💞 قلوب أرهقها العشق 💞 بالدارجة المغربية

💛الفصل 87💛

ماقاداه فرحة و كل مرة يهز يدو يحطها على شفايفو بوسة خفيفة و شنو دارت فيه و فقلبو الضعيف اللي قوي غير بمحبوببتو خنساء اما كن تعمق معاها و داز معاها لاشياء اخرى كن صاافي الله يرحمو ضحك على حالتو و على العشق اللي وصلاتو ليه خنساء ما بين ليلة و ضحاها رد راسو اللور و كيتذكر نهار اللي خاصو يدخل للتاريخ و خاصو يحتافل بيه اول قبلة مع خنساء شي حاجة فاش كيتذكرها كيحس بلي ملك العالم بين يديه و تشبتو للحياة كيزيد ورغبة ديال انه يوقف على رجليه كتكبر فدماغو .... فلاش باكبعدات خنساء عليه مصدومة رجليها فشلانين عليها و قلبها كيدق بوتيرة سريعة ما مصدقاش شنو كتشوف واش بصح سلطان دور وجهو بسرعة و تلاقاو شنايفهم ياك هي كانت باغا غير تبوسوفخدو شنو وقع كلشي تعرم و تخلط عليها لدرجة بقات غير كترمش و حتى رجليها ما بقاوش هازينها و جات جالسة لارض على طرمتها بقوة الصدمة اويييلي واش دابا هي باستو فشنايفو سلطان حب مراهقتها و لا غير جاب ليها بالها ما بقاتش قادرة تحمل بشاعة الموقف و ديك اللقطة كتكرر ما بين عينيها تزنكو حنيكاتها و ناضت بسرعة من الارض طلعات لبيتها ....أما سلطان اللي ما كانش اقل صدمة منها كلشي جاه على غفلة شنو وقع باش كانت قريبة ليه حتى لهاد الدرجة ياك كانت كتلعب مع مراد شنو وصلها لعندو باش كانت حاشية وجهها فيه حتى تلاقاو شنيفاتهم ما بقا فاهم والو الحاجة اللي فاهمها ان شنيفاتو تلاقاو مع شنايفها هادشي اللي بقا باين بين عينيه و هادشي اللي كيتدكرو فهاد اللحظة خفقان مش طبيعي كيحس بيه فقلبو نقدرو نقولو ان أمواج قلبو هااجات و خلاتو بلا عقل لدرجة سهى فالفراغ و ابتسامة كبيرة كتوسع على شنايفو عينو كيلمعو كيحس براسو بحال راه كيحلم خنساء دارت فيه حالة أروع حاجة هي دور وجهو بسرعة كن عرف بلي غاتوقع هاد القضية كن لوا يدو على شعرها ما يطلقش منها ولكن جاتو على غفلة و غايتفشى سرو اللي هازو فقلبو من اول لقاء ليها هز عينو بان ليه مراد و يقين و سوسن كيشوفو باستغراب رد الكرسي المتحرك اللور و اتاجه بجيهة المصعد حتى طلع لبيتو و خرج منو كيضحك شاداه الهيستيرية ديال ضحك فتح باب بيتو و دخل و الضحكة ما بغاتش تحبس من شنايفو بدا كيضحك بصوت مرتفع كيف شي حمق و كيدوز يدو على شنايفو اروع حدث وقع ليه فهاد الخمس سنين هو هدا كيف يدير ما يجنش جنون هاد العاشق الولهان بفعل قبلة خفيفة دازت من شنايفو منها عن طريق الغلط .... رجوع للواقعالجزء 267 قلوب أرهقها العشق فالبيت المجاور لبيت خنساء متكي على سرير و فيديه كانيطة ديال بيرة كيهبط عليها و ساهي فالفراغ و كيتذكر شنو شاف أمام عينو دازت سبعة ايام و مازال ما بغا ينسى ديك القبلة اللي تخادت بالغلط قدام عينو لحد الآن العافية شاخدة فقلبو مشكلة بركان و عينو كيحمارو كيحس بشي قوة كتسحب خنساء من بين يديه و كتقربها لسلطان علااااااش ديك