💞 قلوب أرهقها العشق 💞 بالدارجة المغربية

💥 الفصل 43 💥

الجزء 431 المغربالتحضيرات ديال الخطوبة غادة على ما يرام و كلشي وجد فالدقيقة تسعين نهار كاملو من صباح و هوما واقفين حاسين برجليهم و ضهرهم طااابو ..تزدحات خنساء على سداري و شافت فياقوت اللي جالسة و كترعد غير هي و عظامها متوترة بزااف ....خنساء: اووف يا ختي معدرهم قالوها شي يعرس شي يتهرس هي ديالي اناياقوت: اوا ما نوقفو ليك فعرسك انشاء اللهخنساء: وا نوضي لبسي حوايجك راه غايكونو قربو يوصلو و نتي جالسة تقفقي غير نتي و راسك بحال شاداك الباردةياقوت: يا ختي فيا واحد الخلعة و واحد التوتر و كرشي كضرني و قلبي كيزدحخنساء: غير الحب هذاك نوضي نوضي لبسي شي قفطان ديال جوهرة و هني الوقتدخلات منانة عليهم لقاتهم مكسلين ليها فوق السداري ...منانة : توما نوضو الله ينوض ليكم الحس ناس قربو يجيو و نتوما جالسين ببيجامتكم يا المبهدلات واش ناس يولدو البنات و انا كنولد الخطياتخنساء: انا ما عليا والو ها بنتك اللي جايينها مالوهم جاييني انا هي اللي خاصها تنوض و تسمق و تقادمنانة: وانوض حتى نتي ما عرفتي يجيبو معاهم شي شاب و يحط عليك العينخنساء: لواه يحط عليا الودنمنانة: وا غير نوضي الله يرضي على بنتي حشومة تبقاي بديك البيجامة كااشفة حدا ناس ياقوت عطيها الفراشة ديالك زيتية و نتي لبسي ديك جوهرة المخططة بصفر و الكحل غاتجيك فنةياقوت: واخا اميمنانة :وا هي دابا و نوضووو بلا ما تعصبونيسدات عليهم الباب و ناضت ياقوت لبسات جوهرة اللي قالت ليها ماماها و دارت شدة ديال درة على شكل توربان كتخلي العنق كيبان و دارت فيها سنسلة ديال ذهب مع حويلقات ديال الذهب قادات مايكاب خفيف و طاح عليها السر و خنساء غير حاضياها و فرحانة لختها و كتمنى يصدق ليها هاد الراجل و ما يصدقش بحال راجلها الاول ....ياقوت: كيف جيتك ؟؟ ..خنساء: غزالة خاصك غير الكرونياقوت: وا نوضي تلبسي حتى نتي الله يرضي على بنتيخنساء: مالكم خايفنيني نحشم بيكمياقوت: غاتنوضي و لا غانجمعها معاك بشي تصرفيقةناضت خنساء بشوية عليها حيت كتحس برجليها كيتنملو عليها لبسات الفراشة زيتية اللي قالت ليها ماماها و مع جاي ستيلها عصري جاتها كتحمق و طلقات شعورات و رشات العطورات و دارت ماسكارا خفيفة و جلسات من فوق السداري و هزات تيليفونها كتخندش فيه و دايرة رجل على رجل ما مسوقاش ....ياقوت : فخبارك اللي شافك يقول نتي اللي جايين يخطبوك ماشي اناخنساء هزات راسها و شافت فيها ديك الشوفة ديال من نيتك ....خنساء: لواه البعابعياقوت : و الله حتى جيتي فنةخنساء : انا اصلن من ديما زينة ماشي عاد اليومياقوت : الثقة فالنفس كتعطيها صليةخنساء: الا ما ثقتش فراسي فيمن بغيتيني نثيق ؟؟؟ياقوت :و نتي فوقاش عوال يخطبك المغني ديالناخنساء: هاداك بو لحية شفتو ساااكت فاش كنت معاه كيبقى عليا نخطبك و نتزوجو و كدااا و فاش جيت لدارنا شفتو ضارب الطمياقوت: رجال ما فيهم ثقةخنساء: لا سلطان مسكين ثقة و نص غير هو ساكت على شي حاجة تحت راسو تانعرفو انا داك البانضيياقوت : اوا ما نعرف قالها لواليديه بعداخنساء: ماماه ما بغاتوش يتزوج بياياقوت: ناري ما تقوليهاشخنساء: اصلن ما نستغربش حيت نحسي ضروري خاصو يتدخل فشي قنت اصلن انا كنتصدم فاش كضحك ليا الحياةياقوت : اوا و شنو غاديري الا ما بغاتشخنساء: تشرب