💞 قلوب أرهقها العشق 💞 بالدارجة المغربية

💛الفصل 11💛

الجزء32قلوب أرهقها العشق ردات خنساء راسها للور ولصقاتو مع الحيط ودارت يديها بجوح تحت منو كتسنا ختها ترجع باش تعرف شنو باغا تقول عم الصمت لثواني بيناتهم حتى دورات وجهها لجيهة التيليفون ديال سناء وهي تحل عينيها على وسعهم لدرجة حتى فمها تحل معاهم مامصدقاش شنو كاتشوف أمامها ...خنساء:و..و..واش كتعرفيه ؟؟سناء سمعات جملتها والتافتت كتشوف فيها باستغراب وقالتسناء: ونتي كاتعرفيه ؟؟خنساء صرطات ريقها وحاولات تثبت وتحصن باش ماتبينش توترها ...خنساء: لاغير شفتك داخلة لبروفيل ديالو ونتي زعما براجلك وبولادك داكشي علاشسناء ضحكات بخجل وقالت..سناء: ههه اختي واخا مزوجة مامنحقيش نمتع عويناتي بخليقة سيدي ربي وخلاوها ماليها اللي ماشرا يتنزه ويتفجج مع راسوخنساء دارت راسها ماعمرها شافتو ولا عرفاتو و لاتلاقات بيه خطفات تيليفون من يديها وبقات هابطة فتصاورو على الانستغرام وحالة فمها فجمالو الغربي الاوروبي وكتحاول تحفظ السمية اللي داير فالبروفيل ديالو باش تدخل ليه بانستغرامها الشخصي ...سناء:شفتك وليتي نتي هي مولات السوقخنساء:وا تيتيز يا ختي هاد السيد واش اوروبي ؟؟سناء :وا هدااي عليا ولكن تيتيز ولد الحرامخنساء: يا ختي بولادك وجالسة تزللي على شباب ماحشمتيشسناء خطفات ليها التيليفون من يديها وطفاتو ...سناء:هههه ضحكتيني والله هدا راه راجلي اللي مكاالي فيه وكيحماق عليهخنساء حلات عينيها على وسعهم و زادت بانت دهشتها وقالت بعفوية ...خنساء: اوييلي على راجلك مكالي فيه هي راجلك ولا نوع من أنواع القطانيسناء حلات فيها فمها ببلاهة وجاوباتها ..سناء: كيفاش؟؟خنساء:زعما لوبيااااسناء : لواه عدس واخا مافهمتكش شنو قصدتي ولكن انا نقولك ونفهمك بالخشيبات هدا يا لالا فنان ورساام معروف فأمريكا وفالمغرب كيرسم دي طاابلو مجهديين واااعرين داكشي عندو ديال الخوار سميتو يقين زعيمي ... ومع نتي عارفة راجلي كيحمااق على هادشي ديال الرسم والفن وقاري عليه وراك عارفة بلي مصطفى راجلي أستاد ديال تربية التشكيلية فالكوليج وكيهتم بزااف بهاد الفنانة والبارح وراه ليا و هضري ليا عليه وانا يا ختي تكاليت فيه تصدمت حيت عرفتو مغربي مابايناش فيه تحلفي عليه كَاوري وكيعاودو عليه متواااضع ومثقف والله يعمرها سلعةخنساء: مزيان أ لالا و لكن عوينات عندو غير ديال جلبانة [ سهات فالفراغ وتنهدات و تفكرات الموقف اللي تعرضات ليه معاه وهي تبدا تضحك غير هي و راسها ]سناء: و عرفتي اللي تلاقا بيه خاصو يزغرت حيت ماكيعمرش فالمغرب معظم وقتو فأمريكا كيدير بزااف دالمعارض تماك وداكشي علاش راجلي غايهبل ويتلقاه فاص أ فاصخنساء: وراجلك لاش باغي يتلقاها ؟