💞 قلوب أرهقها العشق 💞 بالدارجة المغربية

💥 الفصل 10💥

الموس_______م الثاني الجزء 327 حرب الهوسجالسين فكافيتيريا تابعة لاوبيطال خنساء واخدة عصير و ميلفاي و مراد واخد قهوة كحلة كيشرب فيها فكاس ديال البلاستيك ...خنساء: عاد قبيلة كنتي فطاليان كيف درتي ليها ؟؟؟مراد: جيت من تماك فالطيارةخنساء: مالي قلت ليك جيتي بالبيكالةمراد: اوا نتي كتطرحي شي اسئلة اتفه منكخنساء: دابا عاود ليا شنو وقعمراد : علاه اش وقع ؟؟؟خنساء: غاتفقصني شنو بغيتي تقولي بعدارشف من كأس القهوة و ربع يدو و شاف فيها بنظرات جادة و قال بصرامة غير معتادة لمراد ...مراد: باغي نقولك بزااااف أ ختي خنساء و لكن اول حاجة غانبدا بيها هو يقين واش نتي موافقة تبقاي مع شخص كيحاول ينتاحر غير بمجرد ما كيفكر انك غاتبعدي عليه ؟؟ او لا كتناقشو و دابزو ؟؟خنساء صرطات ريقها و شافت فيه ما جاوباتوش ....مراد: يقين ولا كيشكل خطر عليك بتصرفاتو يقين خاصو شي حاجة تواكضو شي حاجة تصرفقو و تردو للواقع خاصو كلام قاصح خاصو يراجع نفسوو يفهم بلي اللي باعك بيعو و اللي ما باغكش ما تبغيهش و اللي بغاك بغيه مشكلة يقين انو ديما كيتعلق بالحاجة اللي ماشي ليهخنساء: يقين مشكلتو أنه انا وليت كنبان ليه محور الكون و هادشي ما جاش من فراغ يقين عندو عقد نفسية كثيييرة فالماضي ؛ فحياتو وقعو ليه عدة تراااكمات و ضغوطات نفسية ولدات عندو إكتئاب حاد نهار تلاقيتو كنت حاسة بيه فشكل هو ضريف وحنين و زوين و الله يعمرها سلعة و لكن موت ماماه أثر عليه أكثر من القياس لدرجة انه كان كيتعرض لنوبات فالصغر و هادشي كان قالو ليا بفمو زيد على انه عاش فترة فحياتو على اساس أنه عقيم و هادي من بين نقط اللي كفيلة انها تدخل راجل فإكتئاب و زيد عليها طلاقو من فاتن اللي كان كيحماق عليها و كانت كتفكرو فماماه منين حتى هي رفضاتو مرض فعقلو و غير من الشكل اللي خالق لراسو خاصك تفهم بلي هو عايش فعالم خاص بيه شعرو اللي مكبرو صحتو اللي عامرة وشام أنه ما كيهضرش بزااف و ما كيخرجش داكشي اللي فقلبو لاعب عليه بالمزيااان نهار إكتاشف بلي مراتو كدبات عليه و وهماتو زاد مرض ؛عمي فريد كان قال ليا نهضر معاه و نحاول نخرجو من الحالة النفسية اللي هو فيها و داكشي اللي كان حاولت نفوج عليه بكلامي و نصحو علاش ما قديت و لكن انا كنبقى غير خنساء اللي عندها إجازة فعلم النفس و ماشي طبيبة نفسانية كاندير جهدي و صافي حسيت بيه من داك نهار تعلق بيااا أكثر و ما تنساش بلي هو فنان و الفنانة كيتعلقو بحوايج نتا تقدر تجيك عادية و لكن هوما لا عقل الفنان ماشي هو عقل شخص عادي تصور نهار تلاقاني وشم سميتيفكتفو حيت عجباتو كنظن ان تاثيري عليه بدا من سميتي اللي جاتو فشكل ربما ؛ راك عارفني انا اللي فقلبي على لساني ما عنديش الفرانات خصوصا مع ناس اللي كانرتاح ليهم يقين كنت تزعطت فيه من اول مرة تلاقيتو ما نكدبش عليك و نقولك لا ؛ جاني جنتلمان بزااااف و كيوووت [ ابتاسمت ] و جاني واعي و قاري و كيتصرف معايا زوين بزااف و حتى انا كنت عفوية