💞 قلوب أرهقها العشق 💞 بالدارجة المغربية

💥 الفصل 45 💥

الجزء 438 في مكان آخر و بالضبط فأرقى المطاعم وقفات سيارة من نوع كاط كاط فالابيض كان سايقها يقين اللي كان لابس ملابس انيقة و جامع شعرو طويل الذهبي التافت لعند سوسن اللي كانت جالسة فالمقعد الامامي قدامو لابسة كسيوة طويلة فالحمر و طالقة شعرها مع مايكاب بسيط و فرور ملوياه على كتافها من البرد ...يقين : وصلناحيد يقين الصمطة و خرج من سيارة و حل ليها الباب بكل لباقة و مد ليها يدو باش يعاونها تنزل لانها مثقلة مسكينة و فشهرها التاسع ...سوسن هاد نهار كامل و هي مصدومة فتصرفاتو كيعاملها كأنها أميرة عارفاه كيشفق عليها و عارفة بلي داير هادشي كامل على قبل البيبي و لكن هي مستمتعة بهاد الحب اللي كيعامله بيه واخا مزيف يكفي انه عاجبها ....دخلو لداك المطعم و تفاجئت سوسن من عدم وجود اي انسان فهاد الريسطو فهمات بلي حاجزو ليها ليلة و عازف الكمان كان واقف حدا الطبلة اللي كانت مزينة بالورد اللي متناثر ايضا على الارض بقدر ما تفاجئت بقدر ما تصدمت بقدر ما عاجبها هاد الجيسط اللي دار معاها يقين و اللي خلا قلبها يرفرف من سعادة و اخيرا يقين دار شي حاجة على قبلها و هادي فحد ذاتها إنجاز عظيم ....جرها حتى وصلها لطبلة و جر ليها الكرسي شافت فيه و تبسمات و بادلها هو ايضا الابتسامة جلسات و حنى باس على راسها سوسن بقات غير حالة عينيها فالفراغ قدامها اويلي واش هدا باسها و لا غير جاب ليها الله ....ضرب دورة و جلس اونفاص ليها و جا لعندهم سيرفور و طلب اطباق تليق بمقام ليلة الرومانسية اللي دايرها يقين لسوسن ....بدا عازف الكمان كيعزف موسيقى هادئة و هوما كيشوفو فبعض و توتر و الحشمة و الحب و العشق باين فعيون سوسن ليقين ....سوسن : شكرا على هاد الجيسط زوين كنت محتاجاهيقين هز يديها و قربها لفمو و قبلها بهدوء و رجع شاف فيها و قال ...يقين :تستاهلي اعتابريها كهدنة بيناتناسوسن : الهدنة كاتكون فالحروب و كنظن عمر انا و ياك ما كانت بيناتنا حرب ايقينيقين : انا اللي كنت داير حرب مع نفسي و مع ناس اللي فالمحيط ديالي و معاك فاليوم كانطلب منك سماحة على كاع اش صدر مني حيت بصح ما كنتش كانتحكم فراسي الحب ديالي لخنساء عماني و نساني شكون انا و نساني اللي ليا و اللي علياسوسن :انا مسامحك حيت اللي كيبغي ديال بصح ما كيتقلقش من طرف الآخريقين : انا بصح كنت كنتعامل قبيح معاك و جرحتك و آديتك ما مرة ما جوج و كلامك اللي قلتي البارح فيقني فكنطلب سماحة ما كنتش كنراعي أنك حاملة و لا انك كاتبغيني كنت كانشوف غير لراسي و ما قادرش نسامح لنفسيسوسن :نسى ايقين كيفما انا نسيت الاهم هو انك معايا تاما باقي ما كايهمش كنت عارفة بلي غايجي نهار اللي غاترجع ليا و تصلح اغلاطك حيت انا عارفك شكون نتا و عارفاك شحال قلبك ابيض انا ما جيتش وتعلقت بيك غير هاكاكجاب ليهم السيرفور الاطباق اللي طلبو و تعشاو في صمت مع نظرات بيناتهم و ابتسامات جميلة كتدوز ما بيناتهم مرة مرة فاش كيتلاقاو عينيهم مع بعض ...