الوادياقوت : اويلي واش من نيتكخنساء: نخطفو ليها و نتزوج بيه و نوريها ترفضنيياقوت : واش من نيتكخنساء: أ ختي و الله ما نعرف قالي سلطان خليها علياياقوت : حيت واقيلة كنتي مخطوبة لخوه داكشي علاشخنساء: اوا أ ختي المكاتيب انا قلبي بغا ليا سلطان و زايدون يقين محمل وحدة اخرى و شحال كدب عليا اودي خلي داك جمل راكدياقوت : و حيت فشكل تكوني مخطوبة لولدهم و يصدق خاطبك ولدهم لاخورخنساء: و داكشي مكاتيب قضاء و قدر و انا كنت شفت فواحد البرنامج واحد مشا يخطب لولدو البنت ما بغاتش الولد و بغات باه و تزوجاتوياقوت : وا المهم الله يدير تاويلخنساء : امين و قرصيني باش نتبعكياقوت طيراتها منها بقرصة حتى غوتات ....خنساء: اااح يدين هادوك و لا لقاااط أ صاحبتيياقوت : فخبارك توحشت زينب علم الله فين غاتكون دابا تفكرت نهار اللي كان باغي يخطبها فيه داك عصاامخنساء : اودي انا شي مرات كنتفكرها و كانوض نبكي و الله رغم ان داكشي اللي دارتو ما كيدارش و لكن الواحد تايخطئ ما عندك مادير انا كنت نعتابرها بنتي انا دخلت فاكتئاب فاش رجعت و ما لقيتهاشياقوت : و فينما كانت يا ربي تكون غير بخيرخنساء: امين حتى هاديك منحوسة اكثر مني غير ما تكونش واقعة ليها شي حاجةالجزء 432 تريكة زعيميفلاند روفر فالاسود كان سايقها سلطان و لور جالسين مراد و ماريا كيترومانساو تابع الطوموبيل ديال باباه اللي كان فيها فريد و وفاء و فؤاد ....مراد: تلقا عمي فؤاد غايطير بالفرحةماريا : أصلن جينا البارح حيت كان معول باش هاد نهار يديكم تخطبو ليهمراد:و حتى هاد عمي فؤاد هارب ليه كن عيط لينا غير فالتيليفون نجيو لعندكم بلا ما تعدبو حتى لعندناماريا : و انا توحشتك و بغيت نشوفكمراد : حتى انا توحشتك بزااف غير ميلودة الله يهديها سخطات عليا الا جيت عندك و حنا مزال ماضاربين لاكطماريا : ما بقاش بزااف و نضربو لاكط و ما كاينش اللي غايدخل فينا ديك ساعةمراد: فين تبغي نمشيو ندوزو شهر السكرماريا : [ ابتاسمت ] جزر المالديفمراد: و تخلصي علياماريا : ههه نخلص عليك أ حبيبي شحال عندي من مراد انامراد هز يديها باسها بالهزة باش كيهز راسو فالمراية بان ليه سلطان حاضيهم و كيضحك حيت تفكر كلام خنساء فاش هضرات فالصباح و قالت ليه راني فجزر المالديف ...مراد: أ سبحان الله أ شريف واش كيهروك ملائكتكسلطان : ما يمكنش يكونو حاضرين الملائكة و نتا كاين مالوغوزمونمراد : ههه الله يخلف عليك هي وليت شيطان انا داباسلطان :عاد عرفتيهامراد : اوا و نتا ما ناويش تخطب الفردةسلطان : سعدات اللي دخل سوق جواهمراد: بنتيلي اكتيفيتي المود ديال القميع عاوتاني خاصك شي جوانات بنتيلي بحال مقطوعماريا : ما كرهناش كن نديرو عرس اونصومبل انا و ياك امراد و سلطان و خنساء و سوسن و يقين و بابا و ياقوتمراد: اختي مالي على هاد جقلة كلها مالي غاندير العرس و لا الموسمماريا : ههه و مالك و الله حتى فكرة زوينةمراد: انا باغي ندير عرسي غير انا و ياك و نعقل عليه و نتي باغا تجمعي ليا امة سيدنا محمدسلطان : يقين و سوسن ما غايديروش العرسماريا : و علاش ؟؟