💞 قلوب أرهقها العشق 💞 بالدارجة المغربية

💛 الفضل 14💛

الجزء 42قلوب أرهقها العشق سوسن: ش..ش..شكون هي هادي؟؟يقين :واحد البنت عجباتني سميتها بزاف و تقدري تقولي تغرمت بهاد الاسم اللي ما عمري ما سمعتوسوسن : واش عجباتك سمية ولا مولة السميةيقين شاف فيها مطولا و كشر ملاميحو حتى تحولو لتخنزيرة قااصحة بزااف عمرها شافتها من قبل ...يقين :من فوقاش كتدخلي ف My personal life ؟؟؟سوسن : Just curiosity, no more * مجرد فضول ، لا أكثر *يقين : غاتوشمي ليا جاوبيني بآه ولا لا باش الا كنتي عيانة نمشي نوشم فبلاصة اخرىسوسن حركات راسها بنفي ..سوسن :لا غانوشم ليك غانمشي نجيب الماطريال و نجييقين : كانتسناكتحط العشا من فوق الطبلة اللي كان عبارة على دجاجة محمرة بالفريت مع الموناضة ...بلال:مرحباا بيكم نهار كبيير هداعبد العزيز:الله يكبر بيك و يحفظك ليا أنسيبي العزيزياقوت:خنسااء قربي لطبلة راك بعيدة تماكمنانة:يديها تبااارك الله طوييلة بسلامتهاخنساء كتاكل فالصمت و دماغها مرفوع ما كتسمعش ليهم أصلن شنو كايقولو غير كتخمم فالخطيب اللي جاها على غفلة ما كانت معولة عليه ما كانت دايرة ليه حساب ..عبد العزيز:خنييفييسة وااا الخنييفيسةسمعات باباها كيناديها بإسم دلع اللي كيعيط ليها بيه مرة مرة فاش كيكون نااشط ...شافت فيه و قالتخنساء:نعام أبا بغيتي شي حاجةعبد العزيز:ههه مابغيت واالو بغيت غير راحة باالكخنساء ضهرات ابتسامة صفراء على وجهها ...خنساء:لهلا يخطيكمنانة:ههه اوا مالك كتخممي و ساهية كولي ابنتيعلال:ما تبقايش دايرة يديك على حنك ما مزيانشعبد العزيز:تقادي فالجلسة و كولي راه ما يكون غير الخير واش كاين شي حد كيكره الزواج خلاوها ماليها اللي هرب من الزواج هرب من طاعة او لا أسي علالعلال:كاينة أسي عبد العزيز غير هو يكونو طرفين بجوج موافقين و متفاهمين و باغيين بعضياتهم باش حتى زواج كيكمل طول الحياةعبد العزيز:لاااا اسي علال داكشي غير هضرة خااوية التفاهم و البغو كيجي من مور الزواج يا جدودنا واش كانو كيتبغاو من قبل كانو كيتزوجو هو من قلعة و هي من قلعة ما كايكونوش شايفين ولا عارفين بعضياتهم كاع حتى كيتزاوجو و كيديرو الولاد و تريكة و كايبقاو مع بعضياتهم حتى كيتهزو للقبر واش كاين هادشي ولا ماكاينشياقوت:ولكن أ با هادشي راه كاان زمان دابا الوقت تبدلات هادوك فشكل و هاد الجيل فشكلعبد العزيز:واا لا أ لالا داك زمان بحالو بحال هاد الزماان واخا تقولي حتى تعيايخنساء غير كتسمع و كتفقص و كترد لقلبها هضرة باباها كتجننها و كيجيوها أفكارو ديال الراقدون تحت ترااب أفكار قدييمة و الأصعب من هذا هو مقتاانع بيهم و صعيب يتبدلو ....