💞 قلوب أرهقها العشق 💞 بالدارجة المغربية

💛الفصل 85💛

الجزء260 قلوب أرهقها العشق مراد:. توماا مال هاد المسطية شي واحد يمشي عندها يشوف مالها راه ماشارباش دواها واااااا خنساااااء واااا ديك البوهاالية واااا ديك الهروية تي تعاالي لهناقفزات خنساء منين سمعات صوت مراد كأنه صرفقها و ردها لعالم الخارجي بالدورة باش كدور كتلقاهم كلهم كيشوفو فيها لا من يقين و سوسن اللي واقفين و لا من سلطان و مراد و ميلودة و مروان اللي جالسين و وفاء و فريد حتى هوما حتى من منار واقفة كتكب العصير ليهم و كتشوف فيها حسات بواحد الإحراج خطييير تزنكات و بقات غير كتشوف فيهم مصدومة عرفات راسها سهااات و هي من طبعها فاش تكون كتهضر مع راسها كتمشي و كتركز مع نفسها من جدر عقلها ابتاسمت ليهم ابتسامة صفرا و رجعات بخطوات بطيئة و جلسات و شربات الما كتبرد داك التوتر ديالها لدرجة ما رضاتش البال بلي سلطان جالس معاهم ....مراد : واش نتي شوية لاااباس أ سميتك [ انتابه لنظاظر اللي لابسة ]هاي هاي على نظاظر يا لالا و راه ناس كيديروهم باش يشوفو ماشي باش يتعماوفريد :الله يا بنتي شفتك.لقيتي الحدورة و كملتي ياكما تقطع ليك الفرانخنساء هزات راسها فيهم و كتبتاسم و صافي ما قالت لا طابت لا تحرقات و سوسن كتشوف فيها و كضحك على البلاهة اللي فهاد البنت و كتقول مع نفسها واش زعما يكونو هاد تصرفات هوما اللي خلاو يقين يطيح فيها جاتها غير مبرهشة و محطوطة ابتاسمت باستهزاء و جرات الكرسي و جلسات اما يقين كيعض على شنايفو و كيشوف فيها كيفاش كتزنك و كيفاش كتبتاسم و كيفاش كانت غادية و كتكلم مع راسها كيحس بقلبو غاينفاجر و لكن خاصو يصبر ما عندو حتى حل أخور و كيتمنى الهضرة اللي قالها تجيب نتيجة و يحن قلبها عليه أما سلطااان فبلا ما نهضر عليه كيشوف فيها و سااااهي مشااااا فعالم أحلام اليقظة الوردية معاها و كيتنهد تنهيدة ورا لوخرى . و كل تنهيدة هازة معنى ما عرفو غير هو ....فريد : مرحبااا بيك بينا أ بنتي مرة أخرىهزات راسها و شافت فيه و قالت ...خنساء: ربي يخليك ا عمي فريدوفاء : [ فوق خاطرها ] مرحبا بيك معانا مرة اخرى و سمحي ليا على شنو وقع بيناتنا كان سوء تفاهمخنساء: المهم هو اني رجعت تا ما باقي لا يهمفريد :علاجك جاب نتيجة سلطان و لا يهبط و يجلس معانا و هاد نهار اول عشا عنا مجموعين من مور خمس سنين برافو عليك ابنتيخنساء عاد انتابهت بلي سلطان جاالس وسط منهم و هو اللي مترأس الطبلة على جيهتها ديال اليمن بقات غير مطرطقة فيه عويناتها ما ثيقاتش لدرجة ناضت من الكرسي و قالت ....خنساء: واش هدا سلطاان نيت و لا غير جابو ليا عينيفريد حتى هو مسطي اكثر منهم ...فريد : و الله حتى هو عويناتك راهم خادمين غير كنا ضالمينهممراد: وييه حتى انا قلتها مع راسي مات شي يهودي واقيلة باش نزل يتعشى معاناوفاء: مرحبااا بيه بينا هادي هي بلاصتو ديما بين عائلتويقين :نهار كبير هدا اللي غانتعشاو مع سلطانخنساء : و الله حتى خاصنا نزغرتوميلودة : صلىىىىىى و سلاااااااام على رسوووول اللهخنساء و منار تبعوها على سبة حتى هوما و مراد كمل معاهم و سلطان غير كيشوف فيهم و يبتاسم ابتسامة خفيفة تكاد لا تضهر على شفاااهه ....