💞 قلوب أرهقها العشق 💞 بالدارجة المغربية

💛الفصل 44 💛

الجزء 133قلوب أرهقها العشق يقين دار يدو من تحت راسها و يد من تحت ركابيها و هزها من من فوق الكرسي اللي كان جلدو ابيض انتابه لبقعة دم كبيرة مرسومة فيه غمض عينو و عاود فتحهم ...يقين : هادي البيريود أ خنساءخنساء بقوة الحريق غايبة و لكن كاتسمع شنو واقع و حاس بيه هزها فحضنو ...خنساء:ك..ك..كيفاشيقين : والو والوخرجها من الورشة و بان ليه الباب ديال بيتو محلول حطها من فوق ناموسيتو و رجع وقف داير يدو فجنبو و عاض على شنايفو غايطيرهم من بلاصتهم عارفها عندها فوبيا من دم دابا شنو غايدير ؟؟ كاين حل واحد اللي هو سكينة اللي غاتنقدو ....خرج من تماك و اتاجه لعند سكينة للكوزينة لقاها هازة تليفونها مكونيكطية ....يقين : سكينةهزات راسها شافت فيه و ناضت عندو كطير ...سكينة : نعام أسيدييقين : خنساء خرجات ليها ليغيكل من سروال واش ممكن تنقي ليها حالتها و تسلفيها شي حاجة من عندك الا جات على خاطركسكينة إحمر وجهها خجلا و حنات راسها و حركاتو بالايجاب ...سكينة : واخا اسيدي ما يكون غير خاطركعطاها بضهر و هي تبدا تندب حيت حشمات منو زعما رجع ضار عندها و هي توقف مستقيمة ...سكينة : واش بغيتي شي حاجة اخرىيقين : امم معرفتش شنو كتديرو نتوما البنات باش كيهمد عليكم الحريقسكينة : فليو و زعتر و الخزامة و الما سخونيقين : حيد عليا شمن زعتر و لا ليقامة كنهضر ليك على الدوا واش ما عرفاش سمية ديال شي دوا كيكالمي الحريقسكينة : لا اسيدي انا عارفة غير العشوبعطاها بضهر ؛ و رجعات سكينة كتولول غير هي و راسها و هو يعاود يضور و وقفات مستقيمة كيفما العادة ...يقين: عفاك ديري ليها شي حاجة من هادشي اللي قلتي كيكالمي الحريق على ما نجيب ليها الدوا و غير بشوية عليها راه عندها فوبيا من الدم عنداك تمشي تشوفو ما تلومي الا راسكسكينة : و..واخا أسيدي شي حاجة اخرى ؟؟يقين : والوعطاها بضهر و رجعات حمرة حمرة كي مطيشة كتندب و تقول مع راسها ...سكينة : ياااويلي على راجل جالس يهضر معايا على شغل نسا ما حشم ما رمشعاود ضار و شاف فيها و هي تجمد فبلاصتها ...يقين : ما تعاوديش تقولي ليا سيدي شحال من مرة غانقولها ليك و عاودي صاوبي الكريب لخنساء راه عجبوها واش اوكيسكينة : اووكي أ يقينيقين : هاكاك الله يرضي عليكعطاها بضهر و رجعات دايرة يديها من فوق راسها و هو يعاود يضور يشوف فيها هبطات يديها بسرعة و مع ابتسامة صفراء قالت ...سكينة : أشنو حب الخاطر عاود اسيدييقين : تحركي و نتي مزال واقفة هناا راه البنت كتوجعسكينة :و..واااخا أ يقين وااخاخرجات كتجري من الكوزينة ما عارفة فين تخبي وجهها خصوصا من مور هاد الحوار الي وقع مع يقين و كيفاش هضر معاها على الدورة الشهرية اللي كتعتابر من بين الطابوهات اللي ما خاصناش نهضرو فيها مع الراجل مع الاسف مع العلم انها حاجة بيولوجية عادية دايرها فينا الله سبحانه و تعالى ....