القبلة ما كانتش ليه هو علاش ديك القبلة لسلطان علاش هي مقربة ليه هو و كتهضر معاه بطلاقة و هو رجعات راسمة معاه حدووود كثييرة ياك هو اول واحد شافت ياك هو اول واحد قربها لعائلتو ياك هو اول واحد صارحها بحبو علااش و علاااش علاااش دار عليها حاجات عمرو كان متوقع يديرها و فالتالي تجازيه بالاهمال و البرود كيحس براسو فشلان علاش ماماه تمشي منو علاش البنت اللي بغاها ما كتبغيهش واش شي لعنة دايرة بيه شنو هادشي كيوقع فحياتو ....ما حس غير بيد تحطات على صدرو بدورة باش كيدور كيلمح سوسن جالسة حداه و كترمش بعويناتها كيف شي قطيطة و كتبتاسم ليه دارت راسطا لشعرها باش تبدل لوك و عاد دخلت من الباب باش يشوف كيف جاتها قالت بصوت حنين ....سوسن: هاي حبيبو شوف شنو درت فشعري كيف جاني لوكبعدات عليه و طلقات شعرها كتوريه راسطا لي دارت و هو عينو كيشوفو فيها و عقلو غايب كيتخايلها خنساء مجددا و مع البيرة قالبة ليه سلوكة ديال مخو هز يدو كيدوزها على شعرها و كيبتاسم ابتسامة خفيفة تكاد لا تظهر على شفاهه و يدو كيلوي بيها دوك الخصلات ديال راسطا حتى زير عليهم و قال بصوت ثقييل ...يقين : علاش كاديري فيا هاكا شنو درت ليكسوسن بقات مستغربة و كتشوف فهدا كتقول ماالو واش تسطى هي شنو دارت ليه ..سوسن: يقين واش نتا لابس مالك ؟؟؟زدحها لعندو حتى ردها فوق منو و هو تحت منها كيشوف فيها بنظرات فشلوها ما كرهتاش تبقى معاه هاكا العمر كاامل واخا عارفة بلي غالبا غاتكون كتبان ليه خنساء .....يقين تكلم بصوت مخنوق مجروح مبحبح ...يقين : علاش عزيز عليك تمرضي ليا قلبي شنو درت ليك؟؟؟سوسن غير كترمش فيه و كتحس بسخونية طالعة معاها كيحمقها فاش كيكون سكران و كيدوي بديك البحة كيفشلها و كيخلي قلبها يدق بوتيرة سريعة دارت يديها على خدو و قالت بصوت محلووون ....سوسن : انا عمري نمرض قلبك نتا اللي كتختار اللي كيمرضوه ليك أعمري [ حنات و باستو فصدرو العاري حتى عض على شنايفو و هو مقلوب بسكرة مرة تبان ليه سوسن مرة تبان ليه خنساء رجعات شافت فيه و قالت ] نتا غاتبقى ديما تمشي عند اللي يمرضوه ليك و انا ديما غانداويك حتى تمل و تولي باغي راحتك و تبقى مع اللي يداويك [ غمزاتو ]وهو بدا كيضحك بطريقة رجولية كتزلزل قلبها و كتخلي داتها ترعد و هي كتخايل راسها كتعض شنايفو الحومر اللي كيجننوها عليه كتحماق على ستايل ديالو كتسطى على وجهو على شخصيتو واخا ما كيبغيهاش و لكن هي كتشوف عيوبو مزايا عارفة راسها فاااتت دل معاه لديك جيه و لكن القلب ما يعرف بحرو غير اللي مجربو كتحس بالاوكسيجين كيتقطع فاش ما كتكونش معاه هو اللي كيعطي معنى لحياتها كيف دير تعيش بلا قلبها داكشي علاش صابرة معاه حتى يبغيها يا بزز يا بالخاطر ....