💞 قلوب أرهقها العشق 💞 بالدارجة المغربية

💛الفصل 39 💛

الجزء 120قلوب أرهقها العشق رجعات تكات و كتشوف فالسقف لمدة من زمان كتذكر احداث اليوم اللي كان مميز بفضل انسان واحد اللي هو يقين اللي حل ليها قلبو و عاود ليها قصتو عضات على شنيفاتها و غمضات عويناتها وهي كتذكر حديثو ... فلاش باكيقين : القصة طويلة و لكن غانبدا ليك من اللولخنساء : كنسمعكتنهد قبل ما ينطق و يسهى بعيد حاس بقلبو عمر بزااف خاصو يخويه ...يقين : من صغري و انا عزيز عليا نرسم عزيز عليا الفن أي لوحة كنت نشوفها مرسومة نبقا ساهي فيها بديت كنرسم منين كانت فعمري سبع سنين حنانتي الله يرحمها كان عزيز عليها حتى هي رسم و كانت كترسم و انا فخور اللي ورثت من عندها هاد الموهبةخنساء: الله يرحمهايقين شاف فيها و تنهد بحزن و كمل كلامو...يقين : أمين فخبارك لحد الآن ما زال ما مستوعبش بلي مشات و خلاتني بوحدي و انا مزال ما شبعت منها ماتت و انا فعمري عشر سنينخنساء بحزن ...خنساء:واش ماتت موتة عادية و لا شي مرضيقين تنهد و صاط انفاس حارة و قال ...يقين : تقلبات بيها الطوموبيلخنساء: الله يرحمها مسكينة و الله يجعل مثواها جنةيقين : ياريت كن مت فبلاصتها و ما تموتش ليا هي حيت ما تصوريش العذاب اللي دزت منو من تماك تبدلات شخصيتي 360 درجة ما بقيتش كنهضر بزااف و ساد عليا فبيتي و كنتخايلها كتوكلني كنتخايلها كتهضر معايا كنتخايلها ناعسة حدايا صورتها بين عيني ما فارقاتنيش داكشي اللي خلاني نهرب من العالم حيت بكل بساطة كنت كنلقا فخيالي داكشي اللي ما كنتش لاقيه فالواقع فالخيال كنت نقدر نهضر معاها كنت نقدر نضمها كنت نقدر نشم ريحتها بينما فالواقع ما كنلقاهاش كنت كنجيهم أحمق و كتوم حيت ما كنهضرش معاهم غير ساد عليا و لكن فالحقيقية انا كنت نتخايلها قدامي و نحكي ليها على الدراري اللي كانو كيحكروني فالمدرسة و كنحس بيديها كيطبطو عليا و تقولي الا كرهك كلشي انا من ديما غانبغيك أكثر منهم و حبي ليك يغنيك على العالمسكت مدة عاض على شنايفو باش ما يضعافش و لكن خنساء ما قدراتش تكبح دموعها اللي طاحو بتأثرها بكلامو كلامو يبكي الحجر فما بالك قلب خنساء الحنون ...سمع صوت شهقاتها و هو يلتفت هز يدو ببطئ و مررها على خدها و مسح دوك قطرات دموع اللي كتحرق فخدودها و قال بابتسامة كمحاولة منه ان يلطف الجو ...يقين :ها اللي ما بغيتش قلتلك غانزيدك بهمومي علاش هاد دميعات كينزلو من دوك العوينات اللي واخا يتجمع مال دنيا ما يساويهم اممخنساء سهات فيه للحظات و ما نطقات بحتى حرف و هو كمل كلامو ...يقين : الا زدتي بكيتي ما غانكملش ليك كلاميخنساء مسحات دموعها فالبلاصة و قالت بصوت حزين ..خنساء: هنن غير كمل هانا سكتيقين : بوحاطية مع راسك و فضوليةخنزرات فيه و قالت ...