سالاو و وقف يقين و قرب لسوسن ماد ليها يدو كأنه يدعوها الى ساحة رقص ابتاسمت ليه و ناضت بتثاقل و حط يدو من مور ضهرها و شابك يدو مع يديها و بدات رحلة رقص ما بيناتهم بجوج كيرقصو بانسجام مع انغام الموسيقى الا انه كاين عائق واحد اللي هو الكريشة ديال سوسن ....يقين : [بإبتسامة ] بنتي حتى هي كاتشطح معاناسوسن : شنو قررتي تسميهايقين : زينب ديجا قلتها ليكسوسن : على سمية المرحومةيقين : ويسوسن : بغيتها تكون كتشبه ليكيقين : انا خايب من الاحسن تشبه ليك نتيسوسن :ههه نو بالعكس نتا اجمل راجل شفتو فحياتي علاش كاتقول على راسك خايبيقين :حيت عدبت ماماة بنتيسوسن :ماماة بنتك مسامحكيقين بعد عليها و حنى على ركابيه بطريقة رومانسية و جبد بواط ديال الخاتم من جيبو و هو راكع قدامها قال بصوت عذب حنين جميل مع ابتسامة و عويناتو الخضيضرين كيلمعو ....يقين :هي قابلة تزوجي بيا ؟؟؟سوسن استغرقات منها الاجابة عدة ثواني لانها ما استوعباتش بلي الامر غايوقع بهاد السرعة...سوسن : yes قاابلةناض يقين من الارض و شد يديها لبس ليها الخاتم و هي دموعها نازلين قربات و عنقاتو و قالت ...سوسن : i love youيقين مرر يدو على ضهرها و قالت بتأني مع تنهيدة ثقيلة خارجة من صدرو ...يقين : i love you tooخنساء: والو الجديد انا بغيت هاد ساعة غير نشطح و نتفاجى غايطلع انشاء الله عرس وااعرسلطان : بنتيلي عوالة تحيحيخنساء:بطبيعة الحال العرس ديال فردتي و ما نحيحش تشا راه امبوستحيلسلطان : الا بغيتي نحيح عليك حتى انا مرحباخنساء: شفتك دغيا بغيتي تزرب عليا و دير ليا فيها الخطيب الغيور شوف يرحم والديك الا العراسات غير كيفما بغيتي و لكن راه يتطلق الشعبي بربي ما كنعقل على مي اللي ولداتنيسلطان : هي كاتفقدي ذاكرة ؟؟خنساء: بحال هاكاكسلطان : الا بغيتي تفقديها مدى الحياة ما عنديش مشكلخنساء: واش دابا انا كارية تكشيطة و دايةالمايكاب و الحالة و ما نعرف اش باااش ندير اللي بغيت و نتا تقمعني هاكاسلطان مرر يدو على لحيتو و قال بهدوء ما باغيش يتعصب ...سلطان :الهضرة ماشي داباالجزء 440بعد مرور ساعة و نصف وقف الطوموبيل حدا الفيلا ديالهم وصلو مع الربعة ديال العشية نيشان ...فاقت طاسيلة خنساء و نزلو من اللوطو مدوخين بالطريق ....حظاو باستقبال زوين من طرف ميلودة اللي متوترة بزاااف ما هو عرس ديال ابنها الوحيد اللي شحال و هي توجد ليه ...الفيلا كانت خاوية فيها غير العائلة حيت أكيد المدعويين للحفل كلهم بطوموبيلاتهم و غايمشيو للقاعة نيشان ...سلطان غير دخل طلع نيشان لبيتو و خلا خنساء مع عائلتها لتحت و حطو ليهم يتغداو و من بعد عطاوهم بيوت باش يتكاو شوية على ما يبدا العرس حيت فغيمون باينة فيهم عيانين بطريق ...بقات غير خنساء مع منار و ميلودة فالكوزينة جالسة مجمعة معاهم ...خنساء:خالتي ميلودة بنتيليا مشطونة بزاف و تيليفون ما كيرصاش من صوني جلسي شوية رتاحيميلودة :الله يا بنتي ما كاينة راحةخنساء: كلشي غايدوز بخيرميلودة : ان شاء الله غير راك عارف مالين العرس واش كيجلسو ...