خنساء مراد منار ميلودة دقة وحدة : الااااا جاااه الا جااه سيدنا محمد الله معععععععع جاه العاليخنساء طلقاتها بتزغريتة سمكاتهم كاااملين ....خنساء: يوووووووي يووووووي يوووووي يووويمراد :الله يعطيك صحة فعرسي بلا ما نخسر الفلوس و نجيب نكافة نتي قاضية الغراااضخنساء شافت فسلطان و ابتاسمت ابتسامة شكر و امتنان حيت فغيمون كيبين ليهم بتصرفاتو بلي ولا كيرجع كيف كان و كيساعدها باش يبين ليهم ايضا بلي هي قد المهمة اللي تعطات ليه و انها قدرات تخرجو من العزلة ديالو اللي كان ساكن فيها ....سلطان : خنساء جلسي تعشاي و براكة ما تشوفي فيا هاكاك و الله ما غانهرب هانا معاكم هنافريد : جلسي تعشاااي واش نتي ياااا كيتقطع ليك الفران ياااا كاتشديه شدة وحدة ما عندكش الوسطية و الاعتدالكلهم ضحكو على كلام فريد و جلسات و بدات تاكل فالغرطان اللي صوباتو منار كان لذيد بزااف لدرجة طاحت فيه عورة و سلطان غير حاضي تعابير وجهها و قليل فين كايكل هو غي داير ليهم خاطرهم و هو فعلا الهدف ديالو من هاد النزول هو يبين لماماه بلي خنساء قدرات تبدلو و ماشي كيفما كتظن ياك شحال جابت ليه فالاطباء النفسيين و فالمعالجين النفسيين حتى هوما ما كانو كيقدرو يغيرو فيه والو و لكن خنساء غييير خنساء غير الا شافت فيه كيحس بدنيا كتضحك ليه اما الا ابتاسمت و تكلمات كيحس بلي ملك دنيا بين يديه جات غير بهبالها و بعفويتها قدرات تخليه يرجع كيفما كان بلا خبرة بلا والو ....الجزء 261 قلوب أرهقها العشق هزات عويناتها و شافت فيهم لقاتهم كلهم كيشوفو فيها وهوما سالاو ماكلتهم دارت بحال عمرها شافت الماكلة ابتاسمت و فمها عامر و كتحاول تصرط داكشي اللي ففمها بصعوبة ....سلطان: عجبك الغراطان ؟؟؟خنساء شافت فيه و بقات ساكتة أصلن ما بقاش كلشي كلااا و هي ما كرهاتش تزيد و لكن مع الاسف ما بقا والو حركات راسها بالايجاب....مراد: راه واضح عجبها الغراطان طاحت فيه عورة تقول عمرها ما داقت نعمة واش كانو حابسينك فغوانطانامو اختيميلودة ضربات مراد لكتفو حيت كان جالس حداها ...ميلودة : سد حلقك كتحشم فالبنت بصحتها و راحتها الا عجبها نوض مزال نصيب ليهاخنساء: لا اخاالتي يكثر خيرك شبعت الله يخلف لديد بزاف الله يعطيك صحةسلطان قرب ليها طبسيلو كان مزال عامر و قال ...سلطان : كوليه انا ما بغيتوشخنساء: و لكن و الله حتى شبعتسلطان عرفها حشمات و حرك راسو بنفي...سلطان : كوليه اصلن من قبيلة ما كليتي والو غاتزيدي ضعافي و نتي اصلن فيك غير لعظومةفريد :كول ابنتي بصحتكخنساء خدات طبسيل ديال سلطان و بدات كتاكل فيه مهبطة راسها و اما لوخرين راه جابت ليهم منار الغلاص كتحلية كايكلوها باش يختمو العشااا ....شبعات نيت و شافت فسلطان باش تشكرو غير بعينيها لقاتو ديجا كيشوف فيها و كيبتاسم ...