خنساء: بديتي فالمعيار عاوديقين : اوكي نكمل و لا مزالخنساء: ا كمل و نتا كتقطر ليا الهضرة كمل كنسمعكيقين : امم بديت كنجيهم حمق وبداو كيشدوني des crises الواليد داني لطبيب نفساني تعالجت و قدرت نرجع لحياتي الطبيعية و لكن كنت مزال كنهرب منهم باش نهضر مع حنانتي حيت كتبان ليا غير فاش كانكون جالس بوحدي ما معايا حد كنقدر نشكي ليها و كتسمعني و كتهضر معايا [ عض على شنايفو مدة و كمل كلامو ] بقيت على ديك الحالة حتى كبرت و مشيت نقرا برا المغرب فالسويد قريت على الرسم و الفن و كلما كيتعلق بالنحت و ديزاين l'art en général و تماك تعرفت عليها فأول عام عندي كانت كتشبه ليها بزااف نفس الحريفات ديال وجه نفس البيوضة نفس العوينات نفس الشوفة كلشي كانت بحال كنشوف الام ديالي قدامي ما نكدبش عليك أحاسيس زوينة حسيت بيهم فقلبي و انا كنشوف فيها تقدري تقولي حب من اول نظرة حبي ليها كان كيزيد يكبر كل نهار و كلما كانلقا الفرصة كانقرب منها كنت كانلقا الصد من طرفها فكل مرة حاولت و حاولت حتى فقدت الامل و تعرفت على بنت اخرى و لكن واخا هاكاك ما ستسلمتش بقيت كنتقاتل حتى فزت بقلبها [سكت مدة و اضاف ] على الاقل كنت كنظن بلي فزت بيه تزوجنا فاش تخرجت من الجامعة كانت سميتها فاتن و بصح كانت بمثابة فتنة لقلبي باباها كان مغربي و ماماها سويدية كانت جامعة بين الجمال المغربي و السويدي [ ابتاسم باستهزاء ] بغيتها و انا فعمري 18 و تزوجنا و انا فعمري 24 ست سنين ديال الحب من طرف واحد و لكن تزوجنا فالاخير و هدا هو المهم قالت ليا فلول بلي الحب كايجي مع الزواج ما نكرش بلي هي كانت مشاعرها اتجاهي كإعجاب عمرها بغاتني كيفما كنت كنبغيها و لكن حاولت حتى قدرت نشوف فعينيها و لو بنسبة 25 % ديال الحب اللي كنت نحس بيه اتجاهها بقينا مع بعضياتنا اربع سنين و تطلقنا و بطبيعة الحال الاقتراح كان ديالهاالجزء 121قلوب أرهقها العشق خنساء شهقات و قالت بلا ما تشعرخنساء: وعلااش بغات طلق منك و نتا كتحماق عليها و كتعاملها مزيانيقين شاف فيها نظرات عميقة بداخلها حزن كبيير...يقين : حيت كانت باغا الاولاد هادشي اللي قالت ليا مشات لطبيب درنا تحاليل انا غير مشيت هي اللي تكلفات بكلشي و قالت ليا بلي انا عقيم دونك لافوط مني دونك خاصها تطلق منيخنساء عضات على شنايفها ما لقات ما تقول و هو كمل و عينيه فعينها ...يقين : نقدرو نقولو بلي حاولت تقنعني بلي أنا عقيمخنساء: ك..كيفاش ؟؟يقين : سبب هاد المرض اللي انا فيه هي فاتن حيت مؤخرا هضرات معايا و قالتلي بغيت نشوفك مشيت لعندها لاميريك و جلسنا فواحد الكافي و هضرات معايا فهاد الموضوع و قالت ليا الحقيقة اللي هي ...بقا ساكت و كيشوف فيها و هي متشوقة تسمع المزيد و كيفاش كتشوف فيه باهتمام ضحكاتو ...خنساء: شنو هي كمل كمليقين: حسيت براسي بحال كنعاود شي قصة لشي بريهيشةخنساء: قول عليا حتى مومو غير كمل ها العاريقين بتاسم على شكلها و كمل بصوت مكسور ..