سناء: وا حضري معايا عقلك الله يرضي عليك راه قلنالك مصطفى كيهتم بهادشي ديال الفن وما كرهش يحضر لشي معرض ديالو حيت ماعمرو دارو فالمغرب ديما كايدير المعارض ديالو برا ولي طابلو ديالو كلهم كيتباعو ما كاين غير الملاين وقالي مصطفى شي بعض المرات كتوصل حتى لملايرخنساء: العار ؟؟سناء: واشنو يصحابلك هاد سيد ساهل و لكن على حسب ما فهمت من راجلي كيدير الخير بزااف كيبني الجمعيات والسبيطارات ويعاون ناس حنيين وضريفخنساء سهات فالفراغ مجددا وحطات يديها على صدرها و قالت بهمس ...خنساء:من ناحية حنين حنيين يا ختيسناء: ونزيدك كيقولو بلي خوه هو داك المغني المشهوورخنساء: شكون فيهم ؟سناء: الله يفكرنا فشهادة تلفات ليا سميتو هداك اللي كان معروف وكيغني الراي بزاافخنساء حدقات فيها حتى توسع بؤبؤ عينيها بشكل كبيير..خنساء : واش س..ماجات فين تكمل سميتو حتى تمات داخلة ياقوت وقالتياقوت:أمدرا طلعات القهوةمشات كتشوف القهوة واش طلعات فالقطارة وفعلا لقاتها طلعات طفات على البوطة وشافت فسناء ...ياقوت: قلتي ليها على الخدمة اللي دبرتي ليها عليها ؟.سناء: لا مزال ماقلت ليها والوخنساء شدات فيد سناء وكتشوف فيها بحماس و بفرحة ..خنساء: العااار واش لقيتي ليا خدمةسناء : ههه اييه يا لالاخنساء:ربي ربيسناء: و راه لقينا ليك الخدمة هي لقينهاخنساء: شنو هي ؟؟ طلقو هضرو ونتوما كتقطرو ليا الكلمة قطرة بقطرة تقول كتخلصو عليهاسناء كتشوف فياقوت وكتغمزها ...سناء: كسالة ديال الحمامتلاشى داك الحماس وديك الابتسامة اللي ترسمات على وجهها وقالت بخيبة امل ..خنساء: اهاه مرحبا على راس والعين وما تنسايش تجي لحمام نتي وبنتك وولدك نكسلك من داكشي رفيع نطير ليك الجلدة بقوة الحكان اوا اش غانقولكم الله يلعن اللي مايحشم غانوض بحالتي من حداكم حيت الا بقيت غانقول ليكم شي كلمة ماشي هي هاديكالجزء33قلوب أرهقها العشق بغات تنوض وهي تشدلها سناء فيديها ..سناء:جلسي غير ضاحكة معاك أصاحبتيخنساء تنهدات ودارت شافت فعينيها بتعبخنساء:وجه الله واش كيبانلك وجهي ديال ضحك وخصوصا فالموضوع ديال الخدمة ماضحكيش معايا فيهاسناء:وا غير بغينا نبسطو معاك شويةخنساء:يالاه فكونا شنو هي هاد الخدمة ؟سناء شافت فياقوت وقالتسناء:طيااابة فالعراسسناء وياقوت ضحكو بجوج بيهم بطريقة هيستيرية فحين خنساء كتحس بداتها كتغزل بالاعصاب عارفهم ناشطين عليها ..خنساء:وا طلقونا للفراجة خلاص و نتوما كتشتتو بضحك تقول دايرة ليكم الحلقةسناء:صاحب مصطفى راجلي عايش فميريكان المهم دار تماك مصيريف مزيان خدم وتكحفر ولكن قتلاتو الغربة ومع هو مولف مو وعائلتو قرر يدخل المغرب بعد خمس سنين ديال الخدمة فأمريكا ويدير مشروع فالمغربخنساء:ودابا انا لاش كتقولي ليا هاد الهضرة غاندخل معاه شريكة مثلا؟؟سناء:شرييكة ؟ واش داوية من نيتكخنساء:ونتي اللي جالسة كتخبري عليا هاد الحجاية هو بغا يدير مشروع الله يكمل ليه والله يسهل عليه انا اش غاندير ليه ؟سناء:[شافت فياقوت] دابا وجه الله هاد ختك ماشي حنوكها غير ديال طرشياقوت:هاديك راه واحد المطنكَة منها ماكاين ماتديش عليها راه غاتفقصك ماكتخدمش دماغها كيف العبادخنساء ماعجبهاش الحال وخنزرات فيهم بجوج وقالت ..خنساء:من هادشي كامل فينا هي هاد الخدمة ؟ياقوت:وراه داك السيد اللي غايدير مشروع بغا شي بنت معقووولة تقابلو ليهسناء:وانا اقتارحتك على راجلي مصطفى حيت نتي الله يعمرها سلعة وبنت ناس وعارفاك من زمان باغا تخدمي وناض هو واقتارحك على صاحبو عدنان اللي غايدير المشروعياقوت:وهو قالو مرحبا بيهاسناء:اوا اش قلتي ؟؟خنساء كتسمع ليهم بجوج باهتمام وعيونها كتلمع بقوة الفرح ..قالت بعد مدة صمتخنساء:اكيييد موافقة [عنقات سناء جنب وكملات كلامها ] والله يا ختي مامنك جوج ماتصوريش قداش فرحتيني الله يجازيك بخيرسناء:ومصاب غير تعجبك الخدمة وتافقي معاه ويدير معاك شي ثمن مزيانخنساء:اودي واخا يعطيني غير مية درهم ومانبقاش جالسة فدار على شقى وتماارة ونتشهى الحاجة ونبغيها وما نلقا باش نشريهاسناء:لااا ماشي حتى لهاد الدرجة غايتهلى فيك هاد السيد لقليلة يديرلك ثلاثين الف ريال لشهر ومعقول المهم نتي خدمي بنيتك معاه مايخصك حتى خيرخنساء:بعدا شنو هو هاد المشروعسناء:واقيلة مكتبة كنظنخنساء:وانا غانقبلها ليه ؟؟سناء:اه المهم حتى نهدر مع مصطفى ونشوف شنو غاديري معاه المهم نتي الاسبوع الماجي تخدميخنساء:من فمك لربي على اللهياقوت:وا نوضو تهزو تحطو معايا طبلةخنساء:جا راجلك ؟ياقوت:جا هو وجا با و علال كلهم جالسين فالصالونناضت خنساء مع سناء كيتعاونو مع ياقوت حتى حطو الطبلة اللي كان فيها جميع انواع المملحات والبيتزات والمادلينات ولي غاطو وصينية فيها القهوة واتاي ...التفو حول الطبلة وخنساء دماغها ساهي ... فوقتما تفكرات شنو صرا ليها مع يقين كتبتاسم مع راسها غايبة عن العالم الخارجي كأنها فعالم خاص بيها غير هي وداك الراجل الوسيم اللي حمقها وأي بنت فبلاصتها كانت غاتكالا فيه وطبيعي شخص بحالو بجمالو بشكلو الغريب المميز فنفس الوقت غايثير انتباهها عاد طريقة كلامو وعقلو وكيفاش كيحتارم المراة ...ياقوت:خنساء أتاي ولا قهوة ؟خنساء فاقت من سهوتها وجاوباتها بصوت قريب للهمس ..خنساء:اتاي عفاكمنانة ابتاسمت وقالتمنانة:هاديك راه صاحبة أتاي هههبلال زوج أختها اللي كان شاب فثلاثينات من عمرو جمالو عادي مثلو مثل اي راجل مغربي سمر وملاميحو حرشين نطق بابتسامة ...بلال:حتى انا بحالها الا ماشربت داك الكاس ديال اتاي راسي كيضرنيياقوت:عمي علال ونتا تبغي الحليب ياكعلال اللي كان راجل كبير فالعمر فحدود ستينات راسو ولحيتو مغطية بشيب قال بصوت باين فيه التعب ...