ما كملاتش حتى كلامها و هو يصوني ليها تيليفون و ناضت من حداهم تهضر بقات غير منار الخدامة مع خنساء فالكوزينة ...خنساء: منار فين هو كمال ؟؟ههههمنار : رجعتي لحموضتك ثانيخنساء: بغيت نقول مروان واش خطبك و لا مزال مجرجركمنار وراتها الخاتم ديال الخطوبة ...منار : تخطبنا احبيبة و الشهر الماجي العرسخنساء: امم اوا مبروك عليكم أ زين بالرفاه و البنينمنار: حتى نتي مبروك عليك الخطوبة مع سي سلطان فرحت ليكخنساء: الله يبارك فيكمنار : غير هو ما بان ليا خاتم فيديكخنساء تفكرات بلي كانت باغا تهضر مع سلطان فهاد الموضوع بصح ما جابش ليها الخاتم صرطات ريقها بصعوبة و قالت ...خنساء: غير فاش غسلت يدي فالحمام خبعتو يا ختيمنار : اوا ردي ليه البال ازينخنساء ناضت و خرجات من الكوزينة و طلعات نيشان لبيت ديال سلطان دقات و منين ما جاوبها حد دارت شرع يديها و دخلات و بدات تعيط ليه ...خنساء: سلطاااندخلات لداخل و ما لقاتوش حتى شافت الباب ديال الدوش تايتفتح و سلطان خارج ملوي الفوطة فالاسود على نصو مع فوطة صغيرة شوية ملويها على عنقو و تيمسح بيها خصلات شعرو الاسود المبلل ...ريحة رجولية ديال باندوش و شامبو مخلطين فايحين منو و ريحتهم كتدوخ اي انثى خنساء بقات كتشوف فيه و مطلعة النفس باش تستنشق أكبر كمية من العطر ...لمحها سلطان واقفة تصدم و قرب ليها و ربع يدو و حرك راسو بمعنى اش كاين ...سلطان : خنساء ياك لابس ؟؟خنساء تلفات ليها الهضرة بقات غير مبلقة فيه عينيها و فجسدو الرياضي و ريحتو صافي يا ختي جابت ليها تمام ...خنساء: دابا هو انا جيت على قبل ...سلطان : على قبل ياش ؟؟خنساء:حتى تلبس حوايجك و نهضرو دابا ما معاك هضرة اخوياسلطان ابتاسم و قال ...سلطان : تسناي غاندخل لبس حوايجي و نجي عندكخنساء: و طلق راك كدير الفتنةسلطان قرب ليها و ضرب صبعو مع نيفها و قال بحنان كيبورش ...سلطان : ياك كنفتن غير حبيبتي و قريب كلشي يولي ديالهاغمزها و عطاها بالضهر خلاها غير كتبلع فريقها و قلبها كيضرب فالالف جلسات من فوق السرير مربعة رجليها و كتشوف فالبيت و تعاود تفكر ذكرياتها معاه من نهار جات ليومنا هذا ...دازت دقيقة خمس دقايق عشرة دقايق و هو مزال ما خرج ...خنساء: ويلي يا سلطان واخا تكون نتا هو ماريا العروسة ما تجلسش هاد الجلسة كاامل....ما جات فين تكملها حتى بان ليها سلطان خارج من دريسنغ روم لابس كوستيم فالاسود مع صباط مسيري كيلمع و مقاد شعرو و لابس غورميط فيدو مع ساعة رجالية اضفت رونق خاص على المضهر ديالو ناهيك على ريحتو الرجالية اللي رش قبل ما يخرج طلة ديالو كأنه أمير خيالي هارب من احدى الرسوم الكرتونية الجميلة ....ما حدو كيقرب ليها ما حدها كتفتح فمها و عيونها معا . حتى وقف على راسها و قال ...سلطان : سمحيلي تعطلت عليكخنساء: [ اشارت ليه بصبعها و قالت ] نتا هواللي غناو عليك صباطو مسيري عندو القدام و كتافو عراض و ديال سلهامسلطان : [باستفهام ] نعاام ؟؟خنساء: علاش لبستي حوايجك ا خويا تا شكون هاد الحمار اللي قالها ليكسلطان : خنساء واش نتي شوية لابس ؟؟؟