يقين : قالت ليا بلي هي عمرها ما بادلاتني الحب اللي كنت عاطيه ليها قالت بلي انا كنت نستاهل وحدة احسن منها حيت هي قلبها كان معلق بصديق طفولة ديالها اللي كانت تبغيه فاش كان فعمرها عشر سنين و قالت ليا بلي فضلات تدير هاد سبة باش تفارق عليا و عيشاتني فهاد الكدبة حيت كانت عارفاني بلي انا غانتعكس و ما غانبغيش نطلق داكشي علاش بغات تخلق ليا نقطة ضعف باش تولي عندها نقطة قوة باش تغلبني و فعلاا قلت انا بما انها بغات الولاد من حقها تدمرت نفسيا كرهت راسي حيت ما كنتش قادر نحقق ليها هاد الحلم باش فالتالي كلشي يطلع كدبة تصوريها معايا حتى من الانسانة اللي كنت نشوف فيها حنانتي طلعات ما كتبغينيش الواقع مر رجعت سديت عليا حتى جيتي عندي دابا و خويت عليك شنو هاز هاد القلب كرهتها كرهت راسي كرهت الحياة علاش ناس اللي كنبغيهم ما كيبقاوش معايا واش انا تابعاني شي لعنة هدا هو السؤال اللي كنطرح على راسي كح كح كحسكت و وجه نظرو لجهة خنساء اللي قطع ليها فقلبها و كان واضح عليها بلي تأثرات ديال بصح بكلامو ...خنساء : أقبح حاجة هي تظن بلي ناس اللي كتبغيهم كيبعدو عليك و أقبح حاجة تظن ان ما كيبغيك حتى واحد ثيق بيا [ حطات يديها على ذراعو بلا ما تشعر ] الا حسيتي بلي ما كيبغيك حتى واحد تفكر الله اللي خلقك و تفكر راسك ؛؛ على الاقل الا كان العالم ضدك ما تكونش نتا ضد راسك و شوف ديما نصف الكاس العامر فهادشي اللي عاودتي ليا كاينة واحد نقطة زوينة اللي هي نتا ما طلعتيش عقيم كيفما كنتي كظن يعني غير كدبة اما بالنسبة لحبها ليك فكان مزيف من ديباار و نتا كنتي كتضيع جهدك على قبل ناس ما يستاهلوش ثق بيا بلي نتا غاتبغي من جديد و غاتحب من جديد و الحياة مزال طويلة باش تلاقا مع بنت ناس اللي تقدرك و تبادلك الاحاسيسيقين : شحال خايب انك دير المستحيل على قبل شخص غير باش ما يتقلقش و فالأخير ينسى كلشي و يرجعك نتا اللي ما كتسواش و خايب و يمشي كح كحخنساء :[زيرات على دراعو ] ربي غايعوضك ثيق بيا كاع الحوايج اللي عندهم مكانة فقلبك و داز الوقت و خسرتيهم ربي هو اللي دار سبب من عندو باش تخسرهم حيث شاف بلي نتا تستاهل شي حاجة أحسن من هادشي و شاف بلي هاد الحوايج الا استمرو فحياتك غادي يدمروك اكثر ما هما غادي يفرحوك و من هنا للقدام خاصك تحمد الله على اي حاجة بعدات عليك حيت كون اكيد كن كانت ديالك كاع ما غاتمشي من اللوليقين شبك يدو الباردة مع يديها الدافية الشيئ اللي خلاها تقفز من مكانها و تصرط ريقها بصعوبة متوترة كتحس بدغدة خفيفة فكرشها كتحس بقشعريرة سرات مع ذاتها و نبضات قلبها ارتفاعت عينيها مركزين فعينيه قال بصوت حنون ....يقين : ثيقي بيا بلي نتي هي أحسن بيست فراند عرفتها شكرا بزاف على وقفتك معايا كنشكر القدر اللي لقاني بيك و كنشكر رجيلاتك اللي جابوك لعنديضهرات ابتسامة على ثغرها و قالت ...