سلطان : سوسن ما تقدرشماريا : اه مع الحمل مسكينة الله يكون ليها فالعوانمراد: يقين هو اللي دارها مخيرة سيد بقا جالس تاجاتو المراة و الاولاد دقة وحدة و جالس كيتنفخماريا: هو اصلن خنساء ما كانتش كتبغيه و كان غايعيش معذب معاهاسلطان : اصلن خنساء ما غانخليهاش ليه واخا تنطابق السما على الارضماريا: و كن كانت كتبغيه شنو كنتي غاديرسلطان: ديك ساعة كنت غانقلب ستة تسعودمراد:و تخلا على حب حياتك أ صاط بهاد السهولةسلطان :انا تدخلت حيت عرفت بلي خنساء ما كتبغيهش و تايبتزها و كتبغيني كن كان العكس ما عندي ما نديرمراد: احياني عليك أ صعصع جيتي من طاليان محيح على يقينسلطان ركز مع الطريق و عرف بلي هاد الدرب اللي دخل ليه فريد فايت ليه جاي ليه و عرف بلي هنا كاتسكن خنساء قال غاتكون غير صدفة ....فريد وقف حدا دار ديال خنساء و نزلو و حتى سلطان وقف اللوطو و نزلو كاملين و فؤاد هاز فيديه الورد و مراد هاز علب الشوكولا و ماريا هازة بعض الهدايا اللي جابوهم لياقوت....مراد:فين هي دار اسي العريس ؟؟فؤاد : حتى انا ما عرفتش بلاتي نعيط ليهامد الورد لخوه و هز التيليفون دوز النمرة ديال ياقوت باش توريهم فين هي دار ..مراد:و حتى نتا اعمي جاي و ما عارفش دار و موقفنا فهاد البرد هنا واش كاين شي حد تايخطب فهاد السميقلي ديال البرد باين كنتي تلحس فطواويفريد: ما شفتيش راسك و الله ينعل اللي ما يحشمالجزء 433ياقوت غير بانت ليها نمرة ديال فؤاد دوزات رقم فالبلاصة ....ياقوت : الو وصلتو ؟؟؟فؤاد: وي وصلنا غير هو بغيت نعرف فاينا دار بالضبط حيت كاينين بزاف ديال العمارات هناياقوت: واخا هانا نصيفط ليكم شي حد يجيبكم اوكيفؤاد: واخاقطعات عليه و شافت فختها ....ياقوت: ناري وصلو وصلو اصاحبتيخنساء: مزيان و فين هما ؟؟ياقوت: ما عرفوش فين جات دارخنساء: صيفطي عمي علال يجيبهمخرجات ياقوت من البيت و تبعاتها خنساء و دخلو عند منانة للكوزينة ...ياقوت: مي فين هو عمي علال ؟؟منانة : اش بغيتي عمك علالياقوت: و باش يجيب ناس راهم واقفين كيتسناو ما عرفوش فين جات دارمنانة : يا هما وصلوياقوت:وييه و فين هو باش يجيبهممنانة : [ ضربات على حنكها ] و مشاا يتسخر لياياقوت :و دابا شكون غايمشي يجيبهم راهم كيتسناومنانة : و ما معانا حتى راجل دابا فدار و لايني مشكلة هاديياقوت بقات ساكتة مدة و هي تشوف فخنساء ...ياقوت :ديري هاد الخير لوجه الله و خرجي عندهم جيبيهمخنساء: اختي انا مالي فاندام ما كاين ثقة فين غانخرج عند ناس ما تنعرفهمشمنانة : اه ابنيتي ما عندك فين تخرجي و ما عرفتيهم نصابة يخطفوكخنساء:و لهيلا ياك اميمتي وا قوليها لهاما حسات خنساء غير بواحد الضربة جاتها من منانة لراس نيشان ...منانة : ينعل بوك اش غايكجدرو بيك يعطيك مصيبة سيري جيبيهم طيييري راه ناس تايساينوخنساء بدات تتحك ضربة و تتخنزر فيهم ...خنساء: فين كاينين هاد الخطاب العيورياقوت : غايكونو وقفو حدا الحانوت اللي فدورةخنساء خرجات من دار لابسة صندالة ديال صبع مع ديك العباية و طالقة شعرها طويل جات فنة خرجات لزنقة و بدات تتقلب بعينيها ما بانوش ليها و هي تضرب الضورة و هوما يبانو ليها شي ناس عاطيينها بالضهر واقفين حدا طوموبيلات واعرين ....خنساء: و هانتيلك على ياقوت ضبرات على سلعة ناضيةقربات ليهم حتى وقفات عليهم ...خنساء: ها واحد السلام عليكمغير سمعو صوتها كلهم التافتو شافو فيهاا و هنا الصدمة كانت قوية لا بالنسبة ليهم و لا بالنسبة ليها ركزات شوفة غير فسلطان اللي كان هو بدورو مشوكي و مصدوم من جمال خنساء و من لباسها اللي واتها طلعها من رجليها لراسها و عاود هبطها من راسها لرجليها و بلا ما يحس صفر ....