حنى على ركابيه كيقيس ليها درجة الحرارة ...سلطان : لا أ حبيبتي باردة ما فيكش سخانةخنساء: و راك نتا سخانة شخصياا تا علايش توحمت خالتي وفاء فاش ولداتك ؟؟سلطان : [ابتاسم ] هادشي كامل حيت عجبتك و كتغزلي بياخنساء: هاد الغزل اللي كندير انا هو اللي تايقولو ليه الرومانسية ديال العبار و ديال الله يحسن العوان و ديال درهمسلطان هبط راسوو ضحك و رجع شاف فيها و قال ...سلطان : ناس تايقولو جا معاك الكوستيم احبيبي و لااا واتاك لونواغ أ مون أ موغخنساء: داكشي ديال ناس اللي بعقلهم اما ناس اللي بحالي تافهين داكشي ما كيعرفو يخرجو من فمهمالجزء 441سلطان : داكوغ مقبولة منك أ حبيبة قولي اللي بغيتي علاش جيتي عندي ممكن نعرف ؟؟؟خنساء: الزيغة و قلة الحكامسلطان : خنساء شنو كاين ؟؟خنساء:ما كاين غي الخيرسلطان : و علاش جيتي عنديخنساء: ما عرفتش كيف ندير نشرح ليكسلطان هز يديها باسها و قال مع ابتسامة ...سلطان : خنساء شرحي كيفما عجبك انا غانفهمك أ حبيبة غير قولي شنو عندكخنساء: غير بغيت نقول ليك فين هو خاتم الخطوبة ؟؟سلطان طول شوفة فيها و بقا ساكت حتى ترسمات على وجهو ابتسامة و قال ...سلطان : هدا و كان بغيتي الخاتم ؟؟خنساء: و راه ضروري باش كلشي يعرف انا راني تخطبتسلطان : مدام قلبك ملكي انا تا ما باقي كيبقى غير رمزيات فقطخنساء: و يكون رمزيات و لا شكليات تاشري ليا خاتم الخطوبة اصاحبي هادشي راه من حقوقيسلطان : فاش غايجي وقتو غانشريه ليك دابا تابعنا شلا حوايج ما عوالش تنوضي تلبسي حوايجك باش نمشيوخنساء: اينا حوايج ؟؟سلطان : الماغياج غايبدا من دابا ساعة و انا خاصني نمشي نجيب ماريا و مراد من عند الكوافورخنساء: امم نتا اللي غاتجيب العريس و العروسةسلطان : ويخنساء: نتا الوزيرمدات يديها كتعاوط ليه الغرافاط و هو حاضيها شنو كتدير ...خنساء: جيتي فسر صراحة نخاف بنات طاسيلتك يبقاو حالين فيك فمهمسلطان : لا ما تخافيش من هاد ناحية قولي لماماك بلي غاتمشي معايا انا و هما غايمشيو مع الواليد و الواليدةخنساء : واخا غانمشي نعلمهم و نلبس و نجي عندك اوكيوقفات و وقف معاها و جرها من يديها حتى ضربات فصدرو و قال مع جدية فصوتو ...سلطان : ما تكتريش المايكاب و من الاحسن ما ديرهش كاع الله يرضي عليكخنساء: و يكون خيرسلطان بقا شادها من يديها و عينيه كينتاقلو من عينيها لشفايفها و مع قريب ليها سيد تكالا فيها ديال المعقول ماكرهش يبوسها من شفايفها و لكن واعد نفسو بلي ما غايقيسها حتى يعقد عليها و تولي ديالو ...خنساء وترها بدوك الشوفات و قالت...خنساء: أ الحاج رخي من يدي بغيت نمشيسلطان رخى من يديها و بعد و حنحن و قال مع ابتسامة ..سلطان : غاتلقايني كنساينك لتحت فطوموبيل داكوغخنساء: داكوغ هانا مشيت و ما تخافش وصيتك غاندير بيها بإذن اللهسلطان : خلينا مزيانين واخاخنساء: الله اودي كن هاني نعس على جنب راحةسلطان حرك راسودائريا و قال و هو كيحك لحيتو ...سلطان : هاد كن هاني انا كتخلعنيخنساء: و الله كلمة ديال العيالات