خنساء: ما درت والو غير قلت داكشي اللي خاصو يتقاليقين : ثيقي بيا ماشي كلشي غايعرف يفاجي عليا بحالك thank youتتمة الجزء 121 قلوب أرهقها العشق تحل الباب و دخل فريد باش يطمن على حالة ابنو لمح يدو شادة يديها ضهرات ابتسامة على محياه و قال بصوت مرتفع خلاهم يدورو عندو ...فريد : سمحولي قاطعتكمخنساء فالبلاصة حيدات يديها من يدو اما يقين شاف فباباه مع ابتسامة خفيفة قال ...يقين :مرحبا بسي فريد كح كح كحفريد شاف فخنساء و نطق بابتسامة ...فريد :شنو درتي ليه باش ولا كيهضر معانا عطيني الوصفةخنساء بلالات شفايفها بخجل و ناضت و قالت ...خنساء:أنا خاصني نمشي لداريقين كحب بتعب و جاوبها بصوت بحرا كيتسمع ..يقين: ما عندك فين تمشي جلسي معاناخنساء: لا و الله حتى خاصني نمشيفريد: انا نوصلك ابنتي [غمزها ]يقين : كح كح غاتوصلها باش تجر ليها لسانها مثلافريد شاف فولدو و ما نطق بحتى حرف ...فريد : علاش غانجر ليها لسانهايقين: باش تعرف شنو عندي و مالي مهموم انا ماشي مكلخ باش ما نفهمش بلي نتا اللي جبتيها ليا كح كحخنساء و فريد تبادلو نظرات و رجع شاف فيه و قال ...فريد:زعما حراام ندوزو عليك شي لعبة ياكيقين : تماااامااافريد: كيفك كيف خوك ما نعرف علاش ما طلعوتش مكلخينيقين شداتو ضحكة و سعلة معا ....يقين : هههه كح ككح...كح هه بغيتينا نشبوه ليكفريد : ياك لمك هي انا مكلخيقين :غير ضاحك معاك أ الواليدخنساء بقات كي البكمة بيناتهم ما فهمات حتى وزة ...فريد: يالاه ابنتي نوصلك هاد الولاد عندي غايشيبوني شي نهاريقين : و الله حتى ضريفين غير كظلمنا أ الواليد [ شاف فخنساء] شكرا حيت كنتي سبب باش نخوي قلبي واخا اتافقتي مع الواليد كح كحفريد:ما تديش عليه غير كيخربق زيدي نمشيو ابنتي الله يرضي عليكخنساء هزات يديها ببطئ و لوحات ليه و قالت ...خنساء: ما يكون عندك باس باي باييقين نطق بصوت متعب ...يقين :كن كنتي ماي فرايند من شحال هادي كااع ما نمرضغمض عينيه و غفا كيحس براسو عيان و متعب و المرض هالكو فريد كيشوف فيها و كيبتاسم و هز ليها يدو بلايك و قرب ليها و عنقها جنب و قال بهمس ..فريد :تبارك الله عليك كنت عارفك قدها و قدودالجزء 122قلوب أرهقها العشق رجوع للواقعفاقت من سهوتها و ابتاسمت ما هي الا ثواني حتى بدات كتديها عينيها و هي فالصالون نسات يارا بنت ختها اللي ناعسة فالبيت سيدة كاااع بالعيا و تمارة و تفكيرها مع يقين بالها مشوش ؛ حسات بساروت كيدور فالباب عاد تفكرات بلي راها غير مقزبة و راجل ختها غالبا هو اللي غايكون داخل بغات تنوض من مكانها و لكن رجعات دارت راسها ناعسة و زيرات على يديها كتنتاضر الباب يتفتح ....تسد الباب كدليل على أنو دخل و لكن ياك هو غايجي حتى لستة د صباح اش جابو دابا ؛خطوات الحداء كتقرب منها بشكل مش طبيعي بدا الخوف كيتسلل لقلبها لدرجة بدات كترعد و لكن شادة فراسها ؛الامربدا كيخرج على السيطرة فاش بدات تحس بأيادي فوق اماكن محرمة من جسدها كتقاس حلات عينيها بسرعة و قفزات من مكانها ما مصدقاااش شنو كتشوف ما يمكنش يكون بلاااال زوج ختها كيلمس اماكن من جسدها أمبوسيبل ما قدراتش تقبلها بدماغها و لكن ديك الضحكة الشريرة اللي بانت على وجهو خلاتها تأكد بلي هادشي بصح ماشي كدوب ؛ دفعاتو من عليها و ضربات الوقفة و قالت بصوت مرتجف مع علامات الدهشة و الصدمة و الخوف اللي ترسمو على وجهها ...