خنساء: شكراسلطان حرك راسو بالايجاب كرد على شكرها لقات عوتاني الغلاص حداها فكويس و طاحت فيه عورة تاني و عجبها . سلطان كيشوف فيها كتجيب ليه الضحكة ما كتقدرش تخفي نظرات إعجابها عفوية حتى فماكلتها رجع كحز ليها الغلاص ديالو شافت فيه ...سلطان: كوليه انا ما عنديش معاهخنساء ما زادتهاش معاه اصلن عاجبها خداتو من عندو و هبطات عليه كاتكل و تبنن غير هي و راسها ، أما سوسن اللي كانت جالسة حاضية الفيلم من ديبار و كيفاش كان كيشوف فيها و كيفاش ما كايكلش غير باش يحضيها و كيفاش كيهتم بيها و كيعطيها من ماكلتو دخلات ليها الشك ما يمكنش يتصرف معاها غير هكاك لله فسبيل الله دوك نظرات اللي كيشوف فيها بيهم ماشي نظرات عادية ماشي دق الله الله شي حلقة مفقودة غايكون معجب بيها زعما حتى هو ....و لا يكون كايبغيها و لكن ما يمكنش شخص بحال سلطان تعجبو خنساء و هي عارفة سلطان من زمان كيعجبوها البنات زوينااات بزاف و الا ما كنتي غزالة تيتيزة طياااحة ما يشوفش حتى فيك عارفة شخصيتو كيفاش دايرة حيت عالية خطيبتو السابقة كانت كتعرفها زعما شنو غايعجبو فخنساء اللي كتبان ليها ما فيها لا جمال لا اناقة و جاتها مبرهشة من لفوق دارت يديها على خدها و كتفكر زعما الا كان كيبغيها ممكن تكون عندهم علاقة فالمستقبل و تبعد من طريق يقين و هاكا غايكون ليها و غاتقدر تكسب قلبو ابتاسمت جنب و رشفات من كأسها د العصير و كتمنى يكون داكشي اللي فبالها بصح ....الجزء 262قلوب ارهقها العشق فريد وقف و جر معاه وفاء و قال بابتسامة ....فريد : نهار زوين هدا اللي شرفنا ولدي سلطان من فوق طبلة و لكن باباك غدا عندو إجتماع خاصو يمشي يحط عظامو و غاندي معايا وفاء حتى هي تصبحو بخيروفاء طلقات منو و شافت فسلطان و حركات راسها بنفي و قالت ....وفاء: لا انا بغيت نبقى مع ولدي نشبع منو طلع نتا لا بغيتي طلعمراد: ياك نتا اللي باغي تحط عظامك سير ترتاح خلي معانا تيتيزة ديال العائلة وفاءفريد هبط ليه على راسو بتصرفيقة و قال ...فريد: وليتي تعنب عل مراتي قدااام عيني أ البرهوشمراد : و لااا ا عمي دابا زين حبو مولانا و صراحة خالتي وفاء متيتزة مالي غانكدبميلودة :مشاء الله عليها فنة الله يخليكم لبعضياتكموفاء غير كتبتاسم ليهم كيعجبها اللي يشكر فجمالها و خنساء غير كتشوف فهاد التريكة و ساهية فيهم كتعجبها علاقتهم مع بعضياتهم تمنات لو كانت فرد منها تنهدات و بقات غير كتشوف واخا ما عندهاش مع وفاء ولكن كيعجبها زينها واخا كبيرة فالسن و لكن محافظة على رشاقتها و بشرتها رطيطبة و بيضة و ما فيها تجاعيد احسن منها هي نيت اللي مزال صغييرة كتشوف فيها و تشوف ففريد كيجيها سلطان كيشبه لباباه بزاااف بزااف و لا علاقة مع وفاء واخد منها غير عويناتها .....سلطان : الواليدة جمالها لا يعلى عليه بحال شي وريدة متفتحة و لا بحال القمر بحال ريحة الشتااا كتشبه لاي حاجة زوينة فالعالم هي اول إمرأة كنوقع فشباك غرامها و كنعشقها بقلبي و عقليوفاء قربات لعندو و عينيها دمعو عنقاتو و هو دور يدو مزير عليها عارفاه شنو قاست معاه و هي أكثر إنسانة كانت كتعدب معاه و فعز مرضو شحال بكات و قاسات كان كيزيد يتعدب فاش كيسمعها كتبكي حدا راسو كل ليلة و أقل حاجة يديرها هي يقول ليها هاد الكلام اللي كيخرج من القلب بعدات عليه و شافت فيه بحب حطات يديها على لحيتو و قالت بإبتسامة ...