💞 قلوب أرهقها العشق 💞 بالدارجة المغربية

💥 الفصل 24 💥

تخطات سلطان اللي كان جالس حدا فريد على جيهة ديال ليسر خنساء مركزة غير فالتلفازة ماكتشوفش كاع فيه حتى جلسات حدا فريد على ليمن اللي دور يدو من مور كتفها وجرها لعندو معتابرها بنتو اللي ماعطاهش ليه الله اصلن هو عزيزة عليه خنساء بزاف ومعتابرها بنتو من نهار حطات رجليها فدار عندهم ....فريد :هههه اش داه يتخاااطر معايا ماضربو حد على يدوخنساء : هااااح على كريستيانو ما عرف مالو مسكين زعما موالف تايلعب مزيااان شنو وقع ليهمراد اشار بصبعو لفريد و قال ....مراد: داااك الشااارف اللي قوس ليا عليهفريد : [ شاف فمراد ] و شااارف و غلبتكخنساء:[ شافت فمراد ] ما تفقدش الامل مزال الماتش طويل أنا عندي إحساس ان كريستي غاياخد ليك حقكسلطان نسا الماتش بقا غير كيشوف فخنساء اللي ما مسوقاش ليه عاد انتابه لصورة ديال كريستيانو اللي فالتيشورت كرز على يدو بعصبية أما منين نطقات كريستي كإسم دلع لكريستيانو حس بقلبو تزير عليه و دار فيها ديك الشوفة ديال من نيتك و هي ما كتشوفش كاع لجيهتو و خالياه هو كيتشوى بنار الغيرة الحارقة اللي كتمزق كل خلية من جسدو ...خنساء لمحات تشيبس محطوطة فالزلافة كبيرة من فوق الطبلة هزاتها و رجعات جلسات حدا فريد و تركيزها غير مع التلفازة كتحشي ففمها و كتعطي لفريد اللي حتى هو مركز مع تلفازة و تايكل من يديها و معنقها عندو ....سلطان شوية و ينفاااجر و هو كيشوف فخنساء بين يدين باه و جالسة توكل فيه ما ينكرش بلي حسد باه فهاد اللحظة ما كرهش يطيرها ليه من يديه و يربيها على هاد التجاهل اللي كدير ليه فيه هي كاتكل براحة و تاتفرج و هو كايتعدب كيحس بداك شوية ديال الصبر اللي بقا عندو غاينفذ فأي لحظة...زادت طين بلة منين ماركا كريستيانو بيت و قفزات من مكانها و غوتات ....هنساء : براااااافو حبيبي كريستيمراد: حبيبنااااا كاااااملين هاكاك أ كريستيانوحس بصدرو كيصعد و ينزل و هو كيشوف فيها كتنادي كريستيانو بحبيبي اللي ما عمرها ما ناداتوش حتى هو بيها بأشمن حق طلق عليه هاد لقب اللي من حقو هو ما حس براسو حتى ناض من بلاصتو و غوت حتى قفزهم كاملين ...سلطان: بحااال زدتو فيه لاااشاف فخنساء نظرات ديال القتيل نييت عينو حومر و عروق يدو بارزين بقوة ما مزير عليهم كيحس براسو مغلغل بالبيان ...خنساء بقات غير كتشوف فيه و مراد و فريد حتى هوما عطاهم بالضهر و طلع خلاهم غير هما مجموعين فالسيجور ... الموس_______م الثاني الجزء 372 حرب الهوسسلطان بمجرد ما طلع لبيتو زدح الباب واحد زدحة قوية مخنزر و مكره مرر يدو على شعرو كيقلب على الباكية ديال الكارو ديالو لقاها و حطها حداه جبد الكارو لول و كماه و كل ما كيتكرر فودنو " براااااافو حبيبي كريستي" و باه اللي كان معنقها و كيفاش كانت كتوكلو من يديها فالبلاصة سف الكارو لول حطو فطفاية و جبد الكارو ثاني و شعلو و يدو كيترعدو و هو كيتفكرها بداك اللباس و كيفاش كانت كتشجع فكريستيانو عاود سف الكارو الثاني و جبد الكارو الثالث شعلو و رجع راسو اللور و بدا ينفث دخان العالق فصدرو حتى حس بلي تهدن شوية و صافي اما هو راه مزال شاااخد وقف و غمض عينو و تنهد طفا الكارو فطفاية و جبد الكارو راابع شعلو و تمشى حتى وقف حدا البالكون ديالو اللي كيطل على لابيسين اللي لتحت و هو يتفكر اول نهار شافها فيه .... فلاش باكمراد : قولي سلطااااان خاااايب و ماااايسواش على حر جهدكخنساء حركات راسها بنفي و قالت ...