يقين : ههههه كتمرض ليا قلبي و لكن انا مستمتع بهاد المرض بااااغيه كنتعدب و لكن القلب و مايريد حتى واحد ما عندو دوايا من غيرها بغيتها معاايااا بغيتها بجنبي بحال هاكادور يدو على شعرها و قربها لوجهو أكثر حتى تخالطات انفاسهم مع بعض و دور يدو على حنكها و حط شفايفو على شفايفها و غرس يدو فشعرها كيقبلها بلهفة و حب كبيير و عشق ما كتجي لبالو غير خنساء اللي قابطها فيديه ولا بحال شي مريض كيتخايل خنساء فجميع نساء عقلو غايخرج و قلبو كايضرب بقوة و السكرة زايداه و حتى سوسن ما خلاتش من جهدها فنان فتقبيل قابطة وجهو بين يديها مسايرها و كتقبل و تمتص شفايفو فقبلة فرنسية كيتسمع أصواتها فالغرفة كاملة بعد منها يقين كينهج بحال كان كيتحارب و حتى هي كذلك بعدات عليه و حط جبهتو على جبهتها و قال بصوت باح رجولي ....يقين : و نبوسها بحاااال هكااا بغيت ندير انا و ياها كلشي [ حط صبعو سبابة على نحرها و مررو على عنقهاااا كامل بلمسة دوباتها و كمل ] بغيت نقيس فيها بحال هاكا بغيت تكون معايا و نتزوج بيها [ حط يدو على كرش سوسن و زيييير عليها ] و ندير لها هنا شي بيبي صغييييور و من الاحسن تكون بنت كتشبه ليها فكلشي [ كيزيد يزير على كرشها و سوسن كتألم و لكن صاابرة و دموعها شاقة طريق خدها ] انا ماشي stérile [ عقيم] اه انا قادر ندير ليها هنا بنييتة تكون كتشبه ليها و خصوصا فشعرها الكحل اللي غايهبلني شي نهااااار و ديك ضحيكة و دوك الهضيرات الحلوين ديالها الا قبلات بيا غاناكل ليها فمها و نصرطو بقوة اللي كتركب فيا جنون اااااح كنمووووت عليهاالجزء 268 قلوب أرهقها العشق عند خنساءكانت متكية من فوق السرير كيف عادتها كتنخصص غير هي و عظامها و هازة التيليفون كتشوف فالتصاور ديال سلطان فالانستغرام و كتشوف بلي هادي خمس سنين ما بوسطى شي حاجة فالانستغرام و عندو فيه أكثر من 4 المليون متابع بقات غير حالة فمها ..خنساء: خمس سنين و مابوسطى شي لعبة و عندو اكثر من أربعة د المليون هاد زمر و كيقولك لواه ناسييني و حتى واحد ما عقل عليا تا من نيتك اولد العبد كن غير يعطينا هادالانستغرام نخدمو بيه مع شركات ما كيخدمو ما كيخدمو اللهم نستاغلوه زعما يبغي يعطيه ليا ههه نولي حتى انا مشهورة لواه البعابعهابطة كتشوف فالتصاور و كتضحك و كتفكر فاش كانت برهوشة و كتبقى تشوفو فالتلفازة مع ماماها ....فلاش باكجالسة حدا التلفازة و كتنتاضر البرنامج ديال رشيد شو يبدا بفارغ الصبر و قابطة التيليكومند فيديها باش الا بدا تجهد فالصوت و محشية فالتلفازة و ماماها حداها حتى هي كتفرج ....منانة : تي ما عندك قرااااية شفتك جالسة مبلكة عينيك فالتلفازة كي موكة سيري جبدي دروسك يالاهخنساء:لا أ مي لا راه ساليت كلشي خليني نتفرج راه غايبدا رشيد شو عفاكمنانة : عارفة باك غايجي من صلاة و يدير ديك رسالة و لا إقرأ و غايحيدو ليك غانوضي شوفي ما تقضيخنساء عارفة باها غايجي غايحرمها عليها و هي هاد الحلقة كتسناها بفارغ الصبر كتفكر شنو غاتقدر تدير باش تفرج عوجات فمها و بقات ساهية كتفكر و باها غايجي من البيت حيت كيصلي العشا شافت ماماها ملهية مع تلفازة حنات لارض و دارت تيليكومند تحت من الطبلة ديال سداري اللي جالسة فيه بلا ما تعيق و ربعات يديها كتنتاضر غير فوقاش يبدا ...