير ما بقات عارفة ما تقول ولا شنو دير او بالاحرى ما بقات عارفة فين تحط وجهها شوهوها شوهة عااالمية ندمات على نهار اللي مشات تسخر و طيحات الحلوة و عايراتو اش داها من ديما لسانها جايب آخرتها و زهرها معاونو ...فريد منين شافها سكتات أضاف بإبتسامة ...فريد : كنظن بلا ما تقولي ليا الحلولخنساء هزات راسها حداقت فيه بإستغراب ...خنساء: كيفاش؟؟؟فريد: حيت الحل هو نتيخنساء وقفات ليها و بدات كتكحب بصوت مرتفع قرب ليها فريد كاس د الما و عطاها تشربو ..فريد: غير بشوية عليك أ بنتيخنساء: احم الحمد اللهتنهدات و صرطات ريقها بصعوبة و هي كتشوف فيه ...خنساء: سمحلي كيفاش انا هي الحل؟؟؟فريد : خاصك تمشي لعندوخنساء : أ ...بغيت نقول علاش؟؟فريد:حيت دواه عندك بكل بساطةهاد نهار كان مليئ بصدمات أولا تلاقات بأب يقين و ثانيا اكتاشفت بلي سي يقين اللي شاغل بالها من أول مرة تلاقات بيه مكتئب و ثالثا فريد اللي هو الاب ديالو كيقولها دواه عندك كيفاش هادشي ؟؟ كتحس براسها بحال كتمثل مسلسل تركي حيت اكيد هادشي اللي تيوقع ليها مع يقين ماشي طبيعي سهات للحظات فالفراغ و دماغها تيدي و يجيب و كيفصل و يخيط غير بوحدو و الحاجة اللي شاطنة بالها اكثر هي يقين اللي ضرها قلبها عليه بصح ما كرهتاش تعرف مالو و علاش داخل فحالة إكتئاب لدرجة غير ساد عليه لمدة خمسطاش اليوم تقريبا ...فريد : خنساء ما جاوبتينيش ؟خنساء فاقت من شرودها و قالت بأدب مع ابتسامة ...خنساء: ما جاوبتكش اسي فريد حيت ما عرفت ما نقول كيفاش دواه عندي ؟ ما فهمتكش شنو بغيتي تقصدفريد : نتي عارفة بلي ولدي خاصو شي حد اللي غايقدر يخرجو من هاد الاكتئاب اللي هو فيه ولدي محتاج يخوي قلبو لشي حد اللي روحو قريبة منو و داكشي اللي وقع بينك و بين يقين عندو سبب كبير اللي هو انكي كنتي سبب فرسم الابتسامة على وجهو انا عارف ولدي ما عمرو كان عندو أصدقاء كثااار بحال دراري لوخرين واخا هو و خوتو بحال صحاب و لكن كيبقى صديق عندو طعم آخر فحياة كل إنسان و ممكن الا مشيتي معايا و هضرتي معاه ممكن تنفعيه فشي حاجة ممكن بشوفتك يرتاح ممكن أبنتي تكوني صديقتو المقربة و يحكي ليك على أي حاجة ضاراه انا متأكد بلي عندو مشكل و لكن انا عارف ولدي انسان كتوم كيخبي فقلبو بزااف من صغرو ما بغيتش نخسر ولدي و نشوفو كيضيع و خصوصا هو ما عمرو شكى لحتى واحد شنو كيعيش حتى فاش كان صغير كانو كيطراو ليه مواقف اللي خايبة بزااف و بقا كايجمع فقلبو حتى سخف لينا و مرض و شحال و هو كيتعالج هادي هي شخصيتو ما عرفتش علاش كيبغي يخلي مشاكلو عندو ما يتقاسهم مع حتى واحد ديما كيبغي يخبي فقلبو تقدري نتي تعاونيه تقدري تكوني نتي هي نور اللي غايخرجو من العتمة ديالو امم شنو قلتي أبنتي ؟؟ماتنكرش بلي عز عليها يقين و عرفات غايكون من ناس اللي كيجمعو فقلبهم و ما كيتقاسموش مشاكلهم مع الغير الشيئ اللي غايؤثر عليه بزاااف ...خنساء: حنا كإنسان كنتكونو من جسد و روح جسدنا كيتعب بالأمراض و لكن روحنا كتأثر بمشاكلنا ...نفسية الانسان كتشبه لشي كأس و همومنا هو داك الما اللي كيعمر فالكأس و غايجي نهار اللي غايفيض الكاس لانه وصل لطوب و الكاس فاش كيفيض كون اكيد أن الجسد كيمرض حتى هو لأن نفسية كتأثر على الجسد بطريقة رهيبة علاش فاش تايكون عندنا المشاكل ما كنقدروش ناكلو ما كنقدروش نجلسو براحتنا كتحس بالخنقة صدرك كيضرك تقدر تسخف يقدر يطرطق ليك شي عرق فراس الله يستر بكل وضوح خاصنا نتعلمو نخويو قلبنا لناس اللي قراب لينا و اللي غانثيقو فيهم نتمنى من قلبي نقدر نعاونو كيفما عاوني فشحال من حاجةفريد جاوبها بابتسامة ...فريد : يعني موافقة تعاوني ولدي يخرج من هاد الحالة اللي هو فيها او على الاقل يقولك مالو وشنو ضارو ..خنساء: غانحاول معاه و ندير جهدي كامل و نتمنى ننجح يقين ما يستاهلش يدخل فإكتئاب انا متأكدة انه غايكون عندو سبب قوي