معاه لاقصى درجة هادشي ربما اللي زاد علقو بيا اكثر و أكثر كانت الضحكة ما كتعرفش طريقو لكن بكلامي خليتها ترجع ; من تماك فدماغو تربطات عندو خنساء بالسعادة و ان خنساء هي اللي غاتخرجو من المود اللي هو فيه خصوصا انه كان كئيب فحياتو إذن يقين عندو مشكلة انو يرجع للحزن و الكآبة داكشي علاش تعلق بيا لدرجة لاااا تتصور و نهار رفضتو و شافني مقربة لسلطان أكثر منو خاف أنه تكون بيناتنا شي حاجة و يدي ليه السعادة من حياتو اللي هي فهاد الحالة خنساء المنحوسة اللي هي أنا زيد عليها ان يقين كيشوف ان سلطان بجنبو ماماه اللي هو فقدها و ربما يكون كيغير منو حيت كيشوفو بين عائلتو و هادشي اللي زاد حقدو على حياتو و هو كيشوف انني الا كنت بجنبو غايكون سعيد و فرحان منين عاودت رفضتو عرف بلي غايعاود يرجع للحياة الكئيبة اللي هو فيها دونك فكر فالانتحااار و نهار كانتخاصمو كيجيب ليه بالو بلي صافي غانخليه و غايعاود يرجع لحياتو الكئيبة داكشي علاش ديما كيحاول يرضيني و يخليني فرحانة باش يضمن بلي أنني ما غانتخلاش عليه يقين ما كيبغينيش فالأصل لأنني خنساء كيبغيني حيت انا فدماغو كنساوي السعااادة و الا غبت عليه غايكتائب و هاد الفكرة تلصقات فدماغو و أمبوسيل تخرج من غير علاج نفسي طويييل مع أخصائي فهاد الامراض النفسيةمراد طرطق فيها عينو حيت تشخيصها لحالة يقين صدمو ناض وقف و بدا كيصفق عليها و هي كتنفض الغبرة الوهمية اللي ما كايناش أصلن من كتفها كدليل على أنها دارت إنجازخنساء: لا تخبرو الصين عني لأنني لا أريد شهرة ههههالموس_______م الثاني الجزء 328 حرب الهوسمراد:تي من إمتى درتي عقلك واااو واااو صدمتيني اسميتكخنساء: اوا شنو يصحاب ليك حنا ساهلينمراد: و منين قنعتي سلطان يدير العملية كان خاصني نعرف بلي راكي واعرة اوا يا المصيبة كيف غانديرو نعالجوهخنساء: و خاااصو طبيب نفساني أ زمر و خاصو يدخل فشي علاقة جدية مع شي وحدة اللي تبغيه و يبغيها غاتعيش معاه مخيرة حيت يقين حنين بزاااف أ مراد غير هو خاصو يبرا و حبذا لو ان سوسن ترجع ليه حيت هي كتبغيه بزااف خاصو غير هو يبغيهامراد: و حناااا فييين غانلقاو ليه ديك سوسنخنساء:و كنتسنى سلطان يجي حيت هو اللي غايفكني من هادشي كاامل و خاصني نهضر معاه باش نشوفو كيف نديرو نعالجوه ربما تكون كتعجبو سوسن و خاصو غير اللي يزعمو عليها و يحيد ليه من بالو بلي خنساء ماشي هي سعااادةمراد:و باش تعرفي يقين مصرفق نيت رابطك بالسعادة كن يعرف النحس اللي تابعك ما يبقاش معاك اصلن هههخنساء: إوا حشاكمراد :عزك الله [ كيحرك فراسو ] امم أ حيااااني عليك بغيتي سلطان يعاونك على يقين و لااااا حيت توحشتيهخنساء: [ حطات يديها على خدها توترات ] احم مااشي على حسب توحشتو و لا كذا نوووو نووو هو صراحة اه توحشتو حيت كيفما كان الحال سلطان يعني كنت كنعالجو و ما دوزناش قليل و لكن محتاجاه يجي يهادا احم كح كح يجي يعااوني باش نلقاو حل لخوه و كح كح احم و نقلبو على سوسن ممكن تفيدنا فشي لعبة و كذا فهمتي [ هبطات على الكاس ديال