علال:أنا وبااباك ابنتي كنشربو غير القهوة الكحلة ياك أعبد العزيزعبد العزيز الاب ديال خنساء راجل سمر وشارف داير طاغية على راسو ووجهو مكمش عليه تجاعيد كثيرة كأنها آثار معاناة الحياة ...عبد العزيز:ضروري ماكاين غير قهوة كحلةنطقات خنساء بعفوية ...خنساء:عمي علال راه القهوة خطيرة عليك ونتا مريض بالقلب راه ماشي صحيةعلال شاف فيها وابتاسم بخفة ومرر يدو على لحيتو البيضاء ...علال:موت وحدة اللي كاينة ابنتيخنساء:وراه حتى ربي قالك اعمي ماتلقيش بيديك لتهلكة وتقول كتابت عليا الواحد يدير الاحتياط ديالوعبد العزيز قاطعاها بتهكم وقال بسخرية ..عبد العزيز:من امتى وليتي طبيبة ابنتي ؟ خليه يشرب اللي بغا لي عسااك أعلال نتا صحيح فصيح شرب لي حب خااطركالجز34قلوب أرهقها العشق خنساء:ولكن...عبد العزيز خنزر فخنساء حتى سكتات وحنات راسها كتشرب فكأسها ديال الشاي وكتبتاسم باستهزاء كأنها مولفة هاد القميع من يوم يومها وهي كتعرض للقمع ماشي شي حاجة جديدة عليها ماكيخليوهاش تعطي رأيها فالحاجة حيت اصلن بالنسبة ليهم البنت ماعندها رأي خاصها تسمع وتسكت وتحني راسها وتقول واخا كأنها خدم أو إحدى العبيد عندهم ...عبد العزيز:خنسااءهزات راسها شافت فيه وفيديها طرف ديال البيتزا كاتكل فيه ...خنساء:نعاامعبد العزيز:لقيتي شي خدمة ولا والو ؟غير كتحطي cv وترجعي [قهقه بصوت عالي]هههههههههه شركات دالمغرب كلهم ولاو عاارفينكتعالات ضحكات الجميع وهي كتحس بالعافية شاعلة فقلبها ماكتحملش شي حد يستهزء بيها ولا يقلل منها، من ديما كتعرض لمثل هاد المواقف من طرف عائلتها من ديما دايرينها ضحكة وكيلعبو ليها على الوتر الحساس "الخدمة " اللي ولات بنسبة ليها نقطة ضعفها مابقاتش قادة تستحمل شي حد يهضر ليها عليها حيت معقداها فحياتها ...بغات تجاوبو وهو يقاطعها صوت منانة اللي قالتمنانة:اش بغات بشي خدمة حتى هي الله يهديها قرات حتى عيات ووالو اش قضات بداك ديبلوم انا كن دارت ليا راي كن مشات جلسات تكمشات فدار باها حتى يجيبلها ربي رزقها او لا أسي عبد العزيزعبد العزيز حنحن وتقاد فالجلسة وقال بصوت خشن ..عبد العزيز: زعما اللي خدامين مطفرينو هاهي عيات تقلب والو ماجابش الله و زايدون راه ...قطعات كلامو سناء اللي كانت هازة طرف ديال الكيكة كاتكل فيها وقالت ..سناء: لاا اعمي علاه مالها حتى هي تخدم وتبني مستقبلها باش احسن منها البنات اللي خدامين بديورهم وطوموبيلاتهممنانة:حتى حنا ماقلناش ليها لا ولكن هاهي عيات تقلب ووالو ماجابش ليها اللهياقوت كتوكل بنتها فحجرها وجاوبات ماماها ...ياقوت: ضبرات ليها سناء فواحد الخديمة مسكينة الله يجازيها بخيرنطق عبد العزيز بتهكم ...