خنساء: ما نقدرش نقول عليه هاد الهضرة غير بدل لشي حاجة اخرىمراد: واخا قولي سلطاااان هو حبييييبييي يااالاه قوليهاخنساء: واااش نتا احمق اش هاد الحكام ديال زمرمراد : طووووومخنساء قفزات منين سمعات طوم كينبح ...خنساء: واخا اوكي اوكيبقات ساكتة مدة و هي تطلق حلوقها كيفما طلب منها مراد ...خنساء: سلطاااااااان هو حبيييييييبيمراد: سلطاااااان هو نصييبي قولييها يالاهخنساء: سلطاااان هو نصييبيمراد: سلطااان هو رووووحيخنساء : سلطاااان هو رووووحيمراد: سلطاااان هوووو الحبخنساء طلع ليها هادشي فراسها قالت لي ليها ليها حلات عينيها و قالت بصوت غاااضب و مرتافع ...خنساء: سلطااان هو الخرااا و بعد منيي هاااا حجر العااافية شنو بغيتي عندي سلطاان هو حبييبييي سلطان هو نصيييبي لواه سلطان هو موسيو زمراني نهاية الفلاش باكانبثقت ابتسامة خفيفة من شفايفو فاش تذكر اول نهار كيشوفها فيه و الكلام اللي تفوهات بيه ما قدرش ينساه بقوة ما تحفر فذاكرة قلبو قبل من عقلو على الاقل هاد الذكرى خففات على ما بيه و على الاقل قالت ليه حبيبي و روحي و الحب قبل ما تلاقاه و لكن هادشي ما كيشفعش ليها قدام الفعلة اللي دارت هاد نهار و كيفاش كتدلع إسم راجل من غيرو و تناديه بحبيبي ما بغاتش تسرط ليه عيا يدوزها و وااالو ما بغاتش تسرط ...طفا الكارو الرابع فطفاية و جبد الكارو الخامس حطو ففمو و هز البريكة باش يشعلو و هو يسمع الباب تحل بالهزة باش كيهز راسو كيشوف فخنساء داااخلة كتمايل بجسدها رشيق كيف شي فراشة مع شعراتها اللي كيتراقصو معاها كأنها حورية جميلة ....خنساء : سلطانسلطان طلعها و هبطها و بغا يشعل الكارو ما بغاش يتسوق ليها كيفما ما تسوقاتش ليه فاش نزلات لسفلي و خلاتو كيتكوى و يتشوى كيف شي حوتة فالزيت علاش هو يديها فيها ؟؟؟ واخا كيحس بعينيه كيخونو العهد اللي حاطو بينو و بين راسو و بين الفينة و الأخرى كيمشيو ليها بلا ما يشعر ....خنساء: حببببببس اش كاااااتديرقربات ليه و بغات تحيد ليه الكارو من يدو و لكن عطاها بضهرو خلاها بلاكة و قرب البريكة للكارو باش يشعلو و هو يشوفها واقفة قدامو كتخنزر فيه ...خنساء : حيد داااك الوييل الكحل من يديييك من إمتى ولييتي كمااي ؟؟؟سلطان طلعها و هبطها و كيرمقها بنظرات خطيرة خلاتها تصرط ريقها و توتر ....خنساء: و راااه هضرت معاك عطيني خو جواابي و نتا جالس تطلع فيا و تهبط مالنا ما نخافوش ؟حيد سلطان الكارو من فمو غير بشوية ما شعلوش اصلن شكون خلاه و نطق بصوت هامس رجوولي اجش ...سلطان: لا نخافوخنساء : وااا هكاااك علااش تاتكمي علاااش بغيت نفهم ؟؟؟سلطان : حمدي الله اللي غير كانكمي اما نتي راك تردي الواحد غادي فطريق و يشير بالحجر و يقطع حوايجو و يقول واك واك أ عباااد اللهخنساء بقات ساكتة كتشوف فيه تنهدات و قربات ليه حتى بدا كيفصلهم سنتيمترات قلال ...خنساء :[ربعات يديها ] دابا ما غاتحيدش هاد البلية ؟؟سلطان جاوبها بعيون ذايبين فيها مع نبرة رجولية فحلقو خلات خنساء غير كتشوف ٠...سلطان: اينا وحدة فيهم كتقصدي ؟؟؟عض على شنايفو و رجع يدو من مور خصرها و جرها لعندو حتى تزدحات مع صدرو و هبط حتى لودنيها و همس بنبرتو الرجولية اللي كتخلي قلبها ينبض بقوة ....