العاصير بقوة التوتر و مراد حاااضيها ]مراد: مالك جالسة تفتفي عليا فالكلام فاش هضرتي على يقين هضرتي مسرحة فاش هضرتي على سلطان تلوا ليك لسان و دخلتي شكلي فالعكليخنساء:دابا نتا مالك معاايا من اللخرمراد:نتي كتبغي سلطان ياكخنساء حسات بنبضها إرتافع بمجرد ما تطرح عليها السؤال جمدات فبلاصتها و الكأس د العاصير اللي كانت داياه لفمها وقفاتو فنص طريق ما مصدقاش بلي مراد طرح عليها هاد السؤال ربما الحب ديالها ليه باين من عينيها حتى لهاد الدرجة ولا مراد بارع فقراءة العيون و لكن حاولات تقلب الموضوع ...خنساء: ونتا اش حشاك نبغي سلطان و لا الملك و لا الأمير و لا مولاي الحسن الثالث شغلك همك سوقك ديها فماريا ديالك و قيلني عليك و لهيلا مزياااان تبارك الله منين وليتي تدخل ليا مع عظاميمراد: طرطقتي ليا فوجهي كي القلية و الله ما كتحشمي ما كترمشي يا سليعفانة ما نعرف داك يقين شنو عاجبو فيك باش كينتاحر على ودك لا زين لا مجي بكري لا صواب لا أدب خضراخنساء: اوا الا خضرا طيبنيمراد: و ما نطيبك ما طيبيني هااااحجر العافية عطيني غير تيقارخنساء: و حتى تعطيه ليا نتا بعدا و تدخل سوق راسكمراد:ما بقيتيش تحتارمي خوك الكبير ولا قد القب قد سطل ما بقيتي تحشمي ضسرك داك بوشعكاكة ديالكخنساء:اللي جبدني يلقاني انا ما بعيدااش قالك هبش هبش تلقا الحنشمراد: بغيتو يتلوا على طاسيلتكخنساء: يتلوا على عدوياااا و اللي ما يبغيني و اللي فقصتو يضرب راسومع الحيطمراد: ما كنحملكشخنساء: كن شفتي نتا وااا مقطر ليا من عويناااتيمراد: امم سليعفانة غير اللي ما عرفك عااافية تحت تبن اللي شافك يقول ما كتهز البيضة على دجاجتها ساعة ياها ياااها و بخبيييييزتك و ببغريرتك و بكييكتك و بمخمرتك و بحرشتكخنساء : رسالة الى كل من يكرهني ربي خلقني ليك عقوووبةمراد: [ ميق فيها ] كي دااايرةخنساء : لااابس الحمد للهمراد:تفوووخنساء: على كماااارتكسمع تيليفونو كيصوني جبدو و شاف فإسم المتصل طلعات ليه فشاشة " سلطان " طرطق عينو على وسعهم و رجع شاف فيها ....خنساء: شكون ؟؟؟مراد:كتعرفي بوعو ؟؟خنساء: و دابا بلا تفلية شكون ؟؟؟مراد: الرعب شخصياااالموس_______م الثاني الجزء 329 حرب الهوسمراد: ياااا بسم اللهدوز الخط و خنساء ما عارفاش اصلن شكون متاصل بيه ....سلطان: شنو درتي ؟؟مراد: الله يا خويا ناس تايقولو غير سلام بعداسلطان: ما خليتيهاش معاه ياكمراد: راها قبااالتي مبلقة فيا عينيها كي موكةخنساء فتحات مقلتيها على مصرعيهما ...خنساء: واش كتهضر عليا أ دحش معامن كتهضر أ بعدامراد: مع خالتك ميلودةخنساء: وا سلم عليهامراد: كتسلم عليك خنساء و قالت ليك توحشاااااتك غاتقطعك من جنابها تبارك الله كيعجبها تهضر عليك قبيلة ذكرتك ليها علاين تبكي بقوة ما توحشاتك قالتلي إمتى نشوف خالتي ميلودة و راها كتسلم عليييك و قالت ليك كتحمااااق و كتمووووت عليك غير خاصك نتي تفهمي راسك و تجي تشوفيهاخنساء غير حالة فيه فمها صدمها هي فين قالت ليه هادشي . اما سلطان فغلباتو ضحكة من كلام مراد اللي فاهمو بلي كيحاول يوصل ليه دي ميساج غير بالفن ...