خنساء:ب..بللااال اش كااااديربلال دار يدو فجيابو و قرب ليها مشكل شفايفو على شكل بوسة ...بلال: ما بغيت والو غير بوسة و نمشي بحاليخنساء تصمكات و كتحس بدنيا كدوخ بيها مازال كتحاول تستوعب هادشي اللي كيقول ...خنساء: بلااااال وااش شارب شي حاجة بعد منيبغات تدفعو و تمشي عند بنت ختها و دموع تحجرو فعينيها و هو يشد ليها يديها بجوج مزير عليهم و قال ..بلال : ياك نتي ق*** علاش تصدمتيخنساء رمشات بسرعة و دموع تساقطو من عينيها اللي من صباح و هي كتحاول تكبحهم ...خنساء: ش..ش..شكتقول نتا راه انا خنسااااااء خنساااااء خت مرااااتكنترات يديها من يدو و هزاتها حتى لسما و بغات تنزل عليه لحنكو و لكن كان اقوى منها و اسرع منهاو شدها ليها ...بلال : لا مزيااان منين ولاو الق**** يهزو علينا يديهمخنساء: بلاااال طلق مني أ شمااااتة اعيفة رجااال طلق و لااا أقسم لك يمينااااا حتى نشوه طااسيلتك طلللق مني طلللللقنترات يديها منو و هي تطلقها بغوتة شد ليها فمها بيدو و حمر فيها و قال بشر ...بلال : هو تعرفي تنزلي من طووومبيلتو امم شكون اللي خاصو يتشوه انا و لا نتي منين كتعطيه البراااني ها هو انا غير قريب فالمقربين اولىحيدات يديه من على فمها بصعوبة و بعدات و كتحس بروحها غاتزهق بالبكا ...خنساء: اااش كتخربق اااش كتقول نتا أ الحمااااربلال : دايرة فيها شفيفة العفيفة لا تبارك الله عليك كتعرفي تمثلي خااصك اوسكارجرها من شعرها و هي تطلقها بغوتة ...خنساء: وا فكووووووو روووووووح....بلال سد ليها فمها بيد و اليد الأخرى جار ليها شعرها و هي كتفركل ما عارفة ما دير حكمها ولد الكلبة و قرب لودنيها كيتكلم ...بلال : شووووت عقلتي نهااار عيد ميلاد يارا شفتك نازلة من طوموبيل و رااانج من لفوق يعلم الله شكون و طلعتي صراحة ق*** كبيييرة كتعطيه كتعطيه اللهم فينا حنا ما طلبنا منك والو غير بوسة زعماخنساء كتفركل تحت منو و كتحس بالضباابة على عينيها و حواسها كاملين كيستنجدو بالواحد الأحد باش يفكها من قبضة هاد الوحش ما عمرها توقعات راجل ختها غايطلع مكبوت و ز*** و يهودي مقطر و يقول ليها هاد الكلام و يطلع منو هادشي كااامل واش حتى لهاد الدرجة رجاال فيهم الكبت لدرجة يطمع فالمحرمين عليه خت مراااتو كيتحرش بيها مازال ما متقبلها عقلها داك شخص اللي كانو كيحتارموه و ما كاين غير الدين و العبادة كتقطر من فمو حتى هو طلع ما يسوااش ....طلق من شعرها و مزالو حكمها و مزير على فمها كتحس بيدو كتحرك بأريحية على جسدها الانثوي نااعم و كيهمس فودنها ..بلال : غير ترخااي حتى واحد ما غايعيق بينا شوووت