منانة:اييه على خنساء حتى هي كبرات و بداو يجيوها الخطاب عاقلة عليها بحال غير البارح كانت كتلعب الشريطة و الحبل فالزنقة اييه يا ليام كطيرعبد العزيز :وهي بعدا حتى كبرات وقرات عاد بداو يجيوها اما نتي راني خطبتك فاش كان عندك ربعطاش العام و لقيتك حتى نتي نيت كتلعبي فالزنقة و لكن تبارك الله عليك كنتي وافية و عااطية للعين غير شفتك قلبي نقز من بلاصتومنانة حشمات و دارت طرف ديال الشان على فمها و كضحك بصمت أما الآخرين كيضحكو بصوت مرتفع على كلام عبد العزيز ..بلال:الحب صعيييب أعميعبد العزيز:ايييه يا وليدي الحب صعييب و الربطة زغبية خلاوها ماليها و باقي كنعقل كنت انا و علال دايزين من حدا دارهم و غير شفتها و انا نقول لعلال و الله حتى نتزوج بيها عااقل اسي علال ولا ما عاقلشعلال كيحرك راسو و كيتنهد و قال ...علال:الله أ ودي عااقل بالايمارة كانت لابسة كسوة طويلة فزرق و دايرة الضفيرة لشعرها كان تبارك الله طويل و كحل و لابسة واحد الصباط فالكحل و كتلعب بالحبل مع بنت جيرانهمكلشي بقا كيشوف فيه باستغراب حتى نطق عبد العزيز ...عبد العزيز: يا سبحان الله مزال عاقل بالتفااصيل تبارك الله عليك انا نسيت كااع داكشي ما عندي ما يتسالك ذاكرتك قوية انا ما كنعقلشعلال طلع نفس و هبطها ببطئ و جاوبو ..علال:كاين شي ذكريات ما كيتنساوش واخا كتبغي تحيدهم من بالكالجزء 43قلوب أرهقها العشق ياقوت:و نتا اعمي علاش ما بغيتيش تزوج حتى لدابا ؟علال ضهرات ابتسامة خفيفية على ثغرو و قال بعد تنهيدة طويلة ..علال:كلشي بالمكتاب أبنتي الله عزوجل كيقول {عسى أن تحبو شيئا وهو شر لكم } ما تقدرش تعرف الخير فين كاينخنساء: داكشي الي كاين أعمي عندك الحق شحال من حاجة كنكونو غانحماقو باش نوصلو ليها و هي راه ما فيهاش للخير لينا و شحال من حاجة كانكونو ما حاملينهاش و كيكون فيهاخير لينا ربي بوحدو اللي كيعرف الحكمة المخبعة فأي حاجة مكتبها لينا سواء فيها خير ولا فيها شر المهم غير الواحد ما يقنطش من الرحمة د سيدي ربي و يرضى بالقضاء و القدرعبد العزيز:وهي لا تزوجتي بعصام ما عرفتي يكون فيه الخير ليكرجع اللور و قهقه بصوت مخيف خلاهم كلهم يضحكو الا خنساء اللي توقفات عن الأكل و ناضت تغسل الماعن اللي تحطو فالكوزينة من جديد اللهم القشوع و لا تبقى تسمع فهاد الهضرة اللي كتسمم ودنيها و كتخربق دماغها و كترفع ضغطها ...منانة:جلسي تكملي ماكلتك فين غادةخنساء:غادة نغسل لماعنياقوت:الله يا ختي غير خليهم عليك منين جيتي و نتي تغسلي جلسي ترتاحيعبد العزيز:لواه لواه خليها باش تقصاح و تكون مراة حرة ديال دار و تعلم ما تدي فدراعهاخنساء صدرات منها تنهيدة و قالتخنساء:لا غي خلي انا نغسلهم غير كملو ماكلتكم انا شبعت الله يخلفعطاتهم بضهر و هي تسمع باباها كيهضر و يقول ...عبد العزيز:غير الحشمة هاديك اما هي فيها ما ياكل جملرد راسو اللور و ضحك بصوت مرتفع حتى بانو سنانو المغلفين فحين خنساء زيرات على يديها و انصرافت للكوزينة ما حاملاش راسهانطق علال اللي كان بجنبو ...