سلطان: قولها حتى هو توحشك بزااف لدرجة ما بقا قادر يصبر حتى ثانية بلا بيك لدرجة كيتحرق فنهار بليار الف مرة و صابر على قبلك حيت عارف قد ما طال غيااابنا على بعضياتنا غايجي نهار اللي نتلقاو ربما القدر فرقنا و لكن قولها بلي غادي يجمعنا شي نهار حيت هادشي اللي كيوقع لينا و بعدك عليا كيزيد يعلقني بيك و كيزيد يعرف كل واحد مكانتو فقلب لاخور قلها ما تبكيش بزااف حبيبك رجع و غايفكك من يقين و غايعالجو بإذن الله باش يعيش حياتو طبيعي بحال الناس قولها بلي ما بقاش بزااف و نتلقاو قلبي حاس بيها قلها بلي عمرك حيدتي من بالو و حتى الفرحة ديال أنني وقفت على رجلي ما كنحسش بيها وهي ماشي معايا حيت هادشي كامل وقع بفضلها من بعد الله سبحانه قلها بلي سلطان ولا عايش على قبلك واخا وليت عصبي و كمااي كنعتارف بيها و لكن قولها ما كاينش اللي غايبغيك قد هاد العصبي و هاد الكماي و عمرو تخلق هدا اللي غايبغيك قدي و لا غايتخلق قلها بلي سلطان رجع و رجع معاه الضهر و السند اللي غايحامي عليك من كلشي و غايحرسك بحال شي ملاك بجناحو و عمرو يخلي ولو شعرة تأديككمل كلامو و قطع على مراد و رجع كولو عروقات بحال كان كيضرب ألاف الأميال و هو فقط قلبو اللي كيتسارعو نبضاتو كلما تكلم عليها و لا جبد حسها رجع راسو اللور و شاف فبكية ديال الكارو اللي كانت حداه حتى قرب ياخد وحدة باش يكمي و لكن تفكر خنساء واش غاتقبل تقابلو هاكا فمو زرق بالكاوارو و عصبي بلا قياس واش تقبل بيه و لالا ؟؟ لا أكيد ما غاتقبلش عليه خاصو يحاول ينقص من هاد الباكي ديال الغارو اللي كيسف واحد مورا واحد و كيزيدو يشخدوه اكثر ما راه شاااخد بلا مايشعر ضرب البكية مع زاجة ديال الطوموبيل و تكا براسو على الفولون ديال طوموبيل كينهج ....أما مراد بقا حال فمو منين سمع كلام سلطان اللي طيح ليه اليد مع الرجل ديال بصح خنساء بقات غير كتشوف ما عرفاتوش كاع علاش مصدوم و حال فيها فمو ...خنساء: تا مالك حال فيا فمك كي الضبعمراد: و راه مخ الضبع نييت اللي موكلة لرجالةخنساء: شناهوخنساء:وري ليا هاد الفقيه أ ختي اللي كتمشي ليه ها العارخنساء:تا علايش داوي ها ناريمراد: ختي خنساء برجولة واش معلقة شي حجاب ؟؟خنساء: مراد واش شوية لابس ؟؟؟مراد:متأكدة نتي منحوسةخنساء: و ما كاينش شي نحس فالعالم بحال لي عندي هادشي عاد عرفتيه دابا اش جاب مخ الضبع للحجاب للنحس لخالتي ميلودة اللي هضرتي معاهامراد: و راه كلشي على ديك خالتك ميلودة اللي عيطاتخنساء: شنو قالت ليك ؟؟مراد: [ تكلم بهمس ] ما قالت والو انا اللي تقليت فالزيت معاكم يااربي اش درت باش نتخلاق مع تريكة زعيمي غير واحد هبيل بوراقيه و لاخور أحمق بالطااابع [ شاف فخنساء اللي ما فاهمة حت وزة ] نوضي جمعي لوقفة نشوفو داك الهبيل ديال خطيبك اش تايدير بحال والو يكون تلاح من داك سرجم أ حقا ما حقا بعدات عليا خنسااء و ينوض يبكي لينا تماك نووووضي يا الموصيبة نوووضي نوضي يا المغيصيبة يا المهيبيلة اللي طيرتي لتريكتنا العقل