عبد العزيز:نكافة ولاكسالة ولا طيابة ولا فام دو ميناااج ههههههضحك حتى بداو كيبانو سنانو المغلفين بطريقة مخيفة ... خنساء استفزاتها هضرتو لدرجة ماقدراتش تكبح نفسها وجاوباتوخنساء:المهم كيخدمو بعرق كتافهم ماكيسعاو ماكيديو فلوس ديال حتى واحد هدا هو المهمعبد العزيز ماداهاش فهضرتها وشاف فياقوت ...عبد العزيز:شنو هي هاد الخدمة اللي لقيتو ليهاسناء:تقابل واحد المكتبة ديال صاحب راجليعبد العزيز رشف من كاس دالقهوة وشاف فعلال اللي كان بجنبو ..عبد العزيز: أش بانلك اسي علالعلال: نتا هو باها ونتا اللي كتقرر انا مابانلي والو ولكن خليها تخدم وتعتامد على راسها تبارك الله خنساء ماشي شي وحدة لي صغيرة وتقدر تخدم ومعقولة الله يوفقهاخنساء شافت فيه وابتاسمت من ديما كيعجبها علال وطريقة تفكيرو حنين وضريف شي بعض المرات كانت كتمناه يكون هو باها وتعاود تنعل الشيطان ...عبد العزيز : اوا وأش غانديرو فداكشي اللي قلتي ليا ؟؟علال: من بعد ونهضرو فداك الموضوع خلي البنت تاكل تعرف الدغمة غير منين دازتكلهم دخلهم الشك من الحوار اللي دار بين عبد العزيز وعلال وبالخصوص خنساء اللي حسات بالموضوع فيه إن و اخواتها وطاسيلتها كاملة ولكن ما قدراتش تهضر ..الجزء 35قلوب أرهقها العشق منانة: يااك لابس اسي عبد العزيزعبد العزيز خنزر فيها وقال ...عبد العزيز:كولي ماكلتك قلنا من بعد وندويو فهاد الموضوع ماكتسمعيش الكلاممنانة حنات راسها وكملات ماكلتها في صمت والجميع كاياكل حتى بان واحدالاشهار ديال loto فالتلفازة فإحدى القنوات حل عبد العزيز فيه فمو وقال ...عبد العزيز: شحااال من واحد دار لابس غير بهاد القمرمنانة ضحكات وجاوباتو هي الاخرى ..منانة: علاه نسيتي داك الراجل اللي كان عندنا فدوار غير بوهاالي وكيقولو دابا دار الفيلات وطوموبيلات و واهلي فين وصل غير بهاد القمربلال ضحك وجاوبهم برزانة و بحكمة ..بلال: غير فلوس الحرام هادوك أخالتي واخا يتمتع بيهم هنا غايتحرق بيهم لهيه مايصح الا صحييحعبد العزيز رد راسو اللور وقهقه بصوت رجولي مخيف ..عبد العزيز :المهم هو يتمتع و تاما باقي يدير فيه الله الخيرياقوت: هه كيفاش أ با يتمتع و تا ما باقي يدير فيه الله الخير ؟عبد العزيز: زعما يتمتع بدوك الفلوس ومن بعد يمشي الحج يغسل دوك دنوبخنساء كيطلع ليها باها دم بهاد الافكار المتخلفة اللي عندو جاوبات بلا ماتشعر ...خنساء: علاه نتا يصحابلك ربي غايتقبل ليك الحج الا كان بفلوس الحرام ؟ من شروط الدهاب للحج ان الفلوس اللي غاتمشي بيهم خاصهم يكونو حلال وهدا اللي غايمشي يقمر وهو عارف بلي حرام باش فالتالي يمشي بيهم للحج ويغسل عظامو من الدنوب خاصو يعرف بلي هدا كايتسمى تحايل على الشرع بحال باغي تقولب على اللي خلقك استغفر الله العظيم حيت ربي عارف نية ديالك قبل من هادشي كاملبلال:بل الاكثر من هدا نتا شكون ضمنلك بلي راك غاتعيش حتى غاتمشي