علال: بلا ما تبقا تضغط عليها راه مزال ما درنا فطاجين ما يتحرق أ الله غايجيو يشوفوها بلا ما تسبق الاحداثعبد العزيز : اوا نتمناو الخير حتى حنا كنتفاءلو ما عرفتي ربي يكون مكتبو ليهامنانة: اوا يكون خير إنشاء اللهفحين خنساء حيدات تيليفونها من لاشارج و دخلات لأغاني اللي مسجلة فطيليفونها و طلقات واحد الاغنية على الله تبرد و ما تبقاش تسمع لكلامهم ....بدات كدندن مع كلمات الاغنية بصوتها الطربي الشجي اللي كتميز بيه غير خنساء بوحدها صوتها رهيب كتوصل لمقامات عاالية فالغناء و من بين أحلامها توقف على شي منصة و تغني و تسمع لناس صوتها و لكن كتقول بلي هداك من بين الاحلام المستحيلة اللي ما يمكنش تحقق و لكن واش فعلا مستحيلة ؟؟ واش فعلا ما غاتقدرش تحقق حلمها ؟؟ علاش الانسان عزيز عليه يحgر راسو و يبني عدة عوائق مع نفسو كاتمنعو باش ما يوصلش لحلمو ؟؟ أكبر عدو للانسان هو نفسو نهار غاتآمن بنفسك معظم المشاكل غايتحلو .. ....خنساء:وعلاش يا ليل بليتيني بالتخمام نتمشى وسط الظلام مسافر بلا قنديل مهدود الحيل نعافر في ليام طريقي ماليه رسام يا ويلي ويلي يا وييل خايف نقول عييت وأنايا عاد بديت و يا مغبون سهران الليل الليل الليل ويااليلي يا ليل واسي همي يا ليل داوي جرحي يا ليل فاجي همي يا ليل واسي دمعي يا ليل حكمت لقدار وتصرف المكتوب ويا علام الغيوب راه الحال مكدر وشكون ختار فالدنيا يكون مغلوب عايشينها بالمقلوب حتى لين غانصبار يراني كل نهار نقول جونيمار ويا مغبون سهران ليل ليل ليل واسي همي يا ليل داوي جرحي يا ليل فاجي همي يا ليل واسي دمعي يا ليلقفزها صوت ختها الياقوت اللي قالت ...ياقوت: الله على صويت عندك ياا ختي سعدات راجل اللي غايديك حسدتوخنساء التافتت شافت فيها و قالت بغضبخنساء: ياكما عاودو ليك عليا شيخة غانبقا نطيب ليه نعاسو و نغني ليه كل ليلةياقوت قالت مع غميزة ..ياقوت: اوا ما عرفتيخنساء: انا ما حاملاش رااجل و ما باغاش نتزوج و ما باغا نغني لحد غير بعدو منيالجزء 44قلوب أرهقها العشق ياقوت: هههه واخا عرفناها صافي غير خلي عليك دوك الماعن سيري تلبسي حوايجك باش تمشيوخنساء شلالات يديها من تيد ، هزات تيليفونها و خرجات من الكوزينة اتاجهت لبيت نعاس ديال ختها لبسات حوايجها بسرعة و باست يارا من راسها حيت كانت ناعسة من فوق ناموسية و خرجات لقاتهم كلهم كيتسالمو ...عبد العزيز : الله يخلف عليكم سمحو لينا عدبناكم معاناياقوت: بالعكس نتوما اللي سمحو ليناعلال: فين هي يارا نسلمو عليهابلال: نعسات اعميعلال: اوا الله يبيتها و يبيتكم فراحة اللهمنانة جرات بنتها الياقوت و كمشات ليها مية درهم فيديها و قالت بصوت حنون ...