وفاء: كنبغيك أ حبيبيفريد : و صااافي و انا زعما ما نستاهلش و زايدون لاش كاتقوليله كانبغيك [ جرها من يديها ]دوزي تطلعي [ شاف فسلطان ]واخا فطاسيلتك نتا جالس تشكرها غير هي انا باك ولا راجل مكسلطان ابتاسم على كلام باباه و دوز يدو على لحيتو و قال ...سلطان :مزال كتغير مني ا الحااج راه الواليدة هديك أ شريف حقي فيها اكثر منكفريد : لا مزيان أجي شركها معايا احسنسلطان : [ بابتسامة ] و راني شاركها معاك أ صاحبي ما سمعتيهاش قالت ليا بفمها كنبغيييك أ حبيبيفريد : وها هي فيك مزال نرد ليك صرفسلطان طلع راسو كيشوف فالسقف و كيضحك على باباه كيعجبو يعصبو عارفو كيبغي ماماه بزااف و مغياار بلا قياس و عزيز عليه يطلع عليه طوبية ....سلطان هبط راسو شاف ففريد و قال ...سلطان : انا ماشي مغيار بحالك و هبيل باش نغير من ولديفريد : وا ولدهم و ربييهم و كبر كتافهم باش فالتالي يجيو يردوك هبييل و زيد مع هاد تريكة عندي نتا بعدا اكبر مغيار عرفاتو البشرية توريني فيك من ديما كنقولها يحسن عوان مرااتك معاك من صغرك و نتا كتغير على مك مني يا ولد اللدينة من صغرك مشيب بااكمراد كيموت بالضحك عليهم ....مراد: مسخوط باااه هادسلطان محرمها على عمي فريدسلطان : و هذا ظلم بعينيه أ الواليدوفاء:واحد نهار كان غايلوحك من سرجم عصبتيه كان فوقتما يبغي يقرب ليا كتبدا تبكيفريد: و ماشفتيش واحد نهار خرج ليها غووود كان صغير فعمرو ديك خمس سنين قرب ليا و ضربني برجلو و قال ليا و ما تعاودش تقيس فمااامااامراد:هههه جاك من اللخرميلودة : هههه مسكين سلطان و حتى ماماه كانت مفششاه بزااف داكشي علاشفريد جر وفاء ...فريد: راه حنا تعطلنا بزاف أ حبيبة يلاه نطلعو الا بقينا بالهضرة ما غانساليوش تصبحو بخيروفاء: تصبحو بخيرانصارفت وفاء و فريد بقاو غير هوما جالسين و خنساء غير ساهية فيهم و كضحك و لكن بقا فيها يقين كيجيها ما كيهضروش معاه و ما كيعطيوش ليه قيمة كيف عاطيينها لسلطان حتى من يقين كان غير ساكت و كيبتاسم مرة مرة فاش كيقولو شي حاجة كضحك ما عرفاتش علاش حسات بلي يقين غايكون تفكر ماماه حتى هو يااريت كن بقات حية حيت كيبان مقصح بزااف من جيهة هاد نقطة كتمنى من قلبها يبغي سوسن و ينساها هي... حيت سوسن كيبان ليها فعينيها كتبغيه بزااف و صابرة عليه ديال بصح كيجيها يقين كتوووم ما كيهضرش بزاف لاحظت بلي معظم الوقت سااكت و هي كيعصبها هاد نوع عكس سلطان اللي صدمها بكلامو هاد نهار و كيهضر براحة و علاقتو مع واليديه مزيانة و باينة فيه عزيز عليه ضحك و نشااط كل مرة كتكتاشف فيه حويجة جديدة كتزيد تعجبها فيه و تغرم بشخصيتو ....ميلودة و منار ناضو كيجمعو فالطبلةاما سلطان هز عينو لقاها ساهية فيه و كتبتاسم غمزها بغميزة زعزاتها و قال بصوت رجولي رخيم كيبورش ...سلطان : عجبتك ؟