سلطان : الا كنتي كتقصدي الكارو دعي معايا ربي يعفو عليا اما الا كنتي كتقصدي البلية ديالك من عندي انا لهلا يعفو عليا الموس_______م الثاني الجزء 373 حرب الهوسداير ليزيكوطور فودنو و متكي فوق سريرو غير بشورط و ساهي فالفراغ و كل تفكيرو عند خنساء و ذكرياتو معاها و خصوصا صوتها اللي كينساب لمسامعو كيبتاسم مرة مرة فاش كيتفكر حديثهم و ضحكهم مجموعين و كيفاش كتخاف عليه فاش كايكون مريض و لا فاش كينتاحر عنق المخدة و كيفكر غير فالنهار اللي غاتولي ملكو و يقدر يعيش معاها جنون الحب بمجرد ما كيفكر فهادشي كيشعر بسعادة فقلبو لا توصف و عويناتو كيلمعو كايبغيها حب جنوني و مستحيل يتفرق عليها داكشي علاش كيفكر فموعد زفاف ديالهم و كيف غاتجي خنساءو ففستانها الابيض و كيفاش غاتكون طالقة شعرها الحريري الأسود اللي كيتمنى يغفى فيه حياتو كاااملة و ما ينوضش منو كيسطيه بزاااف ....توحشها واخا عاد قطع عليها دوز ابيل فيديو باش يهضر معاها ساعة ما جاوباتوش عيا يصوني والو عرف بلي غاتكون نعسات و لا تكون كتعشى و لا مشغولة ...وهو فخضم تفكيرو كيتحل الباب و دخلات بذرة هازة بلاطو فيه صلاد مع العصير و المااا ....بذرة :و هاااا هو العشاااا ديال سيدي يقين واجديقين غير سمع صوت بذرة ناض من سريرو و وقف...يقين: علاش طلعتيه و عذبتي راسك كن عيطتي ليا نهبطبذرة عينيها غير على الجسد ديالو و مرة مرة تصرط ريقها و ترمش و تخايل راسها معنقاه و حاطة راسها على صدرو نفضات هاد الافكار من راسها و هزات عويناتها جاو نيشان فشنايفو بدات تخايلو كيبوس فيها غمضات عينيها و عاودت فتحاتهم كتستغفر الله فداخل ديالها و تنعل أفكارها المنحرفة اللي ديما خارجين عليها ...بذرة : كح كح عذابك راحة أ سيدي يقينحطات ليه البلاطو من فوق الطبلة اللي عندو فالبيت ديالو و ربعات يديها كتشوف فيه و نطقات ...بذرة : كيبان ليا فيك عيان بزاافيقين جلس من فوق الكرسي و هز فورشيط و جلس كاياكل فذيك لا صالد و قال ...يقين : الرسم خذا ليا نهار كامل عييت صراحةبذرة جلسات مقابلة معاه فالكرسي ...بذرة : حرام هاد الزين كاامل يعيييقين ابتاسم و ما جاوبهاش كاياكل حاني راسو حتى نطقات بذرة ...بذرة : كيف جاتك لاصالد عجباتكيقين : مزيانة غير هي مسوسة شويةبذرة : الملحة ما مزياناش ليك خاصك تهلا فصحتكهز يقين عويناتو الخضيضرين و قال بإبتسامة ...يقين : من إمتى وليتي طبيبة ؟؟بذرة : سبع صنايع و رزق ضايع غير هو زهر ما كاين فهاد البلاد السعيدةيقين : فوقاش غادوزي l'exam ديالكبذرة : فالشهر الماجييقين : كتمشي لافاك و لالا ؟؟؟بذرة : كناخد غير دروس من طيليفاك و من عند واحد صاحبتي كنخدم غير فالدار و مرة مرة كنمشي ماشي بزافيقين : مي خاصك تحضري ليكور هاكا ما غاتستافدي والو او لا ؟؟بذرة : تمنيت حتى انا نحضر و لكن كنبريكولي و كنخدم ما مساليااشيقين : نتي تعرفي غير كنصيحة من أخ و صافيبذرة : شناااهو كيفاش نصيحة من اخ واش خارجين من ثقبة وحدة ؟ لا واش مراضعين من بزولة وحدة ؟ لا إوا فين كتعرفني باش تكون خويايقين غير كيضحك و كاياكل خاليها تهضر و تعبر ولف على كلامها ....بذرة : وااا جاوبنييقين حبس الماكلة و مسح يدو بكلينيكس و فمو و شاف فيها و قال بصرامة و جدية ...