منانة: هاكي شري لبنية شي حاجة انا ما عرفت ما نشري ليهاياقوت: واش حنا بيناتنا هادشي الله يهديكمنانة : الله يرضي عليك ابنتي تهلاي فراسك و فمولا دارك و بنيتك الله يحفظها ليكم و الله يفك وحايلك على خير تصبحو بخيرياقوت: لهلا يخطيك تبغي نجي غدا نعاونك فشي حاجةمنانة : مرحبا بيك أجي راه نيت خاصك تكوني حاضرة و جيبي معاك داك القفطان الغرونة ديال جوهرة لختك باش تلبسو راه نيت ما عندها ما تخرg قدام ناسياقوت: واخا أمي كوني هانيةمنانة : اوا تصبحي على خيرخرجو كلهم من دار و بقات غير خنساء معنقة ختها الياقوت حدا البابياقوت: هانتي ما ديريش فبالك كلشي غايدوز مزيان و شكراا بزااف على الكادو اللي عطيتيه ليارا أحسن كادو وصلها هو هداكخنساء: بصحتها يا الله ازين هانا مشيت تهلاي الله يعاونكياقوت: الله يعاونلبسات خنساء البالغينة ديالها و تدكرات اللحظة اللي عطاها ليها يقين و هي تبدا تفرنس غير هي و عظامها هبطات من دروج و عينيها غير على صباطها و أحداث اليوم دازو من قدام عينيها كيف شي شريط ديال شي فيلم وااعر ما بغاتوش يسالي ...وصلات لسفلي لقات باها كيحل فالطوموبيل اللي كانت من نوع R9 فالأحمر يعني طوموبيل مخرششة ...ركب علال لقدام و طلعات خنساء و ماماها منانة للور ...عبد العزيز : ديرو سمطة لا يمشيو يشدونا البوليس يصدقو ضاربينا بالبروسيمنانة : درناها غير توكل على اللهديمارا عبد العزيز و قلع فإتجاه حومتهم...خنساء حطات راسها على زاجة و هزات التيليفون ديالها اكتيفات 4g و دخلات لفايسبوك كتسركل و تلف الوقت على ما يوصلو بقات طاالعة هابطة كتضحك على ليبوسط اللي كيضحكو و كيبقى فيها الحال على اللي بوسط اللي كيحزنو ....حتى لواحد اللحظة طلع ليها بوسط فالمجموعة اللي داخلة ليها نيت { creative brains} بوسط خلا ابتسامة عريضة ترسم على وجهها حيت كانت مكتوبة فيه سميتها بخط عربي أصيل و جميل فنفس الوقتو ضاهر أنها مرسومة بخط اليد { خنسااء} ...
الجزء 45قلوب أرهقها العشق جالس من فوق الفوتوي بجسمو العاري و ضاهر من علامات وجهو انه كيتألم نتيجة الابرة ديال الوشم اللي تكاتو بيها سوسن فضهرو ...رسم الوشم أو التاتو في الجسم هو من أصعب الأشياء اللي ممكن يتعرض ليها الجسم ديال الإنسان لأن العملية ديال الوشم كتدار بواحد الآلة بحال آلة خياطة كتحتوي على إبرة كبيرة وقااصحة كتختارق الجلد باش كينزل منها واحد الحبر وهاد العملية كتطلب تخدير خفيف للمنطقة اللي غاتوشم ولكن واخا هاكاك كتبقى كتحس بالآلم داكشي علاش حرام لانه أولا هاد العملية كتقصح الجسد بطريقة رهييبة و بلا ما نهضرو على المواد الكيميائية اللي كتدخل لذات و كتلوث الدم بسبب الوشم ..سوسن قربات وباست كتفو تحت البلاصة اللي دارت فيها التاتو وقالت بصوت حنون ...سوسن:بصحتك مون شيغييقين :ميغسي ولكن تقصحت شويةسوسن:نوغامالمون خاصك تكون موالفيقين:موالف مي فكل مرة كنديرو ضروري كنتقصح mais ça va داباسوسن حطات ذقنها على كتفو حيت كانت واقفة من مور ضهرو ...سوسن:تبغي نصورو ليك تشوفويقين:داكوغ واخا انا متأكد من أنكي غاتكوني درتيه وااعر كنثيق فابداعكسوسن :واخاهزات تيليفونها من فوق الطبلة والتاقطت صورة الوشم اللي دارت ليه من فوق كتفو فجهة ضهرو اللي كان عبارة على إسم خنساء بحروف فرنسية { khansa}بطريقة جميلة جدا ...