ماهي الا ثواني قليلة حتى دخل عبد العزيز كيقلب على تيليكوموند باش يقلب ...عبد العزيز: توما فين ديك الحرام ديال تيليكومندمنانة كتقلب بين المخاد ...منانة : كانت غير هناعبد العزيز شاف فخنساء اللي مداعية البراءةو بلي ما دايرة والو ...عبد العزيز: تي فين درتي تيليكومندخنساء: ماشفتهاش أ با كانت غير هنامنانة : وا خلينا نتفرجو فدوزيام عييشك أ سيدي عبد العزيز راه غايبدا داك رشيد شوالله يرحم والديكعبد العزيز:توما اراو تيليكومند راه ما عنديش انا مع هاد القناة نديرو شي رسالة نسمعو لشي موعظةمنانة : و ها حتى تيليكومند ما نعرف فين غبراتعبدالعزيز: غانمشي نعس اللهم نحط عضامي و لا نتفرج لهاد الحراممنانة :وا اجي غير تعشىعبد العزيز: كولو غير نتوماا انا غاديعطاهم بالضهر و مشا و خنساء كتشطح بالفرحة حيت كيبدا و هي علاين تنوض تزغرت بدا البرنامج و رشيد كيقدم فالحلقة و استضاف سلطان اللي كان فالعشرينات ديك ساعة داخل بكل همة و شان و راسو ديما مرفوع نافخ صدرو و لابس قاميجة فالأسود مع سروال فنفس اللون جايه زاز لوز و داير عدة خواتم فيدو و صحيح و طويل و خادم صحتو مزياان...خنساء شافتو داخل للبلاطو بغات تسطى كتحس بداتها كترجف و عويناتها كيبريو بالفرحة ناض الجمهور كيصفق و حتى هي وقفات من مكانها كتصفق كيف شي حمقة ....منانة : الله يستر ناس يولدو البنات المسكدين و انا فين ما كانت شي وحدة سايط ليها ريح فمخها كنولدها انا تي جلسي لارض خلينا نسمعوجلسات خنساء و عينيها غير على التلفازة ...رشيد: سلطاااان مرحبا بيك معانا و شكرا على قبول دعوة نورتي البلاطوسلطان جاوبو بابتسامة و شاف فالجمهور و قال ببحة رجولية رزينة ...سلطان: البلاطو منور بوجودك و بوجود هاد الجمهور الرائعتعالات التصفيقات من جديد و خنساء غير حالة فمها فتلفازتهم صغيرة ريوكها علاين يساليو....رشيد: اولا نبغي نبارك خبر الخطوبة ديالك بعالية اللي دازت الأسبوع اللي فات و حتى هي غانستاضفوها اليوم معانا شي تصفيقات حارة على عااااليةدخلات عالية اللي كانت فتاة جداااابة جدا الى حد الاذابة لابسة قفطان فالأخضر ملكي ديال الموبرا لاصق على لاطاي ديالها مع مايكاب صارخ و شعرها الحريري الطويل و ملاميحها الجميلة و الكيوت داخلة بكعب عالي و كلشي وقف كيصفق عليها وقف ليها سلطان و عنقها عندو باسها فخدودها بجوج تحت نظرات الفتيات اللي جالسين فصفوف الاولى كيتفقصو غير هوما و عظامهم حيت كلهم عويناتهم فسلطان مدات يديها سلمات على رشيد و جلسات حدا سلطان و هو شد فيديها مزير عليهم و هي غير كتبتاسم ....رشيد: مرحبا بيك معانا و مبروك الخطوبةعالية :الله يبارك فيك رشيد ميغسي بوكو على الاستضافةرشيد: بما انكم مخطوبين غانطرح عليك أسلطان هاد سؤال شنو اللي تبدل فحياة سلطان من مور الارتباط ؟؟