سلطان : خنساءفريد: بنتي شنو كاتديري هنا ؟؟؟خنساء مررات يديها على شعرها و نقلات نظراتها بيناتهم ...خنساء:و راه انا اللي خاصني نسولكم هاد السؤالماريا : حنا جايين نخطبو لبابا من هناخنساء: د..دابا نتوما هوما الخطاب ياكومراد: اييه ما تقوليش ليا كتجي شي حاجة لياقوت اللي غانخطبو لعميخنساء:انا ختهافريد : واايليخنساء: و الله و انا اللي صيفطاتني ماما باش نجيبكم عندنا لدار ياك الخطيب سميتو فؤادمراد:و انا كنقول مال خنساء ضاربة علينا الفراشات و داكشيسلطان بقوة الفرحة بقا غير كيشوف فخنساء و ساكت حمقاتو بالبلدي تكا على الباب ديال طوموبيل و طول الشوفة فيها هي كتهضر و هوما كيهضرو معاها و هو غايب غير فيها ....سلطان : فرصة مزيانة هادي باش نخطبو دقة وحدة ياك أ الواليدفريد :عصفورين بحجر واحدالجزء 434خنساء شافت فيهم بجوج بتشكيك فهماتهم فالبلاصة و حطات يديها على صدرها و قالت بعفوية ...خنساء: واش كتقصدو غاتخطبوني حتى انا ؟؟فريد : جينا جينا اللهم نجمعو و نطويو كلشي دقة وحدةسلطان : برافو عليك داكشي اللي قصدنافؤاد مد ليها يدو و قال مع إبتسامة ....فؤاد :سلام أبنتي بعداخنساء مزال مصدومة من كلام سلطان مدات ليه يديها و ابتاسمت ليه ...خنساء: و عليكم سلام بلا شك نت هو اللي غاتخطب الاخت المصونةفؤاد: وي هو انا و بلا شك نتي هي خنساء كنسمع عليك بزاافخنساء: اكيد سميتي غنية عن التعريفسلطان : تقبلي تزوجي بيا اخنساءلحظة صمت شي كيشوف فشي و خنساء ما عرفات باش تبلات من غير انها تشوف فسلطان اللي كان كيبادلها نظرات فشي شكل مع ابتسامة جميلة مرسومة على وجهو ....وفاء كشرات ملامح وجهها و بقات غير كتخنزر فخنساء و فسلطان ما عرفات ما تقول فالاخير ولدها سلطان راسو قاصح و كيدير اي حاجة باغيها و الا عكسات ليه غير غاتنشئ بيناتهم حساسية كبيرة اللهم تجنب الصداع و تقبل على قرار ولدها فالأخير كاتبقى حياتو ....كلشي كيشوف فخنساء اللي كتشوف فسلطان كيف شي قطيطة و فاتحة عويناتها على مصرعيهم بحال كبيتي عليها سطل ديال الما بارد ما توقعاتش غاتوقع هاد الصدفة كاملة و غاتصدق حتى هي مخطوبة اليوم ...مراد: ديما مشرعة فمك و تهضري فاش وصلنا للمعقول ضرباتك ساكتةفريد: تي دوي الا غادي تدوي ما تخليش ليا ولدي معلق هنا هههماريا : انا اكيدة غاتوافقي ياكسلطان : كنتسناوكخنساء: ك..ك...كيفاش واش تزوجي بيا ؟؟مراد: سيدة طلعات ما كتفهمش الدارجة قولها ليها بلونكلي على الله تفهمهاماريا ضرباتو لراسو ...ماريا : سكت نتاخنساء مررات يديها على شعرها و طولات الشوفة فسلطان و ابتاسمت و حركات راسها بالايجاب ...خنساء: ما دام انك ناوي الحلال و جيتي دار من بابها علاش غانرفض ؟؟مراد: جاوباتك بطريقة راقيةسلطان ضحك و قرب ليها حداهم كاملين و هي غير كتشوف باس ليها راسها و بعد و قال ...سلطان : الله يرضي عليكخنساء حنات راسها و كتحس بواحد الصهدة طالعة معاها من صبعها صغير و قلبها كيزدح بقوة الحشمة ديال دنيا و دين طاحت عليها ...فؤاد: دابا ما غاتوريناش دار ؟؟خنساء شافت ففؤاد و حركات راسها بالايجاب و خطات خطوات لامام و هوما تابعينها و مراد و فريد و فؤاد ناشطين على سلطان اللي غير كيضحك و اخيرا تحقق الحلم و غايتزوج بحور الليل تاعو و اول خطوة هي الخطوبة أكيد .....