يقين : بذرة انا خدمتك هنا حيت بقيتي فيا و الخدمة ديال الكلينيك بليل صعيبة عليك و نتي مزال صغيرة شخصيتك زوينة واه و جريئة و قوية و بنت بسبعة ديال الرجال كيفما كتقولي و لكن كنظن خاص يكون بينا إحترام ما تشوفينيش كنضحك و كنسكت تقولي هذا نركب ليه فوق ضهرو انا معتابرك ختي و لا بحال بنتي و خاليك تاخدي راحتك معايا ما كنحملش تكون بيناتناالقضية ديال الباطرون و الخدامة و لكن فنفس الوقت خاصك حتى نتي تحتارميني خصوصا انني انا مخطوب ماشي ديال راسي فهمتي و نتمنى فاش تكون معايا خنساء اللي هي خطيبتي يكون بيناتنا إحترام أكبر من هكا سمعتي أ زوينةوقف و شرب الما و غمز بذرة اللي تكشرو ملامح وجهها و كرزات على يديها و عينيها حمارو كدليل على دموع اللي بغاو يغادرو عينيها من كلامو اللي لقا عليها بيه كيف شي سهم إختارق صمامات قلبها اللي ولا كينبض غير ليقين ....عطاها بضهر و تكااا على كرشو من فوق سرير قال ...يقين : بإمكانك تخرجي تصبحي بخير الموس_______م الثاني الجزء 374 حرب الهوسبمجرد ما قال ليها الجملة ديال " الا كنتي كتقصدي البلية ديالك من عندي انا لهلا يعفو عليا " حسات بدنيا كتراقص تحت من رجليها حتى من ركابيها ما بقاوش قادرين يحملو ثقلها فشلها بكلامو و ببحتو الرجولية اللي اصابتها بقشعريرة فجسدها الهزيل قلبها إجتاحوه أحاسيس جميلة و كن كانو عندو جنحان لو طار من قفصها صدري و مشا عند المعذبو و الهالكو و باح ليه بكمية المشاعر اللي هازها ليه نفس ما بقاتش قادرة تطلعها بقوة كلامو اللي كيدغدغ مشاعرها و احاسيسها و كيلجم لسانها ...بعد عليها و شاف فيها لقاها حانية راسها و كتبتاسم ...سلطان : تقاداو ليك معايا ابنت منانةهزات عويناتها و شافت فيه غالباها ضحكة حركات راسها بالإيجاب و هو يستاغل الفرصة و غمزها و نطق ...سلطان: شفتي حبيبك كريستي ما قادرش يقولك هاذ الكلامخنساء بدات كتوضاح ليها الصورة و بدات تفهم علاش تعصب لتحت و دار فيها دوك نظرات اللي خلاوها تكره راسها ...خنساء : و..واش على قبل داكشي تعصبتي قبيلة و طلعتي لهنا و ما كملتيش الماتشسلطان : ضوسيك عاامر ابنت منانة ما عندكش فيه غير حاجة وحدةخنساء: و راه عادي غير تحمست مع الماتش و صافي شنو فيها بقا فيك الحال حيت قلت ليه حبيبي كريستيسلطان عيا صابر و نطق بلا ما يشعر ...سلطان : اه بقا فيا الحال انا و عمرك قلتيها ليا و عاد زيد عليها هابطة و ما كتشوفيش لجيهتي بحال انا سور قدامكداك الكارو اللي كان فيدو رجعو لفمو و شعلو هاد المرة و عطاها بضهر و تمشى حتى وصل لبالكون كايكمي بيد و اليد لوخرى حاطها على الحديدة و مخنزر مكره ما حاملش نفسو كينفث الدخان من فمو مشكل سحابة فالجو . حس بيد دافيين التفو حول كرشو عرفهم ديالمن ابتاسم جنب و عجبو يدير فيها مقلق و يتفشش على الحيبان ...تعلات على صبيعات رجليها و حطات راسها على كتفو و قالت بهمس ...خنساء: سمح ليا ما نعاودش نقول ليه حبيبي كريستيدار عندها مخنزر هاز حاجب و منزل لاخور ...سلطان: لا غير عاوديهاخنساء: حبيبي كريستيسلطان خنزر فيها و هي تنوض تضحك عليه و حطات راسها على صدرو ...خنساء : صافي ما نعاودش غير بغيت نعصبك و الله مراد قاليا غيرتو صعيبة انا اللي ما سمعتشسلطان فرح حيت قريبة ليه لهاد الدرجة و تجرأت و حطات راسها على صدرو معنقاه بقوة و كأنه طوق نجاة ديالها من مآسي الحياة . بادلها العناق و زير عليها ...سلطان: عارفة العقاب اللي خاصك و لا ما عارفاشخنساء حركات راسها بالايجاب فصدرو و نطقات ...خنساء: عارفه أ سيد سلطان ههه