للحجعلال:ولهيلا أولدي عندك الحق [ربت على كتف عبد العزيز ] يقول الله عزوجل بعد أعوذ بالله من شيطان رجيم {يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا} سالات الهضرة ربي محرم القمار فالقرآن حيت الناس كيكسبو منو الفلوس بلا مجهود وهادشي حراامعبد العزيز : ونعم بالله حتى حنا دابا غير كناقشو هههعلال: مزيان يتدكرو هاد المواضيع اللي كتبين كل واحد شنو هاز فدماغوعم الصمت لثواني بيناتهم حتى نطقات خنساء اللي كانت كتشوف فعلال وتفكرات فاش شافتو مع يقين قبيلة ابتاسمت و قالت ...خنساء: عمي علال ياك كتاكل دوا اللي خرج ليك الطبيب فالوقتعلال ابتاسم و حدق فيها بحنان وقالعلال: اييه ابنتي ضروري ماخاصنيش نساهخنساء:الله يشافيك وبشحال تقامت عليك العملية ؟علال:غالية ابنتي لهلا يعطي المرض ديال القلب لشي مسلم ولكن انا غير واحد المحسن اللي تكلف ليا بالعملية الله يكثر خيروياقوت:اوا الحمد لله مازال الخير فدنياعلال: منين باقي عايش واحد الراجل ساكن فالحي اللي كنت عساس فيه راه مزااال الخير الحمد اللهمنانة: شكون هاد الراجل ؟؟خنساء عجبها الحال حيت وصلات لنقطة اللي كانت باغا توصل ليها و اللي هو السؤال اللي طرحات منانة "شكون هو هاد الراجل " ما كرهتاش تزيد تشبع فضولها اتجاه داك الشخص اللي عجبها واخا عارفة راسها عامرها غاتعاود تلاقاه ولا تشوفو ...بقا ساكت وكيبتاسم وفالأخير نطق ...علال:اش غانقولكم واحد الولد شهوة منو تكون عندو ديك ثلاثين عام غزاال ماتعزلي فرجال غير هو قلبو اصفى وانقى من الحليب كيدير الخير بزااف من ألطف وأخير ناس اللي شفت فحياتي كان ديما فالعيد يصيفط لينا الحوالة وفراس شهر يصيفط لينا تقضية حتى لباب دار ويعطينا اللي قسم الله العساسة ديال دوك الاحياء كلهم كان كيتهلى فيهم ومعروف عليه ولد الدار الكبيرة الخير والجود والكرم والتواضع الله يعمر ليه الدار واخا هو حياتو بين المغرب وميريكان ولكن ماكينسى حتى واحدعبد العزيز:هممم هدا هو الرجل وإلا فلا عائلتو بحالو ولا والوعلال:انا ماعارف عليه حتى حاجة واش عندو عائلة ولا ماعندوش الله أعلم المهم اللي عارف كان مزوج وطلقمنانة متقات وقالتمنانة:وهاد المراة اللي غاتسمح فراجل زين بحال هذا خاصها العصاسناء:ياا خالتي غير كاتقولي حتى واحد ماكيعرف شنو كيصرا بين الرجال والمراة من غير الله تعالىمنانة:وفهادي ماكدبتي يا بنتي عندك الحق الله يلاقينا مع ماأحسن مناياقوت:اللهم أميينعبد العزيز كيشوف فخنساء و كيهضر ] أراه المراة واخا ماعرفت فين توصل فالاخير غاتزوج هههههخنساء دورات وجهها ماحاملاش كلام باباها عارفها كيحشي ليها الهضرة ماقدرات تصبر وناضت كتجمع الطبلة حيت كملو الماكلة ومنها نيت تلهي راسها وتهنا من هاد الكلام المتخلف اللي كيلوث ودنيها ...