سوسن:هاك شوفخدا من عندها التيليفون وضهرات ابتسامة إعجاب من عملها اللي تقناتو وقال ..يقين :برافو عليكسوسن خدات من عندو التيليفون وطفاتو حطاتو من فوق لاطابل الزجاجية وجلسات حداه من فوق الفوتوي وتقربات منو حتى لصقات مع جسدو العاري وتلاقات عيونهم الخضراء اللون مع مسافة قريبة بزااف كانت بيناتهم ماكتعداش خمس سنتيمترات ...كتعض فشنيفاتها وكتغمزو كأنها كترجاه باش يسرق قبلة من شفايفها ولكن كان العكس منو هو تملص منها كما تتملص الشعرة من العجين ...بعد وحول نظراتو لبعيد كأنه ماباغيش هاد القرب الشيئ اللي خلاها تبعد عليه ببطئ وقالت بصوت حزين ..سوسن: علاش كاتصرف معايا هاكا ؟ شنو درت ليك ؟ ممكن تعطيني سبب؟ وشكون هي هاد خنساء اللي بغيتي توشم سميتها ؟ علاش حسيت بيك بحال تبدلتي عليا و ماباغيش تقرب مني ممكن نعرفيقين رمقها بنظرات بااردة وجاوبها ...يقين :أصلن انا عندي مشاكل كثيرة هاد الايام بلا ما تزيديني حتى نتي اللي فيا كاافيني فاش كانكون انا باغيك انا كنقرب ليك ماكنتسناكش نتي تجي عندي أوكي ببسوسن :شنو هي هاد المشاكل عاود ليا نقدر نعاونك ؟؟ فتح ليا قلبك كيف ديما أصلن هاد نهار حسيت بيك ماشي هو هداك [هزات يديه وحطاتها على قلبها وأضافت ] vas-y كنسمعكيقين شاف فيها مطولا ورد راسو اللور وتنهد صرط ريقو بصعوبة قبل ماينطق و يفتح قلبو ليها ..يقين : فاتن تلاقيتها مع راجلها فالمعرض جاو و شفتهم مع بعضياتهم ماقدرتش كان شاد ليها فيديها و كيقيس فيها انا عارف بلي من حقو ولكن قلبي ما باغيش يعترف بهاد الحق ما زال كنشوفها دياالي وملكي شي حاجة فداخل ديالي مابغاتش تنساها حاولت وحااولت و وااالو عام دابا باش طلقنا ولكن ما فهمتش علاش قلبي ما زال معلق بيها لهاد الدرجة ؟مع كلمة كلمة كتخرج منو ، سوسن كتحس بقلبها كيغلي على نار مهييلة كتحرق فكل ذرة و فكل إنش من جسدها ببطئ قلبها كيطلب النجدة من هاد الالم اللي كيسمم كل عرق كيجري فيه الدم فذاتها قلبها كيتقطع لاشلاء صغييرة ماعارفاش كيفاش توقف هاد الالم ناار الغيرة صعيبة و صعييبة بزااف و لكن ما باليد حيلة اصلن هي عارفاه كيموت على مراتو السابقة "فاتن" ....أما هي مجرد عااهرة بالنسبة ليه فوقتما تشها ينعس مع شي مراة ويحس بروجولتو كيقصدها هي وفاش كيحتاج شي صديق اللي يحكي ليه ويخوي عليه قلبو كيجي عندها أيضا ولكن هي شنو رابحة من غير الالم و المذلة ؟ شحال صعيب يكون حب من طرف واحد و الغريب فالامر انك مستمتع بيه و ماقادرش تنهيه ...دموع تجمعو حول عينيها إلا نزلو غاتفضح وإلا بقاو غاتحرق ولكن كتفضل تحرق ولا يبان أمرها و يتفشى سرها ...يقين ساهي فالفراغ ماعلى بالوش بالالم اللي كيسبب لهاد السيدة كل همو انو يخوي اللي فقلبو و يلقا اللي يسمع ليه ...يقين :ما قلتي والو ؟